ជប៉ុន - La Reine Media

តើទីក្រុងតូក្យូនឹងទៅជាយ៉ាងណា ពេលភ្នំភ្លើង Fuji ផ្ទុះ?

February 4, 2020 by សឿន សំណាង

រដ្ឋាភិបាលប្រទេសជប៉ុនបានធ្វើការវាយតម្លៃថា បើសិនជាភ្នំភ្លើង ហ្វូជិ កើតការផ្ទុះដ៏ធំមួយឡើង អាចធ្វើឱ្យមានកម្អែភ្នំភ្លើងគ្របដណ្ដប់ទូទាំងទីក្រុងតូក្យូ និងតំបន់ជុំវិញ និងអាចធ្វើឱ្យការចែកចាយចរន្តអគ្គិសនី និងការធ្វើចរាចរណ៍គាំងស្ទះដំណើរការមិនខាន។ អ្នកវិទ្យសាស្ត្រល្បីៗលំដាប់ជួរមុខ បាននាំគ្នាចេញមកដាស់តឿនថា សភាវផែនដីឡើងកម្ដៅ នឹងធ្វើឱ្យកើតការរញ្ជួយផែនដីកើនច្រើនឡើងទូទាំងពិភពលោក ហើយភ្នំភ្លើងនឹងផ្ទុះឡើង និងដោយសារតែសីតុណ្ហភាពពិភពលោកដែលកាន់តែក្ដៅឡើង ធ្វើឱ្យទឹកកកនៅកំពូលផែនដីរលាយ…នៅពេលទឹកកករលាយ ក៏នឹងគ្មានអ្វីទាញសង្កត់ផ្ទាំងសម្បកផែនដី…បន្ទះផែនដីនឹងកម្រើក ធ្វើឱ្យផែនដីកាន់តែរញ្ជួយខ្លាំងឡើង និងម៉េកម៉ាខាងក្រោមដីនឹងហូរមកផ្ដុំគ្នា រហូតរង់ចាំកម្លាំងរុញឱ្យផ្ទុះចេញមកនៅកន្លែងណាមួយលើផែនដី…។ ភ្នំហ្វូជិ និមិត្តសញ្ញារបស់ប្រទេសជប៉ុនដែលនៅស្ងៀមនឹងមកអស់រយៈពេលជាង 300ឆ្នាំហើយនោះ នឹងមិនមែននៅស្ងប់ស្ងៀមដូចដែលអ្នកណាៗមើលឃើញនោះទៀតទេ តែគឺជាភ្នំភ្លើងដែលមានថាមពលសកម្ម(Active Volcano) អ្នកជំនាញការជនជាតិជប៉ុនបញ្ជាក់ថា ភ្នំហ្វូជិ នឹងផ្ទុះឡើងម្ដងទៀតយ៉ាងពិតប្រាកដ គ្រាន់តែនៅមិនទាន់ដឹងថា នឹងកើតឡើងនៅពេលណាប៉ុណ្ណោះ។ ក្រុមការងារមួយរបស់រដ្ឋបាលជប៉ុន បានប៉ាន់ប្រមាណការណ៍ថា បើសិនភ្នំភ្លើងហ្វូជិកើតការផ្ទុះដ៏ធំឡើង អាចនឹងមានកម្អែភ្នំភ្លើងហូរធ្លាក់មកប្រមូលសន្សំក្នុង 1ម៉ោងកម្ពស់ប្រមាណ 1-2សង់ទីម៉ែត្រនៅក្នុងទីក្រុងកូតិមបាក់ របស់ខេត្តឈិស៊ូអូកាក់ ដែលនៅជិតជើងភ្នំ ហើយបើភ្នំភ្លើងបាក់ហូរធ្លាក់មកគ្របសង្កត់ទីនោះទាំងអស់ អាចនឹងមានកម្ពស់ដល់ទៅ 1.2ម៉ែត្រ។ ក្នុងតំបន់ស៊ិនជូកុ របស់ទីក្រុងតូក្យូ ដែលឆ្ងាយពីភ្នំហ្វូជិប្រមាណ 90គីឡូម៉ែត្រ ទោះជាមិនមានកម្អែភ្នំភ្លើងធ្លាក់មកគរភ្លាមៗមែន តែនឹងខ្ទាតមកដល់នៅថ្ងៃទី13 ក្រោយការផ្ទុះ និងអាចមានកម្អែភ្នំភ្លើងគ្រប់សង្កត់កម្ពស់ប្រមាណ 1.3សង់ទីម៉ែត្រ។ អ្នកជំនាញការបញ្ជាក់ថា បើកម្អែភ្នំភ្លើងធ្លាក់នៅក្នុងទីក្រុងតូក្យូ និងតំបន់ជុំវិញ មនុស្សម្នាចំនួនដ៏ច្រើនអាចនឹងមិនអាចត្រឡប់ទៅផ្ទះបាន ក្រៅពីនេះការដឹកជញ្ជូនអាហារ … Read more

ក្រុមហ៊ុន SkyDrive ត្រៀមសាកល្បងឡានហោះមានមនុស្សបើកលើកដំបូងនៅជប៉ុន

January 23, 2020 by សឿន សំណាង

ក្រុមហ៊ុនអភិវឌ្ឍន៍ឡានហោះ SkyDrive មានគម្រោងធ្វើការហោះហើរសាកល្បងជាច្រើនលើកទៀត ដើម្បីធានាឱ្យបានប្រាកដថា ឡានហោះរបស់ខ្លួននឹងមានសុវត្ថិភាព100% មុននឹងដាក់លក់ចាប់ពីឆ្នាំ2023។ ក្រុមហ៊ុន SkyDrive ទើបតែបានប្រកាសថា ក្រុមហ៊ុនបានចាប់ផ្ដើមធ្វើការហោះហើរសាកល្បងនូវឡានហោះកាលពីខែមុន នេះបើតាមការចេញផ្សាយរបស់សារព័ត៌មានជប៉ុន Asahi កាលពីថ្ងៃទី21មករាកន្លងទៅ។ នេះគឺជាលើកទី1 ហើយនៅជប៉ុន ដែលមានការសាកល្បងបើកបរឡានហោះដែលមានមនុស្សជិះនៅខាងក្នុង។ ការហោះហើរសាកល្បងលើកមុនៗ ត្រូវបានគេធ្វើឡើងដោយប្រើប្រព័ន្ធបញ្ជាពីចម្ងាយ និងគ្មានមនុស្សជិះ។ SkyDrive គឺជាក្រុមហ៊ុនបច្ចេកវិទ្យាមួយដែលបង្កើតឡើងកាលពីខែកក្កដា ឆ្នាំ2018 នៅទីក្រុង Tokyo ដោយក្រុមវិស្វករវ័យក្មេងដែលធ្លាប់ធ្វើការឱ្យក្រុមហ៊ុនផលិតរថយន្ត Toyota។ ក្រុមហ៊ុននេះកំពុងតែរៀបចំគម្រោងប្រារព្ធព្រឹត្តិការណ៍ហោះហើរសម្ដែងឱ្យទស្សនិកជនទស្សនានៅក្នុងរដូវក្ដៅឆ្នាំនេះ បន្ទាប់មកនឹងចាប់ផ្ដើមដាក់លក់ចាប់ពីឆ្នាំ2023 ទៅ។ ឡានហោះ SkyDrive នេះមានកម្ពស់ 1.6ម៉ែត្រ បណ្ដោយ និងទទឹងប្រវែង 3.6ម៉ែត្រស្មើគ្នា និងមានកៅអីអង្គុយចំនួន1។ ជ្រុងនីមួយៗនៃឡានហោះនេះមានបំពាក់ស្លាបកង្ហារចំនួន 1គ្រឿង ដែលកង្ហារនេះនឹងជួយឱ្យឡានហោះអាចសំកាំងខ្លួននៅលើអាកាសបានយ៉ាងស្រួល។ មកដល់ពេលនេះ SkyDrive មិនទាន់បង្ហើបឱ្យដឹងលម្អិតអំពីការហោះហើរសាកល្បងនេះនៅឡើយទេ ប៉ុន្តែក្រុមហ៊ុននេះបានបញ្ជាក់ថា នឹងធ្វើការហោះហើរសាកល្បងជាច្រើនលើកទៀតដើម្បីធានាសុវត្ថិភាពឱ្យបាន100%។ បច្ចុប្បន្ន ក្រៅពី SkyDrive គេឃើញមានក្រុមហ៊ុនផ្សេងមួយចំនួន ក៏កំពុងយកចិត្តទុកដាក់ទៅលើការអភិវឌ្ឍឡានហោះនេះដែរ ក្នុងនោះក៏មានក្រុមហ៊ុន Airbus និង Uber ផងដែរ។ … Read more

ហាងទំនិញនៅជប៉ុន ដាក់បដា “ហាមជនជាតិចិន” មិនឱ្យចូលទិញ ព្រោះខ្លាច…

January 23, 2020 by សឿន សំណាង

ជប៉ុន៖ ហាងទំនិញមួយនៅក្នុងតំបន់ Hakone ត្រូវបានគេរិះគន់យ៉ាងខ្លាំង ដោយសារតែបានដាក់តាំងបដាមួយផ្ទាំងនៅខាងមុខហាង ដែលមានសរសេរថា “ហាមជនជាតិចិន” ដោយសារព្រួយបារម្ភខ្លាចឆ្លងជម្ងឺរលាកសួតប្រភេទថ្មី មានប្រភពពីប្រទេសចិនដែលកំពុងរាតត្បាត និងរីករាលដាលយ៉ាងឆាប់រហ័សនាពេលបច្ចុប្បន្ន។ នៅលើបដានោះរៀបរាប់ថា “ជនជាតិចិនមិនត្រូវបានអនុញ្ញាតឱ្យចូលហាង។ ខ្ញុំមិនចង់ឆ្លងមេរោគ”។ ម្ចាស់ហាងរូបនេះបានប្រាប់អ្នកយកព័ត៌មានរបស់សារព័ត៌មានប្រចាំថ្ងៃ Asahi ថា គាត់បានប្រើកម្មវិធីបកប្រែអនឡាញដើម្បីសរសេរអក្សរលើបដានេះ និងបានអះអាងថា “ខ្ញុំគ្រាន់តែចង់ការពារខ្លួនពីមេរោគប៉ុណ្ណោះ”។ អ្នកនាំពាក្យនៃមជ្ឈមណ្ឌលព័ត៌មានទេសចរណ៍ Hakone បានឱ្យដឹងថា ខ្លួនបានទទួលព័ត៌មាននេះហើយ និងមានការសោកស្ដាយចំពោះខ្លឹមសារនៃបដានោះ។ សាស្ត្រាចារ្យផ្នែកច្បាប់នៃសកលវិទ្យាល័យ Aoyama Gakuen បានឱ្យដឹងថា ម្ចាស់ហាងនេះមិនបានបំពានច្បាប់ទេ ព្រោះថា នៅប្រទេសជប៉ុនពុំមានច្បាប់ណាមួយចែងលម្អិតអំពីសកម្មភាពបែងចែកបែបនេះថា ជាអំពើខុសច្បាប់ឡើយ។ អ្នកនាំពាក្យខាងលើបាននិយាយថា នៅតំបន់ Hakone មានភ្ញៀវទេសចរចិនយ៉ាងច្រើន ហើយទីនេះក៏ជាតំបន់ល្បីឈ្មោះដែលពួកគេ(ជនជាតិចិន)មកលេង ព្រោះវានៅមិនឆ្ងាយពីក្រុង Tokyo ប៉ុន្មាន។ អ្នកនាំពាក្យរូបនេះក៏បានផ្ញើសម្ដី “សុំទោស” ជំនួសម្ចាស់ហាងខាងលើ ទៅកាន់ភ្ញៀវទេសចរជនជាតិចិនផងដែរ។ ក្រសួងសុខាភិបាលជប៉ុន ថ្មីៗនេះបានបញ្ជាក់ថា មានករណីឆ្លងមេរោគរលាកសួតថ្មី Wuhan ត្រឹមតែ 1ករណីប៉ុណ្ណោះ។ ប្រទេសនេះក៏កំពុងតែដុតដៃដុតជើងក្នុងការបង្ការ និងទប់ស្កាត់ការឆ្លងរាលដាលនៃមេរោគរលាកសួត Wuhan ដ៏គួរឱ្យខ្លាចនេះដែរ៕ ប្រភព៖ … Read more

កម្ពុជា-ជប៉ុន ឈានដល់ការទទួលយកពលករជំនាញទៅធ្វើការនៅជប៉ុនហើយ

February 26, 2019 by ធឿន មករា

កន្លងមកប្រទេសកម្ពុជា និងជប៉ុន បានសហការគ្នាយ៉ាងល្អលើវិស័យការងារ ដែលកិច្ចសហការនេះបានផ្តល់ផលចំណេញជាច្រើនដល់ប្រជាជនកម្ពុជាក្នុងការសិក្សាយកចំណេះ និងជំនាញមកអភិវឌ្ឍប្រទេស។ តែទោះបីជាយ៉ាងនេះក្តី កិច្ចសហការកន្លងមកប្រទេសជប៉ុនបើកទទួលត្រឹមតែកម្មសិក្សាការីរបស់កម្ពុជាតែប៉ុណ្ណោះ មិនទាន់បានទទួលយកពលករកម្ពុជាឱ្យធ្វើការងារពេញសិទ្ធិនៅប្រទេសជប៉ុននៅឡើយទេ។ ហេតុនេះហើយទើបភាគីទាំង2 ខិតខំប្រឹងប្រែងដើម្បីធ្វើយ៉ាងណាជំរុញឱ្យកិច្ចសហការនេះឱ្យកាន់តែមានការអភិវឌ្ឍទៅមុខ រួមទាំងគុណភាពនៃការបណ្តុះបណ្តាល និងការផ្លាស់ប្តូរកម្លាំងពលកម្មឱ្យកាន់តែមានប្រសិទ្ធភាពឡើង។ នាពេលថ្មីៗនេះ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈរបស់កម្ពុជា ឯកឧត្តម អុិត សំហេង និងឯកឧត្តម Hidehisa Horinouchi ឯកអគ្គរាជទូតជប៉ុនប្រចាំនៅកម្ពុជា បានជួបពិភាក្សាគ្នាដើម្បីឈានទៅដល់ការចុះកិច្ចព្រមព្រៀងសហប្រតិបត្តិការកម្ពុជា-ជប៉ុន ស្តីពីពលកម្មជំនាញ។ នៅក្នុងជំនួបនោះ ឯកឧត្តម អុិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថា ជប៉ុននឹងកែសម្រួលច្បាប់ថ្មី ដើម្បីអនុញ្ញាតឱ្យពលករកម្ពុជាអាចដាក់ពាក្យស្នើសុំទិដ្ឋាការការងារ (working visa) ដើម្បីទទួលបានសិទ្ធពេញលេញក្នុងការធ្វើការងារនៅប្រទេសជប៉ុន ខណៈដែលកន្លងមកជប៉ុនទទួលយកត្រឹមតែកម្មសិក្សាការីរបស់កម្ពុជាទៅដកពិសោធការងារនៅប្រទេសជប៉ុនតែប៉ុណ្ណោះ។ ច្បាប់ថ្មីនេះនឹងផ្តល់ឱកាសល្អដល់ពលករជំនាញរបស់កម្ពុជា និងពលករបច្ចេកទេស អាចចូលទៅបម្រើការងារពេញច្បាប់ ដើម្បីបំពេញចំណុចខ្វះខាតនូវកម្លាំងពលកម្មដែលជប៉ុនកំពុងត្រូវការ។ ក្នុងនោះដែរឯកឧត្តមក៏បានមានប្រសាសន៍ថ្លែងអំណរគុណដល់រាជរដ្ឋាភិបាលជប៉ុនដែលកន្លងមកបានជួយអភិវឌ្ឍប្រទេសកម្ពុជា តាមរយៈការផ្តល់ឱកាសឱ្យកម្មសិក្សាការីកម្ពុជាបានទៅហាត់ការនៅប្រទេសជប៉ុន ដែលមកដល់បច្ចុប្បន្នមានចំនួន 9ពាន់នាក់ហើយ។ ឯកឧត្តម អុិត សំហេង បានមានប្រសាសន៍ថា៖ “គម្រោងដែលជប៉ុន នឹងដាក់ឱ្យដំណើរការនូវច្បាប់ការងារថ្មី ដើម្បីទទួលយកពលករពីប្រទេសនានាទៅធ្វើការងារនៅប្រទេសជប៉ុននៅក្នុងខែមេសាឆ្នាំ2019 ខាងមុខនេះ កម្ពុជាបានត្រៀមខ្លួនជាស្រេចក្នុងការពង្រឹងកិច្ចសហប្រតិបត្តិការលើវិស័យការងារ និងបណ្តុះបណ្តាលវិជ្ជាជីវៈ … Read more

គម្រោងអភិវឌ្ឍន៍សំខាន់2 ត្រូវបានជប៉ុនផ្តល់ជំនួយជាថវិកាជាង 43លានដុល្លារ

February 26, 2019 by ធឿន មករា

រដ្ឋមន្ត្រីក្រសួងការបរទេស និងឯកអគ្គរាជទូតជប៉ុនប្រចាំកម្ពុជាលោក Hidehisa Horinouchi បានចុះហត្ថលេខាលើលិខិតប្តូរសារស្តីពីការបន្តការគាំទ្ររបស់រដ្ឋាភិបាលជប៉ុន សម្រាប់អនុវត្តលើគម្រោងចំនួន2 នៅក្នុងប្រទេសកម្ពុជាដែលមានទឹកប្រាក់ប្រមាណ 43.36លានដុល្លារ។ ពិធីចុះហត្ថលេខាលើជំនួយឥតសំណងរបស់ជប៉ុនក្នុងទឹកប្រាក់សរុបប្រមាណជាង 43.36លានដុល្លារនេះ សម្រាប់ការអនុវត្តគម្រោងចំនួន2 រួមមាន៖ *ទី1- ឥណទានសម្បទាន ដែលមានទឹកប្រាក់សរុប 3,599លានយ៉េន (ប្រមាណ 31.56លានដុល្លារអាមេរិក) សម្រាប់អនុវត្ត “គម្រោងកែលម្អ និងស្តារប្រព័ន្ធស្រោចស្រព និងប្រព័ន្ធរំដោះទឹកភាគខាងលិចបឹងទន្លេសាបជំហានទី2”។ *ទី2- ហិរញ្ញប្បទានឥតសំណង ដែលមានទឹកប្រាក់សរុប 1,340លានយ៉េន (ប្រមាណ 11.8លានដុល្លារអាមេរិក) សម្រាប់អនុវត្ត “គម្រោងអភិវឌ្ឍន៍ប្រព័ន្ធផ្លាស់ប្តូរទិន្នន័យអគ្គិសនី នៅកំពង់ផែ ដើម្បីការធ្វើទំនើបកម្មកំពង់ផែ”។ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិបានមានប្រសាសន៍ថា ជំនួយឥតសំណង និងឥណទានសម្បទាននេះ ត្រូវបានពង្រីក ដោយរដ្ឋាភិបាលជប៉ុនដើម្បីជំរុញថែមទៀតក្នុងការអភិវឌ្ឍសេដ្ឋកិច្ច និងសង្គមក្នុងប្រទេសកម្ពុជា នឹងបន្តអនុវត្តគោលនយោបាយ “យុទ្ធសាស្ត្រចតុកោណជំហានទី 4” របស់រដ្ឋាភិបាល។ ឯកឧត្តមបានបញ្ជាក់ថា ជំនួយនេះនឹងរួមចំណែកយ៉ាងសំខាន់ក្នុងការបន្តអនុវត្ត “យុទ្ធសាស្ត្រចតុកោណ” ដំណាក់កាលទី4 របស់រាជរដ្ឋាភិបាលកម្ពុជាដែលស្របទៅនឹងមុំទី2 និងទី4 ដែលបានសង្កត់ធ្ងន់លើ “ការកែលម្អប្រព័ន្ធឡូជីស្ទិក … Read more

ការនាំចេញទៅប្រទេសជប៉ុនរបស់កម្ពុជាកើនឡើង 27% ក្នុងឆ្នាំ2018

February 14, 2019 by ធឿន មករា

អង្គការពាណិជ្ជកម្មក្រៅប្រទេសជប៉ុន The Japan External Trade Organization (JETRO) បានបង្ហាញតួលេខចុងក្រោយបង្អស់របស់ខ្លួនថា ការនាំចេញរបស់កម្ពុជាជាមួយប្រទេសជប៉ុនបានកើនឡើងគួរឱ្យកត់សម្គាល់នៅក្នុងឆ្នាំ2018 ដោយការនាំចេញបានកើនឡើង 27.3% និងការនាំចូលកើនឡើង 19.2%។ ចាប់ពីខែមករា ដល់ខែធ្នូ ឆ្នាំទៅ ការដឹកជញ្ជូនទំនិញដែលមានតម្លៃជាង 1.6ពាន់លានដុល្លារត្រូវបានបញ្ជូនទៅប្រទេសជប៉ុន ខណៈដែលកម្ពុជាបានទិញទំនិញពីជប៉ុនមកវិញគិតជាទឹកប្រាក់ចំនួន 421លានដុល្លារ។ ដោយឡែកការនាំចេញរបស់កម្ពុជាទៅកាន់ប្រទេសជប៉ុននៅក្នុងខែធ្នូតែមួយ បានកើនឡើង19,9% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ខណៈការនាំចូលបានកើនឡើង19.2%។ ក្នុងអំឡុងពេលនោះ ការនាំចេញមានតម្លៃ 119.8លានដុល្លារ ខណៈការនាំចូលមាន 45.6លានដុល្លារ។ ការនាំចេញរបស់កម្ពុជាភាគច្រើន គឺសម្លៀកបំពាក់ ផលិតផលស្បែកជើង ហើយបើយោងតាមក្រសួងពាណិជ្ជកម្ម កម្ពុជាបានឱ្យដឹងថា ប្រទេសជប៉ុនបាននាំចេញភាគច្រើនជាគ្រឿងម៉ាស៊ីន រថយន្ត និងគ្រឿងអេឡិចត្រូនិក សាច់គោ ដែក និងថ្នាំពេទ្យចូលមកកម្ពុជា។ នាយកដ្ឋាននាំចេញ និងនាំចូលនៃក្រសួងពាណិជ្ជកម្មបានឱ្យដឹងថា ពាណិជ្ជកម្មរវាងកម្ពុជា និងជប៉ុនបន្តកើនឡើងជារៀងរាល់ឆ្នាំ។ បច្ចុប្បន្ននេះ ក្រសួងពាណិជ្ជកម្មបាននិងកំពុងតែជំរុញផលិតផលរបស់កម្ពុជាឱ្យទៅដល់ដៃប្រជាជនជប៉ុន ហើយប្រជាជនជប៉ុនក៏កំពុងបង្ហាញចំណាប់អារម្មណ៍យ៉ាងខ្លាំងផងដែរចំពោះទំនិញដែលបានផលិតនៅក្នុងប្រទេសកម្ពុជា។ លោក ហូ ស៊ីវយ៉ុង ប្រធាននាយកដ្ឋាននាំចេញ … Read more

ជប៉ុនផ្តល់ការងារដល់ជនពិការ ដោយឱ្យពួកគេបញ្ជាអ្នកបម្រើកាហ្វេក្នុងភោជនីយដ្ឋាន

January 30, 2019January 19, 2019 by ធឿន មករា

បច្ចេកវិទ្យានៅក្នុងពិភពលោកបានប្រែប្រួលយ៉ាងឆាប់រហ័ស ដែលការណ៍នេះបានជំរុញឱ្យអ្នកជំនាញ ជាពិសេសប្រទេសអភិវឌ្ឍន៍នានាបានព្យាយាមស្វែងរកសមិទ្ធផលថ្មីៗដើម្បីដោះស្រាយបញ្ហានានារបស់មនុស្សជាតិលើពិភពលោក។ ថ្វីដ្បិតតែបច្ចេកវិទ្យាអាចនឹងឆក់យកឱកាសការងារពីមនុស្សខ្លះមែន តែពេលខ្លះវាក៏ផ្តល់ភាពវិជ្ជមានផងដែរសម្រាប់ប្រជាជនលើពិភពលោកដែលទទួលបានការអប់រំកាន់តែច្រើនឡើង។ គុណសម្បត្តិ គឺមនុស្សនឹងបោះបង់ការងារតូចៗហើយចាប់យកការងារដែលកាន់តែខ្លាំង មានប្រសិទ្ធភាព និងមានល្បឿនលឿនជាងមុន។ ចំណុចពិសេសមួយផ្សេងទៀត គឺមនុស្សគ្រប់គ្នា រួមទាំងជនពិការអាចនឹងមានភាពងាយស្រួលក្នុងការធ្វើការងារនៅគ្រប់ទីកន្លែង។ ថ្មីៗនេះក្រុមហ៊ុនបច្ចេកវិទ្យាជប៉ុនបានបង្កើតកម្មវិធីសាកល្បងមួយនៅក្នុងភោជនីយដ្ឋានដោយដាក់មនុស្សយន្តជាអ្នកបម្រើការងារនៅក្នុងភោជនីយដ្ឋានដែលគ្រឿងយន្តទាំងនោះត្រូវបានបញ្ជាដោយជនពិការដែលមិនមានកាយសម្បទាគ្រប់គ្រាន់ដើម្បីធ្វើជាអ្នកបម្រើក្នុងភោជនីយដ្ឋានបាន។ គ្រឿងយន្តទាំងអស់នេះអាចមានសមត្ថភាពក្នុងការដើរយកកាហ្វេជូនភ្ញៀវ ជូតសម្អាតតុដោយខ្លួនឯង និងទំនាក់ទំនងជាមួយភ្ញៀវតាមការបញ្ជារបស់ជនពិការ។ បុគ្គលិកជនពិការទាំងអស់មិនចាំបាច់ចាកចេញពីផ្ទះទៅកន្លែងធ្វើការងារនោះទេ ពួកគេត្រូវបានបង្រៀន និងផ្តល់ឧបករណ៍សម្រាប់បញ្ជាដោយក្រុមការងារនៅផ្ទះ។ មនុស្សយន្តបម្រើការក្នុងភោជនីយដ្ឋានទាំងអស់នោះត្រូវបានអភិវឌ្ឍដោយលោក Kentaro Ory Yoshifuji ដែលជានាយកប្រតិបត្តិនៃមន្ទីរពិសោធន៍ Ory Lab ដែលចាប់ដៃគ្នាសហការជាមួយនឹងសហ-ស្ថាបនិកសំខាន់ 2រូបទៀត គឺលោក Aki Yuki និង Yoshifumi Shiiba។ មនុស្សយន្តទាំងអស់នោះត្រូវបានរចនាឡើងដោយប្រើប្រាស់បច្ចេកវិទ្យាបញ្ជាពីចម្ងាយជាមួយនឹងការបញ្ជា 1.2ម៉ែត្រ និងអាចបញ្ចូនសំឡេង និងវីដេអូដែលគេបានថតរូបអតិថិជនទៅកាន់អ្នកបញ្ជាផ្ទាល់តាមរយៈទូរស័ព្ទដៃ Smart Phone ឬTablet។ ហាងកាហ្វេដែលបានដាក់មនុស្សយន្តឱ្យប្រើប្រាស់នេះបានបង្កើតឡើងនៅឆ្នាំ2008 ក្រោមក្តីស្រមៃថា មនុស្ស និងមនុស្សយន្តអាចរស់នៅជាមួយគ្នា ហើយធ្វើការងារដើម្បីបម្រើឱ្យគ្នាទៅវិញទៅមកបាន។ ក្រុមការងារទាំងអស់ដែលបានដាក់ឱ្យប្រើប្រាស់ជាលើកដំបូងនេះ មានគ្នា 10នាក់ ហើយពួកគេម្នាក់ៗនឹងទទួលបានប្រាក់ចំណូលប្រមាណ 1,000យ៉េន ឬស្មើនឹង 8ដុល្លារក្នុងមួយម៉ោង ដែលជាចំណូលទាបជាងគេបំផុតក្នុងប្រទេសជប៉ុន៕

ជប៉ុនផ្តល់ហិរញ្ញប្បទានជាងកន្លះលានដុល្លារ សម្រាប់លើកកម្ពស់វិស័យ2 នៅកម្ពុជា

January 5, 2019 by ធឿន មករា

ជប៉ុនជាប្រទេសឈានមុខគេមួយនៅក្នុងតំបន់ដែលតែងតែផ្តល់ជំនួយឥតសំណងដល់កម្ពុជាសម្រាប់លើកកម្ពស់វិស័យផ្សេងៗជាច្រើន ក្នុងមានដូចជា ការកសាងហេដ្ឋារចនាសម្ព័ន្ធផ្លូវថ្នល់ អប់រំសុខាភិបាល ការអភិវឌ្ឍធនធានមនុស្ស និងសុខុមាលភាពសង្គម ជាដើម។ល។ ហើយកាលពីសប្តាហ៍មុននេះ ជប៉ុនបានចុះកិច្ចសន្យាផ្តល់ជំនួយទឹកប្រាក់ប្រមាណជា 692,522ដុល្លារអាមេរិកបន្ថែមទៀត សម្រាប់គម្រោងអភិវឌ្ឍន៍លើវិស័យ2 នៅកម្ពុជា សម្រាប់ការអភិវឌ្ឍធនធានមនុស្ស និងលើកកម្ពស់វិស័យកសិកម្មឱ្យមានភាព-កាន់តែប្រសើរឡើងថែមមួយកម្រិតទៀត។ ឯកឧត្តម ហូរីណូអ៊ុជិ ហ៊ីដេហ៊ីសា ឯកអគ្គរាជទូតជប៉ុនប្រចាំនៅកម្ពុជាមានប្រសាសន៍ថា ទឹកប្រាក់ហិរញ្ញប្បទានឥតសំណងចំនួន 692,522ដុល្លារនេះត្រូវបានបែងចែកជា 2គម្រោងផ្សេងៗគ្នា ដោយគម្រោងទីមួយ សម្រាប់អង្គការ Heart of Gold រដ្ឋាភិបាលជប៉ុនផ្តល់ថវិកាប្រមាណ396,000ដុល្លារអាមេរិកសម្រាប់ការកែទម្រង់កម្មវិធីសិក្សាបណ្តុះបណ្តាលធនធានមនុស្ស ថែរក្សាអគារ ព្រមទាំងដើម្បីឱ្យវិទ្យាស្ថានជាតិអប់រំកាយ និងកីឡាក្លាយជាវិទ្យាស្ថានគរុកោសល្យ4ឆ្នាំក្នុងមុខវិជ្ជាអប់រំកាយ។ គម្រោងទីពីរ សម្រាប់អង្គការ FIDR រដ្ឋាភិបាលជប៉ុនដែលមានថវិកាប្រមាណ 297,000ដុល្លារអាមេរិក សម្រាប់ការលើកកម្ពស់ផលិតភាពនៃការដាំដុះស្រូវ ការធ្វើពិពិធកម្មនៃកសិកម្ម ការកែលម្អចំណីអាហារ ការបង្កើតបណ្តាញរបស់ប្រជាជនដែលរស់នៅក្នុងតំបន់ និងការពង្រឹងសហប្រតិបត្តិការក្នុងវិស័យកសិកម្មនៅក្នុងស្រុក3 នៃខេត្តកំពង់ឆ្នាំង។ គម្រោងនេះត្រូវបានគេរំពឹងថា នឹងផ្តល់ដល់ប្រជាជនរស់នៅក្នុងតំបន់ឱ្យអាចកែលម្អជីវភាពរស់នៅរបស់ពួកគេ ទទួលបានអាហារគ្រប់គ្រាន់ និងមានជីវជាតិដើម្បីថែរក្សាសុខភាពឱ្យបានល្អប្រសើរឡើង។ លោកស្រី MINAMI Yumiko នាយិកាអង្គការ FIDR ដែលទទួលបានគម្រោងខាងលើ ដែលបាននិងកំពុងជួយដល់ប្រជាកសិករចំនួន 48,000នាក់ដែលរស់នៅក្នុងឃុំគោលដៅរបស់គម្រោងទាំង9 និងភូមិចំនួន63 ក្នុងខេត្តកំពង់ឆ្នាំង … Read more

មោទនភាព លោក សូរ ស្រណោះ ត្រូវបានជប៉ុនផ្តល់កិត្តិយស ជាគណៈកម្មការអន្តរជាតិ

August 6, 2018 by ធឿន មករា

ជាមោទនភាពមួយសម្រាប់អ្នកសិល្បៈកម្ពុជា ជាពិសេសអ្នកស្ថិតនៅក្នុងចង្កោមតន្ដ្រីករ ខណៈដែលមានអ្នកតំណាងប្រទេស គឺលោក សូ ស្រណោះ ដែលស្គាល់ថាជាបណ្ឌិតខាងផ្នែកព្យាណូចប់មកពីប្រទេសជប៉ុន ត្រូវបានគណកម្មការរបស់ជប៉ុនជ្រើសយករូបលោកឱ្យធ្វើគណៈកម្មការចម្រុះដែលមកពី6ប្រទេសចូលរួមផ្តល់ពិន្ទុ និងវាយតម្លៃនៅក្នុងព្រឹត្តិការណ៍នៃការប្រកួតបង្ហាញទេពកោសល្យខាងព្យាណូ ដែលកំពុងធ្វើឡើងយ៉ាងគគ្រឹកគគ្រេងនៅក្នុងប្រទេសថៃ។ បណ្ឌិតតន្ត្រីករខាងផ្នែកព្យាណូ លោក សូ ស្រណោះ បានធ្វើដំណើរចាកចេញពីកម្ពុជាកាលពីល្ងាចថ្ងៃទី21 ខែកក្កដា កន្លងទៅ ឆ្ពោះទៅកាន់ទីក្រុងបាងកក ប្រទេសថៃ ដើម្បីបំពេញនាទីជាគណៈកម្មការផ្តល់ពិន្ទុ និងវាយតម្លៃលើបេក្ខភាពចូលរួមប្រកួតប្រជែងនៅក្នុងព្រឹត្តិការទេពកោសល្យព្យាណូដ៏ធំប្រចាំឆ្នាំ វគ្គពាក់កណ្តាលផ្តាច់ព្រ័ត្រ ភ្ជាប់ជាមួយនឹងវគ្គចុងក្រោយដ៏សំខាន់ ក្រោមការរៀបចំឡើងដោយស្ថាប័នពាក់ព័ន្ធប្រចាំប្រទេសថៃ រួមជាមួយគណៈកម្មការរបស់ប្រទេសជប៉ុន។ ថ្លែងប្រាប់ក្រុមអ្នកសារព័ត៌មាននៅព្រលានយន្តហោះ ភ្នំពេញអន្តរជាតិ លោក សូ ស្រណោះ បានបញ្ជាក់ថា ដំណើរទៅក្រៅប្រទេសលើកនេះ មិនមែនជាលើកទី1នោះទេ ដោយសារតែពេលកន្លងមក លោកក៏ត្រូវបានគណៈកម្មការអន្តរជាតិ ជ្រើសឱ្យធ្វើជាគណៈកម្មការផ្ដល់ពិន្ទុក្នុងការប្រកួតព្យាណូនៅក្រៅប្រទេសចំនួន4លើករួចមកហើយ។ ការប្រកួតនៅក្នុងប្រទេសថៃលើកនេះ លោកថា ភាគីជប៉ុន ដែលជាអ្នករៀបចំ បានធ្វើការប្រកួតជម្រុះចំនួន3ខែមកហើយ ដោយលោកទើបតែត្រូវបានគណៈកម្មការជប៉ុនជ្រើសឱ្យធ្វើជាគណៈកម្មការផ្ដល់ពិន្ទុ ក្នុងពេលការប្រកួតកំពុងឈានដល់វគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ។ លោកថា កាតព្វកិច្ចលើកនេះ គឺតំណាងឱ្យកម្ពុជា ធ្វើជាអ្នកកាត់ក្ដី ក្នុងចំណោមគណៈកម្មការផ្ដល់ពិន្ទុមកពីជប៉ុន និងថៃផ្សេងទៀត ដើម្បីជ្រើសរើសអ្នកពូកែផ្នែកព្យាណូម្នាក់ ឱ្យក្លាយជាម្ចាស់ពាននៅក្នុងប្រទេសថៃ ខណ:ដែលការប្រកួតនេះ គឺមានតែជនជាតិថៃប៉ុណ្ណោះជាបេក្ខជន។ លោក … Read more

NHK បញ្ជាក់កាលពី2ម៉ោងមុននេះថាចំនួនអ្នកស្លាប់នៅជប៉ុនកើនឡើងដល់ 162នាក់ហើយ

July 11, 2018 by អេបិល

តាមសេចក្តីរាយការណ៍របស់ទូរទស្សន៍ជាតិជប៉ុន (NHK) បញ្ជាក់ថាចំនួនអ្នកស្លាប់ដោយសារគ្រោះទឹកជំនន់បានកើនឡើងដល់ 162នាក់ហើយ នៅភាគខាងលិចនៃប្រទេស។ ស្របពេលនេះដែរ អាជ្ញាធរបានបញ្ជាក់ថា ខណៈពេលនេះអ្នកបាត់ខ្លួនមានចំនួន 56នាក់ ហើយសេចក្តីរាយការណ៍បានបញ្ជាក់ថានៅខេត្តហ៊ីរ៉ូស៊ីម៉ា គឺជាតំបន់ដែលរងការវាយលុកដោយកម្លាំងទឹកច្រើនជាងគេ។ អ្នកគ្រប់គ្រងតំបន់នៃភាគខាងលិចប្រទេសជប៉ុន បានលើកឡើងថា មកដល់ត្រឹមម៉ោង 10:30នាទីព្រឹកថ្ងៃពុធនេះ មានមនុស្សប្រមាណ 7,200នាក់គឺកំពុងស្ថិងក្នុងជំរកសុវត្ថិភាព នៃមជ្ឈមណ្ឌលសម្រាប់ជនរងគ្រោះនៅក្នុងខេត្តចំនួនទាំង 15៕

មើលរូបភាពពីគ្រោះទឹកជំនន់នៅជប៉ុនដែលរហូតមកដល់ពេលនេះសម្លាប់មនុស្សអស់ជាង 100នាក់

July 9, 2018July 9, 2018 by អេបិល

សេចក្តីរាយការណ៍ថ្មីៗនេះពីសារព័ត៌មាន Independent បានរាយការណ៍នៅមុននេះបន្តិចថា មនុស្សស្លាប់ក្នុងគ្រោះទឹកជំនន់នៅភាគខាងលិចប្រទេសជប៉ុនបានកើនឡើងដល់ជាង 100នាក់ហើយ។ នៅក្នុងនោះមនុស្សជិត 13,000នាក់កំពុងរស់នៅដោយគ្មានចរន្តអគ្គិសនីយ និងគ្មានទឹកស្អាត ខណៈក្រុមជួយសង្គ្រោះកំពុងព្យាយាមជួយសង្គ្រោះ។ តាមសេចក្តីរាយការណ៍ពីសារព័ត៌មាន NHK បានឱ្យដឹងថាមនុស្សយ៉ាងហោចណាស់ 110នាក់បានសល់បន្ទាប់ពីទទួលរងការវាយលុកដោយទឹកជំនន់ ស្របពេលដែលមនុស្សច្រើនលាននាក់ត្រូវបានជម្លៀសចេញពីលំនៅដ្ឋាន ហើយក្នុងនោះមនុស្សចំនួន 79នាក់បានបាត់ខ្លួន៕

ក្លិបយក្សជប៉ុន FC Tokyo ខ្ចីជើងខ្សែបម្រើឆ្នើមពីក្លិប Bangkok United របស់ថៃ

July 13, 2017 by វល័ក្ខ

ក្លិបយក្សរបស់ជប៉ុន FC Tokyo បានចុះហត្ថលេខាជាមួយនឹងខ្សែបម្រើដ៏ឆ្នើមអន្តរជាតិថៃ Jakkit Wachpirom ពីក្លិប Bangkok United ក្នុងលក្ខខណ្ឌខ្ចីជើងរហូតដល់បញ្ចប់រដូវកាលនេះ។ នេះបើយោងតាមការប្រកាសរបស់ក្លិបស្ថិតក្នុងក្របខ័ណ្ឌកំពូល J-League មួយនេះ កាលពីថ្ងៃពុធ។ Jakkit វ័យ20ឆ្នាំ បានលេងឲ្យក្រុមជម្រើសជាតិថៃអាយុក្រោម23ឆ្នាំ និងបានស្ថិតជាសមាជិករបស់ក្រុមជម្រើសជាតិថៃដែលបានបញ្ចប់ក្នុងចំណាត់ថ្នាក់លេខ2ក្នុងព្រឹត្តិការណ៍ Asian Under-19 Championship កាលពីឆ្នាំមុន។ Jakkit គឺជាកីឡាករថៃទី2ដែលបានចូលរួមជាមួយនឹងក្របខ័ណ្ឌកំពូលជប៉ុន J-League ក្រោយពីខ្សែបម្រើដ៏ឆ្នើម Chanathip Songkrasin បានផ្ទេរទៅកាន់ក្លិប Consadole Sapporo។ កីឡាករ Jakkit បានឲ្យដឹងថា៖ «ខ្ញុំពិតជារីករាយណាស់ក្នុងការមានឱកាសទៅលេងនៅក្រៅប្រទេសនៅឯក្លិបល្បីដូចជា FC Tokyo នេះ។ ខ្ញុំនឹងខិតខំព្យាយាមឲ្យអស់ពីសមត្ថភាពតាមដែលខ្ញុំអាចធ្វើបាន និងព្យាយាមដណ្តើមលទ្ធផលឲ្យបានល្អបំផុត»។ ស្របពេលជាមួយគ្នានេះ ក្លិប FC Tokyo ក៏បានបញ្ជាក់ផងដែរថា ពួកគេបានចុះហត្ថលេខាជាមួយនឹងខ្សែបម្រើ Lipe Veloso ដែលជាអតីតកីឡាកររបស់ក្លិបប្រេស៊ីល Palmeiras និងខ្សែការពារអន្តរជាតិកូរ៉េខាងត្បូង Jang Hyun-soo ពីក្លិប Guangzhou … Read more