Tag: ប៊ុត សីហា

ពិតជាធ្វើឱ្យភ្ញាក់ផ្អើល និងនឹកស្មានមិនដល់ចំពោះអតីតម្ចាស់ពានរង្វាន់ The Voice Cambodia រដូវកាលទី1 គឺលោក ប៊ុត សីហា បានចេញវីដេអូហែកហួរអ្នកជួយជ្រោមជ្រែងលោកក្រោយផ្ទុះរឿងអាស្រូវពាក់ព័ន្ធជាមួយគ្រឿងញៀនពេលថ្មីៗកន្លង ដែលគេបានស្គាល់ថា ជាបងធម៌របស់ សីហា ថែមទៀត។

លោក ប៊ុត សីហា គឺជាអតីតម្ចាស់ពានរង្វាន់ The Voice Cambodia រដូវកាលទី1 បើទោះជាមានបញ្ហាជាបន្តបន្ទាប់យ៉ាងណាក្តី ប៉ុន្តែលោកនៅតែទទួលបានការគាំទ្រយ៉ាងខ្លាំង នៅពេលដែលលោកបានចេញបទចម្រៀងថ្មីម្តងៗ បើទោះជាលោកគ្មានផលិតកម្មក្នុងស្រុកណាត្រូវការក៏ដោយ។ ក្រោយពីលោក បានចាកចេញពីហង្សមាស ហើយមកចូលរួម្នុងផលិតកម្ម មរតក មេឌៀ ដែលបានធ្វើឱ្យលោកមានប្រជាប្រិយជាខ្លាំង តាមរយៈបទមួយដែលមានចំណងជើងថា«គ្មានអ្នកណាកែប្រែចិត្តបងទេ» ដែលមានការជួយចូកជួយចែវពីសំណាក់លោក សុខ លីម​រក្សា ។

ជាមួយគ្នានេះ ស្រាប់តែថ្មីនេះតារាចម្រៀងធ្លាប់មានប្រវត្តិពាក់ព័ន្ធជាមួយគ្រឿងញៀនរូបនេះ បានចេញមុខបកអាក្រាតលោក សុខ លីម​រក្សា ដែលគេដឹងថាជាអ្នកជួយជ្រោមជ្រែងលោក។ តាមរយៈវីដេអូ លោកប៊ុត សីហា បាននិយាយថា លោកលីម​រក្សា ជាមនុស្សចរិកស្រី ហៅលោកទៅថត តែមិនដែលបានលុយទេ មានតែអស់លុយថែម ហើយដោយសារតែសម្តីរបស់លោក លីម​រក្សា បានជាលោកមិនរកផលិតកម្មផ្សេង ហើយនៅជួយមរតក មេឌៀ ឱ្យក្លាយជាផលិតកម្មមួយ។

លោកប៊ុត សីហា ក៏បានអះអាងទៀតថា លោកផ្តាំទៅលោកលឹមរក្សាឱ្យចូលខ្លួនមកនិយាយគ្នា។ ដើម្បីឱ្យកាន់តែជាក់ច្បាស់ សូមទស្សនាវីដេអូខាងក្រោមនេះ ៖

គ្មានអ្នកណាមិនដឹងនោះទេថា ចម្រៀងមួយបទ«តើអ្នកណាកែប្រែចិត្តបង?» គឺជាម្ចាស់សំនៀងដើមរបស់តារាចម្រៀងវ័យក្មេងកញ្ញា សោភា ទេពី។ ចម្រៀងមួយបទនេះ បានក្លាយជាបទផ្ទុះយ៉ាងខ្លាំងក្នុងស្រទាប់មហាជន ក្រោយពីនាងត្រូវបានគេស្គាល់ក្នុងកម្មវិធីCambodian Idol និងមានអ្នកគាំទ្រច្រើន។

បទចម្រៀងមួយបទនេះ​មានចំនួនកើនឡើងដល់ច្រើនលានដង ដែលជាបទយោងតារាចម្រៀង ប៊ុត សីហា ដែលស្ងប់ស្ងាត់ក្រោយមានរឿងអាស្រូវ ឱ្យមានការចាប់អារម្មណ៍ជាថ្មី ក្រោយពីលោកបានច្រៀងឆ្លើយតបនឹងបទផ្ទុះរបស់សោភា ទេពី ដោយដូរចំណងជើងថា”គ្មានអ្នកណាកែចិត្តបងទេ”។ អ្នកគាំទ្របទចម្រៀងនេះ បានលើកឡើងថា ស្ដាប់ដំបូងឡើយ នឹកស្មានតែជាសំនៀងរបស់តារាចម្រៀងស្រី ឈីន តរនៈ ហើយត្រឹមបានដឹងថា បទនេះ ក៏មានជាការបកស្រាយរបស់លោក ប៊ុត សីហា ដូចគ្នាតែប៉ុណ្ណោះ។

យ៉ាងណាក៏ដោយរហូតមកដល់ពេលនេះ ម៉ោងនេះ គេនៅតែកត់សម្គាល់ថាបទចម្រៀង«តើអ្នកណាកប្រចិត្តបង?»របស់ សោភា ទេពី ទទួលបានការគាំទ្រយ៉ាងខ្លាំង ដោយបទចម្រៀងរបស់នាង ក្រៅពីត្រូវគេយកទៅច្រៀងលើឆាកស្ទើរ

មិនសល់តារាចម្រៀងគ្មានបទផ្ទាល់ខ្លួន ក៏ត្រូវគេចាក់បន្លឺយ៉ាងយ៉ាងផុសផុលផងដែរ។

កាន់តែជាក់ច្បាស់ សូមស្ដាប់បទចម្រៀងទាំងពីរខាងក្រោមនេះ ៖

https://youtu.be/ezAKmYqqYRY

ថ្មីៗនេះ លោក ប៊ុត សីហា បានបញ្ចេញវីដេអូចម្រៀងថ្មី ដែលបង្ហាញពីស្នាដៃនិពន្ធបទចម្រៀងនៅលើបណ្ដាញទំនាក់ទំនងសង្គមហ្វេសប៊ុក និងកំពុងទទួលបានការចាប់អារម្មណ៍យ៉ាងសន្ធឹកសន្ធាប់ បើទោះបីជារូបលោកបច្ចប្បន្ននេះមិនទាន់មានផលិតកម្មធំណាចេញបទចម្រៀងឱ្យរូបលោកក៏ដោយ។

ចម្រៀងថ្មីរបស់លោក សីហា មានចំណងជើងថា «គ្មាន​អ្នក​ណាកែចិត្តបងទេ»  ជាបទចម្រៀងរៀបរាប់អំពីប្រវត្តិជីវិតពិតរបស់លោក និងកំហុសឆ្គងចំពោះក្រុមគ្រួសារ។ ហើយបទនេះដែរ ជាការនិពន្ធទំនុកច្រៀងដោយ សុខ លឹមរក្សា សម្រួលតន្ត្រីដោយ លោក អ៊ិច សំណាង បានធ្វើឱ្យបទចម្រៀងនិពន្ធថ្មីមួយនេះមានសម្ទុះខ្លាំងនៅលើបណ្ដាញសង្គម ទោះជាទើបតែបង្ហោះកាលពីថ្ងៃម្សិលមិញនេះក៏ដោយ។ គួរបញ្ជាក់ផងដែរថា លោក ប៊ុត សីហា ក៏កំពុងត្រៀមចេញបទចម្រៀងនិពន្ធថ្មីដែលមានអត្ថន័យអប់រំ និងលើកស្ទួយកិច្ចការសង្គម ជាច្រើនបទបន្ដបន្ទាប់ទៀតដែរ។

ចង់ដឹងថា ការបកស្រាយបទចម្រៀងនិពន្ធថ្មី ពិរោះរណ្ដំយ៉ាងណានោះ កុំឱ្យខាតពេលយូរ សូមទស្សនាវីដេអូខាងក្រោម៖

លោក ប៊ុត សីហា មួយរយៈមកនេះហាក់ទទួលបានការគាំទ្រពីសំណាក់ទស្សនិកជនច្រើនគួរសមឡើងវិញ បន្ទាប់ពីតារាចម្រៀងប្រុសរូបនេះបានកែប្រែកំហុសរបស់ខ្លួនវិញ ក្រោយជួបរឿងអាស្រូវពាក់ព័ន្ធនឹងការប្រើប្រាស់សារធាតុញៀន។ ជាមួយគ្នានេះ បើទោះបីជាពេលកន្លងទៅ លោកធ្លាប់បានធ្វើឱ្យទស្សនិកជនខកចិត្តក៏ដោយ ប៉ុន្តែអ្វីដែលល្អ គឺលោកចេះដឹងខ្លួន កែប្រែកំហុស សាងកេរ្តិ៍ឈ្មោះឡើងវិញ ដែលជាកត្តាមួយធ្វើឱ្យលោកមានអ្នកគាំទ្រជាថ្មីម្តងទៀត ខណៈក្រៅពីបង្ហើរសំនៀងហើយនោះ គេក៏ឃើញវត្តមានរបស់លោកចូលរួមក្នុងកិច្ចការសង្គមសប្បុរសធម៌មួយចំនួនផងដែរ។

រឿងអាស្រូវចាស់ត្រូវបានបញ្ចប់ បច្ចុប្បន្ននេះលោកកំពុងព្យាយាមចូលរួមធ្វើសកម្មភាពសប្បុរសធម៌ជាមួយនឹងកុមារ និងក្មេងៗ ខ្វះខាតជាច្រើននៅតំបន់ដាច់ស្រយាលជាមួយអង្គការ IKARE។ ជាក់ស្តែងកាលពីថ្មីៗនេះ តាមរយៈគណនីហ្វេសប៊ុកមួយដែលមានភាពស្និទ្ធស្នាលជាមួយតារាចម្រៀងអតីតម្ចាស់ពាន The Voice Cambodia រូបនេះបានបង្ហោះវីដេអូមួយ និងបានរៀបរាប់ថា «ថតរូប និងបញ្ជូល MV បទ “កូនខុសហើយម៉ែ” និងថតបទថ្មី 3បទ ចេញថ្ងៃសៅរ៍នេះហើយ បទរបស់សីហា បទថ្មីរបស់គាត់ រង់ចាំទាំងអស់គ្នាណា»។ មើលតាមវីដេអូនេះ លោកប៊ុតសីហា បានខំប្រឹងប្រែងខ្លាំងណាស់ បើទោះជាការច្រៀងនេះមិនដូចជាច្រៀងនៅផលិតកម្មធំៗដូចពេលមុនក្តី ប៉ុន្តែយើងសង្កេតឃើញថា ទឹកមុខរបស់លោកប៊ុតសីហា ពោរពេញដោយភាពរីករាយយ៉ាងខ្លាំង។

គួរជម្រាបថា ប៊ុត សីហា តាមរយៈការបង្ហើរសំនៀងនេះ ទស្សនិកជនបានសង្កេតឃើញថា ទោះខកខានឡើងឆាកចម្រៀងធំៗជាយូរមកហើយក្តី តែទឹកដមសំឡេង និងការដាក់អារម្មណ៍របស់លោកត្រូវមហាជន ពិសេសអ្នកគាំទ្រជាច្រើននៅតែសរសើរមិនដាច់ពីមាត់ថា លោកធ្វើបានល្អ ហើយពួកគេសន្យាថា នឹងធ្វើជាអ្នកគាំទ្រលោកជារៀងរហូត ប្រសិនបើតារារូបនេះ ធ្វើខ្លួនជាមនុស្សល្អក្នុងសង្គម មិនបកក្រោយទៅប្រព្រឹត្តអំពើពាក់ព័ន្ធនឹងគ្រឿងញៀនទៀតនោះ៕

អតីតតារាចម្រៀងនៅក្នុងផលិតកម្មរស្មីហង្សមាស និងម្ចាស់ជយលាភីកម្មវិធីប្រឡងចម្រៀង The Voice Cambodia រដូវកាលទី1 លោក ប៊ុត សីហា ត្រូវបានប្រភពច្បាស់ការណ៍មួយបានទម្លាយឱ្យដឹងថា ខណៈនេះតារាចម្រៀងប្រុសសំឡេងខ្ពស់រូបនេះ ត្រូវបានផលិតកម្មក្នុងស្រុកធំមួយកំពុងតែចាប់អារម្មណ៍ និងផ្ដល់ឱកាសដល់រូបលោកឱ្យចូលច្រៀងហើយ។

ដោយសារតែមានរឿងអាស្រូវពាក់ព័ន្ធជាមួយគ្រឿងញៀនកាលពីប៉ុន្មានខែមុននោះ ធ្វើឱ្យលោក ប៊ុត សីហា ត្រូវបាត់បង់ការងារនៅក្នុងសិល្បៈអស់មួយចំនួនធំ និងថែមទាំងរបូតឱកាសទៅកើបប្រាក់នៅលើទឹកដីប្រទេសមហាអំណាច គឺសហរដ្ឋអាមេរិកទៀតផង។ មិនតែប៉ុណ្ណោះ លោក សីហា នៅត្រូវបានខាងផលិតកម្មហង្សមាសប្រកាសប្រាប់មហាជនជាអ្នកគាំទ្រផលិតកម្មថា បើទោះបីជា សីហា កែខ្លួនល្អឡើងវិញយ៉ាងណាក៏ដោយ ក៏ខាងផលិតកម្មមិនអាចទទួលយករូបលោកឱ្យចូលច្រៀងវិញបានដែរ។ រឿងអាស្រូវទាំងអស់នេះបានធ្វើឱ្យតារាចម្រៀងរូបនេះភ្ញាក់រឭកខ្លួន និងកែប្រែកំហុសឆ្គង ហើយងាកមកចូលរួមជាមួយការងារសង្គមវិញម្ដង ដោយមួយរយៈចុងក្រោយនេះគេសង្កេតឃើញ លោក ប៊ុត សីហា បានធ្វើការ​ចែករំលែក​សេចក្តី​ស្រឡាញ់​ទៅដល់​កុមារៗ​នៅតាម​សហគមន៍ ​ឬ​មណ្ឌលកុមារ​កំព្រា​នានាជាច្រើន​។

ប្រភពដដែលបានបង្ហើបប្រាប់ទៀតថា ទោះបីជា​ពេលនេះ​ត្រូវ​បាន​ផលិតកម្ម​ហង្ស​មាស​បោះបង់ចោល ​និង​ត្រូវ​បាត់បង់​ឱកាស​ការងារ​ច្រៀង​នៅ​តាម​កម្មវិធី​ប្រគំ​តន្ត្រី​នានា​ក៏ពិតមែន​ ប៉ុន្តែ​តារា​ប្រុស​រូបនេះ​ក៏ត្រូវ​បាន​ផលិតកម្ម​ថោ​ន​សម្លឹង​ឃើញ​ និង​ត្រៀម​ចុះកិច្ចសន្យា​ជាមួយ​ផង​ដែរ គ្រាន់តែ​មិនទាន់​ដល់ពេលប៉ុណ្ណោះ។ ប្រភព​ដដែល​បាន​បន្ថែមថា ​មូលហេតុ​ដែល​ភាគី​ថោ​ន​មិនទាន់​បញ្ចេញព័ត៌មាន ​ឬ​ទទួលយក​តារាចម្រៀង​ប្រុស​រូបនេះ​ជា​ផ្លូវការ​នោះ ​គឺ​ទុកពេល​ឱ្យ​លោក ប៊ុត សីហា ចេញមុខ​លើ​ការងារ​សង្គមឱ្យបានច្រើន​តាមរយៈ​សកម្មភាព​មនុស្សធម៌​មួយចំនួន ​ក្នុងន័យ​លុបលាង​កំហុស​របស់ខ្លួន​ឱ្យអស់សិន ​ទើប​ប្រកាស​ទទួលយក​ពេញ​សិទ្ធិតែម្តង​។​

ដើម្បីបញ្ជាក់ឱ្យបានច្បាស់លើបញ្ហាពាក់ព័ន្ធនឹងការសម្រេចចុះកិច្ចសន្យារវាងលោក សីហា ជាមួយផលិតកម្មថោននេះ សារព័ត៌មាន ឡារ៉ែននឹងព្យាយាមទាក់ទងទៅអ្នកគ្រប់គ្រងផលិតកម្មថោន ដើម្បីសុំការអះអាងបន្ថែមទៀតឱ្យកាន់តែជាក់ច្បាស់ ដើម្បីជម្រាបជូនប្រិយមិត្តទស្សនិកជនបន្ថែមទៀតនៅពេលក្រោយ៕

នៅព្រឹកថ្ងៃទី23 ខែឧសភា ឆ្នាំ2018 នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជួបសំណេះសំណាលជាមួយកូនក្មួយដែលជាកម្មករ-កម្មការិនីសរុប 19,949នាក់មកពីរោងចក្រ-សហគ្រាសចំនួន17 នៅក្នុងខេត្តកំពង់ស្ពឺ។

ក្នុងឱកាសជួបសំណេះសំណាលនោះផងដែរ សម្ដេចបានលើកឡើងអំពីតារាចម្រៀង និងសិល្បករដែលមានដើមកំណើតចេញពីខេត្តកំពង់ស្ពឺ រួមទាំងបានមានប្រសាសន៍អំពីករណីតារាចម្រៀង ប៊ុត សីហា ដែលបានពាក់ព័ន្ធជាមួយគ្រឿងញៀនកាលពីពេលកន្លងមកទៀតផង។ សម្ដេច ហ៊ុន សែន មានប្រសាសន៍ថា «អ្នកចម្រៀងក៏មានចេញពីខេត្តកំពង់ស្ពឺ ដែរ… ប៊ុត សីហា អីហ្នឹង។ តែឥឡូវ ប៊ុត សីហា គ្នាកំពុងតែបកស្រាយអីណា…គ្រឿងញៀន…គ្រឿងអីណា…។ ឥឡូវបើសិនជាគ្នាប្រកាសថា មិនពាក់ព័ន្ធគ្រឿងញៀន តើយើងទៅប្រកែប្រកាន់អីគ្នា?។ អារឿងហ្នឹងគឺ វាអ៊ីចឹង…»។

គួរកត់សម្គាល់ផងដែរថា បើទោះបីជាកន្លងមកតារាចម្រៀង ប៊ុត សីហា មានរឿងអាស្រូវពាក់ព័ន្ធជាមួយគ្រឿងញៀនក៏ដោយ ក៏ប៉ុន្ដែដោយសារការទទួលស្គាល់កំហុស និងភាពឱនលំទោន ទទួលយកការណែនាំពីសំណាក់មហាជន និងតារារៀមច្បង បានធ្វើឱ្យលោកកែប្រែកំហុសរបស់ខ្លួន ហើយក៏បានទទួលនូវក្ដីអាណិតស្រឡាញ់គាំទ្រ និងលើកទឹកចិត្តពីសំណាក់មហាជនឡើងវិញដែរ។ ឆ្លើយតបទៅនឹងប្រសាសន៍របស់សម្ដេចនាយករដ្ឋមន្រ្តី តារាចម្រៀង ប៊ុត សីហា នាពេលថ្មីៗនេះ គឺពិតជាទទួលបាននូវក្ដីស្រឡាញ់ជាថ្មី និងការលើកលែងភាពប្រកែប្រកាន់ពីសំណាក់ប្រិយមិត្តគ្រប់រូប ហើយ និងសង្ឃឹមថា នឹងខិតខំកសាងខ្លួន សាងប្រជាប្រិយភាពឡើងវិញ ដើម្បីសងគុណអ្នកម្ដាយឱ្យស័ក្តិសមជាកូនកតញ្ញូ៕

នៅពេលថ្មីនេះ តាមរយៈបណ្ដាញទំនាក់ទំនងសង្គមហ្វេសប៊ុក លោក ប៊ុត សីហា បានមើលឃើញថា មានតារាចម្រៀងប្រុសស្រី​ល្បី​ឈ្មោះ​ជាច្រើន​នឹងបង្ហាញ​វត្តមាន​ក្នុង​កម្មវិធី​ជួប​ជុំសំណេះ​សំណាល​សាក​សួរសុខ​ទុក្ខ និងរួម​គ្នា​ធ្វើ​សកម្មភាព​សង្គម​មួយ​ចំនួនទៀត​ជាមួយ​ក្មេងៗ​នៅសាលា​ដូងស្ថិត​នៅលើ​ភ្នំគិរីរម្យ។ នៅក្នុងនោះលោក ប៊ុត សីហា បានចូលរួមកិច្ចការជាមួយ​អង្គការ IKARE និងក្រោម​ការ​ចូល​រួមស្ម័គ្រ​ចិត្ត និងបរិច្ចាក​ថវិការ​ផ្ទាល់ខ្លួន​ពីសំណាក់​សិល្បករ​ដើម្បីសម្រួល​ទុកលំបាក​របស់​ក្មេងៗ​ដែលរស់​នៅតំបន់​នោះ។

លោក ប៊ុត​ សីហា បានសរសេរប្រកាសប្រាប់មហាជនកាលពីថ្ងៃម្សិលមិញនៅលើហ្វេសប៊ុកខ្លួនថា « សួរស្តីពុកម៉ែបងប្អូន! តោះស្អែកជួបគ្នាម៉ោង7ព្រឹកនៅរង្វង់មូលចោមចៅ ហើយជុំគ្នាចេញតែម្តង។ បងប្អូនមិនបានទៅបើមានអីចូលរួមយកមកខ្ញុំ សីហា ចាំយកទៅ មានទឹកសុទ្ធក៏យកបាយ1ប្រអប់ក៏យក ត្រីខកំប៉ុង មីកញ្ចប់ ត្រីសាច់ សៀវភៅ សម្ភារៈផ្សេងៗ អ្វីក៏ដោយឱ្យតែយកមកខ្ញុំយកទៅចែកក្មេងៗនៅលើភ្នំទាំងអស់។ តោះស៊ែមួយៗជួបគ្នាណាគិរីរម្យស្អែក។ អ្នកណាមានអត់ស្អែកដល់ហើយ ហើយត្រូវការបន្ទះសូឡាជាច្រើនចាំបាច់ណាស់។ អូខេ! កម្មវិធីសប្បុរសធម៌មិនដែលសូវបានធ្វើទេ (លូវចូលរួមជាមួយIKARE ) ម្តងកុំខ្វល់សំខាន់វគ្គសប្បាយហើយ»។

គួបញ្ជាក់ផងដែរថា កម្មវិធីសប្បុរសធម៌នេះសង្កេតឃើញមានតារាចម្រៀងដួងនឹងបង្ហាញ​វត្តមាន ធ្វើការងារ​សង្គម​មួយចំនួន​មាន​ដូចជា លោក ប៊ុត សីហា , លោក ដួង វីរៈសិទ្ធិ, កញ្ញា នាង គន្ធា, លោក នាង សុគន្ធ, លោក យឹម យន ជាដើម។ លោក ប៊ុត សីហា​ បានបញ្ជាក់​លើគណនីយ​ផ្ទាល់ខ្លួន​បន្ថែម ដោយ​ស្នើឲ្យមាន​ការចូល​រួម​ពីសំណាក់​សប្បុរស​ជនដើម្បី​ជួយ​ជាសម្ភារៈ អាហារ ជួយ​ដល់កុមារ​ដែល​កំពុងសិក្សា​នៅ​តំបន់​នោះ និងកំពុង​ប្រឈម​នឹងការ​ខ្វះខាត។ កម្មវិធី​ជួបជុំ​នេះក៏​នឹងធ្វើការ​ប្រមូលថវិកា​ដើម្បីទិញ​ជាផ្ទាំង​បន្ទះសូឡា​សម្រាប់​ផ្គត់ផ្គង់​ចរន្ត​អគ្គីសនី​នៅក្នុង​សាលា​ផងដែរ៕

គ្មាននរណាម្នាក់ដែលមិនមានកំហុសនៅក្នុងជីវិតនោះទេ តែសំខាន់បំផុតគឺការទទួលស្គាល់ពីកំហុសដែលខ្លួនបានប្រព្រឹត្ត និងកែប្រែជីវិតឱ្យដើរលើផ្លូវទៀងត្រង់សុចរិតឡើងវិញ។ តារាចម្រៀង ប៊ុត សីហា ក៏ដូចគ្នានោះដែរ ឱកាសនៅមាន គេនៅស្វាគមន៍លោក អ្នកគាំទ្រទាំងអស់គឺនៅតែមាន ហើយមហាជនក៏លោកចង់ឱ្យ សីហា ក្រោកឈរឡើងវិញជាមួយកម្លាំងចិត្ត និងការប្រព្រឹត្តល្អៗ លែងពាក់ព័ន្ធជាមួយគ្រឿងញៀន។

ជាមួយគ្នានោះដែរ គ្រាន់តែតារាចម្រៀងប្រុសរូបនេះ បានបញ្ចេញបទចម្រៀងនិពន្ធរបស់ខ្លួននៅលើហ្វេសប៊ុក មិនបានប៉ុន្មានផង ក៏សង្កេតឃើញមានសម្ទុះគាំទ្រយ៉ាងខ្លាំងស្រេចទៅហើយ។ បទចម្រៀងនោះមានចំណងជើងថា «កូនខុសហើយម៉ែ» ជាការរៀបរាប់ពីវិប្បដិសារីរបស់ខ្លួនលោកផ្ទាល់ និងបានសន្យាចំពោះម្ដាយថា និងកសាងគ្រួសារឱ្យមានតែស្នាមញញឹមឡើងវិញ មិនឱ្យមានតែទឹកភ្នែកដូចកាលពីមុនទៀតឡើយ។ សារជីវិតទួញសោករបស់តារាប្រុសរូបនេះ បានធ្វើឱ្យមហាជនចាប់អារម្មណ៍តាមដានពីរឿងរ៉ាវកម្សត់ផ្ទាល់របស់លោក ក៏ដូចជាការទាក់យកចិត្តមហាជនឱ្យអាណិតស្រឡាញ់លោកឡើងវិញដូចគ្នាដែរ។

នៅពេលថ្មីៗនេះ លោក ប៊ុត សីហា បានបង្ហោះរូបភាពក្រុមកុមារអត់ឃ្លានមួយ និងបានសរសេររៀបរាប់ពីការតាំងជំហរចិត្តឡើងវិញ ព្រមទាំងផ្ដល់ការសន្យាថា «ពេលខ្លះមើលខ្លួនឯង ហាក់កម្សត់សឹងតែផ្តើមមកពីការឈឺចាប់ ប្រឹងប្រែងទម្រាំតែបានថ្ងៃមួយល្អ ហើយក៏ធ្លាក់ទៅដល់ចំណុចសូន្យវិញ និងអស់ជំនឿលែងចង់បន្តរស់។ តែបើមើលទៅមនុស្សជុំវិញយើងវិញ ហាក់ខុសឆ្ងាយពីពួកយើងណាស់ រកតែបាយចម្អែតក្រពះសឹងមិនបានផង តែពួកគេនៅតែចង់រស់បន្ត(មនុស្សគិតខុសគ្នា)។ បងសូមសន្យានឹងប្អូនៗថា បើបងមានឱកាស ឬក៏បានប្រសើរជាងនេះបន្តិច បងនឹងទៅជួបប្អូនៗនិងច្រៀងលេងជាមួយប្អូនៗម្តងទៀត កន្លងមកបងបានធ្វើវាបានតិចតួចណាស់ តែពីថ្ងៃនេះទៅបងនឹងធ្វើវាឱ្យបានច្រើនជាងនេះ បងសន្យា»៕

https://www.youtube.com/watch?v=ExzpkrZmgpU

ថ្មីៗនេះ លោក ប៊ុត សីហា បានបញ្ចេញវីដេអូចម្រៀងខ្លីៗ ដែលបង្ហាញពីស្នាដៃនិពន្ធបទចម្រៀងថ្មីរបស់លោក នៅលើបណ្ដាញទំនាក់ទំនងសង្គមហ្វេសប៊ុក ដែលទទួលបានការគាំទ្រយ៉ាងភ្លូកទឹកភ្លូកដី រហូតដល់អ្នកគាំទ្រជាច្រើនរបស់លោកបានស្រមៃទន្ទឹងចាំនូវការកែខ្លួន និងការខិតខំប្រឹងប្រែងសាងប្រជាប្រិយភាពឡើងវិញ។

ជឿថាមនុស្សម្នាក់ៗរមែងមានការប្រព្រឹត្តខុសជារឿងធម្មតា តែអ្វីដែលសំខាន់នោះគឺ ការទទួលស្គាល់កំហុសហើយមានការកែប្រែឡើងវិញ ដោយសាងភាពទុកចិត្ត និងភាពស្មោះត្រង់ដល់គាំទ្រឱ្យនៅតែអាណិតស្រឡាញ់ដូចដើម។ នៅក្នុងនោះ លោក ហេង នរៈកក្កដា ជាតារាសម្ដែង និងពិធីករ បានសម្ដែងការចាប់អារម្មណ៍ចំពោះតារាចម្រៀង ប៊ុត សីហា ថា «ពេលមានឱកាសរកលុយ សីហាគិតតែសប្បាយរីករាយ មិនចេះថែរក្សាតម្លៃការងារ បើខ្ញុំមានឱកាសដូចសីហាវិញ ខ្ញុំមិនដឹងជាសប្បាយចិត្តយ៉ាងណាទេ។ ទី១ ខ្ញុំអាចរកលុយបានច្រើន ទី២ សីហាប្រឡងជាប់ក្នុងកម្មវិធីលំដាប់ពិភពលោក ទី៣ សីហាជាតារាល្បី។ បើពេលនេះសីហាភ្ញាក់ខ្លួន និងកែខ្លួន ខ្ញុំនឹងនៅតែគាំទ្រសីហា 100% ព្រោះកើតមកគ្មានអ្នកណាម្នាក់មិនចេះខុសនោះទេ សំខាន់យើងខុសហើយ តែយើងចេះកែខ្លួន»។

គួរបញ្ជាក់ផងដែរថា បើទោះបីជា លោក ប៊ុត សីហា ធ្លាប់បានប្រព្រឹត្តខុសម្ដង បង្ករឿងអាស្រូវសម្លាប់ប្រជាប្រិយភាពខ្លួនឯងក៏ពិតមែន តែសង្ឃឹមថា ប្រិយមិត្តទាំងអស់គ្នានឹងអភ័យទោសចំពោះរូបលោក ផ្ដល់ឱកាសថ្មីសម្រាប់លោកជាថ្មីម្ដងទៀត។ តើអ្នកទាំងអស់យល់ឃើញបែបណាដែរ ?៕

ក្រោយពីស្ងប់ស្ងាត់រឿងអាស្រូវពាក់ព័ន្ធជាមួយគ្រឿងញៀនមួយរយៈពេលមក តារាចម្រៀងប្រុសលោក ប៊ុត សីហា បានរៀបចំបង្កើតបទចម្រៀងនិពន្ធថ្មី ដែលជាស្នាដៃរបស់លោកផ្ទាល់ ជូនប្រិយមិត្តអ្នកគាំទ្រលោកបានស្ដាប់ និងយល់ពីអារម្មណ៍របស់លោក បន្ទាប់ពីកើតមានរឿងមិនល្អកន្លងមក។

ម្ចាស់កម្មវិធីប្រលងចម្រៀង The Voice Cambodia រដូវកាលទី 1 រូបនេះ មិនបានបញ្ជាក់ប្រាប់ពីចំណងជើងនៃបទចម្រៀងនៅឡើយ តែបើតាមការស្ដាប់ពីអត្ថន័យចម្រៀងខ្លីៗនៅក្នុងវីដេអូដែលលោកបានបង្ហោះនោះ បានសឱ្យដឹងថា ជីវិតរបស់លោកមានវិប្បដិសារីយ៉ាងខ្លាំង ដែលបានប្រព្រឹត្តចំពោះអ្នកមានគុណ ហើយលោកបានពោលសុំទោសចំពោះអ្នកម្ដាយ និងវិញ្ញាណក្ខន្ធរបស់លោកឪពុកដែលបានចែកឋានទៅហើយ។ លោក សីហា បានសរសេរខ្លីៗមួយ ប្រាប់ទៅអ្នកគាំទ្រលោកថា « នេះជាបទរបស់ខ្ញុំបាទទំនុកថ្មីតែ….អីចឹងពេលហើយអស់ខ្ញុំនិងផុសឲ្យពេញ ហើយនិងថត MV ពីបទនេះ។ ៥ថ្ងៃទៀតទើបខ្ញុំអាចចេញបទថ្មីភ្លេងស្នាដៃថ្មី អីចឹងជួយគ្រាំទ្រផងពុកម៉ែបងប្អូន។ ខ្ញុំចេញកំដរបងប្អូនស្តាប់កម្សន្តគ្រាន់និងនឹកខ្ញុំ »។

គួរកត់សម្គាល់ផងដែរថា វីដេអូចម្រៀងខ្លីនេះ បង្ហោះមិនទាន់បានប៉ុន្មានផង ក៏មានសន្ទុះអ្នកទស្សនាដល់ទៅ 18 ពាន់នាក់ទៅហើយ នេះក៏ជាទឹកចិត្តមួយធ្វើឲ្យតារាចម្រៀងប្រុសរូបនេះមានកម្លាំងចិត្តនិងតស៊ូឡើងវិញមិនអស់សង្ឃឹមដូចមុន។ អ្នកគាំទ្រជាច្រើននាក់ ភាគច្រើនសុទ្ធតែពោលពាក្យលើកទឹកចិត្ត សីហា ថា « មិនអីទេ idol ត្រូវតស៊ូបន្តទៀតណា កុំចុះចាញ់និងបញ្ហា ព្រោះបញ្ហាជាឱកាសមួយ ដែលអាចធ្វើឲ្យយើងឈ្ពោះទៅរកភាពជោគជ័យបាន ស៊ូៗ..»។

គួររំឭកផងដែរថា នៅគ្រាកើតរឿងពាក់ព័ន្ធជាមួយករណីគ្រឿងញៀន រឿងអាស្រូវនេះបានធ្វើឱ្យប្រជាប្រិយភាពរបស់លោកធ្លាក់ចុះជាខ្លាំង ហើយបាត់បង់ឱកាសទៅសម្ដែងនៅឯសហរដ្ឋអាមេរិក ដោយស្ថានទូត​អាមេរិកប្រចាំប្រទេសកម្ពុជាដើម្បីស្នើសុំទិដ្ឋាការ (Visa) ទៅសម្ដែងនៅនោះតែម្ដង។ រីឯខាងផលិតកម្មហង្សមាសវិញ ក៏បានប្រកាសនិងអះអាងដែលថា ខាងផលិតកម្មមិនអាចទទួលយករូបលោកឱ្យច្រៀងក្នុងផលិតកម្មបន្ដទៀតបានទេ៕