ឌីជីថល - La Reine Media

តម្លៃ Bitcoin ហក់ឡើងលើសពី 40,000 ដុល្លារ/Bitcoin

December 4, 2023 by សឿន សំណាង

នៅវេលាម៉ោងប្រហែល 8 កន្លះ តម្លៃនៃរូបិយប័ណ្ណឌីជីថលគ្រីស្តូធំបំផុតលើពិភពលោក បានហក់ឡើងជិតដល់ 40,800 ដុល្លារអាម៉េរិក ក្នុងមួយ Bitcoin ដែលនេះគឺជាកម្រិតខ្ពស់បំផុតរាប់ចាប់តាំងពីខែមេសា ឆ្នាំ 2022។ វេលាទៀបភ្លឺថ្ងៃនេះ Bitcoin បានឡើងថ្លៃរហូតដល់ 40,000 ដុល្លារ/Bitcoin។ ប្រហែល 20 នាទីក្រោយមក រូបិយប័ណ្ណឌីជីថល់គ្រីបស្តូនេះក៏បន្តឡើងថ្លៃ 100 ដុល្លារទៀត នៅមុនពេលធ្លាក់ចុះ។ ក៏ប៉ុន្តែ បន្ទាប់មក វាក៏ហក់ឡើងដល់ជាង 40,200 ដុល្លារ។ ប្រហែលម៉ោង 8 កន្លះ Bitcoin បន្តឡើងថ្លៃជិតដល់ 40,800 ដុល្លារអាម៉េរិក និងនៅរសៀលនេះ វាក៏លោតឡើងជិតដល់ 41,700 ដុល្លារ ពោលគឺកើនជិត 1,000 ដុល្លារ បើធៀបនឹងតម្លៃបិទទ្វារកាលពីម្សិលមិញ។ បច្ចុប្បន្ន Bitcoin មានតម្លៃខ្ពស់ជាងទ្វេដង បើធៀបនឹងតម្លៃកាលពីដើមឆ្នាំ។ នេះក៏ជាតម្លៃខ្ពស់បំផុតរាប់ចាប់តាំងពីចុងខែមេសា ឆ្នាំ 2022 ពោលគឺកាលពីជិត 20 ខែមុន។ តម្លៃរបស់រូបិយប័ណ្ណឌីជីថលគ្រីបស្តូដទៃ … Read more

Ford Territory ទទួលបានពានរង្វាន់ជារថយន្ត Compact SUV ដែលល្អបំផុតប្រចាំឆ្នាំ ២០២៣

December 23, 2023November 30, 2023 by សឿន សំណាង

[ភ្នំពេញ – ថ្ងៃទី ២៩ ខែវិច្ឆិកា ឆ្នាំ២០២៣] ថ្មីៗនេះរថយន្ត Next-Generation Ford Territory បានទទួលពានរង្វាន់ជារថយន្ត Compact SUV ដែលល្អបំផុតប្រចាំឆ្នាំ ២០២៣ បន្ទាប់ពីត្រូវបានឆ្លងកាត់ការវាយតម្លៃយ៉ាងម៉ត់ច៉ត់លើគ្រប់ផ្នែកនៃរថយន្តទាំងអស់ក្នុងទីផ្សារប្រទេសភីលីពីនដែលរួមមាន៖ ការវាយតម្លៃលើកម្លាំងនិងសមត្ថភាពរបស់រថយន្តជារួម ការរចនា/រូបរាង មុខងារ/ស្តង់ដាររបស់រថយន្ត ផាសុកភាព សុវត្ថិភាព ប្រសិទ្ធភាព គុណភាព កញ្ចប់សេវាធានា សេវាថែទាំយានយន្ត និងការគាំទ្រពីសំណាក់អតិថិជនជាដើម។ គួរបញ្ជាក់ផងដែរថា រថយន្ត Next-Generation Ford Territory បានត្រឡប់មកជាថ្មីម្តងទៀតក្នុងតំណែងជារថយន្ត Compact SUV ដែលលក់ដាច់បំផុត ជាពិសេសក្នុងទីផ្សារប្រទេស ភីលីពីន។ អ្វីដែលគួរអោយភ្ញាក់ផ្អើលបំផុតនោះគឺ ត្រឹមតែរយៈពេល ៥ ខែប៉ុណ្ណោះ បន្ទាប់ពីពិធីសម្ពោធជាផ្លូវការនៅឯពិព័រណ៍រថយន្តអន្តរជាតិ Manila International Auto Show (MIAS) ក្នុងខែមេសា រថយន្ត Ford Territory ត្រូវបានលក់ដាច់អស់ដល់ទៅ ៥០០០ គ្រឿងឯណោះ! ដែលនាំឱ្យចំនួនលក់សរុបកើនឡើងដល់ជាង … Read more

អត្រាអ្នកប្រើប្រាស់បញ្ញាសិប្បនិម្មិត ChatGPT ថយចុះគួរឱ្យកត់សម្គាល់

June 9, 2023 by សឿន សំណាង

យោងតាមការស្រាវជ្រាវរបស់ Morgan Stanley បណ្ដា chatbot AI ដូចជា ChatGPT ឬ Google Bard ជាដើម កំពុងតែមានអត្រាអ្នកប្រើប្រាស់ទាបគួរឱ្យភ្ញាក់ផ្អើល។ ចាប់តាំងពីខែធ្នូ 2022 ChatGPT បានបង្ក «ព្យុះភ្លៀង» ទូទាំងសកលលោក ដោយមានអ្នកប្រើប្រាស់ជាងមួយលាននាក់ចុះឈ្មោះបន្ទាប់ពីបង្ហាញវត្តមានបានមួយសប្ដាហ៍ និងឡើងលើសពី 100 លាននាក់ក្រោយរយៈពេលពីរខែ ធ្វើឱ្យមានការរត់ប្រណាំងផ្នែក AI (បញ្ញាសិប្បនិម្មិត) ទូទាំងពិភពលោក។ ក៏ប៉ុន្តែ ការរំជើបរំជួលខាងលើបានកន្លងផុតយ៉ាងលឿននៅពេលអ្នកប្រើប្រាស់ជាក់ស្ដែងបច្ចុប្បន្នមានកម្រិតទាប។ យោងតាមការស្រាវជ្រាវរបស់ស្ថាប័នវិនិយោគផ្នែកធនាគារ Morgan Stanley ដែលបានធ្វើឡើងទៅលើមនុស្ស 2,000 នាក់នៅក្នុងខែមេសា បង្ហាញថា មានតែ 19% ក្នុងចំណោមអ្នកដែលត្រូវបានសួរ ឱ្យដឹងថា ធ្លាប់បានប្រើប្រាស់ ChatGPT ខណៈដែល Google Bard វិញ គឺ 9%។ ចំណែកមនុស្សភាគច្រើនដែលមិនទាន់បានប្រើ chatbot និយាយថា នឹងមិនមានតម្រូវការប្រើប្រាស់បច្ចេកវិទ្យាថ្មីនេះ យ៉ាងតិចក៏ត្រឹមពាក់កណ្ដាលឆ្នាំទៀត។ ភាគច្រើន អ្នកប្រើប្រាស់ … Read more

រថយន្តអគ្គិសនីនឹងមានតម្លៃស្មើនឹងរថយន្តសាំងចាប់ពីឆ្នាំ 2030?

June 5, 2023 by សឿន សំណាង

អគ្គនាយកប្រតិបត្តិរបស់ Ford អះអាងថា ដល់ក្រោយឆ្នាំ 2030 ការចំណាយក្នុងការផលិតរថយន្តអគ្គិសនីនឹងអាចប្រហាក់ប្រហែលនឹងការផលិតរថយន្តប្រើម៉ាស៊ីនចំហេះក្នុង។ តម្លៃរថយន្តអគ្គិសនីបានចាប់ផ្ដើមថយចុះ ក្នុងនោះមានម៉ូដែលខ្លះក៏អាចប្រកួតប្រជែងបានយ៉ាងល្អជាមួយនឹងរថយន្តប្រើសាំង។ ថ្លែងប្រាប់ Reuters កាលពីពេលថ្មីៗនេះ CEO របស់ក្រុមហ៊ុន Ford លោក Jim Farley យល់ថា ការចំណាយលើការផលិតរថយន្តអគ្គិសនីនៅតែខ្ពស់ជាងបើធៀបនឹងកំណែប្រពៃណី។ លោក Jim Farley ជឿថា យ៉ាងហោចណាស់ក៏ត្រឹមក្រោយឆ្នាំ 2030 ទើបរថយន្តអគ្គិសនីមានតម្លៃស្មើនឹងរថយន្តប្រេងសាំង នៅពេលរថយន្តអគ្គិសនីជំនាន់ទីពីរ ឬទីបីបង្ហាញខ្លួន។ ប្រហែលពីឆ្នាំ 2030 ដល់ 2035 ការចំណាយលើការផលិតរថយន្តអគ្គិសនីនឹងថយចុះដោយសារតែតម្រូវការកម្មករទាបជាងបច្ចុប្បន្ន ព្រោះថាបរិមាណគ្រឿងបន្លាស់របស់រថយន្តអគ្គិសនីតិចជាងធៀបនឹងរថយន្តប្រេងសាំង។ ទន្ទឹមនឹងនេះ ការដែលថ្មផ្ទុកថាមពលមានទំហំតូចក៏ប្រើប្រាស់វត្ថុធាតុដើមតម្លៃទាប និងតិចជាងធៀបនឹងថ្មធំ ក៏រួមចំណែកធ្វើឱ្យតម្លៃរថយន្តធ្លាក់ចុះ។ ក្រៅពីនេះ ក្រុមហ៊ុននានាក៏អាចកាត់បន្ថយការចំណាយតាមរយៈការលក់រថយន្តតាមអនឡាញ និងលក់សេវាកម្មឌីជីថលសម្រាប់រថយន្តអគ្គិសនីរបស់ពួកគេផងដែរ៕

ម៉ូតូអគ្គិសនី Yadea F 200 ABS ជាផលិតផលសហការជាមួយ Porsche

June 2, 2023 by សឿន សំណាង

ម៉ូតូអគ្គិសនីថ្មីរបស់ក្រុមហ៊ុន Yadea សហការជាមួយក្រុមហ៊ុន Porsche បំពាក់ម៉ូទ័រអគ្គិសនីកម្លាំង 14.7 សេះ អាចជិះបានចម្ងាយ 129 គីឡូម៉ែត្រ បន្ទាប់ពីបញ្ចូលថាមពលមួយពេញ។ ក្រុមហ៊ុនផលិតម៉ូតូចិន Yadea បានបង្ហាញម៉ូតូអគ្គិសនីម៉ូដែល F 200 ABS មានកម្លាំងប្រហាក់ប្រហែលនឹងម៉ូតូសាំង 125cc។ ម៉ូតូនេះបំពាក់ម៉ូទ័រអគ្គិសនីកម្លាំង 14.7 សេះ, កម្លាំងរមួលកង់ 235 Nm ជួយឱ្យបង្កើនល្បឿនពី 0-50 គីឡូម៉ែត្រ/ម៉ោង ដោយប្រើពេលតែ 2.5 វិនាទី ហើយអាចធ្វើដំណើរបាន 100 គីឡូម៉ែត្រ/ម៉ោង និងរត់បានចម្ងាយ 129 គីឡូម៉ែត្របន្ទាប់ពីបញ្ចូលអគ្គិសនីមួយពេញ។ ក្រៅពីកម្លាំង ចំណុចពិសេសផ្សេងទៀតរបស់ Yadea F 200 ABS គឺរូបរាង។ ក្រុមហ៊ុនចិន Yadea និយាយថា F 200 ABS របស់ខ្លួនគឺជាផលិតផលដែលកើតចេញពីកិច្ចសហការជាមួយក្រុមហ៊ុនផលិតរថយន្តអាល្លឺម៉ង់ Porsche។ រូបរាងរបស់ម៉ូតូនេះយកតាមគំនិតនៅក្នុងកិច្ចការឆ្លាក់ រួមផ្សំនឹងចំណុចលេចធ្លោរបស់រថយន្ត Porsche។ … Read more

គម្រោងសាងសង់កោះវេជ្ជសាស្ត្ររាងអឌ្ឍចន្ទប្រកបដោយបច្ចេកវិទ្យាខ្ពស់នៅទីក្រុងឌូបៃ

May 18, 2023 by សឿន សំណាង

Kalbod Design ដែលជាស្ទូឌីយោមួយនៅរដ្ឋធានីតេហេរ៉ង់ (ប្រទេសអ៊ីរ៉ង់) បានបង្ហាញគម្រោងកោះវេជ្ជសាស្ត្រឌូបៃ ដែលមានអគារកប់ពពកទំហំមួយលានម៉ែត្រការ៉េ ដ៏លេចធ្លោនៅចំកណ្ដាល។ កោះថ្មីនេះមានឈ្មោះថា ទីក្រុងថែទាំសុខភាពឌូបៃ (Dubai Healthcare City) ដែលជាតំបន់ចម្រុះអណ្ដែតលើផ្ទៃទឹក ផ្ដោតសំខាន់លើការផ្ដល់សេវាថែទាំសុខភាពគុណភាពខ្ពស់ បំពាក់បច្ចេកវិទ្យាទំនើប និងប្រកបដោយស្ថិរភាព ព្រមទាំងគោរពតាមលក្ខខណ្ឌនៃភូមិសាស្ត្រ និងសង្គមដ៏ពិសេសរបស់តំបន់។ Design Boom ចុះផ្សាយព័ត៌មាននេះកាលពីថ្ងៃទី 15 ឧសភា។ ទីក្រុងថែទាំសុខភាពឌូបៃ មានរូបរាងដូចអឌ្ឍចន្ទ ឬដូចចំណិតដូង និងរួមផ្សំជាមួយនឹងកត្តារចនាបថរូបវិទ្យាក្នុងសាសនាអ៊ីស្លាម។ កោះនេះដំណើរការដូចទៅនឹងតំបន់ចម្រុះក្នុងអគារ ដោយមានប្រព័ន្ធគមនាគមន៍ក្នុងទឹកដោយឡែក តំបន់លំនៅដែលមានរុក្ខជាតិបៃតងត្រជាក់សម្រាប់អ្នកជំងឺ បណ្ដាមជ្ឈមណ្ឌលអប់រំ និងអភិវឌ្ឍ។ល។ ច្រកចូលកោះនេះត្រូវបានស្ថាបនាក្រោមទឹក ដើម្បីកាត់បន្ថយការធ្វើចរាចរណ៍របស់រថយន្តនៅលើកោះ។ ហេដ្ឋារចនាសម្ព័ន្ធក្រោមទឹករួមមាន ប្រព័ន្ធរថភ្លើងអគ្គិសនី និងរថយន្តអគ្គិសនី។ គ្រប់កន្លែងនៅលើកោះនេះសុទ្ធតែមានស្ថានីយដើម្បីសម្រួលដល់ការធ្វើដំណើរ។ ចំណែកអ្នកថ្មើរជើងវិញ គឺអាចដើរនៅលើកោះនេះដោយសេរី។ កោះនេះមានបីតំបន់សំខាន់ៗ ក្នុងនោះ តំបន់អប់រំ និងស្រាវជ្រាវស្ថិតនៅចំកណ្ដាល ខណៈតំបន់វេជ្ជសាស្ត្រ និងអគារស្នាក់នៅ ស្ថិតនៅជុំវិញ។ បណ្ដាផ្លូវស្ថិតនៅទីខ្ពស់ចន្លោះតំបន់នានានឹងនាំមកនូវខ្យល់បរិសុទ្ធ និងមានតួនាទីជាលំហបៃតង។ អ្នកថ្មើរជើងអាចផ្លាស់ទីក្នុងកម្ពស់ផ្សេងៗគ្នា អាចគយគន់ទេសភាពដ៏អស្ចារ្យរបស់ឌូបៃ និងឈូងសមុទ្រពែក្ស។ នៅកណ្ដាលកោះគឺជាអគារខ្ពស់កប់ពពកទំហំរហូតដល់មួយលានម៉ែត្រការ៉េ បែងចែកជាពីរផ្នែក រួមមាន … Read more

មានទ្រព្យ ៧៤ ពាន់លានដុល្លារអាម៉េរិក ស្ថាបនិករបស់ Binance យល់ថា ភាពមានបានរបស់ខ្លួនគ្រាន់តែនៅលើក្រដាសប៉ុណ្ណោះ

April 5, 2022 by សឿន សំណាង

ក្រោយការបង្កើត Binance បាន ៥ ឆ្នាំ លោក Zhao ត្រូវបាន Bloomberg គណនាឃើញថា មានទ្រព្យសុទ្ធរហូតដល់ ៧៤ ពាន់លានដុល្លារអាម៉េរិក។ លោក Changpeng Zhao ដែលជាស្ថាបនិករបស់ក្រុមហ៊ុន Binance បច្ចុប្បន្នគឺជាមហាសេដ្ឋីមួយរូបក្នុងចំណោមអ្នកមានទ្រព្យច្រើនជាងគេងនៅលើពិភពលោក។ បុរសវ័យ ៤៤ ឆ្នាំ Changpeng Zhao គឺជាអ្នកគ្រប់គ្រងផ្សាររូបិយវត្ថុឌីជីថល ធំជាងគេបង្អស់ក្នុងសកលលោក ដោយមានតម្លៃប្រហែល ៣០០ ពាន់លានដុល្លារ ពោលគឺធំជាងជិត ៦ ដង ធៀបនឹងគូប្រជែង Coinbase នៅ សហរដ្ឋអាម៉េរិក។ យោងតាម Bloomberg ក្រោយបង្កើត Binance បាន ៥ ឆ្នាំ លោក Zhao មានទ្រព្យសុទ្ធរហូតដល់ ៧៤ ពាន់លានដុល្លារអាម៉េរិក ជិតស្មើនឹងទ្រព្យរបស់ Mark Zuckerberg ដែលជានាយកប្រតិបត្តិរបស់ Meta ជាក្រុមហ៊ុនមេរបស់បណ្ដាញសង្គម Facebook។ … Read more

ប្រាក់ឌីជីថល! ហេតុអ្វីបានជា «ម្ដាយបង្កើត» របស់ Bitcoin មិនបង្ហាញខ្លួនឱ្យគេដឹងជាសាធារណៈ?

December 3, 2021 by សឿន សំណាង

អ្នកបង្កើតរូបិយវត្ថុឌីជីថល Bitcoin ត្រូវបានគេជឿថា នឹងមិនបង្ហាញខ្លួនឡើយ ព្រោះថា អាចនឹងត្រូវប្រឈមនឹងបញ្ហាផ្លូវច្បាប់ និងប៉ះពាល់ដល់តម្លៃរបស់ប្រាក់និម្មិតមួយនេះ។ Bitcoin ត្រូវបានបង្ហាញវត្តមានលើកដំបូងកាលពីឆ្នាំ ២០០៨ ដោយបុគ្គលមួយរូបដែលមានរហ័សនាមថា Satoshi Nakamotor។ រហូតដល់ឆ្នាំ ២០១១ បុគ្គលរូបនេះក៏បានបាត់ខ្លួនទាំងស្រុង ក្រោយពីបានផ្ទេរ កូដប្រភពរបស់ Bitcoin ឱ្យទៅ Gavin Andresen ដែលជាអ្នកឯកទេសខាងអភិវឌ្ឍកូដ។ ១០ ឆ្នាំកន្លងទៅ ពិភពលោកនៅតែមិនទាន់ដឹងច្បាស់ថា Nakamoto គឺជាបុគ្គល ឬជាស្ថាប័ន។ មនុស្សមួយចំនួនត្រូវបានគេជឿថា គឺជាអ្នកបង្កើត Bitcoin ប៉ុន្តែ ក្រុមអ្នកជំនាញអះអាងថា «ម្ដាយបង្កើត» ពិតប្រាកដរបស់រូបិយវត្ថុឌីជីថលនេះ អាចនឹងគ្មានថ្ងៃបង្ហាញខ្លួន ដោយសារតែមូលហេតុមួយចំនួនដូចតទៅ៖ អ្នកបង្កើត Bitcoin អាចត្រូវសមត្ថកិច្ចស៊ើបអង្កេត ឆ្នាំ ១៩៩៨ Bernard von NotHaus ដែលជាអ្នកស្រុក Hawaii បានផលិតប្រាក់ផ្ទាល់ខ្លួន និងដាក់ឈ្មោះថា Liberty Dollar។ បុរសនេះផលិតប្រាក់ដោយប្រើប្រាស់លោហធាតុកម្រ ក្រោយមកដាក់ឱ្យចរាចរនៅ សហរដ្ឋអាម៉េរិក … Read more

សហរដ្ឋអាមេរិក ចាប់ផ្ដើមពិនិត្យលើការបង្កើត “ប្រាក់ដុល្លារអេឡិចត្រូនិក”

June 12, 2021 by សឿន សំណាង

សហរដ្ឋអាមេរិក ចាប់ផ្ដើមការពិនិត្យ និងពិភាក្សាថ្នាក់ជាតិ ស្ដីពីលទ្ធភាពនៃការដាក់ឱ្យប្រើប្រាស់រូបិយវត្ថុអេឡិចត្រូនិក ឬហៅថា រូបិយវត្ថុឌីជីថល (CBDC) របស់ធនាគារជាតិ នៃប្រទេសនេះ។ គណៈកម្មការធនាគារ នៃសភាពជាន់ខ្ពស់សហរដ្ឋអាមេរិក កាលពីថ្ងៃទី9 ខែមិថុនា បានធ្វើសវនកម្មមួយ ស្ដីពីប្រធានបទខាងលើនេះ ក្រោមការចាត់ចែងរបស់ Elizabeth Warren ដែលជាតំណាងរាស្ត្រមកពីបក្សប្រជាធិបតេយ្យ។ នាពេលខាងមុខ ធនាគារកណ្ដាលរបស់ សហរដ្ឋអាមេរិក (FED) ក៏នឹងប្រកាសរបាយការណ៍មួយ ដែលលើកឡើងអំពីវិធីគ្រប់គ្រងរបស់ FED ទៅលើការដាក់ឱ្យប្រើប្រាក់ដុល្លារអេឡិចត្រូនិកនេះផងដែរ។ ឥរិយាបថខាងលើ បានកើតមាននៅក្នុងគ្រាដែលការប្រកួតប្រជែងលើទីផ្សារនៃប្រាក់អេឡិចត្រូនិក របស់ធនាគារកណ្ដាលនានា (Central Bank Digital Currency / CBDC) កំពុងកើតឡើងយ៉ាងពុះកញ្ជ្រោល ដោយមានធនាគារកណ្ដាលប្រមាណ 60 បាន និងកំពុងសម្ដែងការចាប់អារម្មណ៍ ឬមានគម្រោងដាក់ឱ្យប្រើប្រាស់រូបិយវត្ថុអេឡិចត្រូនិកនេះ ខណៈដែលប្រទេសមួយចំនួន បានដាក់ឱ្យប្រើកំណែដំបូងរបស់ CBDC សម្រាប់ប្រទេសពួកគេ។ កន្លងមក ប្រទេសចិន បានដាក់ឱ្យដំណើរការប្រាក់យុនអេឡិចត្រូនិករបស់ខ្លួន នៅក្នុងទីក្រុងធំៗមួយចំនួន រួមមាន ប៉េកាំង, សិនជិន និងសៀងហៃជាដើម ក្រោមរូបភាពឆ្នោត … Read more

Bitcoin បង្កើតបានសេដ្ឋីដុល្លារចំនួន 100,000នាក់ ក្នុងរយៈពេល 3ខែ

February 25, 2021 by សឿន សំណាង

តម្លៃរបស់ Bitcoin បានកើនឡើងខ្លាំងក្នុងរយៈពេលប៉ុន្មានខែកន្លងទៅនេះ នាំឱ្យគណនីប្រាក់អេឡិចត្រូនិកតម្លៃចាប់ពីលានដុល្លារឡើងទៅ កើនឡើងខ្ពស់ជាងមុនទៅដល់ 4 ដង ដោយចំណាយពេលតែ 3 ខែប៉ុណ្ណោះ។ សារព័ត៌មាន CBS ដកស្រង់ទិន្នន័យពីទីភ្នាក់ងារស្រាវជ្រាវទីផ្សារ BitInfoCharts បានឱ្យដឹងថា ពិភពលោកនាពេលបច្ចុប្បន្ន មានគណនី Bitcoin ប្រមាណ 100,000 ដែលមានតម្លៃចាប់ពី 1 លានដុល្លារឡើងទៅ ក្នុងនោះមានគណនីជាង 8,000 ដែលមានតម្លៃចាប់ពី 10 លានដុល្លារ។ តួលេខសេដ្ឋីជាង 100,000 នាក់នេះ ច្រើនជាងឆ្ងាយ បើធៀបនឹង 25,000 នាក់ កាលពី 3 ខែមុន និង 15,000 នាក់ កាលពីមួយឆ្នាំមុន។ តម្លៃរបស់រូបិយវត្ថុអេឡិចត្រូនិក Bitcoin កាលពីដើមខែកុម្ភៈនេះ បានហក់ឡើងដល់ 50,000 ដុល្លារក្នុង 1 Bitcoin។ កាលពីចុងសប្ដាហ៍មុន តម្លៃរបស់វា ពេលខ្លះបានលោតឡើងដល់ 58,000ដុល្លារអមេរិក។ កំណើននៃតម្លៃនេះ … Read more

សន្និសីទធនាគារអាស៊ាន ផ្តោតលើកំណែទម្រង់ប្រព័ន្ធឌីជីថលក្នុងវិស័យធនាគារ និងសេវាហិរញ្ញវត្ថុ

December 3, 2019 by ធឿន មករា

មន្ត្រីកំពូលៗ ជាអ្នកជំនាញធនាគារ និងហិរញ្ញវត្ថុជាន់ខ្ពស់ មកពីទូទាំងតំបន់ក្នុងសហគមន៍អាស៊ានបានមកជួបជុំគ្នានៅរាជធានីភ្នំពេញ ដើម្បីចូលរួមក្នុងព្រឹត្តិការណ៍ សន្និសីទប្រចាំតំបន់ដ៏សំខាន់មួយដែលសន្និសីទ នោះរៀបចំឡើងក្រោមទស្សនទាន“ការផ្សារភ្ជាប់អាស៊ានឆ្នាំ2025-ពិភពលោកដ៏ក្លៀវក្លាថ្មីមួយនៃនវានុវត្តភាព ប្រព័ន្ធឌីជីថលសម្រាប់វិស័យធនាគារអាស៊ានតែមួយ (ASEAN Connectivity2025-abravenew world of digital innovation for one ASEAN banking sector)” ដោយផ្តោតទៅលើកំណែទម្រង់ប្រព័ន្ធឌីជីថល ក្នុងវិស័យធនាគារ និងសេវាហិរញ្ញវត្ថុ នៅតំបន់អាស៊ីអាគ្នេយ៍។ ឯកឧត្តម ជា ចាន់តូ អគ្គទេសាភិបាលធនាគារជាតិនៃកម្ពុជា បានថ្លែងស្វាគមន៍ដល់ប្រតិភូក្នុងសន្និសីទទាំងមូលថា៖ “ខ្ញុំពិតជាមានមោទនភាពណាស់ ដែលបានឃើញដំណើរវិវឌ្ឍន៍ដ៏គួរឱ្យកត់សម្គាល់ក្នុងវិស័យធនាគារនៅកម្ពុជា ក៏ដូចជាក្នុងតំបន់អាស៊ាន ពិសេសរយៈពេលប៉ុន្មានឆ្នាំចុងក្រោយនេះ បន្ទាប់ពីវិបត្តិហិរញ្ញវត្ថុសកល។ ការធ្វើទំនើបកម្មលើហេដ្ឋារចនាសម្ព័ន្ធហិរញ្ញវត្ថុ និងបច្ចេកវិទ្យាហិរញ្ញវត្ថុថ្មីៗ បានជួយបង្កើនប្រសិទ្ធភាព ក្នុងការផ្តល់សេវាហិរញ្ញវត្ថុ ទៅកាន់ប្រជាពលរដ្ឋអាស៊ាន ច្រើនជាង 600លាននាក់ ប្រកបដោយសុវត្ថិភាព និងបរិយាប័ន្ន”។ ឯកឧត្តម បានបន្តថា សន្និសីទនេះគឺជាឱកាសដ៏ល្អឥតខ្ចោះ ក្នុងការផ្លាស់ប្តូរបទពិសោធ និងព័ត៌មាន ជាមួយអ្នកជំនាញ មកពីប្រទេសសមាជិកអាស៊ានផ្សេងទៀត និងលើកទឹកចិត្តធនាគារឱ្យទទួលយកបច្ចេកវិទ្យាចុងក្រោយ ដែលមាននៅក្នុងវិស័យនេះ។ ឯកឧត្តម ទេសាភិបាល បានឱ្យដឹងថា៖ “ឧស្សាហកម្មធនាគារនៅកម្ពុជាកំពុងអភិវឌ្ឍយ៉ាងរហ័សក្នុងរយៈពេល … Read more

បច្ចេកវិទ្យាឌីជីថលត្រូវបានប្រើប្រាស់ជាយុទ្ធសាស្ត្រទីផ្សារ

June 29, 2018June 29, 2018 by ធឿន មករា

បច្ចេកវិទ្យាឌីជីថលបានជំរុញឱ្យអ្វីៗនៅក្នុងប្រទេសកម្ពុជាមានការផ្លាស់ប្ដូរ។ បច្ចុប្បន្នយើងឃើញមានដំណើរការកម្មវិធីអនឡាញដោយប្រើប្រាស់ទូរស័ព្ទស្មាតហ្វូនជាច្រើនកើនឡើងជាបន្តបន្ទាប់ ហើយការប្រើប្រាស់បច្ចេកវិទ្យាតាមរយៈកម្មវិធីក្នុងទូរស័ព្ទដៃស្មាតហ្វូនលើអាជីវកម្មទូទាត់ប្រាក់ក្នុងរយៈពេលប៉ុន្មានឆ្នាំចុងក្រោយនេះទៀតសោត ក៏កំពុងតែមានប្រជាប្រិយភាពផងដែរ ព្រោះវាជួយសម្រួលដល់ការទិញទំនិញ ការវេរលុយ និងការបង់ថ្លៃសេវាកម្មផ្សេងៗជាដើម។ល។ ក្រៅពីនេះទៀតយើងឃើញមានធនាគារធំៗ ដូចជាធនាគារABA ធនាគារអេស៊ីលីដាជាដើម ក៏មានកម្មវិធីផ្សេងៗប្រើនៅលើទូរស័ព្ទដៃស្មាតហ្វូនដែលអតិថិជនរបស់ធនាគារអាចចូលមើលគណនីរបស់ខ្លួនបាន និងអាចទូទាត់សេវាកម្ម ដូចជាបង់ថ្លៃទឹកភ្លើង ថ្លៃតបណ្ដាញអុីនធើណិត ទិញទំនិញ បង់ថ្លៃសាលា បញ្ចូលទឹកប្រាក់តាមទូរស័ព្ទដៃ និងផ្ទេរប្រាក់ ជាដើមបានគ្រប់ពេលវេលា និងគ្រប់ទីកន្លែង។ ទាំងនេះសបញ្ជាក់ឱ្យឃើញថា យុទ្ធសាស្ត្រទីផ្សារតាមរយៈបច្ចេកវិទ្យាឌីជីថលស្មាតហ្វូនកំពុងតែមានប្រជាប្រិយភាពខ្លាំងនៅក្នុងប្រទេសកម្ពុជា ព្រោះវាមានភាពបត់បែន រហ័ស ងាយស្រួល និងមានសុវត្ថិភាព ដែលវាបានបង្ហាញពីសេដ្ឋកិច្ចកម្ពុជាក្នុងជំហានមួយឆ្ពោះទៅរកសេដ្ឋកិច្ចឌីជីថលដែលមានការផ្លាស់ប្ដូរ ការជឿនលឿន ច្នៃប្រឌិត និងប្រកបដោយបច្ចេកវិទ្យាថ្មី។ កម្មវិធី Pi Pay ក៏ដូចជា Aeon Wallet Cambodia គឺជាវេទិកាទូទាត់ប្រាក់ប្រកបដោយភាពច្នៃប្រឌិត និងមិនចាំបាច់ដាក់សាច់ប្រាក់តាមខ្លួននៅពេលប្រតិបត្តិការទូទាត់នោះទេ។ វាជាប្រព័ន្ធទូទាត់សាច់ប្រាក់តាម Mobile App ដែលអតិថិជនអាច Download ដាក់ក្នុងទូរស័ព្ទដៃដោយគ្រាន់តែបញ្ចូលប្រាក់នៅតាមបញ្ជរ Pi Pay ឫបញ្ជរ Aeon Wallet Cambodia ហើយបន្ទាប់មកក៏អាចធ្វើប្រតិបត្តិការទិញទំនិញ និងទូទាត់ប្រាក់ដោយមិនចាំបាច់ប្រើប្រាស់សាច់ប្រាក់ដែលធ្វើឱ្យអ្នកមានទំនុកចិត្ត និងសុវត្ថិភាព។ ផ្នែកធ្វើដំណើរវិញ … Read more