Tag: ធនាគារ

ផ្ទេរប្រាក់ជុំវិញពិភពលោក ជាមួយកម្រៃសេវាទាប និងចំណេញច្រើន ជាមួយធនាគារ CIMB
ភ្នំពេញ៖ ឥឡូវនេះ ធនាគារ ស៊ីអាយអិមប៊ី ភីអិលស៊ី (ធនាគារ CIMB) ដែលជាក្រុមហ៊ុនបុត្រសម្ព័ន្ធរបស់ស៊ីអាយអិមប៊ី គ្រុប (CIMB Group) មានផ្តល់ជូនកម្មវិធីពិសេស គឺសេវាផ្ទេរប្រាក់ទៅក្រៅប្រទេស ជុំវិញពិភពលោក ជាមួយតម្លៃទាបត្រឹមតែ 18ដុល្លារអាមេរិកប៉ុណ្ណោះ។ ហើយទាំងអ្នកដែលជាអតិថិជន និងមិនមែនអតិថិជនរបស់ធនាគារ CIMB គឺអាចផ្ញើប្រាក់បានរហូតដល់ 10,000ដុល្លារអាមេរិក ទៅតាមរូបិយប័ណ្ណផ្សេងៗគ្នា រួមទាំងអត្រាប្តូរប្រាក់ដ៏ប្រកួតប្រជែងផងដែរ។ កម្មវិធីផ្តល់ជូនពិសេសនេះ គឺដើម្បីបំពេញតម្រូវការកើនឡើងរបស់អតិថិជន សម្រាប់សេវាផ្ទេរប្រាក់ទៅក្រៅប្រទេស។
លោកស្រី ហេង ធីតា នាយកហិរញ្ញវត្ថុបុគ្គលរបស់ធនាគារ CIMB មានប្រសាសន៍ថា៖ «ពីមួយឆ្នាំ ទៅមួយឆ្នាំ សេវាផ្ទេរប្រាក់ទៅក្រៅប្រទេសរបស់ធនាគារ CIMB មានការកើនឡើងគួរឲ្យកត់សម្គាល់។ ជាក់ស្តែង សេវាផ្ទេរប្រាក់ទៅក្រៅប្រទេសរបស់ធនាគារ CIMB បានកើនឡើងនៅក្នុងឆ្នាំ2016 ដែលស្មើនឹងកំណើន 22% បើធៀបនឹងឆ្នាំ2015។ ដូច្នេះដើម្បីលើកទឹកចិត្តដល់ការគាំទ្ររបស់អតិថិជន ធនាគារ CIMB បានបង្កើតនូវកម្មវិធីពិសេសនេះ ដោយផ្តល់ជូនអតិថិជននូវការផ្ទេរប្រាក់ទៅក្រៅប្រទេស ក្នុងអត្រាតម្លៃទាប ត្រឹមតែ 18ដុល្លារប៉ុណ្ណោះ»។
ស្របពេលតម្រូវការសេវាកម្មផ្ទេរប្រាក់ ទៅក្រៅប្រទេស មានការកើនឡើងគួរឲ្យកត់សម្គាល់ អតិថិជនមួយចំនួនតែងតែមានការព្រួយបារម្ភ ចំពោះការផ្ទេរប្រាក់ទៅក្រៅប្រទេស ដោយសារគិតទៅលើបញ្ហាសុវត្ថិភាពនៃទឹកប្រាក់ និងការចរាចរណ៍ប្រាក់ឆ្លងប្រទេស ទោះបីជាមានភ្ញាក់ងារជាច្រើន ដែលកំពុងផ្តល់សេវាផ្ទេរប្រាក់ទៅក្រៅប្រទេសក៏ដោយ។ ដូច្នេះវាគឺចាំបាច់ណាស់ ក្នុងការជ្រើសរើសភ្ញាក់ងារផ្ទេរប្រាក់ណា ដែលផ្តល់នូវទំនុកចិត្តខ្ពស់ និងអត្ថប្រយោជន៍ល្អប្រសើរ។
ជាមួយគ្នានេះ លោកស្រី បានបញ្ជាក់ផងដែរថា៖ បើធៀបនឹងភ្ញាក់ងារផ្ទេរប្រាក់ដទៃទៀត ធនាគារ CIMB ដែលជាធនាគារអន្តរជាតិឈានមុខគេ ក្នុងប្រទេសកម្ពុជា គឺជាជម្រើសដ៏ល្អបំផុតមួយរបស់អតិថិជន។ យើងធានានូវសេវាកម្មផ្ទេរប្រាក់ទៅក្រៅប្រទេសដ៏ល្អប្រសើរ ឆាប់រហ័ស ប្រកបដោយទំនុកចិត្ត តាមរយៈបណ្តាញសាខា និងដៃគូធនាគាររបស់យើង នៅជុំវិញតំបន់អាស៊ាន និងពិភពលោក ហើយជាពិសេសទៀតនោះ គឺយើងផ្តល់នូវអត្រាប្តូរប្រាក់ល្អបំផុតមួយ ទៅតាមរូបិយប័ណ្ណផ្សេងៗ ដែលជួយឲ្យលោកអ្នកចំណេញបានកាន់តែច្រើន។
ចាប់ពីថ្ងៃនេះ រហូតដល់ចុងខែសីហា ឆ្នាំ២០១៧ លោកអ្នកអាចរីករាយនឹងការបញ្ជូនប្រាក់របស់អ្នក ជាមួយនឹងវិធីសាស្រ្តនៃការផ្ទេរប្រាក់ដ៏ឆាប់រហ័ស និងមានសុវត្ថិភាព ទៅកាន់ដៃគូពាណិជ្ជកម្ម បុត្រធីតាសម្រាប់ការបង់ថ្លៃសិក្សា និងអ្នកគ្រប់គ្នា នៅក្រៅប្រទេស ជុំវិញពិភពលោក ប្រកបដោយសុវត្ថិភាពខ្ពស់ និងរហ័សទាន់ចិត្ត តាមរយៈសាខាក្រៅប្រទេស និងបណ្តាញដៃគូធនាគារជាច្រើន។
សម្រាប់ព័ត៌មានបន្ថែម សូមទំនាក់ទំនងមកកាន់លេខ +855 (០) 23 988 388 ចូលទៅកាន់គេហទំព័រ www.cimbbank.com.kh ឬអញ្ចើញទៅកាន់សាខាណាមួយរបស់ធនាគារ CIMB៕
June 23, 2017
ចម ប្រសិទ្ធ៖ ADB កំពុងជួយទំនប់បម្រុងលើវិស័យទឹកស្អាតនៅតាមជនបទ
ធនាគារអភិវឌ្ឍន៍អាស៊ីប្រចាំកម្ពុជា (ADB) កំពុងផ្ដោតការយកចិត្តទុកដាក់លើវិស័យទឹកស្អាតនៅប្រទេសកម្ពុជា ដោយបានអនុវត្ត និងដាក់គម្រោងនានា ទាក់ទងនឹងវិស័យផ្គត់ផ្គង់ទឹកស្អាត។ ការឱ្យដឹងនេះ បន្ទាប់ពីរដ្ឋមន្ត្រីក្រសួងឧស្សាហកម្ម និងសិប្បកម្ម ជួបជាមួយប្រធានធនាគារអភិវឌ្ឍអាស៊ីប្រចាំកម្ពុជា កាលពីពេលថ្មីៗនេះ។
លោក Samiuela Tukuafu ប្រធានធនាគារអភិវឌ្ឍអាស៊ីប្រចាំកម្ពុជាបានឱ្យដឹងថា ADB បានដាក់ផែនការកម្មវិធីក្នុងប្រទេសកម្ពុជារួមមាន៖ ឆ្នាំ 2017 គ្រោងនឹងចុះកិច្ចព្រមព្រៀងឥណទានសម្បទានសម្រាប់គម្រោងទឹក ស្អាត និងអនាម័យខេត្ត ដែលមានទំហំថវិកាឥណទានរបស់ ADB ចំនួន 50លានដុល្លារអាមេរិក និងឆ្នាំ 2017 ធ្វើគម្រោងអភិវឌ្ឍដៃគូរវាងរដ្ឋ និងឯកជន (PPP)។
លោក Samiuela Tukuafu ប្រធានធនាគារអភិវឌ្ឍអាស៊ីប្រចាំកម្ពុជា
សម្រាប់ឆ្នាំ 2018 យើងនឹងដាក់គម្រោងជំនួយបច្ចេកទេស ដែលមានថវិកាជាជំនួយឥតសំណងប្រមាណ 1,5 លានដុល្លារអាមេរិក ដើម្បីសិក្សារៀបចំគម្រោងទឹកស្អាត និងអនាម័យដំណាក់កាលទី2។ ឆ្នាំ 2020 យើងគ្រោងនឹងអនុម័តគម្រោងទឹកស្អាត និងអនាម័យខេត្តជំហ៊ានទី2 ដែលមានថវិការបស់ ADB ចំនួន 50លានដុល្លារអាមេរិកទៀត។
ឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្មកម្ពុជា បានឱ្យដឹងដែរថា គម្រោងទាំងនេះ ក្រសួងឧស្សាហកម្ម និងសិប្បកម្ម កំពុងអនុវត្ត និងរៀបចំបណ្តាគម្រោងនានា ដែលគ្រោងស្នើសុំនាពេលអនាគត ទាក់ទងនឹងវិស័យផ្គត់ផ្គង់ទឹកស្អាតនៅកម្ពុជា។
ឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម
ឯកឧត្តមបានសាទរគម្រោងបេសកកម្មកម្មវិធីរបស់ធនាគារអភិវឌ្ឍន៍អាស៊ី ADB និងស្នើឱ្យ ADB ផ្តល់សារៈសំខាន់ ចំពោះគម្រោងអភិវឌ្ឃន៍ជាអាទិភាពមួយចំនួនរួមមាន៖ រោងចក្រទឹកស្អាតនៅខេត្តស្ទឹងត្រែង ដែលបច្ចុប្បន្ននៅប្រើបំពង់បណ្តាញចាស់តាំងពីជំនាន់បារាំង កំពុងមានបញ្ហាធ្លាយលេចជាច្រើនកន្លែង ដែលតម្រូវឱ្យមានការផ្លាស់ប្តូរថ្មី និងកែតម្រូវប្រព័ន្ធដទៃទៀត។
គម្រោងផ្គត់ផ្គង់ពង្រីកវិសាលភាពទឹកស្អាត នៅក្រុងបាវិត ខេត្តស្វាយរៀង ដែលជាទីប្រជុំជនជាប់ព្រំដែន មានសកម្មភាពពាណិជ្ជកម្មមមាញឹក ជាពិសេសជាតំបន់សេដ្ឋកិច្ចពិសេស ប្រមូលផ្តុំដោយរោងចក្រ សហគ្រាស និងកម្មករ និងគម្រោងពង្រីកសេវាគ្របដណ្តប់បណ្តាញផ្គត់ផ្គង់ទឹកស្អាត នៅខេត្តសៀមរាប ដែលជាខេត្តគោលដៅទេសចរណ៍ដ៏សំខាន់របស់ពិភពលោក៕
April 26, 2017
អេស៊ីលីដា រំពឹងទទួលបានអតិថិជន 2លាននាក់ ប្រើប្រាស់សេវា «អេស៊ីលីដាយូនីធី ទាន់ចិត្ដ»
ដើម្បីជួយសម្រួលដល់អតិថិជនឱ្យកាន់តែមានភាពងាយស្រួល និងកាត់បន្ថយការចំណាយនានា ធនាគាអេស៊ីលីដា ភីអិលស៊ី បានបង្កើតសេវាថ្មីមួយទៀតឈ្មោះថា “អេស៊ីលីដាយូនីធីទាន់ចិត្ដ។ ជាមួយការបង្កើតថ្មីថ្នាក់ដឹកនាំនៃធនាគាររំពឹងថា នឹងអាចទទួលបានអតិថិជនប្រើប្រាស់សេវានេះ 2លាននាក់ក្នុង រយៈ5ឆ្នាំ។
លោកបណ្ឌិត អ៊ិន ចាន់នី ប្រធាននាយកប្រតិបត្ដិធនាគារអេស៊ីលីដា ភីអិលស៊ី បានលើកឡើងថា៖ កាលពីឆ្នាំ 2010 កន្លងទៅនេះ ធនាគារបានបង្កើតសេវាកម្មអេស៊ីលីដាយូនីធី ដើម្បីដាក់ឱ្យអតិថិជនប្រើប្រាស់។ យើងសង្កេតឃើញថា សន្ទុះនៃអ្នកប្រើប្រាស់រហូតមកដល់ពេលបច្ចុប្បន្នបានកើនដល់រង្វង់ 30ម៉ឺននាក់ព្រោះអតិថិជនត្រូវធ្វើដំណើរមកសាខា និងមានការគិតតម្លៃសេវាកម្មថែមទៀតផង។ ដូច្នេះទើបយើងបង្កើតសេវាកម្មថ្មីមួយទៀតដែលប្រើប្រាស់បច្ចេកវិទ្យាអេឡិចត្រូនិកយ៉ាងទំនើបដែលអភិវឌ្ឍន៍ដោយវិស្វករជំនាញទទួលការបណ្ដុះបណ្ដាលក្នុងស្រុក និងបរទេស ដើម្បីផ្ដល់ភាពស្រួល និងកាត់បន្ថយការចំណាយនានារបស់អតិថិជន។
អ្វីដែលខុសគ្នាជាមួយអេស៊ីលីដាយូនីធី និងសេវាអេស៊ីលីដា យូនីធីទាន់ចិត្ដ គឺអតិថិជនមិនចាំបាច់ធ្វើដំណើរទៅកាន់ការិយាល័យ ឬសាខាអេស៊ីលីដាដើម្បីចុះបញ្ជីតភា្ជប់ដូចមុនទៀតឡើយ ព្រោះសេវានេះត្រូវបានអភិវឌ្ឍន៍ដោយប្រើបចេ្ចកវិទ្យាទំនើប គ្រាន់តែធ្វើការចុះឈ្មោះនៅលើទូរស័ព្ទស្មាតហ្វូនតែប៉ុណ្ណោះ។ ដើម្បីចុះឈ្មោះតភ្ជាប់បណ្ដាញក្នុងការប្រើប្រាស់អតិថិជនអាចដោនឡូត និងទាញយកមកប្រើប្រាស់បានជាមួយកម្មវិធី App Store និង Play Store ពោលគឺអតិថិជនអាចធ្វើការចុះឈ្មោះប្រើប្រាស់សេវានេះដោយខ្លួនឯងបានយ៉ាងភាពងាយស្រួល។
» របៀបអនុវត្តប្រើកម្មវិធីអេស៊ីលីដាយូនីធីទាន់ចិត្ត
ប្រធាននាយកប្រតិបត្ដិធនាគារអេស៊ីលីដា ភីអិលស៊ី បានបន្ថែមថា៖ តាមរយៈការបង្កើតសេវាអេស៊ីលីដាយូនីធី ទាន់ចិត្ដយើងមានជំនឿចិត្ដថា នឹងទទួលបានអតិថិជនប្រើប្រាស់ក្នុងរង្វង់ 2លាននាក់ ក្នុងរយៈពេល5ឆ្នាំខាងមុខ ព្រោះយើងផ្អែកលើអតិថិជនសកម្មរបស់ដែលកំពុងតែប្រើប្រាស់សេវាកម្មនៅក្នុងធនាគារយើងស្រាប់។ ម្យ៉ាងសេវាកម្មអេស៊ីលីដាយូនីធី ដែលយើងបានបង្កើតកាលពីពេលមុនសម្រាប់អតិថិជន លុះត្រាតែអ្នកមានជីវភាពធូធារបន្ដិចទើបអាចប្រើតភ្ជាប់បាន ប៉ុន្ដែចំពោះអេស៊ីលីដា យូនីធីទាន់ចិត្ដ គឺផ្ដោតលើប្រជាជនទូទៅគ្រប់មជ្ឈដ្ឋានទាំងអស់ មិនថាអ្នកមានចំណូលខ្ពស់ មធ្យម ឬ ចំណូលទាបនោះទេគឺពួកគាត់អាចតភ្ជាប់ដើម្បីប្រើប្រាស់បានដូចគ្នា។ អ្វីដែលសំខាន់ជាងនេះគឺការប្រើប្រាស់សេវាកម្មនេះធនាគារយើងពុំបានគិតទៅលើតម្លៃសេវាក្នុងការប្រតិបត្ដិការឡើយ។
ក្នុងការប្រតិបត្ដិការក្នុងសេវាកម្មនេះក៏មានដាក់ព័ត៌មានលម្អិតជុំវិញការចុះឈ្មោះ ការប្រើប្រាស់ និងសំណួរចំលើយ ដើម្បីបង្កភាពងាយស្រួលដល់អតិថិជនដែលក្នុងនោះមានទាំងភាសាអង់គ្លេស និងភាសាខ្មែរថែមទៀតផង។ពិសេសធនាគារបានត្រៀមបុគ្គលិកជាង1ម៉ឺននាក់រងចាំងបម្រើដល់អតិថិជនដោយមិនគិតថ្លៃ ដើម្បីជួយពន្យល់ណែនាំពីការតភ្ជាប់ និងការទាញយក ព្រមទាំងរបៀបនៃការប្រើប្រាស់សេវាយូនីធីទាន់ចិត្ដនេះ។ ក្នុងករណីដែលអតិថិជនមានចម្ងល់អាចទំនាក់ទំនងមកកាន់បុគ្គលិកអេស៊ីលីដា ដែលនៅជិតលោកអ្នក ឬសាខាទាំង260 ឬតាមរយៈខលសេនធើរដែលបម្រើការ 24ម៉ោង៕
April 26, 2017
ធនាគារ BIDC ប្រគល់រង្វាន់ជូនអតិថិជនរបស់ខ្លួន គិតជាទឹកប្រាក់ប្រមាណ 42000ដុល្លារ
ធនាគារវិនិយោគ និងអភិវឌ្ឍន៍កម្ពុជា ភីអិលស៊ី ហៅកាត់ថា BIDC ប្រគល់រង្វាន់ចំនួន 20រង្វាន់ជូនអតិថិជនរបស់ ខ្លួន ដោយមានម្ចាស់រង្វាន់ចំនួន 12រូប ក្នុងនោះអតិថិជនដែលមានសំណាងជាងគេបានឈ្នះរថយន្ត Ford Fiesta មួយគ្រឿង ដែលមានតម្លៃប្រមាណ 30000ដុល្លារ។
ការផ្ដល់រង្វាន់នេះ បន្ទាប់ពីអតិថិជនបានដាក់ប្រាក់សន្សំជាមួយនឹងធនាគារ BIDC ក្នុង «កម្មវិធីដាក់ប្រាក់សន្សំឈ្នះរង្វាន់ធំ» ជាមួយគ្នានេះ រង្វាន់រួមមាន៖ រថយន្ត Ford Fiesta 2016 មួយរង្វាន់ ម៉ូតូ Honda Click 125i មួយ រង្វាន់ ទូរស័ព្ទ iPhone 8 Plus 128G ៣រង្វាន់ ទូរទស្សន៍ Samsung UHD Smart TV 43 ៥រង្វាន់ និងទូរទឹកក ក HITACHI 293L INVERTER ចំនួន 10គ្រឿង ដែលមានទឹកប្រាក់សរុបប្រមាណ 42000ដុល្លារអាមេរិក។
តំណាងធនាគារ BIDC ប្រចាំនៅកម្ពុជាបានលើកឡើងថា BIDC បានរៀបចំកម្មវិធីដាក់ប្រាក់សន្សំឈ្នះរង្វាន់ធំ (Save to Win Big Prize) ដែលផ្ដល់ជូននូវអត្រាការប្រាក់បញ្ញលខ្ពស់រហូតដល់ 5.75% និងមានរង្វាន់សរុបគិតជាទឹកប្រាក់ប្រមាណ 42000ដុល្លារអាមេរិក។
លោកបន្តថា ជាមួយនឹងលក្ខណៈពិសេស ដែលទាក់ទាញចំណាប់អារម្មណ៍ខ្លាំងពីអតិថិជននោះគឺ អតិថិជនគ្រាន់ តែមកដាក់ប្រាក់បញ្ញើមានកាលកំណត់ចាប់ពី 300ដុល្លារឡើងទៅ នឹងទទួលបានលេខកូដផ្សងសំណាងចំនួន1 ដើម្បីចូលរួមចាប់ឆ្នោតផ្សងសំណាងយករង្វាន់ពីកម្មវិធីដាក់ប្រាក់សន្សំឈ្នះរង្វាន់ធំ។
បើគិតត្រឹមចុងឆ្នាំ 2016 នេះ ធនាគារ BIDC មានទ្រព្យសកម្មសរុប 727លានដុល្លារអាមេរិក ចលនាទុនសរុប 605 លានដុល្លារ និងឥណទានសរុប 510លានដុល្លារផងដែរ៕
April 26, 2017