Tag: ចន ច័ន្ទលក្ខិណា

តាមរយៈបណ្ដាញទំនាក់ទំនងសង្គមហ្វេសប៊ុកនាពេលថ្មីៗនេះ គេមើលឃើញថា កំពូលតារាសម្តែងជើងចាស់ និងជាប្រធានសមាគមសិល្បៈខ្មែរ អ្នកនាង ចន ច័ន្ទលក្ខិណា បានបង្ហោះរូបភាពជាច្រើនសន្លឹកដែលធ្វើឱ្យអ្នកគាំទ្រភ្ញាក់ផ្អើលចំពោះសភាពស្បែកមុខរបស់អ្នកនាង ដែលមើលទៅកំពុងមានបញ្ហាសើស្បែក។

ជាទូទៅគេមើលឃើញសម្រស់របស់អ្នកនាង ចន ច័ន្ទលក្ខិណា វិញហាក់ដូចមិនចាស់ទៅតាមអាយុឡើយ ពោលគឺអ្នកនាងនៅតែមើលទៅក្មេង និងស្អាតមិនចាញ់តារាសិល្បៈស្រីៗក្មេងៗឡើយ។ ប៉ុន្តែ កាលពីយប់មិញនេះ មហាជនមានការភ្ជាក់ផ្អើល ក្រោយពីបានឃើញសាច់មុខរបស់ អ្នកនាង ចន ច័ន្ទលក្ខិណា ប្រែជាមានស្នាជាំខុសប្រក្រតី។

ដោយផ្អែកលើគណនី អ្នកនាង ចន ច័ន្ទលក្ខិណា បានបង្ហោះសារបែបនេះថា: «មុខអាក្រក់បែបនេះបើខ្ញុំ live video លក់សម្លៀកបំពាក់មានអ្នកទិញឬអត់ ? ខ្ញុំមិនខ្លាចនិងបង្ហាញមុខអាក្រក់អញ្ចឹងទេ ខ្ញុំជាខ្ញុំ»។ ទោះបីជាយ៉ាងណា អ្នកគាំទ្របានធ្វើការសង្ស័យថា ប្រហែលជា អ្នកនាង ចន ច័ន្ទលក្ខិណា ធ្វើការកែសម្ផស្សថ្មីនៅលើផ្ទៃមុខជាមិនខាន ចំណែកអ្នកខ្លះបានផ្តល់កម្លាំងចិត្តដល់អ្នកនាងថា ទោះអ្នកនាងបែបនេះ ក៏ពួកគេនៅតែគាំទ្រជានិច្ច។ ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ៖

នៅក្នុងពិធីបុណ្យសពរបស់តារាសម្ដែងស្រី អ្នកនាង អាលីយ៉ា គេកត់សម្គាល់ឃើញមានតារាសិល្បៈជាច្រើន ព្រមទាំងអ្នកសារព័ត៌​មានជាច្រើនរូបទៀត បានចូលរួមគោរពវិញ្ញាណក្ខន្ធជាលើចុងក្រោយ តែយ៉ាងមិញ តារាសម្តែងប្រុសលោក អ៊ឹម ជីវ៉ា និងប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានចេញមុខ ប្រកាសទទួលជួយរៀបចំទាំងស្រុង នូវពិធីបុណ្យសពរបស់តារាស្រី ឌីជេ អា លីយ៉ា ខណៈដែលសពក៏ត្រូវធ្វើពិធីបូជា នៅរសៀលម៉ោង 3 ថ្ងៃទី 28 ខែមិថុនា ម្សិលមិញនេះ។

លោក អ៊ឹម ជីវ៉ា បានប្រកាសនៅលើគណនីហ្វេសប៊ុកថា «សូមជូនដំណឹងដល់ បងប្អូនមហាជន និងសារព័ត៌មានទាំងអស់មេត្តាជ្រាបថា ខ្ញុំបាទ អ៊ឹម ជីវ៉ា និងបងស្រី ចន ច័ន្ទលក្ខិណា និងទៅចូលរួម និងជួយចាត់ចែងបុណ្យសព អាលីយ៉ា នៅម៉ោង១១ព្រឹកនេះ។ សូមបញ្ជាក់ដែរថា ក្នុងពិធីបុណ្យសពនេះ សប្បុរសជនដែលជួយដល់បុណ្យសព អាលីយ៉ា គឺជួយចេញថ្លៃមេនបូជាសព និងថ្លៃផ្កា មាន កញ្ញា ឌួង ហ្សូរីដា និងលោកស្រី ងិន ម៉ារីយ៉ា។

លោកនិយាយទៀតថា «ចំណែករោងបុណ្យ បបរបុណ្យ និងកម្មវិធីទាំងមូល គឺអ្នកបង ចន ច័ន្ទលក្ខិណា ប្រធានសមាគមនសិល្បករ និង ខ្ញុំបាទ អ៊ឹម ជីវ៉ា ក្រុមប្រឹក្សាសមាគមសិល្បករខ្មែរ ជាអ្នករ៉ាប់រងទទួលបន្ទុកទាំងអស់ បានន័យថា បើខ្វះខាតលុយប៉ុន្មាន សមាគមជាអ្នកជួយចេញជំនួសទាំងអស់។ រីឯកាបូជាសព និងត្រូវបូជាសព អា លីយ៉ា នឹងធ្វើនៅរសៀលថ្ងៃនេះ នៅវត្តទួលអស់លោក ក្នុងសង្កាត់គីឡូម៉ែត្រលេខ6 ខណ្ឌឫស្សីកែវ រាជធានីភ្នំពេញ»។

គួរបបញ្ជាក់ផងដែរថា ក្រៅ​ពី​មាន​ការ​ជួយ​ពី​សមាគម​សិល្បករ​ខ្មែរ​ ក៏​មាន​សប្បុរស​ជន​មួយ​ចំនួន​ជួយ​ដល់​ពិធី​បុណ្យ​សព​ អាលីយ៉ា រួមមាន​ដូច​ជា សិល្បករ​សិល្ប​ការិនី​​បាន​រៃអង្គាស​គ្នា​ ប្រពន្ធ​តារា​សម្ដែង​ ស៊ុក សុភា ម្ដាយ​ ថៃ នរៈពិទូ ជាដើម។ មុន​ពេល​​បិទ​ភ្នែក​លា​ចាក​លោក​ទៅ សមាគម​សិល្បករ​ខ្មែរ​​ ក៏​បាន​ជួយ​ដល់​ អាលីយ៉ា ជាង​1​លាន​រៀល។ លោក អ៊ឹម ជីវ៉ា បន្ថែម៕

នៅព្រឹកថ្ងៃទី23 ខែឧសភា ឆ្នាំ2018 នេះ តារាសម្ដែង និងច្រៀង និងជាឧកញ៉ាវ័យក្មេង លោក ឡេង ណាវ៉ាត្រា បានរៀបចំពិធីប្រគល់រថយន្ដប្រណីតចំនួន 2គ្រឿងដល់សមាគម​សិល្បករ​ខ្មែរ និង​សមាគម​មិត្ត​សិល្បៈ​ស្ម័គ្រចិត្ត​ជួយ​សង្គម ដើម្បី​សម្រួល​ក្នុងការ​ធ្វើដំណើរទៅ​បំពេញការងារ​របស់​បង​ប្អូន​សិល្បករ-​សិល្បការិនី​។​

នៅក្នុងនោះ អ្នកនាង ចន ច័ន្ទលក្ខិណា ជាប្រធានសមាគមសិល្បករខ្មែរ​ បានថ្លែងអំណរគុណ និងបញ្ជាក់ប្រាប់មិត្តសិល្បករ-សិល្បការិនីទាំងអស់ឱ្យបានជ្រាបថា «នាងខ្ញុំជាប្រធានសមាគមសិល្បករខ្មែរ បានរៀបចំពិធីទទួលរថយន្តពីប្អូនប្រុស ឡេង ណាវ៉ាត្រា ដែលប្អូនប្រុសបានឧបត្ថម្ភនូវរថយន្តទាំងនេះ ដើម្បីប្រើប្រាស់ជាយានដឹកសិល្បករ-សិល្បការនីយើង ( ដែលមានកាតសមាជិកសមាគមជាសម្គាល់ ) ដោយមិនគិតថ្លៃ ( បញ្ជាក់ គឺសម្រាប់ការធ្វើដំណើរក្នុងក្រុងភ្នំពេញ )។ បងសូមអរគុណចំពោះទឹកចិត្តសប្បុរសធម៌ដ៏ថ្លៃថ្លាវិសេសវិសាលមិនអាចកាត់ថ្លៃបាននេះ»។

អ្នកនាងបានបន្ថែមនៅលើបណ្ដាញទំនាក់ទំនងសង្គមហ្វេសប៊ុកទៀតថា អ្នក​នាងសូមជម្រាបដល់បងប្អូនសិល្បករ-សិល្បការិនីដែលជាសមាជិករបស់សមាគមសិល្បករទាំងពីរឱ្យបានជ្រាបថា​ ចាប់ពីថ្ងៃទី23 ខែឧសភា នេះតទៅសមាគមមានតាក់ស៊ី 2គ្រឿងសម្រាប់ដឹកជញ្ជូនសមាជិកយើងដោយឥតគិតថ្លៃក្នុងការធ្វើដំណើរទៅចូលរួមកិច្ចការងារសង្គមផ្សេងៗ។

សូមបញ្ជាក់ផងដែរថា លក្ខខណ្ឌក្នុងការទំនាក់ទំនងដើម្បីបានសេវាតាក់ស៊ីដោយឥតគិតថ្លៃមានដូចខាងក្រោម៖

– បងប្អូនសិល្បករ-សិល្បការិនីត្រូវបង្ហាញអត្តសញ្ញាណប័ណ្ណសិល្បករ​ ដែលចេញដោយសមាគមទាំង2ពីរ

– សិល្បករ-សិល្បការិនី អាចប្រើប្រាស់សេវាតាក់ស៊ីបានតែ1ដងក្នុង1ថ្ងៃ

– សូមទំនាក់ទំនងមកកាន់លេខតាក់ស៊ីទាំងពីរ

– លេខទូរស័ព្ទតាក់ស៊ីទី1៖ 077 987 765 ធារិទ្ធ

– លេខទូរស័ព្ទតាក់ស៊ីទី2៖ 061748874 គន្ធា

– Hotline ៖ 017 990 332

– ចាប់ពីម៉ោង 7ព្រឹក ដល់ម៉ោង 6ល្ងាច និងក្នុង1សប្តាហ៍6ថ្ងៃ​

– គម្រោងនេះសាកល្បងរយៈពេល 3ខែ៕

ភ្ញាក់អារម្មណ៍យ៉ាងខ្លាំង នៅពេលថ្មីៗនេះ អ្នកនាង ចន ច័ន្ទលក្ខិណា ដែលជាប្រធានសមាគមសិល្បករខ្មែរ បានបង្ហោះសារក្តៅស្លឹកត្រចៀកយ៉ាងវែងអន្លាយមួយលើបណ្តាញសង្គមហ្វេសប៊ុក ដោយមានខ្លឹមសារថាឱ្យបុគ្គលដែលចង់ល្បីឈ្មោះមួយចំនួន ដែលអ្នកនាងបានសង្កត់ធ្ងន់ថា ហេតុតែចង់ល្បី សុខចិត្តបង្កើតរឿងជម្លោះជាមួយប្រធានសមាគម ដើម្បីឱ្យមានគេស្គាល់ច្រើន។ ចង់ដឹងថាសាច់រឿងយ៉ាងណានោះ សូមអានសាររបស់អ្នកនាងខាងក្រោមនេះ៖

អ្នកនាង ចន ច័ន្ទលក្ខិណា បានសរសេរថា «នាងខ្ញុំសុំនិយាយរឿងមួយ ចំពោះអ្នកចង់ល្បីដោយសារការបង្កើតរឿងឱ្យខ្លួនឯងល្បីក្នុងបណ្ដាញសង្គមទាំងឡាយ។ បើបងប្អូនចង់ល្បីឈ្មោះ ដើម្បីឱ្យគេស្គាល់កាន់តែច្រើន សូមមេត្តាកុំបង្កើតរឿងដាក់ខ្ញុំ ដោយខ្ញុំមិនដឹងអ្វីទាំងអស់ និងមិនដែលពាក់ព័ន្ធគ្នាសោះអី ព្រោះកន្លងមកខ្ញុំឮពាក្យខ្សឹបខ្សៀវរវាងអ្នកសិល្បៈ និងមិត្តសិល្បៈមួយចំនួននិយាយតៗគ្នាថា បើចង់ល្បីឈ្មោះខ្លាំង ឬចង់ឱ្យគេស្គាល់ផេករបស់ខ្លួន និង Acc របស់ខ្លួនកាន់តែច្រើន គឺត្រូវបង្កើតរឿង និងឈ្លោះជាមួយបងចនច័ន្ទទៅ គឺច្បាស់ជាល្បីហើយ ហើយក៏មានឮដំណឹងថា មានអ្នកខ្លះមុនទៅសម្តែងនៅក្រៅប្រទេស ដើម្បីចង់ឱ្យគេចាប់អារម្មណ៍ច្រើន គឺបង្កើតសាច់រឿងឱ្យមានព័ត៌មាន តាមបែបប្រឌិតផ្សេងៗដាក់ខ្ញុំ ហើយដើរតួជាជនរងគ្រោះ ខ្ញុំជាមារ តែខ្ញុំមិនដែលជឿអ្នកនិយាយទាំងនោះទេ រហូតដល់ពេលអស់ពីម្នាក់ចូលម្នាក់ ខ្ញុំហាក់មានអារម្មណ៍ គិត និងពិចារណា»។

អ្នកនាង ចន ច័ន្ទលក្ខិណា បានសរសេរបន្តថា «បើនិយាយឱ្យចំ រឿងរ៉ាវកន្លងមក ខ្ញុំមិនដែលទៅបង្កបញ្ហាដាក់អ្នកណាមុនទេ ឆែកមើលដោយគតិទៅបងប្អូននឹងយល់ តែខ្ញុំសុខចិត្តធ្វើជាជនអាក្រក់ ឃោរឃៅទាំងខ្លួនខ្ញុំ តែងតែជួយអ្នកទាំងនោះ តាមរូបភាពស្ងប់ស្ងាត់ ព្រោះតែពាក្យថា ប្រធានសមាគមជាម៉ែជាឪ។ សូមមេត្តាកុំបង្កើតរឿងដោយប្រយោលឱ្យគេយល់ច្រឡំមកលើខ្ញុំ ដោយខ្ញុំមិនមានអ្វីពាក់ព័ន្ធនឹងសាច់រឿងរបស់អ្នក ខ្ញុំមិនមែនជាជនល្បីឈ្មោះខ្លាំងអស្ចារ្យអីទេ ហើយកុំយកតួនាទីប្រធានសមាគមរបស់ខ្ញុំ ទៅលេងសើច។ ពីដើមមកខ្ញុំមិនដែលយកតួនាទីរបស់ខ្ញុំទៅប្រើលើអ្នកណាឡើយ ក្រៅពីប្រមូលអ្នកសិល្បៈឱ្យជួបជុំគ្នា ធ្វើការងារសង្គម និងមនុស្សធម៌ តែបើខ្ញុំយកតួនាទីរបស់ខ្ញុំទៅប្រើ គឺអ្នកដែលមានសកម្មភាពមិនល្អទាំងនោះនឹងមានការកោះព្រមាន តែអ្វីដែលខ្ញុំតែងធ្វើ គឺការសម្របសម្រួល ទោះអ្នកនោះធ្លាប់វាយប្រហារខ្ញុំក៏ដោយ»។

អ្នកនាង សរសេរទៀតថា «បើម្នាក់ៗមានសមត្ថភាពបង្កើតសាច់រឿងផ្សេងៗឱ្យខ្លួនល្បីឈ្មោះហើយ សូមបន្តការប្រឌិតរឿងទាំងនោះទៀតចុះ ខ្ញុំយល់ថា ទីផ្សារសិល្បៈគឺចង្អៀត ឱ្យតែបានល្បី អ្វីក៏ធ្វើបានដែរ តែកុំយកខ្ញុំទៅប្រឡូកប្រឡាក់ ខ្ញុំអត់ដឹងរឿងអ្វីទេ ពេលនេះខ្ញុំគិតតែរឿងរកស៊ីទេ សិល្បៈខ្ញុំក៏ដកខ្លួនខ្លះហើយ។ ពេលមានបញ្ហា គឺរត់រកប្រធានសមាគមជួយ ពេលចង់ល្បី សូមកុំយកប្រធានសមាគម ទៅប្រឌិតសាច់រឿងឱ្យគេស្អប់ ព្រោះពេលជួយគ្នាយើងម្តងៗ ខ្ញុំប៉ះពាល់ជាមួយកូនអ្នកមានអំណាចច្រើនហើយ អ្នកសាង និងអ្នករួចខ្លួនគឺពួកយើង តែអ្នកត្រូវគេស្អប់គឺខ្ញុំ ដូច្នេះអ្នកណាធ្វើអ្វី ដើម្បីឱ្យខ្លួនល្បីតាមរយៈការកុហកទស្សនិកជន និងមហាជនបាន គឺធ្វើតាមទម្លាប់ចាស់ទៅ ខ្ញុំមិនពាក់ព័ន្ធទេ»។

អ្នកនាង ចន ច័ន្ទលក្ខិណា បានបន្ថែមថា «សូមកុំទម្លាក់រឿងឱ្យខ្ញុំជាតួចិត្តអាក្រក់ តួឈ្នានីស ឯខ្លួនឯងជាតួឯក ទាំងតួឈ្នានីសដែលអ្នកផងដាក់រហស្សនាម មិនបានសម្តែងជាមួយ ហើយអូសខ្ញុំទៅសម្តែង ព្រោះតាំងពីដើមមក អ្នកស្គាល់ខ្ញុំច្បាស់ គឺគេដឹងថា ខ្ញុំរវល់យ៉ាងណា ទាំងការងារសិល្បៈ ទាំងការងាររកស៊ី ទោះមុខរបរកំប៉ិកកំប៉ុកក៏ដោយ ហើយខ្ញុំមិនដែលពឹងផ្អែក លើមុខរបរសិល្បៈមួយមុខនោះទេ ដូច្នេះខ្ញុំមិនចាំបាច់ខំបង្កើតរឿងកុហក ទស្សនិកជនឡើយ ដូច្នេះសូមកុំឱ្យខ្ញុំដឹងថា មានរឿងលើខ្ញុំទៀត ខ្ញុំមិនអាចចេះតែមានចិត្តអំណត់ឱ្យគេបង្កើតរឿងអាស្រូវម្តងហើយម្តងទៀតដាក់ខ្ញុំបានទៀតដែរ តែបើរឿងពិត ធ្វើចុះ ខ្ញុំគាំទ្រ។ សូមអរគុណ!»៕

កាលពីពេលថ្មីៗនេះមានការភ្ញាក់ផ្អើលដ៏ខ្លាំងមួយ ដោយសារអ្នកលេងហ្វេសប៊ុកជនជាតិថៃម្នាក់ដែលមានគណនីឈ្មោះPormchai Suthanonបានបង្ហោះសារនៅលើហ្វេសប៊ុករបស់ខ្លួនដោយប្រើពាក្យតិះដៀលប្រមាថដល់សិល្បៈវប្បធម៌ខ្មែរនិងជនជាតិខ្មែរ។

នៅក្នុងសារនោះគេបានសរសេររៀបរាប់ថា៖ «ភាគច្រើនសិល្បៈផ្សេងៗរបស់ខ្មែរ គឺមួយផ្នែក Copy ពីប្រទេសថៃយើងច្រើនជាងដែលពួកគេគិតឡើងដោយខ្លួនឯង និងអះអាងថាជាសិល្បៈរួម ដោយសារតែស្ថានភាពសង្គ្រាមរយៈពេលយូរអង្វែង តែប្រជាជនខ្មែរសម័យនេះពួកគេអះអាងថាថៃបានលួចរបស់ពួកគេទៅវិញ (ប្រើពាក្យថាលួចតែម្ដង) ដែលតាមពិតទៅខ្លួនឯងសោះ ជាភាគីលួចពីប្រទេសថៃច្រើនជាង។ ប្រសិនបើមើលតាមក្បាច់រាំ ការតុបតែងមុខមាត់ ម៉ូដសក់ក្បាច់ជីបផ្សេងៗទៀត គឺខ្មែរបានCopy របស់យើងគ្រប់យ៉ាងៗសម្បូរបែប និងថែមទាំងទទូចសូមឱ្យពិភពលោកទទួលស្គាល់ថា ជារបស់ជាតិសាសន៍ខ្មែរ មិនមែនរបស់ជនជាតិថៃ ទាំងមិនស្គាល់អំពីក្រសួងវប្បធម៌ថៃឡើយ។ តើជាអ្វីទៅ..?»។

គ្រាន់តែបានឃើញសារនោះ និងការឆ្លើយតបរបស់កូនខ្មែរមួយចំនួននៅលើហ្វេសប៊ុកភ្លាម ប្រធានសមាគមសិល្បករខ្មែរអ្នកនាងចន ច័ន្ទលក្ខិណាបានពន្លះទៅវិញថា «ខ្ញុំក៏ចង់និយាយដែរថា ប្រទេសរបស់អ្នកឯងជាប្រទេសដែលចេះតែលួចវប្បធម៌អរិយធម៌គេ គ្មានអ្វីជាអត្តសញ្ញាណរបស់ខ្លួនពិតប្រាកដឡើយ មានតែមួយគត់ដែលសម្គាល់ថាជាអត្តសញ្ញាណរបស់ប្រទេសអ្នកឯងគឺ វប្បធម៌ទេសចរណ៍សិច ឬសិចអនាធិបតេយ្យ។ សុំទោស ខ្ញុំយករូបពីការផុសតគ្នាតាមរយៈព័ត៌មានចែកចាយលើបណ្ដាញសង្គម Facebook ឯរឿងហ្នឹងពិត ឬមិនពិតយ៉ាងណា ខ្ញុំមិនដឹងទេ ដឹងត្រឹមតែខ្ញុំមិនសប្បាយចិត្តនឹងអ្នកណានិយាយមើលងាយប្រទេសខ្មែរប៉ុណ្ណោះ»។

យ៉ាងណាមិញ នៅមិនទាន់អស់ចិត្តឡើយ អ្នកនាងនៅបានបង្ហោះសារជាបន្ដបន្ទាប់ទៀតដោយអះអាងថា នាងខ្ញុំជាមនុស្សល្ងង់ តែនាងខ្ញុំឈឺចាប់ណាស់នូវអ្វីដែលសាសន៍គេដៀលខ្មែរ តែអ្វីដែលគួរឱ្យឈឺចាប់ជាងនេះ គឺកូនខ្មែរដែលអង្គុយលើគំនរវិជ្ជា បែរជាអបអរសាទរ និងគាំទ្រនូវអ្វីដែលសាសន៍គេកំពុងមើលងាយសាសន៍ឯងទៅវិញ។ នេះជាការយល់ឃើញរបស់មនុស្សល្ងង់ដូចជារូបខ្ញុំ។ បើអ្នករៀនបានខ្ពង់ខ្ពស់ និងស្ថិតក្នុងត្រកូលថ្លៃថ្នូរ ក្នុងគ្រួសារសម្បូរចំណេះវិជ្ជាមិនយល់ស្រប ក៏សុំទោសផងចា៎ ព្រោះការយល់ឃើញផ្សេងគ្នា ឋានៈខុសគ្នា ចំណេះដឹងខុសគ្នា និងស្ថានភាពខុសគ្នា។ដូច្នេះបើមិនពេញចិត្ត សូមUnfriend ខ្ញុំចោលទៅ ចំពោះគំនិតរបស់អ្នកមកលើមតិយោបល់របស់ខ្ញុំកន្លងមក រួមទាំងការវាយប្រហារមកលើខ្ញុំផ្សេងៗផង គឺខ្ញុំដឹងទាំងអស់គ្រាន់តែខ្ញុំមិននិយាយ។ ទំនេរៗ យកពេលទៅគិតរឿងជួយអភិវឌ្ឍប្រទេសជាតិទៅ កុំយកពេលមកចាំតែរិះគន់ប្រទេសខ្លួនឯង អ្វីៗមិនស្ថិតលើបបូរមាត់ទេ គឺស្ថិតលើសកម្មភាព គេមិនហៅថាទំពាំងស្នងឫស្សីទេ គឺគេហៅទំពាំងជ្រក់៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី 7 ខែមីនា ឆ្នាំ 2018 នេះ​បានឱ្យដឹងថា នាថ្ងៃម្សិលមិញនេះ សិល្បករ សិល្បការនីជាច្រើន បានបង្ហាញវត្តមានដើម្បីអបអរទិវាវប្បធម៌ជាតិលើកទី 20 នៅបរិវេណទឹកដីកោះពេជ្រ ដោយសង្កេតឃើញថា សិល្បករខ្មែរទាំងអស់តុបតែងខ្លួនដោយគ្រងសម្លៀកបំពាក់ប្រពៃណីយ៉ាងស្រស់ស្អាតសមសួនជាបុរសខ្មែរ នារីខ្មែរ ។ ដោយឡែកក្នុងនោះ ឈុតសម្លៀកបំពាក់របស់កំពូលតារាចម្រៀងលោក ណុប បាយ៉ារិទ្ធ និងអ្នកនាង សុគន្ធ នីសា មានសម្រស់លេចធ្លោជាងគេ ព្រោះថា មួយឈុតនោះជាការរចនាម៉ូដដោយលោក ណុប បាយ៉ារិទ្ធ ផ្ទាល់តែម្ដង។

លោក ណុប បាយ៉ារិទ្ធ បានបង្ហើបថា « យប់ម៉ិញទំរាំធ្វើអាវមួយនេះរួច ដល់ម៉ោង3ភ្លឺ តែខ្ញំនៅតែស្រលាញ់នឹងមិនបោះបង់ចោលនូវការព្យាយាមរបស់ខ្ញំជាដាច់ខាត ហនុមាន អ្នកបានធ្វើដំណើរទៅជាមួយខ្ញុំនូវក្នុងការសម្តែងនៃពិធីអបអរសាទរ ទិវាវប្បធម៌ជាតិទូទាំងប្រទេសលើកទី20 និងការទទួលទានអាហារមិត្តភាពរួមគ្នា នៅទីក្រុងកោះពេជ្រ ដែលរៀបចំដោយក្រសួងវប្បធម៌និងវិចិត្រសិល្បៈ ក្រោមការអញ្ជើញជាអធិបតីដ៍ខ្ពង់ខ្ពស់ពីថ្នាក់ដឹកនាំជាន់ខ្ពស់នៃរាជរដ្ឋាភិបាល គឺសម្តេចតេជោហ៊ុនសែន និងសម្តេចកិតិព្រឹត្តបណ្ឌឹតប៊ុនរ៉ានីហ៊ុនសែន រួមជាមួយនិងសិល្បៈករសិល្បៈការិនីជាច្រើនជំនាន់ »។

នៅក្នុងនោះផងដែរ ក៏មានការស្ញើចសរសើរពីសំណាក់ប្រធានសមាគមន៍សិល្បករខ្មែរ គឺអ្នកនាង ចន ច័ន្ទលក្ខិណា បានពោលពាក្យសរសើរថា « ប្អូនបងពូកែគូរ និងច្នៃម៉ូត តាំងពីជាង 10 ឆ្នាំមុន គំនិតបែបនេះពិតជាអស្ចារ្យ មែន មិនសរសើរមិនបាន Bayyareth Nop »។

ចង់ដឹងថា ឈុតរបស់កំពូលតារាចម្រៀងទាំងពីរស្រស់ស្អាតដល់ម្រិតណានោះ សូមទស្សនារូបភាពទាំងឡាយខាងក្រោមនេះ៖

តាមរយៈបណ្ដាញទំនាក់ទំនងសង្គមហ្វេសប៊ុករបស់ប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា នៅពេលថ្មីៗនេះ បានឱ្យដឹងថា អ្នកត្រូវបានអ្នកលេងបណ្ដាញសង្គមបុរសម្នាក់សរសេរសាររិះគន់នាងចំៗ ដោយមិនប្រណីថ្វីមាត់ និងជេតិះដៀលប្រើពាក្យអសុរោះ ទាំងខ្លូនជាបុរសសោះ។

ផ្ដើមចេញពីអ្នកលេងហ្វេសប៊ុកនោះមានឈ្មោះគណនីថា ” Jetra Ananda Kong ” បានសរសេរសាររិះគន់ថាអ្នកនាង ចន ច័ន្ទលក្ខិណា ថា « អានcomment ហើយចុកឈាមទេនាងច័ន្ទ? ច័ន្ទមិនប្រកុយ នាងតារាពូកែតែខាងអុជអាលឈ្នានីស​ ទៅដល់ត្រង់ណាគេស្អប់ត្រង់ហ្នឹង សមណាស់ដែលជាប់ឈ្មោះទេពអប្សរចិត្តព្រាយ​ មានតែគេជេរ​ គេស្អប់​ គេខ្ពើមរអើម​ ។ នាងតារាមិនដែលល្បី​ មិនដែលមានហ្វេន​ នាងតារាពូជឈ្នានីស​ មួយជាតិដល់ងាប់ទៅវិញ​ ដើរតែឈ្នានីសឆ្កិះឆ្កៀលអ្នកដទៃ​។ ឆ្ងាញ់ត្រង់គេសុខចិត្តចំណាយលើស្រីតាំងក្នុងទូ ក៏មិនចំណាយទៅមើលនាងបីសាចដង្កូវរុកគួនក្នុងពិភពសិល្បះម្នាក់នេះដែរ។ ថ្ងៃក្រោយសល់តែឈ្មោះមហាអាស្រូវក្នុងសិល្បៈ​ អូយ! ចុកចាប់ »។

មិនបង្អង់យូរ អ្នកនាង ចន ច័ន្ទលក្ខិណា បុរសជាអ្នកលេងហ្វេសប៊ុកនោះវិញថា « បើខ្ញុំជាមនុស្សអាក្រក់ម៉្លេះសមរូបសិចអាក្រាតរបស់អ្នកនិងប្រុសៗមួយចំនួនបែកធ្លាយតាំងពីយូរហើយ តែខ្ញុំមិនធ្វើបែបនោះឡើយ តែកុំតាមខាំដូចឆ្កែឆ្កួតពេក បើគេឈប់តតាំងហើយសូមស្ងាត់ទៅ ប្រយ័ត្នកាន់បាត្រអោយអាត្មា សិចតាម video call អីៗណឹង ក៏មានដែរ ហើយកុំស្មានថាបុរសៗផ្សេងទៀតគេនៅស្ងៀម ខ្ញុំបានពីគេទេណា ប្រយ័ត្នម៉ាក់ៗឃើញម៉ាក់ៗគាំងបេះដូង »។

តែយ៉ាងណាមិញ ប្រភពពីគណនីហ្វេសប៊ុកខាងលើនោះ នៅតែមិនឈប់តសម្ដីឡើយ លោកបានបង្ហោះសារបន្ថែមការតបតទៅវិញថា « ផ្តាំទៅមីតារាក្តិតរលួយដែលត្រូវគេស្អប់ជេរដេញក្បាលចេញពីកូរ៉េម្នាក់ហ្នឹងផង បើវាចង់បញ្ចេញរូបភាពអាក្រាតស្អី​ អោយវាបញ្ចេញបញ្ជីរាយនាមឈ្មោះប្រុសដែលធ្លាប់ដេកជាមួយវាផង​។ ជាពិសេសអាប្រុសមេធាវីដែលធ្លាប់ធ្លាយថាដេកជាមួយគ្នារហូតដល់បាក់គ្រែភីង! មីតារាសំគីស​ មីស៊ីប្រុសចងចង្កោម នាងឯងកុំមកចង់តំឡើងធ្មង់ដាក់អញ។ ក្លាហានអើតក្បាលមករករឿងស្អីតែអញ? ចុះនាងឯងមិនខ្លាំងដាក់បងប្អូននៅកូរ៉េផងទៅ​ មីតារាគេឃើញមុខដេញក្បាល? ទៅដល់ណាគេដេញក្បាលដល់នោះ​ នៅមិនព្រមចេះខ្មាស​ មុខសែនក្រាស់​ ឈប់បានឈប់ទៅ​ មីតារាប៉ិនសន្សំរឿង​ មីតួឈ្នានីសអត់កំណើត។ បានតែស៊ីបាតជើងកណ្តាលមុខទេនាងឯង! »៕

បន្ទាប់ពីអ្នកនាង ចន ច័ន្ទលក្ខិណា បានទម្លាយថា ព័ត៌មានដែល Websites ផ្សេងៗគេសរសេរពីគាត់( អ្នកនាង អ្នកនាង ម៉េង កែវពេជ្ជតា ) មុនសារព័ត៌មាន Dara new បានសរសេរ បែរជាអ្នកនាង ពេជ្ជតាមិនអើពើរករឿងគេទេ ហើយបែរមកសរសេរវាយប្រហារប្រធានសមាគមទៅវិញ និងបានទម្លាយថា រាជិនីសំឡេងមាសរូបនេះ ហេតុតែមានងារជាជំទាវចង់ធ្វើអ្វីដាក់អ្នកណា ជេរអ្នកណា គឺគ្មានក្រែងអ្វីនោះទេ។ ស្រាប់តែភ្លាមៗនេះ អ្នកនាង ម៉េង កែវពេជ្ជតា  ស្រែកហៅក្ដែងៗនៅលើបណ្ដាញសង្គមហ្វេសប៊ុករបស់ខ្លួនឱ្យអ្នកនាង ចន ច័ន្ទលក្ខិណា  ចេញមុខដោយផ្ទាល់។

អ្នកនាង ម៉េង កែវពេជ្ជតា  បានសរសេរសារនៅក្នុងហ្វេសប៊ុកថា «ចង់ឱ្យនាងចេញមុខមកនិយាយចំជាមួយ​ មិនចង់ឱ្យនាងថ្ងូរពីចម្ងាយអ៊ីចឹងទេ​ មិនក្លាហានសោះ​។ ហើយនាំមនុស្សដែលពាក់ព័ន្ធទាំងអស់នោះមកផង​ តើពួកគេហ៊ានទេ​? ខាងខ្ញុំ​ នៅទាំងអស់​ សូម្បីឯកឧត្តមអតីតរបស់ខ្ញុំក៍គាត់​នៅ​ដែ​រ គាត់អាចជាសាក្សីបាន​។ នាងចាន់​ បើអូនល្អ​ អូនត្រូវចេញមុខផ្ទាល់​ កុំបាច់ប្រើអ្នកដទៃដែលគេមិនដឹងរឿងមកជេរ​បង​។ ទោះអូនប្រើពួកគេឱ្យចូលមកជេរបញ្ចោរក្នុងកន្លែងបង​ ក៏បងមិនតបតដែរ​ ព្រោះបងអាណិតពួកគេដែលមិនដឹងខ្យល់អីទេ​ គេមកតាមការបញ្ជាពីអូនប៉ុណ្ណោះ​ ប៉ុន្តែនាងចាន់ត្រូវទទួលខុសត្រូវនូវរាល់ការចោទប្រកាន់ទាំងប៉ុន្មានពីខាងនាង​!!»៕

កាន់តែក្ដៅគគុក និងក្ដៅស្លឹកត្រចៀកហើយ ប៉ុន្មានម៉ោងមុននេះបន្តិច តារាសម្ដែងស្រី និងជាប្រធានសមាគមសិល្បករខ្មែរគឺ អ្នកនាង ចន ច័ន្ទលក្ខិណា បានចេញសារនៅលើហ្វេសប៊ុក ក្នុងគោលបំណងអំពាវនាវដល់ថ្នាក់ដឹកនាំរដ្ឋាភិបាល មានចំណាត់ការចំពោះតារាស្រី ម៉េង កែវពេជ្ជតា។

អ្នកនាង ចន ច័ន្ទលក្ខិណា បានលើកឡើងយ៉ាងដូច្នេះថា «អ្នកបង ម៉េង កែវពេជ្ជតា គាត់រិះគន់ខ្ញុំគាំទ្ររដ្ឋាភិបាល គឺបានន័យថា គាត់មិនពេញចិត្តព្រមទាំងប្រឆាំងនឹងការគាំទ្ររបស់ខ្ញុំដែលតែងតែចេញមុខគាំទ្ររដ្ឋាភិបាល និងសម្តេចទាំងពីរដោយចំហ និងមិនលាក់លៀម ខ្ញុំគោរពស្រឡាញ់គាំទ្របក្សប្រជាជនដោយគ្មានលាក់បាំង ខ្ញុំមិនដែលខ្លាចបក្សផ្សេងជេរខ្ញុំ ដៀលខ្ញុំ វាយប្រហារខ្ញុំនោះឡើយ ខ្ញុំសុខចិត្តទ្រាំឱ្យបងប្អូនបក្សផ្សេងគេជេរប្រទេចគ្រប់បែបយ៉ាង ដោយមិនតបត ខ្ញុំគ្មានល្បិច មាត់ថាស្រឡាញ់ តែជ្រើសរើសអ្នកផ្សេងនោះទេ មិនដូចគាត់សម្ងំយកប្រជាប្រិយពីបក្សផ្សេងហើយធ្វើការយកលុយពីប៉ុស្តិ៍របស់រដ្ឋាភិបាលនោះឡើយ ឬក៏អាចនិយាយបានថា គាត់មានឧត្តមគតិផ្សេង ដូច្នេះសូមថ្នាក់លើយល់តាមការគួរ»។ នេះបើតាមការបង្ហោះកាលពីពេលថ្មីៗនេះ។

រហូតដល់រយៈពេល 1 ម៉ោងមុននេះបន្តិច តារាស្រីរូបនេះក៏បានបង្ហោះសារបញ្ជាក់បន្ថែមទៀតថា «Fanៗគាត់ល្អៗណាស់ ក្មេងៗក៏មិនលើកលែងដែរ គេផុសខួបកំណើតកូនគេសោះចូលមកជូនពរឱ្យក្មេងយ៉ាងឈឺ ពិតជាកំពូលពូកែលើកទឹកចិត្តក្មេងមែន ថ្ងៃខួបក្មេងក៏មិនលើកលែង ដើមហេតុរឿងដំបូងគឺបុរសម្នាក់នេះហើយបងប្អូន ហើយខ្ញុំសូមបញ្ចប់ត្រឹមនេះ ព្រោះពួកគាត់ដើម្បីបានឈ្នះខ្ញុំគឺ ប្រើដៃជើងចូលមកវាយប្រហារដល់កូនស្រីខ្ញុំទៀត ទាំងខ្លួនជាប្រុស អ្នកបងឈ្នះហើយ ព្រោះយប់មិញអ្នកបងនិយាយប៉ះពាល់អារម្មណ៍កូនខ្ញុំក្នុងថ្ងៃខួបកំណើតគាត់ខ្លាំងណាស់ សូមសប្បាយចិត្តចុះ បើចង់បន្តសូមអញ្ជើញ លេងខ្ញុំបាន តែកុំលេងកូនខ្ញុំទៀត បើចង់ឈ្នះក៏ឈ្នះចុះ ខ្ញុំសូមចាញ់ហើយបើម្នាក់ៗលេងកូនខ្ញុំបែបនេះ»៕

នៅមិនទាន់ចប់ទេ សង្គ្រាមពាក្យសម្ដី ឌឺដង ផ្លែផ្កា ដៀមដាមគ្នាហូរហែនៅលើបណ្ដាញសង្គមហ្វេសប៊ុករវាងអ្នកនាង ម៉េង កែវពេជ្ជតា និងប្រធានសមាគមអ្នកសិល្បៈ អ្នកនាង ចន ច័ន្ទលក្ខិណា បានបង្កភាពភ្ញាក់ផ្អើលពេញឱ្យមហាជនអ្នកគាំទ្រតាមដាននៅលើបណ្តាញសង្គម។ ក្រោយពីស្ងប់ស្ងាត់មួយរយៈ នៅថ្ងៃម្សិលមិញនេះក៏បានផ្ទុះឡើងជាថ្មីដែលអ្នកនាង ម៉េង កែវពេជ្ជតា បានសម្ដែងអារម្មណ៍ខឹងសម្បា និងជូនកាដូពិសេស ជាសារដ៏វែងអន្លាយជូនចំពោះអ្នកនាង ចន ច័ន្ទលក្ខិណា ជាពិសេសក៏បានរំលឹកនូវរឿងរ៉ាវជាមួយនឹងកញ្ញា ដេននី ក្វាន់។ សូមប្រិយមិត្ត អានឱ្យចប់ទើបដឹងរឿង៖

ដើមឈើចង់ស្ងប់​ តែខ្យល់មិនព្រមឈប់​!!

…ដោយសារបានទទួលពាក្យពីបងៗ​ និងហ្វ៊ែនៗដែលសុំឱ្យខ្ញុំដកចិត្តចេញពីរឿងនេះ​ទើបខ្ញុំនៅស្ងៀម​ និងមិនដែលរំឭកសូម្បីម្តង​តាំងពីយូរហើយ។ មិនមែនខ្ញុំខុស​ មិនមែនខ្ញុំខ្លាចទេ​ តែនេះព្រោះតែខ្ញុំគោរពពួកគាត់ជាថ្នាក់ដឹកនាំ​ ជារៀមច្បង​ ជាគ្រូ​ ជាគ្រួសារ ជាមិត្ត​ និងជាទស្សនិកជនរបស់ខ្ញុំ​។ ប៉ុន្តែ​យើងឈប់ដើរ ក៍មិនប្រាកដថាឆ្កែឈប់ព្រុសដែរ!​ ​នាង​នៅតែតាមខាំអង្កៀមចំអកមិនដកមាត់​ ចោទដាក់កំហុសអស់ពីរឿងមួយចូលរឿងមួយទាំងគ្មានត្រូវអីបន្តិច​។ រោគ​រមាស់ក្នុងរបស់នាងមិនអាចជួយទប់ចិត្តច្រណែនឈ្នានីសដែល​នាងធ្លាប់មានជាយូរមកបានទេ​។ នាងជាមនុស្សទំពា​បណ្តើរ​ និយាយបណ្តើរ​ ។ មាត់​ស្រែកថាគ្មានពេលឈ្លោះ តែបើខឹងនឹងអ្នកណាឃើញសរសេរផង​ Live ផងរាប់ម៉ោង​។ នាងថាមិនចេះជេរ​ តែភាសាដែល​បង្ហោះ​ពីរោះលក្ខណៈជំនាញបញ្ចោរ9​ ​និងចូលចិត្តបង្កសង្គ្រាមច្បាស់ចែស​។ នាងថា យើងពូកែជេរ​ យើងទទួលក៍បាន​ ព្រោះយើងជេរត្រូវ មានគេគាំទ្រ​ច្រើន​ ។ តែភាសាជេរម៉ារៀល​ ម៉ារៀលរបស់នាងវិញ​គឺមានតែមនុស្សចរិតម៉ារៀលម៉ារៀលដូចគ្នាទេដែលអបអរនោះ ព្រោះគ្រាន់តែហាមាត់ជេររួច គេចងក្របួចសក់វ៉ៃខ្នោះអូសក្បាលញាត់គុក​ភ្លាម។ ទាំងសាហាវ ទាំងស្អុយរលួយថោកទាប​បានមួយចប់ មើលទៅល្អលើសឋានៈប្រធានសមាគមទៅទៀត​ តែ​អន់ជាងស្រីពេស្យាទៅវិញ​។

នាងអផ្សុកហើយ ព្រោះមិនសូវ​មានការងារ​ល្អធ្វើ​ ហើយឮថា ពេលលែងលះប្តីមុននាងមិនយកកូន​ទេគឺទុកឱ្យអតីត​ប្តីដែលជាមនុស្សប្រុសទទួល​មើលកូនស្រី​ ឯនាងជាម្តាយបែជាមិនរវល់ពីអារម្មណ៍កូនគិតតែសប្បាយខ្លួនឯង​!? ចេះធ្វើទៅកើត​!! បាន​! បើអផ្សុកយើងកំដរនាង​! តែមិនកំដរឈ្លោះ ព្រោះអត់​ទំនេរ​ ការងារខ្ញុំច្រើន​ដែល​ត្រូវទទួលខុសត្រូវ​ ពេលវេលារកលុយចិញ្ចឹមកូន​រៀន​ និងថែទាំគ្រួសារ​ បង្កើតស្នាដៃសិល្បៈក្នុងត្រកូលរបស់ខ្ញុំ​មានតម្លៃណាស់​។ ប៉ុន្តែបានជាអ៊ីចឹងទៅហើយខ្ញុំក៍ចង់​ Clear អោយស្អាតមុន​ដាច់ឆ្នាំ​ដើម្បីបញ្ចប់ភាពចង្រៃដែលស្រីនិស្ស័យពិសដូចជានាងប្រឹងលាបពណ៌ និងចង់ប្រាប់ទាំងអស់គ្នាផងដែរថា​ ទោះខ្ញុំខំអត់ធន់តាមអ្នក​ទាំងអស់គ្នា ក៍នាងនៅតែបន្ត​ក្តិចខ្ញាំខ្ញុំមិនឈប់​ ដូច្នេះសូមជួយដឹង​ និងពិចារណាផង​ នូវរាល់កាយវិការ​ និងសម្តីអ្នក​ស្រីប៉ាធានសមាគមរូបនេះថាថ្លៃថ្នូរខ្លាំងប៉ុណ្ណា​? អ្នកណាបំពានអ្នកណា​?។ ចំណាស់នាងទៅហើយ​នៅតែធ្វើចរិតដូចកូនឆ្កែចូលចិត្តខាំ​កកេរហែកកកាយពង្រាយលាមកគ្រប់កន្លែង​ឱ្យថ្នាក់លើគាត់តាមកើបជូតលាងមិនឈ្នះ​ តើនេះនាងចង់ជួយថ្នាក់លើ​ ឬក៍បំផ្លាញថ្នាក់លើឱ្យគេដៀល​ប្រមាថ​គាត់​ ? បើនាងជាកូនចៅល្អ​ យល់ដឹងថាមេខំប្រឹងដើម្បីជាតិ​ ដើម្បីទាំងអស់គ្នា​ ម្តេចក៍នាងមិនខំធ្វើល្អដែរទៅ​? ម្តេចក៍នាងប្រកាន់យកតែចិត្តឫស្យាបំផ្លិចបំផ្លាញនេះមកធ្វើអី​? មិនចេះប្រមូលផ្តុំក្នុងនាមខ្លួនជាតំណាងអ្នកសិល្បៈដែលគេខំបោះឆ្នោតឱ្យសោះ។ ​ គ្មានចំណេះដឹងខ្ពស់ វាមធ្យមទេ​ តែខ្សោយការអប់រំទាំងក្នុងសង្គម​ និងក្នុងគ្រួសារ​ទៅទៀត​។​ មិនដឹងធ្វើអីឱ្យរីកចម្រើន​ក្នុងសហគមរបស់ខ្លួន​ ម្ង៉ៃៗផ្តុំក្បាលគ្នាស៊ីតែត្រាវ​ រាវរករឿងអ្នកនេះអ្នកនោះមកជជែកហែកអុជអាលស្រែក​ហ៊ោសប្បាយក្នុងវង់ស៊ីផឹក​។

ប្រអប់ទ្រូងមានតែដុំអគ្គី​ វក់វីតែនឹងកាមកិលេ​ស​លោភលន់មិនប្រមាណ​ មិនដឹងថាប្រឹងយកទៅណា​ធ្វើបុណ្យអួតកាមេរ៉ា​ ពេលចប់កាលណាបញ្ចោរគ្មានញញើត​មាត់ ខ្លាំងជាងឯងទៅទៀត​  ធ្វើដល់ជាប្រធានមិនយល់ពីគោលការណ៍បង្រួបបង្រួម​ទេ តែពូកែណាស់ខាងផ្គុំភាពអាប់ឱនឱ្យអ្នក​សិល្បៈដូចគ្នា​។ កាន់អំណាច​ មិនចេះប្រើអំណាច​! គ្មានអ្នកគោរពខ្លាចមួយ​គ្រាប់សោះ កុំថាឡើយហ្វ៊ែនៗពីក្រៅ​ លើកលែងតែមនុស្សទាល់ច្រកមិនប៉ុន្មាននាក់ដែលចង់តោងល្បីដើម្បីក្រពះប៉ុណ្ណោះ​។ សារនេះចង់ដាស់សតិនាងប៉ាធានឱ្យដឹងខ្លួនផងទៅ​ថា បើនាងមិនកែប្រែពីឥឡូវនេះ​ទេ ថ្ងៃណាអន្សាមកដល់​ ដុំអគ្គីដែលនាងចូលចិត្តរក្សាទុកក្នុងទ្រូងនេះវានឹងឆាបឆេះខ្លួននាងឱ្យរលួយរលាយអស់​គ្មានសល់​ ពេលនោះទោះព្រះអង្គណាជួយមិនបាន​ដែរ​! កុំភ្លេចអំពើបាប​ និងភាពឈឺចាប់ដែលនាងសាងឱ្យគេច្រើនណាស់នៅជុំវិញខ្លួន​នាង​។

ក៍ចង់រំលឹកទៅមីអូនបិសាចអាក្រាតកាយគីមីម្នាក់នោះដែរ​ថា កុំព្រហើនភ្លេចកំណើតឱ្យ​សោះ​ ពាក្យសន្យាដែល​នាងខំពឹងគេឯងអស់លុយទាំងខ្ទាស់មកសម្របសម្រួលសូមទោសពីយើងទាំងស្លន់ស្លោ​នោះ​ នាងនៅមិនទាន់បានមកបំពេញនៅឡើយទេ​ ដែលយើងក៏មិនទាមទារដែរ ព្រោះខ្ជិលឃើញមុខនាងផង​ ប៉ុន្តែសូមកុំថែមសាំងថែមភ្លើងជេរយើងទាំងដែលយើងមិនបានធ្វើស្អីនាងឱ្យសោះ​ ក្រែងមិនដេកផ្ទះត្រឹម5ឆ្នាំ​ អាចដេកយូរដល់មួយជីវិតក៍អាចថាបាន​។

សូមស្លេះសិន​ ថ្ងៃនេះលើកយកតួអង្គច្រណែនព្យាបាទពីរនេះមកនិយាយ​បានហើយ ឯតួស្រីព្យាបាទពូកែលាក់ពុតធ្វើឆ្កួតធ្វើជាម្នាក់ទៀតទុកសិន​ ព្រោះចង់ឱ្យឱកាសគេកែខ្លួនដែរ ធ្វើម៉េចបើគ្នាជ្រុលជាពួនហើយ​មិនដែលហ៊ានអើតក្បាលមកទេ​ ដូច្នេះមិនចង់ដេញឆ្កែឱ្យទល់ជញ្ជាំងឡើយ តែបើគាត់ក្លាហានចេញមុខ​មកតតាំងពេលណាយើងរីករាយទទួលស្វាគមន៍គាត់ឱ្យបានសមរម្យ​។ សូមអរគុណការអាន​ តែបើបងៗពត៌មានយកចែកចាយ​ សូមមេត្តាកុំបន្ថែមបន្ថយអី​ ហើ​យសូមអធ្យាស្រ័យបើវែងពេក​។ សូមអរគុណ​ដល់ថ្នាក់ដឹកនាំ​ លោកគ្រូអ្នកគ្រូ​ រៀមច្បង​ មិត្ត​ និងក្រុមហ្វ៊ែនៗ​ ដែលបានផ្តល់កម្លាំងចិត្ត​ និងជួយបញ្ចៀសកំហឹងឱ្យខ្ញុំ​  សូមគោរពជូនពរលោកអ្នក​ប្រកបដោយក្តីសុខ​ និងមានជ័យជម្នះឈ្នះមារសត្រូវគ្រប់ទិសទី​។ ដោយក្តីគោរពអំពីនាងខ្ញុំ​ និងក្រុមគ្រួសារ​ ម៉េង។ ២៧​ ធ្នូ​ ២០១៧៕

នៅថ្ងៃទី1 ខែធ្នូ ឆ្នាំ 2017 នេះ ប្រធានសមាគមសិល្បករខ្មែរ និងជាតារាសម្ដែងល្បីឈ្មោះ អ្នកនាង ចន ច័ន្ទលក្ខិណា បានបង្ហោះសារសុំទោសចំពោះតារាស្រី សុគន្ធ នីសា ដែលខកខានមិនបានមកចូលរួមពិធីរៀបអាពាហ៍ពិពាហ៍របស់នាង ដោយសារតែមានធុរៈសំខាន់នៅប្រទេសថៃ។

តាមរយៈបណ្ដាញសង្គមហ្វេសប៊ុករបស់អ្នកនាង ចន ច័ន្ទលក្ខិណា បានបង្ហោះរូបថតបន្ដនៅក្នុងពិធីកាត់សក់លើកសិរីមង្គលរបស់ នីសា ព្រមទាំងអមដោយសារដ៏មានន័យថា « Congratulations អូន SreyToch Pit Pit​ (គណនី សុគន្ធ នីសា) បងសុំទោសអូនដែលបងមិនបានចូលរួម ព្រោះបងត្រូវទៅមើលការងារនៅប្រទេសថៃ បងពិតជាចង់ចូលរួមណាស់ តែការងារបងចាំបាច់ខ្លាំងណាស់។ បងសូមជូនពរអូនឱ្យជួបប្រទះតែសេចក្តីសុខ សុភមង្គល និង ឆាប់មានបុត្រណា៎។ អូនស្អាតទាំង 2 នាក់អ៊ីចឹង កូនមកដឹងតែស្អាតហ្ម៎ង !!! Love u » ៕

បន្ទាប់ពីអ្នកនាង ម៉េង កែវពេជ្ជតា បានពង្រាយសារដ៏វែងអន្លាយនៅលើបណ្ដាញសង្គមហ្វេសប៊ុករបស់ខ្លួន ដែលបង្ហាញពីការដៀមដាម ទិតៀន ប្រមាថ និងចំអកដ៏ក្ដៅគគុកទៅលើអ្នកនាង ចន ច័ន្ទលក្ខិណាប្រធានសមាគមសិល្បករខ្មែរនោះ នៅពេលថ្មីៗនេះ ស្រាប់តែគេឃើញមានការតបតរបស់អ្នកនាង ចន ច័ន្ទលក្ខិណា ទៅកាន់តារាចម្រៀងជើងចាស់រូបនេះវិញដូចខាងក្រោមនេះ..។

តាមរយៈហ្វេសប៊ុករបស់អ្នកនាង ចន ច័ន្ទលក្ខិណា បានសរសេរយ៉ាងដូច្នេះថា «សុំទោសណា រឿងដែលបងពេជ្ជតាចង់និយាយ ទុកឱ្យគាត់និយាយទៅ ព្រោះជាមាត់របស់គាត់ ឱ្យគាត់និយាយតែឯងទៅ អ្នកណាចោទអី គិតអីក៏តាមចិត្ត បើគាត់ចង់ឈ្លោះ ឱ្យគាត់ឈ្លោះតែឯងទៅ ហើយខ្ញុំបង្ហោះនេះក៏គ្មានពាក់ព័ន្ធនឹងអ្នកណាដែរ មិនបាច់ប្រាប់ទេ ខ្ញុំដឹង! គ្រាន់តែគេទុកឱ្យគាត់ឆ្កួតតែឯងចុះ»។

តាមរយៈសារខាងលើនេះដែរ បានធ្វើឱ្យអ្នកដែលតាមដានរឿងនេះយល់ថា ការសរសេរសារប៉ុន្មានឃ្លារបស់អ្នកនាង ចន ច័ន្ទលិក្ខណា ប្រហែលជាមិនមែនមានន័យថា នាងសុខចិត្តចុះចាញ់មិនព្រមតបតជាមួយអ្នកនាង ម៉េង កែវពេជ្ជតា នោះទេ  តែផ្ទុយទៅវិញគឺនាងគ្រាន់តែចង់រក្សាកិត្តិយសរបស់ខ្លួនក្នុងនាមជាប្រធានសមាគមសិល្បករខ្មែរ ដែលគ្រប់គ្រងលើសិល្បករខ្មែរតែប៉ុណ្ណោះ៕