Tag: ខេមរៈ សិរីមន្ដ

នៅពេលថ្មីកន្លងទៅនេះ មហាជនបានសង្ស័យចំពោះព័ត៌មានខ្សឹបខ្សៀវមួយ ដែលរូបថតមួយសន្លឹករបស់តារាស្រី នៅ​ សូនីតា និងលោក ខេមរៈ សិរីមន្ដ បានឈរក្រសោបកូនប្រុសពីរនាក់នោះ ធ្វើឱ្យមហាជនលោកសង្ស័យថា តារាស្រីរូបជាភរិយាស្ងាត់ៗរបស់តារាប្រុស ខេមរៈ សិរីមន្ដ។ ហើយមានមួយចំនួនទៀតបានបញ្ចេញមតិថា លោក ខេមរៈ សិរីមន្ដ មានប្រពន្ធនឹងកូនហើយ តាមការពិតគឺជាតារាស្រីរូបនេះសោះ។

តែយ៉ាងណាក៏ដោយ បន្ទាប់ពីលេចឡើងនូវព័ត៌មាននេះភ្លាម តារាស្រីសាច់សខ្ចីរូបនេះ បានចេញការបកស្រាយនៅលើបណ្ដាញទំនាក់ទំនងសង្គមហ្វេសខ្លួន ដោយអះអាងថា នាងបានអញ្ចើញឱ្យសម្ដែង MV ចម្រៀងថ្មីរបស់លោក ខេមរៈ សិរីមន្ដ មានចំណងជើងថា «គ្មានអ្នកណាល្អជាងប្រពន្ធ»។ នៅក្នុងសារនោះ នាងសរសេរថា ៖ « អរគុណដែលបានចុះផ្សាយ ទាំងអស់នេះគឺជាកម្រងរូបថតដែលនាងខ្ញុំបានចូលរួមសម្តែងក្នុងបទ គ្មានអ្នកណាល្អជាងប្រពន្ធ របស់បង ខេមរះសិរីមន្ត ហើយនឹងត្រៀមចេញ MV ឆាប់ៗ ។ មានគ្រប់រូបភាពពីជីវិតប្តីប្រពន្ធ ដែលឆ្លុះបញ្ចាំងពីតថភាពនៃសង្គម»៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី20 ខែកុម្ភៈ ឆ្នាំ2018 នេះបានឱ្យដឹងថា  លោក ម៉ៃ សុគន្ធ ដែលត្រូវបានប្រិយមិត្តអ្នកគាំទ្រដាក់រហស្សនាមឱ្យថា តារាកំពូលទើស បានបង្ហោះសារអមដោយរូបភាពជាច្រើនសន្លឹក ស្ដែងពីការិះគន់ម៉ូដសក់របស់កំពូលតារាចម្រៀង ខេមរៈ សិរីមន្ដ ដោយប្រដូចទៅនឹងម៉ូដក្បាលសត្វបង្កួយ។

តារាឯកខាងទើសរូបនេះបានសរសេរសារថា «សក់ម៉ូដក្បាលបង្កួយដែលអូនប្រាថ្នា ចាស្ទីនកូពី មកទៀតហើយ តោះ អ្នកណាFan ចាស្ទីនកូពី កាត់តាម!» អមមកជាមួយរូបភាពម៉ូដសក់របស់លោក ខេមរៈ សិរីមន្ដ។ តែទោះបីការរិះគន់នេះ ត្រូវបានលើកឡើង និងធ្វើឱ្យភ្ញាក់ផ្អើលនៅលើហ្វេសប៊ុកយ៉ាងក៏ដោយ ក៏ប៉ុន្ដែផ្ទុយទៅវិញ ម៉ៃ សុគន្ធ បានត្រឹមតែទទួលការស្ដីបន្ទោសពីសំណាក់អ្នកលេងហ្វេសប៊ុកវិញតែប៉ុណ្ណោះ។

ស្រមគ្នានោះ ប្រភពគណនីមួយបានបញ្ចេញមតិនៅខាងក្រោមរូបថា «ខ្ញុំមិនមែនកាន់ជើងទៅលើបុគ្គលមួយណានោះទេ…! ព្រោះគេធ្វើអី រឿងហ្នឹងជាសិទ្ធិរបស់គេ…! ប៉ុន្តែមានបុគ្គលខ្លះរិះគន់អ្នកដទៃដើម្បីតែផលប្រយោជន៍ផ្ទាល់ខ្លួន ហើយខ្ញុំចង់សួរថា ធ្វើអ៊ីចឹងធ្វើអី ខ្ញុំអត់យល់…?»។ ខ្លះទៀតបានពន្លះលោក ម៉ៃ សុគន្ធ ថា  «លោកឯងហ្នឹងស្អី? អីក៏ពូកែទើសគេម្ល៉េះ? បើមិនដឹងខ្លួនមកពីគ្មានអ្នកប្រាប់ ខ្ញុំប្រាប់លោកឯងទៅចុះ គឺមិនបានមួយចំណិតគេទេ ហើយក៏វាមិនបានល្បីដោយសារអាដើរទើសគេនឹងដែរ…យល់? ខ្ញុំមិនបានលើកមួយទម្លាក់មួយនោះទេ គឺភ្នែក និងត្រចៀកខ្ញុំមើលឃើញ និងស្ដាប់ឮអ៊ីចឹង ការងារសិល្បៈគេល្អ អត្តចរិតគេល្អ បូកបញ្ចូលគ្នាទៅ គឺគេឡើងដល់ចំណុចកំពូលហើយ ពិន្ទុគេបាន10 ងាកមកលោកឯងវិញបានស្អីខ្លះ? ការងារសិល្បៈសូន្យ អត្តចរិតក៏អន់គឺសូន្យ 0+0= ក្រោមសូន្យទៅទៀត ខ្ញុំប្រាប់ឱ្យដឹង…»។ អូហូ! ពិតជាមិនធម្មតាមែន(ពិតជាត្រូវចិត្តបេលមែន!) ដើម្បីកាន់តែជ្រាបច្បាស់ សូមទស្សនារូបភាពខាងក្រោមនេះ៖