ដោយផ្អែកទៅលើវីដេអូនៅលើបណ្ដាញទំនាក់ទំនងសង្គមហ្វេសប៊ុករបស់អ្នកនាង គង់ ចាន់ស្រីមុំ និងស្វាមី នៅថ្ងៃទី 7 ខែកក្កដា ឆ្នាំ 2018 នេះបានឱ្យដឹងថា ពេលនេះអ្នកម្ដាយវ័យក្មេងសម័យថ្មីប្រសូតបុត្រីដ៏គូរឱ្យស្រលាញ់បានដោយសុវត្ថិភាពហើយ។
គួរបញ្ជាក់ផងដែរថា នាងតូចដែលទើបកើតនេះត្រូវបាន អ្នកម៉ាក់លោកប៉ាវ័យក្មេងទាំងពីរ ដាក់ឈ្មោះថា គឹម សីហ៍មរកត ហៅក្រៅថា ម៉ូ ម៉ូ ដែលប្រិយធ្លាប់ស្គាល់ថា ជឈ្មោះប្រ៊េនហាងគ្រឿងសម្អាងរបស់អ្នកនាង។ ចំពោះរូបសម្រស់ កូនតូចនេះវិញ ទើបតែកើតសោះតែមានមុខមាត់ឃ្យូដស្រស់ស្អាតខ្លាំងមិនចាញ់លោកប៉ាអ្នកម៉ាក់គេឡើយ៕
តាមរយៈបណ្ដាញទំនាក់ទំនងរបស់អ្នកនាង គង់ ចាន់ស្រីមុំ នៅថ្ងៃទី28 ខែមិថុនា ឆ្នាំ2018នេះ បានឱ្យដឹងថា អ្នកនាង និងស្វាមី បានទៅធ្វើបុណ្យជាមួយព្រះសង្ឃ ដើម្បីសូមសេចក្ដីសុខចម្រើន និងសេចក្ដីសុខសុវត្ថិភាពមុនថ្ងៃសម្រាល។
អ្នកនាង បានរៀបរាប់ថា «ថ្ងៃនេះ ថ្ងៃសីលពេញបូណ៌មី ខ្ញុំសូមបួងសួងដល់វត្ថុស័ក្តិសិទ្ធិទាំងអស់ សូមជួយថែរក្សាកូនចៅ និងគ្រួសារឱ្យបានសុខសប្បាយ មានសុខភាពល្អ និងជួបតែមនុស្សល្អ ជូនបុណ្យគ្រប់គ្នាផងចា៎»។
គួររំឭកដែរថា ប៉ុន្មានថ្ងៃមុននេះគេឃើញ តារាសម្ដែង គង់ ចាន់ស្រីមុំ តែងតែចំណាយពេលវេលា ផ្ដិតយករូបភាពស្អាតៗក្នុងពេលដែលខ្លួនកំពុងពពោះជិតគ្រប់ខែ ដើម្បីបន្សល់ទុកជាអនុស្សាវរីយ៍ និងទោះជាកៀកថ្ងៃសម្រាលកូនក៏ដោយ ក៏អ្នកនាងនៅតែដើរបំពេញការងារមើលការខុសត្រូវហាងរបស់ខ្លួនដដែល។ ក្នុងពេលជាមួយគ្នានោះដែរ អ្នកនាងក៏ទទួលបានការយកចិត្តទុកដាក់ និងមើលថែទាំពីស្វាមីជាទីស្រឡាញ់ផងដែរ។ ដោយឡែក បើងាកមកមើលពីសម្រស់វិញ តារាស្រីរូបនេះនៅតែមានភាពស្រស់ស្អាត និងក្មេងវ័យដដែល បើទោះបីជាពេលនេះ អ្នកនាងកំពុងពពោះក្តី រហូតដល់មានការលាន់មាត់សរសើរយ៉ាងច្រើនពីសំណាក់អ្នកក្នុង និងក្រៅពិភពសិល្បៈ។
គួរបញ្ជាក់បន្ថែមផងដែរថា ថ្មីៗនេះ មហាជនកំពុងមានការចាប់អារម្មណ៍ខ្លាំងជាមួយនឹងស្ទីលថ្មីនៃការតុបតែងខ្លួន និងស្លៀកពាក់របស់អ្នកម្ដាយវ័យក្មេង គង់ ចាន់ ស្រីមុំ ដែលកំពុងតែមានគភ៌ជិតគ្រប់ខែ និងត្រូវត្រៀមខ្លួន សម្រាលនាថ្ងៃទី7 ខែកក្កដាខាងមុខនេះ។ ដើម្បីត្រៀមស្វាគមន៍ព្រះនាងតូចថ្មីរបស់អ្នកនាង លោក គឹម សីហា កំពូលស្វាមីបណ្ដូលចិត្តអ្នកនាងបានរៀបចំធ្វើកម្មវិធីប្លែកមួយឡើង ដែលមិនធ្លាប់មានពីមុនមក និងឃើញមានវត្តមានភ្ញៀវ មិត្តសិល្បៈ និងសាច់ញាតិបានអញ្ជើញចូលរួមក្នុងកម្មវិធីនោះ អ្នកនាង ស្រីមុំ មានការតុបតែងខ្លួនបែបជាស្រ្ដីមានផ្ទៃពោះ រួមជាមួយនឹងការគ្រងឈុតសម្លៀកបំពាក់គេងយប់ និងការផាត់មុខ ធ្វើសក់ ធ្វើឱ្យទទួលបានការចាប់អារម្មណ៍ខ្លាំងមែនទែនពីសំណាក់មហាជន៕
តាមរយៈបណ្ដាញសង្គមហ្វេសប៊ុករបស់តារាស្រី គង់ ចាន់ស្រីមុំ ប៉ុន្មានម៉ោងមុននេះបន្ដិច បានបង្ហោះរូបភាពជាច្រើនសន្លឹកទៀតហើយដោយបានបញ្ចេញសាច់ក្បាលពោះដ៏ស្រស់ស្អាតរាងសិចស៊ីបន្តិច ខណៈដែលគភ៌របស់អ្នកនាងកាន់តែជិតគ្រប់ខែមែនទែនហើយ។
អ្នកនាងបានបង្ហើបប្រាប់ពីពេលកំណត់ថ្ងៃប្រសូតនៅលើហ្វេសប៊ុកខ្លួនថា «រូបរាងកំប៉េង កំប៉ោង ដ៏មានន័យ…ក្បាលពោះធំដ៏គួរឱ្យស្រឡាញ់…កម្រឆ្លងកាត់ និងមានតម្លៃមិនអាចកាត់ថ្លៃបាន។ យើងទាំងពីរនាក់ជិតបានជួបគ្នាហើយ បេះដូងអន្ទះសាខ្លាំងចង់ជួបមុខ ចង់ស្ទាប ចង់អង្អែល ចង់ថ្នាក់ ចង់ថ្នម ពេញបេះដូង បាន35សប្តាហ៍ ជួបគ្នាខែកក្កដាហើយណាព្រះនាងតូច»។ នេះបានសេចក្ដីថា តារាស្រីរូបនេះនឹងសម្រាលកូនស្រីចំថ្ងៃទី7 ខែកក្កដា ខាងមុខនេះតែម្ដង។
គួរកត់សម្គាល់ថា បើទោះជាតារាស្រីរូបនេះមានពោះធំយ៉ាងក៏ដោយ តែគេមើលឃើញថា សាច់ពោះរបស់អ្នកនាង នៅតែស្អាតគ្មានស្នាមសង្វារទេ។ ដូចដែលប្រិយមិត្តទាំងអស់គ្នាបានដឹងហើយថា តារាស្រីរូបនេះកាលពីមិនទាន់មានស្វាមី នាងពិតជាមានរូបសម្ផស្សស្រស់ស្អាតខ្លាំងណាស់ និងបានទាក់ទាញចិត្តបុរសៗជាច្រើននាក់ឱ្យលង់ក្នុងសម្រស់របស់អ្នកនាងទៀតផង ហើយបើទោះជាពេលនេះ អ្នកនាងមានស្វាមីហើយក្ដី ក៏អ្នកនាងនៅតែថែរក្សាសម្រស់បានស្អាតដដែល។ ខណៈកាន់តែជិតដល់ថ្ងៃសម្រាល អ្នកម្ដាយសម័យថ្មី គង់ ច័ន្ទស្រីមុំ កាន់តែសម្ញែងសាច់ក្បាលពោះយ៉ាងស៊ីអារម្មណ៍ម្ដងហើយម្ដងទៀត បង្កឱ្យមានការចាប់អារម្មណ៍យ៉ាងខ្លាំងពីមហាជន។ លើសពីនេះ គង់ ច័ន្ទស្រីមុំ ក៏បានរំលេចភាពផ្អែមល្ហែមយ៉ាងស្អិតល្មួតជាមួយស្វាមីសំណព្វចិត្ត ដែលបង្ហាញឱ្យឃើញពីសុភមង្គលយ៉ាងពេញទំហឹងតែម្ដង៕
តាមរយៈបណ្ដាញសង្គមហ្វេសប៊ុករបស់តារាស្រី គង់ ចាន់ស្រីមុំ ប៉ុន្មានម៉ោងមុននេះបន្ដិច បានបង្ហោះរូបភាពបញ្ចេញសាច់ក្បាលពោះដ៏ស្រស់ស្អាត ខណៈដែលគភ៌របស់អ្នកនាងកាន់តែជិតគ្រប់ខែហើយ។
ជាទូទៅ ដូចដែលប្រិយមិត្តទាំងអស់គ្នាបានដឹងហើយថា តារាស្រីរូបនេះកាលពីមិនទាន់មានស្វាមី នាងពិតជាមានរូបសម្ផស្សស្រស់ស្អាតខ្លាំងណាស់ និងបានទាក់ទាញចិត្តបុរសៗជាច្រើននាក់ឱ្យលង់ក្នុងសម្រស់របស់អ្នកនាងទៀតផង ហើយបើទោះជាពេលនេះ អ្នកនាងមានស្វាមីហើយក្ដី ក៏អ្នកនាងនៅតែថែរក្សាសម្រស់បានស្អាតដដែល។ ដោយឡែក ខណៈនេះ អ្នកនាង គង់ ចាន់ស្រីមុំ បានបង្ហោះរូបភាពដែលបង្ហាញពីគភ៌របស់អ្នកនាងម្ដងទៀតហើយ ដែលមកទល់ពេលនេះ គេមើលឃើញថា កាន់តែធំទៅៗ និងត្រៀមខ្លួនប្រសូតនាពេលឆាប់ៗនេះហើយ។
អ្នកនាង គង់ ចាន់ស្រីមុំ ថែមទាំងបានរៀបរាប់នៅលើបណ្ដាញសង្គមហ្វេសប៊ុកទៀតផងថា «ទារកគឺជាក្មេងតូចមួយដែលអ្នកបានថែរក្សានៅក្នុងផ្ទៃអស់រយៈពេល 9ខែ…។ អ្នកនឹងថ្នមនៅក្នុងដៃរបស់អ្នករយៈពេល 3 ឆ្នាំ…។ ហើយស្ថិតនៅក្នុងដួងចិត្តរបស់អ្នករហូតដល់ថ្ងៃដែលអ្នកស្លាប់…។ ពេលឆ្លងកាត់ទើបយល់កាន់តែច្បាស់ពីទឹកចិត្តម្តាយ។ គុណម្តាយគឺធំធេងណាស់ចំពោះកូនគ្រប់រូប…ថតដោយប្តីសម្លាញ់ Seyha Kem…រូបភាពអនុស្សាវរីយ៍ ដ៏មានតម្លៃ »។ គួរបញ្ជាក់ផងដែរថា បុត្រនៅក្នុងផ្ទៃអ្នកនាង គង់ ចាន់ស្រីមុំ នៅសល់តែប៉ុន្មានថ្ងៃទៀតប៉ុណ្ណោះ នឹងបានឃើញមុខប៉ាប៉ា និងម៉ាក់ៗរបស់គេហើយ…ពិតជាគួរឱ្យរំភើបចិត្តមែន៕
ថ្មីៗនេះ តារាសម្ដែងស្រី គង់ ចាន់ស្រីមុំ បានបង្ហោះរូបភាពផ្អែមល្ហែមជាមួយស្វាមីនៅលើបណ្ដាញសង្គមហ្វេសប៊ុក ខណៈដែលរូបនាងបានធ្វើដំណើរកម្សាន្ដជាមួយស្វាមីនៅឯប្រទេសចិន ។ បើទោះបីជាទំហំពោះររបស់ ស្រីមុំ កាន់តែធំពីមួយថ្ងៃទៅមួយថ្ងៃក្ដី តែការយកចិត្តទុកដាក់ និងថ្នាក់ថ្នមរូបនាងពីសំណាក់ស្វាមី ពោលគឺមិនឱ្យទាស់ចិត្តឡើយ នេះបើតាមការបង្ហើបប្រាប់ពីតារាស្រីរូបនេះ។
កាន់តែភ្ញាក់ផ្អើលថែមទៀត ខណៈដែលអ្នកទាំងពីរកាន់តែបង្ហាញពីភាពផ្អែមល្ហែមជាមួយគ្នាកាន់តែខ្លាំងឡើងៗ សុខៗស្រាប់តែតារាស្រីរូបនេះ បាននិយាយឡើងថា «ចង់បានកូនញឹក»។ នៅក្នុងសាររបស់នាងដែលបានសរសេរប្រាប់ជាសាធារណៈបានឱ្យដឹងថា «ឱ្យតែប្តីយកចិត្តទុកដាក់អ៊ីចឹង ចង់តែមានកូនឱ្យញឹក» ។ តែយ៉ាងណាក៏ដោយ នាងបន្ដទៀតថា « ល្អអូន! បងចង់បានកូនប្រាំនាក់ (សម្ដីប្ដី)»។ អូហូ! គ្រាន់តែឮបែបនេះ ប្រិយមិត្តទាំងអស់គ្នាសាកទាយទៅមើល តើគង់ ចាន់ស្រីមុំ ឆ្លើយតបដូចម្ដេច?
គួររំឭកផងដែរថា បើគិតចាប់ពីថ្ងៃពពោះរហូតមកទល់ថ្ងៃនេះ តារាស្រីរូបស្រស់ម្នាក់នេះកំពុងពពោះជិតគ្រប់ 7 ខែហើយ តែបើនិយាយពីការរៀបចំខ្លួនវិញ ពិតជាស្រស់ស្អាត និងសមសួនខ្លាំងណាស់ ថែមទាំងថ្ពក់ចិត្តសា្វមីជាប់ទៀតផង។ រីឯកូនក្នុងផ្ទៃវិញ ក៏បានទទួលការបញ្ជាក់ពីការពិនិត្យអេកូហើយដែរថា ជាកូនស្រី៕
ភាគច្រើនទស្សនិកជនមួយចំនួន ពិតជាបានស្គាល់តារាសម្ដែងដែលមានសម្រស់ស្រស់ស្អាតគឺ អ្នកនាង គង់ ចាន់ស្រីមុំ រួចមកហើយ ដែលបានសាងភាពល្បីល្បាញខ្លាំងតាមរយៈការសម្ដែងខារ៉ាអូខេ និងភាពយន្ដកន្លងមក។ ជាករពិតណាស់ តារាស្រី គង់ ចាន់ស្រីមុំ នៅតែមានអ្នកគាំទ្រជាច្រើនបានស្រលាញ់នាង ក៏ដោយសារតែតារាស្រីរូបនេះ អាចរក្សាសម្រស់បានស្អាត និងមើលទៅក្មេងជាងវ័យ បើទោះបីជាពេលនេះអ្នកនាងមានសា្វមី និងកំពុងមានបុត្រជិតដល់ពេលប្រសូតហើយក្ដី
ដោយជាក់ស្ដែងក្នុងពេលនេះ ក៏សូមបង្វែរអារម្មណ៍ប្រិយមិត្តអ្នកគាំទ្រសារព័ត៌មាន ឡារ៉ែន ទាំងអស់ មកទស្សនារូបភាពរបស់អ្នកកាលពីរយៈកាល 10 ឆ្នាំមុន ដែលអ្នកនាងបានចូលរួមបង្ហាញម៉ូដសម្លៀកបំពាក់ឱ្យទស្សនាវដ្តីឡារ៉ែន តើរូបរាងនិងមុខមាត់របស់នាង មានការវិវត្តខុសគ្នាបែបណាខ្លះ កាលពីអំឡុងឆ្នាំ 2008 និងបច្ចុប្បន្ននេះ? ចង់ដឹងថា មានសភាពបែបណានោះ សូមទស្សនារូបភាពទាំងឡាយខាងក្រោមនេះ៖
មិនសរសើរមិនបានឡើយ បើសិនជាមិនបានទស្សនារូបភាពជាច្រើនសន្លឹកនេះហើយ ប្រិយមិត្តទាំងអស់គ្នាជាក់ជាស្ដាយក្រោយមិនខាន ព្រោះថា អ្នកនាង គង់ ចាន់ស្រីមុំ កំពុងតែពពោះបាន 23 សប្ដាហ៍ហើយ និងសភាពពោះក៏ធំផងដែរ។ តែនិយាយពីការរក្សាសម្រស់វិញ អ្នកនាងពិតជាស្រស់ស្អាតខ្លាំងណាស់ ហើយជាពិសេសនេះ គឺការបង្ហាញឈុតប្រពៃណីបុរាណខ្មែរ ដែលអ្នកនាងកំពុងតែមានពោះពង្ស។
ថ្មីៗនេះ នៅលើបណ្ដាញទំនាក់ទំនងសង្គមហ្វេសប៊ុករបស់អ្នកនាង គង់ ចាន់ស្រីមុំ បានបង្ហោះរូបភាពជាមួយស្វាមី ក្នុងឈុតសម្លៀកបំពាក់បុរាណខ្មែរ ដែលគេមើលឃើញមានភាពអលង្ការបំផុត ហើយបានរៀបរាប់ថា « ចង់មានរូបភាព ពពោះក្នុងឈុតប្រពីណៃណាស់ ពេលនេះបានដូចបំណងហើយ អូនពពោះកូនស្រី ពេលនេះមានអាយុ ២៣ សប្តាហ៍ហើយ តើយើងទាំងបីនាក់នៅក្នុងឈុតប្រពៃណីមួយនេះស្រស់ស្អាតអត់ចា៎ »។ ចម្លើយពីគាំទ្ររាប់ពាន់នាក់ពោលសរសើរមិនដាច់ពីមាត់ថា « ស្រស់ស្អាតខ្លាំងណាស់ »។
ជឿជាក់ថា ប្រិយមិត្តទន្ទឹងចាំទស្សនាខ្លាំងហើយមែនទេ ? កុំឱ្យខាតពេលយូរ សូមទស្សនារូបភាពទាំងឡាយខាងក្រោមនេះទាំងអស់គ្នា ៖
ពិតជាមានភាពភ្ញាក់ផ្អើលខ្លាំងមែន ខណៈដែលតារាស្រី គង់ ចាន់ស្រីមុំ និងស្វាមី គឺលោក គីម សីហា កំពុងតែជោគជ័យជាមួយជីវិតឯកជនក្នុងការគ្រប់គ្រងជំនួញរបស់ខ្លួន ហើយកំពុងតែត្រៀមបើកសាខាបន្ដបន្ទាប់តាមបណ្ដាខេត្តនានាផងដែរ។ ស្របគ្នានោះ នៅពេលដែលតារាស្រីរូបនេះបានបង្ហាញពីផ្ទះកម្សត់របស់ខ្លួន បានធ្វើឱ្យមហាជនទប់អារម្មណ៍មិនបាន និងអួលដើមកចង់ស្រក់ទឹកភ្នែក មិននឹកស្មានថា នាងអាចតស៊ូរហូតមានភាពជោគជ័យនៅក្នុងជីវិតដូចសព្វថ្ងៃឡើយ។
ថៅកែស្រីវ័យក្មេងរូបនេះ បានបង្ហោះរូបភាពដែលមិនអាចភ្លេចបានពីផ្ទះឈើចាស់មានសភាពពុកផុយ បាក់បែក នៅឯស្រុកកំណើត ក្នុងទឹកដីខេត្តបាត់ដំបង។ ជាក់ស្ដែង រាល់ពេលមានកិច្ចការទៅខេត្តបាត់ដំបងម្ដងៗ ស្រីមុំ តែងតែឆ្លៀតពេលចូលមើលផ្ទះកំណើតចាស់នោះ មិនដែលភ្លេចឡើយ នេះបើតាមអត្ថន័យសារដែលភរិយា លោក សីហា បានបង្ហោះលើគណនីហ្វេសប៊ុករបស់ខ្លួន។
ដោយក្នុងនោះ អ្នកនាងបានរៀបរាប់យ៉ាងវែងអន្លាយថា «ឱ្យតែមកលេងបាត់ដំបង ពេលណាក៏មិនភ្លេចមកមើលផ្ទះកំណើតរបស់ខ្ញុំដែរ ផ្ទះឈើតូចមួយនេះពោរពេញទៅដោយអនុស្សាវរីយ៍ជាច្រើនរបស់គ្រួសារខ្ញុំ។ ផ្ទះតូចពិតមែន តែមិនចង្អៀតទេ ផ្ទះនេះនៅរក្សារូបរាងដើមបានយ៉ាងល្អអស់រយៈពេល 30ឆ្នាំជាង តែពេលនេះបានផ្លាស់ប្តូរម្ចាស់ទៅហើយ…។ ខ្ញុំកើតនៅក្នុងផ្ទះឈើដ៏តូចមួយនេះពិតមែន តែលោកអ្នកមានគុណទាំងពីរ មិនដែលឱ្យខ្ញុំស្គាល់ពាក្យថាលំបាកម្តងណាឡើយ រស់នៅផ្ទះតូចតែមានរបស់ប្រើប្រាស់មិនចាញ់គេ លោកទាំងពីរមិនដែលឱ្យកូនៗខ្វះខាតឡើយ…»។
នាងបានបញ្ជាក់បន្ថែមថា «ហើយខ្ញុំមានថ្ងៃនេះក៏ព្រោះតែលោកទាំងពីរ និងមនុស្សប្រុសដែលកំពុងឈរក្បែរខ្ញុំ តែងប្រដៅ និងផ្ដល់កម្លាំងចិត្តដល់ខ្ញុំជានិច្ច…។ ថ្ងៃណាមួយយើងទាំងពីរនាក់ និងធ្វើឱ្យផ្ទះតូចក្លាយទៅជាផ្ទះធំដូចក្នុងក្តីស្រមៃឱ្យបាន មិនថាពេលវេលាយូរប៉ុនណាក៏ដោយ (ឱ្យតែមានក្តីស្រមៃ ថ្ងៃណាមួយយើងនឹងបានទៅដល់គោលដៅ) »៕
តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី គង់ ចាន់ស្រីមុំ នៅថ្ងៃទី 17 ខែកុម្ភៈ ឆ្នាំ 2018 បានបង្ហោះរូបភាពជាច្រើនសន្លឹកនៅក្នុងថ្ងៃចូលឆ្នាំប្រពៃណីចិន គេសង្កេតឃើញតារាស្រីរូបនេះ បង្ហាញម៉ូដរ៉ូបព័ណ៌ក្រហមលេងស្ទាយកាច់រាងសិចស៊ី បើទោះបីជារូបនាងកំពុងតែពរពោះធំយ៉ាងណាក៏ដោយ ។ អ្នកនាងនៅតែនិយមស្លៀកសំលៀកបំពាក់បែបស៊ីវិល័យសិចស៊ី មិនចាញ់អ្នកនៅលើលីវប៉ុន្មាននោះទេ ធ្វើឲ្យមហាជនឃើញហើយកោតសរសើររាងដ៏ស្រស់ស្អាតរបស់អ្នកនាងយ៉ាងខ្លាំង។
សូមជម្រាបបន្ថែមថា ប្រិយមិត្តទាំងអស់គ្នាបានដឹងហើយថា តារាស្រីរូបនេះកាលពីមិនទាន់មានស្វាមី នាងពិតជាមានរូបសម្ផស្សស្រស់ស្អាតខ្លាំងណាស់ និងបានទាក់ទាញចិត្តបុរសៗជាច្រើននាក់ឱ្យលង់ក្នុងសម្រស់របស់អ្នកនាងទៀតផង ហើយបើទោះជាពេលនេះ អ្នកនាងមានស្វាមីហើយក្ដី ក៏អ្នកនាងនៅតែថែរក្សាសម្រស់បានស្អាតដដែល។ ដោយឡែក ខណៈដែលកំពុងតែពពោះកូនដំបូងបាន 4 ខែនេះ អ្នកនាង គង់ ចាន់ស្រីមុំ បានបង្ហោះរូបភាពបញ្ចេញសាច់ក្បាលពោះ និងរូបរាងសិចស៊ី ឱ្យមហាជនអ្នកគាំទ្របានទស្សនាពីសាច់ក្បាលពោះដ៏សខ្ចីម៉ដ្ឋរលោង និងនៅតែមានភាពសិចស៊ីស្រស់ស្អាតរហូត៕
តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី15 ខែកុម្ភៈ ឆ្នាំ2018នេះបានឱ្យដឹងថា នៅទីបំផុតតារាស្រី គង់ ចាន់ស្រីមុំ បានបង្ហើបប្រាប់មហាជនជាអ្នកគាំទ្រថា កាដូឆ្នាំថ្មីដែលនាងទទួលបានក្នុងឆ្នាំនេះ និងពិសេសបំផុតនោះគឺ ព្រះនាងតូច ដែលស្ដែងឱ្យដឹងថា កូននៅក្នុងផ្ទៃរបស់អ្នកនាង គឺជាកូនស្រី។
យ៉ាងណាមិញ អ្នកនាងបានសរសេរបញ្ជាក់នៅលើហ្វេសប៊ុករបស់ខ្លួនថា «ថ្ងៃនេះគម្រប់ខួប 10ឆ្នាំ valentine ជាមួយប្តីសំឡាញ់ ហើយឆ្នាំនេះយើងទទួលបានកាដូដ៏ពិសេសពីទេវតា គឺព្រះនាងតូច ចា៎!»។ មកទល់ពេលនេះកូនក្នុងផ្ទៃរបស់ គង់ ច័ន្ទស្រីមុំ មានវ័យ 17 សប្តាហ៍ហើយ នាងបានរង់ចាំមើលលទ្ធផលយ៉ាងអន្ទះសាក្នុងចិត្ត តែទីបំផុតលទ្ធផលដែលបានមកក្រោយពីទៅពិនិត្យអេកូហើយឃើញថា កូនក្នុងផ្ទៃ គឺជាកូនស្រី ដែលរឹតតែធ្វើឱ្យអ្នកនាង គង់ ច័នស្រីមុំ រំភើបចិត្តកាន់តែខ្លាំងឡើង។
គួរបញ្ជាក់ផងដែរថា បើទោះបីជាតារាស្រីរូបនេះកំពុងតែពពោះ 17 សប្ដាហ៍ហើយក្ដី តែគេកត់សម្គាល់ឃើញថា ការងាររកស៊ីរបស់អ្នកនាងនៅតែបន្ដដំណើរការដូចដើម សឹងតែរកពេលវេលាសម្រាកគ្មាន តែស្វាមីរបស់អ្នកនាងមិនចង់ឱ្យអ្នកនាងធ្វើការងារអ្វីទាំងអស់ សំខាន់គឺ ថែរក្សាសុខភាពកូននៅក្នុងផ្ទៃឱ្យបានល្អបំផុត ៕
