Tag: ខេមរៈ សិរីមន្ដ

តាមរយៈសារព័ត៌មាន Thairath បានចេញផ្សាយនៅពេលថ្មីៗនេះ ដែលដឹងថា បន្ទាប់ពីបានផ្អាកការងារសិល្បៈអស់រយៈពេលជិត 32​ឆ្នាំ ការត្រឡប់មកវិញរបស់លោក ទិក ឈិរ៉ូ នៅពេល កាន់តែបង្កភាពភ្ញាក់ផ្អើលកាន់តែខ្លាំងជាងមុនថែមទៀត។ បិតាចម្រៀងប៉បដ៏ល្បីនៅក្នុងប្រទេសថៃរូបនេះ បានប្រកាសរៀបចំការប្រគំតន្ត្រីខ្នាតយក្សនៅក្នុងប្រទេសថៃ ជាមួយនឹងកំពូលតារាចម្រៀងកម្ពុជា លោក ខេមរៈ សិរីមន្ដ ស្របពេលដែលខ្លួនបានចេញអាប់ប៊ុមចម្រៀងរួមគ្នាមានចំណងជើងថា « Sad Man »។

លោក ទិក ឈិរ៉ូ បានបញ្ជាក់ថា ការត្រឡប់មកប្រគំតន្ត្រីខា្នតធំនៅគ្រានេះ គឺជាពេលវេលាចុងក្រោយហើយ ដែលលោកធ្វើការជួបជុំ និងរៀបចំការប្រគំតន្ត្រីរបស់ខ្លួនបែបនេះ។ លោកថា ចំពោះភាពសហការជាមួយកំពូលតារាចម្រៀងកម្ពុជា ខេមរៈ សិរីមន្ដ គឺជាឱកាសថ្មីមួយដែលបានសាងប្រវត្តិសាស្ត្រក្នុងវិស័យសិល្បៈថៃ-កម្ពុជា។ គួររំឭកដែរថា តារាចម្រៀងសំឡេងធ្ងន់ លោក ខេមរៈ សិរីមន្ត បានចាប់ដៃគូបង្កើតអាល់ប៊ុមចម្រៀងរួមគ្នា ជាមួយនឹងតារាចម្រៀងថៃ លោក ទិក ឈិរ៉ូ ដោយបានធ្វើសន្និសីទកាសែត នៅទីក្រុងបាងកក ប្រទេសថៃ កន្លងរួចមកហើយ នៅរង់ចាំតែថ្ងៃនៃការប្រគំតន្ត្រីខ្នាតធំដែលគ្រោងរៀបចំនៅពេលឆាប់ៗខាងមុនេះទេ។

ដើម្បីឱ្យកាន់តែជាក់ច្បាស់បន្ថែម សូមទស្សនាវីដេអូខាងក្រោមនេះ ៖

បើទោះបីជាលោក ខេមរៈ សិរីមន្ត តារាចម្រៀងល្បីឈ្មោះប្រចាំផលិតកម្មហង្សមាសបានគំរាមចាត់វិធានការក្ដៅចំពោះលោក ម៉ៃ សុគន្ធ ដោយថានឹងដាក់ពាក្យបណ្ដឹងពីបទញុះញង់មានជាអាទិ៍ និងធ្វើឱ្យប៉ះពាល់ដល់សិទ្ធិ និងផលប្រយោជន៍បុគ្គលក៏ដោយ ក៏នៅពេលនេះកំពូលតារាទើសប្រចាំសិល្បៈខ្មែររូបនោះនៅតែមិនមានការខ្លាចញញើត និងរួញរាក្នុងការបញ្ចេញពាក្យរិះគន់ទៅលើលោក ខេមរៈ សិរីមន្ត នៅលើបណ្ដាញសង្គមហ្វេសប៊ុកដដែល។

ថ្មីៗនេះលោក ខេមរៈ សិរីមន្ត និងតារាចម្រៀងល្បីឈ្មោះនៅប្រទេសថៃលោក ទិក ឈីរ៉ូ បានបញ្ចេញបទចម្រៀងរួមគ្នា មានចំណងជើងថា «Sad Man» ដែលកំពុងទទួលបានការគាំទ្រ និងចាប់អារម្មណ៍ច្រើនពីសំណាក់អ្នកគាំទ្រខ្មែរ-ថៃ។ លោក ម៉ៃ សុគន្ធ ក៏បានចេញវីដេអូ និងសាររិះគន់ជាថ្មីម្ដងទៀតទៅលើលោក សិរីមន្ត និងតារាចម្រៀងថៃម្ដងទៀតដែរថា «ឆ្ងល់? សួរតាមត្រង់ ហេតុអីអត់ព្រមឱ្យចាស្ទីនកូពី កាន់ឧបករណ៍តន្រ្តីអ៊ីចឹងហ្ន៎ ឬមួយគាត់​អត់ចេះ ឬគាត់លាក់គំនួច?។ ជ្រុលតែសហការគ្នាហើយ គួរណាស់តែឱ្យប៉ារ៉ូលដំបូង ខ្មែរច្រៀងមុន (មូលហេតុ ព្រោះគាត់ជាម្ចាស់ផ្ទះ ទោះហៅភ្ញៀវទៅពិសាបាយ ក៏ទុកកិត្តិយសចាប់ម្ហូបជូនភ្ញៀវមុនដែរ)»។

បើតាមរយៈការនិយាយរិះគន់ និងលេងទឹកមុខនៅក្នុងវីដេអូរបស់លោក ម៉ៃ សុគន្ធ គេមើលឃើញថា បុរសរូបនេះត្រូវបានមហាជនប្រើពាក្យសម្ដីអសុរោះ ជេរប្រមាថរូបលោកយ៉ាងខ្លាំងៗ ក្នុងការដែលលោកចេះដឹងរឿងគេច្រើនជ្រុលបែបនេះ ហើយមានអ្នកគាំទ្រលោក ខេមរៈ សិរីមន្ត ជាច្រើនទៀតបានបញ្ចេញមតិថា ចង់ឃើញចំណាត់ការរបស់លោក ខេមរៈ សិរីមន្ត ចំពោះម៉ៃ សុគន្ធ ក្នុងពេលឆាប់ៗនេះតែម្ដង។ គួររំឭកដែរថា តារាចម្រៀងប្រុសហង្សមាសខាងលើ បានរៀបចំពាក្យបណ្ដឹង និងប្រកាសនៅលើហ្វេសប៊ុករបស់ខ្លួនថា «មេធាវីរបស់ខ្ញុំបានរៀបចំសំណុំបែបបទរួចអស់ហើយ បទល្មើស និងភ័ស្តុតាងមានគ្រប់គ្រាន់អស់ហើយ បទចោទ បទញុះញង់មាន​ជា​អាទិ៍ បទធ្វើឱ្យប៉ះពាល់សិទ្ធិ និងផលប្រយោជន៍បុគ្គល។ ខ្ញុំមិនដែលគិតចង់មានបញ្ហាជាមួយបុគ្គលម្នាក់ហ្នឹងឡើយ តែគាត់ចង់បានបែបនេះ ដូច្នេះទទួលយកអ្វីដែលខ្លួនបានសាងបទល្មើសនេះចុះ»៕

ម្ដងនេះរឿងរ៉ាវដ៏ក្តៅគគុកធំមួយនៅក្នុងសង្គមសិល្បៈខ្មែរ កំពុងធ្វើឱ្យមានការភ្ញាក់ផ្អើលចំពោះសារនៅលើហ្វេសប៊ុករបស់លោក ខេមរៈ សិរីមន្ត តារាចម្រៀងល្បីឈ្មោះប្រចាំផលិតកម្មហង្សមាស ដែលបានសម្រេចចិត្តដាក់វិធានការក្ដៅចំពោះ លោក ម៉ៃ សុគន្ធ ដោយដាក់ពាក្យបណ្ដឹង ពីបទញុះញង់មានជាអាទិ៍ និងធ្វើឱ្យប៉ះពាល់ដល់សិទ្ធិ និងផលប្រយោជន៍បុគ្គល ក្រោយពីលោក ម៉ៃ សុគន្ធ បានធ្វើការរិះគន់ចំពោះតារាចម្រៀងប្រុសរូបនេះ កាលពីថ្ងៃម្សិលមិញ។

គួររំឭកដែរថា កាលពីថ្ងៃម្សិលមិញនេះ លោក ម៉ៃ សុគន្ធ បានបញ្ចេញពាក្យរិះគន់យ៉ាងធ្ងន់ៗដោយមិនខ្លាចរអាចំពោះ លោក សិរីមន្ដ ថា «ត្រឹមតែទៅលក់ដីនៅម្តុំវាលស្រែមួយរយសោះ ជិះសុទ្ធតែអេលីកុកទែរ(ឧទ្ធម្ភាគចក្រ) មើលតែទៅលក់ពេជ្រនៅឌូបៃ Bodiaថ្មីជានិច្ច អ្នកមានជាន់ថ្មីជាន់ដីអាលាក់ហើយ ឃើញថាឧកញ៉ាល្បីៗមួយចំនួនធំ ដែលមានរបរបើកលក់ដី​​ ឬបុរី គាត់នៅតែរក្សាជំហរដដែល មិនសម្បើមដូចអ៊ីចឹងសោះ ចម្លែកអីតែអ្នកចម្រៀងយើង បានអ៊ីចឹងគេប្រៀបធៀបទៅនឹងក្ងោក មិនខុសមែន»។

ដោយមិនបង្អង់យូរឡើយ តារាចម្រៀងប្រុសហង្សមាសរូបនេះ បានរៀបចំពាក្យបណ្ដឹង និងប្រកាសនៅលើហ្វេសប៊ុករបស់ខ្លួនថា «មេធាវីរបស់ខ្ញុំបានរៀបចំសំណុំបែបបទរួចអស់ហើយ បទល្មើស និងភ័ស្តុតាងមានគ្រប់គ្រាន់អស់ហើយ

-បទចោទ -បទញុះញង់មាន​ជា​អាទិ៍ -បទធ្វើឱ្យប៉ះពាល់សិទ្ធិ និងផលប្រយោជន៍បុគ្គល។ ខ្ញុំមិនដែលគិតចង់មានបញ្ហាជាមួយបុគ្គលម្នាក់ហ្នឹងឡើយ តែគាត់ចង់បានបែបនេះ ដូច្នេះទទួលយកអ្វីដែលខ្លួនបានសាងបទល្មើសនេះចុះ»។

គ្រាន់តែឃើញសាររបស់លោក សិរីមន្ដ ភ្លាម នៅព្រឹកនេះកំពូលតារាទើស ម៉ៃ សុគន្ធ ក៏បានតបជាពាក្យសម្ដីនៅលើហ្វេសប៊ុកខ្លួនវិញថា «ដោយក្តីរីករាយ ស្គាល់ពាក្យ “ប្រយោល” ទេ ចាស្ទីនកូពី ( នាមដែលហៅទៅកាន់ ខេមរៈ សិរីមន្ត) »។ ដូច្នោះហើយ មហាជនកំពុងរង់ចាំមើលថា តើដំណើររឿងនឹងឈានទៅដល់ចំណុចខ្លាំងបែបណាតទៀត?៕

នាពេលថ្មីៗនេះ លើបណ្ដាញទំនាក់ទំនងសង្គមហ្វេសប៊ុករបស់តារាប្រុសដែលមានរហស្សនាម «កំពូលទើស»​ នៅក្នុងពិភពសិល្បៈ គឺលោក ម៉ៃ សុគន្ធ បានបង្ហោះរូបភាពជាច្រើនសន្លឹករបស់កំពូលតារាចម្រៀងប្រុសនៅក្នុងផលិតកម្មរស្មីហង្សមាស លោក ខេមរៈ សិរីមន្ដ ដែលគេមើលឃើញថា ម៉ៃ សុគន្ធ បានឌឺដងផ្លែផ្កាឱ្យសិរីមន្តចំពោះរឿងដែលលោក ខេមរៈ សិរីមន្ដ ជិះឧទ្ធម្ភាគ​ចក្រមកបោះទុនចូលប្រឡូកក្នុងវិស័យអចលនទ្រព្យ ពុះដីឡូត៍លក់។

ម៉ៃ សុគន្ធ បានបញ្ចេញពាក្យរិះគន់យ៉ាងធ្ងន់ៗដោយមិនខ្លាចរអាថា «ត្រឹមតែទៅលក់ដីនៅម្តុំវាលស្រែមួយរយសោះ ជិះសុទ្ធតែអេលីកុកទែរ(ឧទ្ធម្ភាគចក្រ) មើលតែទៅលក់ពេជ្រនៅឌូបៃ Bodia ថ្មីជានិច្ច អ្នកមានជាន់ថ្មីជាន់ដីអាលាក់ហើយ ឃើញថាឧកញ៉ាល្បីៗមួយចំនួនធំ ដែលមានរបរបើកលក់ដី​​ ឬបុរី គាត់នៅតែរក្សាជំហរដដែល មិនសម្បើមដូចអ៊ីចឹងសោះ ចម្លែកអីតែអ្នកចម្រៀងយើង បានអ៊ីចឹងគេប្រៀបធៀបទៅនឹង ក្ងោក មិនខុសមែន»។

តែយ៉ាងណាមិញ អ្នកគាំទ្ររបស់តារាចម្រៀង ខេមរៈ សិរីមន្ដ បាននិយាយតប Comment វិញថា «នេះគឺជាសិទ្ធិបុគ្គលទេ គេមានលុយ គេចង់ជិះអី ជារឿងរបស់គេហើយម៉េចក៏ទើសម្ល៉េះ?»៕

តាមរយៈកម្មវិធី «เรื่องเล่าเช้านี้ บีอีซี–เทโร» ឬព័ត៌មានពេលព្រឹករបស់ស្ថានីយទូរទស្សន៍ប៉ុស្ដិ៍លេខ 3 ថៃ បានឱ្យដឹងថា នៅវគ្គកម្សាន្ដចុងបញ្ចប់នៃកម្មវិធី មានរៀបចំការសម្ដែងបទចម្រៀងថ្មីពីកំពូលតារាចម្រៀងថៃ លោក ទិក ឈិរ៉ូ ( ติ๊ก ชิโร่ ) រួមមាន បទចម្រៀងផ្ដល់កម្លាំងចិត្តដល់ជនជាតិឡាវដែលកំពុងរងគ្រោះពីការបាក់ទំនប់វារីអគ្គិសនីនិងបទចម្រៀងដែលត្រៀមបញ្ចេញក្នុងអាល់ប៊ុមថ្មីរបស់លោក។

លោក ទិក ឈិរ៉ូ បានប្រាប់អ្នកសារព័ត៌មានថៃថា អាល់ប៊ុមចម្រៀងថ្មីដែលមានចំណងជើងថា SAD MAN នេះ គឺជាការបង្ហាញស្នាដៃច្រៀងរួមគ្នារវាងតារាចម្រៀងកម្ពុជា លោក ខេមរៈ សិរីមន្ដ និងរូបលោកផ្ទាល់។ លោកបន្ដទៀតថា ដើម្បីសម្ព័ន្ធភាព និងមិត្តភាពរវាងថៃ និងកម្ពុជា លោក និងមិត្តសម្លាញ់កម្ពុជា ( លោក ខេមរៈ សិរីមន្ដ) គ្រោងបង្ហាញអាល់ប៊ុមចម្រៀង និងការប្រគំតន្ត្រីរួមគ្នាយ៉ាងធំនៅក្នុងប្រទេសថៃ និងកម្ពុជា ហើយបទចម្រៀង «SAD MAN» ក៏មានការបកស្រាយជា 2ភាសាដែលមានអត្ថន័យដូចគ្នា។

ឯលោក ខេមរៈ សិរីមន្ដ វិញក៏បានអះអាងដែរថា លោក និងតារាចម្រៀងថៃរូបនេះកំពុងត្រៀមបង្ហាញពីអ្វីដែលប្លែក ហើយថ្មីសម្រាប់បងប្អូននៅកម្ពុជា និងជនជាតិថៃ ដែលជាការសាងប្រវត្តិសាស្ត្រថ្មីនៅក្នុងពិភពសិល្បៈ និងរំពឹងទុកថា បងប្អូនទាំងអស់គ្នានឹងគាំទ្រ និងផ្ដល់កម្លាំងចិត្តដល់រូបលោក ។

ដើម្បីឱ្យកាន់តែជាក់ច្បាស់ សូមទស្សនាវីដេអូខាងក្រោមនេះ ៖

នៅពេលទទួលបានដំណឹងអំពីស្ថានភាពលំបាកលំបិនរបស់អតីតតារាចម្រៀងល្បីឈ្មោះក្នុងផលិតកម្មព្រះវិហារ គឺលោក ចាន់ សម័យរួចមក គេសង្កេតឃើញថា មានតារាសម្ដែង និងតារាចម្រៀងជាច្រើនរូបបានរួបរួមថវិកាគ្នាបានមួយចំនួនជាទឹកចិត្តសប្បុរសធម៌ជួយដល់លោក ចាន់ សម័យ ដែលបច្ចុប្បន្ននេះលោកកំពុងមានជំងឺ រលាកខួរឆ្អឹងខ្នង ដែលជាមូលហេតុបណ្ដាលឱ្យលោកមិនអាចបន្ដអាជីពជាអ្នកចម្រៀងបានតទៅទៀត។

ជាក់ស្តែងថ្មីៗនេះ កំពូលតារាចម្រៀងប្រចាំព្រះរាជាណាចក្រកម្ពុជា គឺ​លោក ខេមរៈ សេរីមន្ត ក៏មានទឹកចិត្តអាណិតអាសូរ និងបានជួយជាទឹកប្រាក់ដើម្បីលើកទឹកចិត្តដល់បងប្រុស ចាន់ សម័យ ចំនួន1ពាន់ដុល្លារសហរដ្ឋអាមេរិកដែរ តាមរយៈបងប្រុសរបស់លោក ដោយបានយកទៅប្រគល់ជូនដល់ដៃរបស់អតីតតារាចម្រៀងរូបនោះតែម្តង។ ទឹកចិត្តនេះ ពិតជាធ្វើឱ្យមហាជនជាច្រើនកោតសរសើរពីសណ្តានចិត្តដ៏ល្អរបស់លោក ខេមរៈ សេរីមន្ត  ដែលមិនដែលភ្លេច និងបោះបង់អ្នកសិល្បៈដូចគ្នាដែលជួបការលំបាក ទោះបីជាពេលនេះខ្លួនមានប្រជាប្រិយភាពខ្លាំងប៉ុនណាក៏ដោយ។

សូមរំឭកផងដែរថា លោក ចាន់ សម័យ ដែលជាតារាចម្រៀងល្បីជំនាន់ទសវត្សរ៍ឆ្នាំ2០០០ ត្រូវបានគេបង្ហោះរូបនៅក្នុងហ្វេសប៊ុកក្នុងសភាពរស់នៅលំបាក ចិញ្ចឹមជីវិតដោយការស្ទួចត្រីចិញ្ចឹមគ្រួសារ។ លោកចាន់ សម័យ បានសម្ងំរស់នៅ ក្នុងផ្ទះជូល ជាមួយប្រពន្ធ និងកូនៗដល់ទៅ 5នាក់(ប្រុស2 ស្រី3) ស្ថិតនៅក្នុងបន្ទុកគ្រួសារ និងកំពុងសិក្សា។ លោក ចាន់ សម័យ បានប្រាប់សប្បុរសជនទាំងអស់ថា លោកនៅតែប្រកាន់ខ្ជាប់នូវពាក្យមួយឃ្លាថា «យើងលំបាក គេក៏មានទុក្ខលំបាករបស់គេដូចគ្នា តារាជាច្រើនសប្បាយៗតែនៅលើឆាក ឬតាមកញ្ចក់ទូរទស្សន៍ប៉ុណ្ណោះ តាមពិតពួកគេក៏មានទុក្ខដូចគ្នា  គ្រាន់តែគេមិននិយាយ យើងក៏មានទុក្ខ អ៊ីចឹងខ្ញុំមិនចង់ទៅរំខានអ្នកណាទេ»៕

នាពេលថ្មីៗនេះលើបណ្ដាញទំនាក់ទំនងសង្គមហ្វេសប៊ុករបស់តារាប្រុសដែលមានរហស្សនាម «កំពូលទើស»​នៅក្នុងពិភពសិល្បៈគឺលោក ម៉ៃ សុគន្ធ បានបង្ហោះរូបភាពជាច្រើនសន្លឹករបស់កំពូលតារាចម្រៀងប្រុសនៅក្នុងផលិតកម្មរស្មីហង្សមាស លោក ខេមរៈ សិរីមន្ដ ដែលគេមើលឃើញថា ម៉ៃ សុគន្ធ បានឌឺដងផ្លែផ្កាឱ្យសិរីមន្តចំពោះរឿងស្បែកជើងកែងចោត ហើយប្រដូចទៅនឹងសមាជិកក្រុមតារាបង្ហាញម៉ូដ The King Of CatWalk ដែលជាក្រុមបង្ហាញម៉ូដភេទទី 3 សាច់ដុំធំៗនៅប្រទេសហ្វីលីពីន មានគម្រោងមកកាន់ប្រទេសកម្ពុជាក្នុងពេលឆាប់ៗខាងមុខនេះ។

លោក ម៉ៃ សុគន្ធ បានសរសេរសារដៀមដាមផ្លែផ្កាថា « អេអាវ៉ា អាចាណយ មានពីរបីរយពាក់ស្បែកជើងកែងចោត ស្បែកជើងដែលអូនប្រាថ្នាចាស្ទីនកូពី!! ចង់ខ្ពស់យកអាស្បែកជើងពណ៌ស របស់ Sinonloresca មកពាក់មក ដឹងតែខ្ពស់កប់ហ្មង!!! បង្ហាញកម្ពស់ពិតមក ស្មានថាដើមត្នោត តាមពិតលេងកែងសោះ សមអើយសម ស្បែកខ្ញុំនេះស្អាតមែន»។ សូមជម្រាបបន្ថែមថា លោក SinonLoresca ត្រូវបានអ្នកនិយមលេងបណ្ដាញសង្គមបានដាក់នាមហៅថា The King Of Catwalk ដោយសារតែជារឿយៗ តារាម៉ូដែលរូបនេះ តែងតែ​ដើរបង្ហាញម៉ូដបញ្ចេញសាច់ដុំធំៗ រួមជាមួយនឹងស្បែកជើងកែងខ្ពស់ៗនៅតាមសាធារណៈ ដោយទទួលបានការចាប់អារម្មណ៍ជាខ្លាំង។

ភ្ជាប់ជាមួយរឿងលោក SinonLoresca នៅពេលថ្មីៗនេះ បើតាមការបង្ហោះនៅក្នុង Page ផ្លូវការរបស់ក្រុមបង្ហាញម៉ូដបុរសភេទទី3 សាច់ដុំធំៗ  «The King of Catwalk» បានឱ្យដឹងថា ពួកគេនឹងធ្វើដំណើរ​មកជួបអ្នកគាំទ្រ និងបង្ហាញម៉ូដនៅក្នុងប្រទេសកម្ពុជា នៅថ្ងៃទី18 ខែឧសភា ឆ្នាំ2018 នេះ បន្ទាប់ពីទទួលបានការគាំទ្រយ៉ាងជោគជ័យពីប្រទេស ហ្វីលីពីន និងវៀតណាម។

គួរបញ្ជាក់ផងដែរថា ការបង្ហាញនៅក្នុងប្រទេសវៀតណាមកាលពីថ្ងៃទី2 ខែឧសភា ឆ្នាំ 2018 កន្លងទៅថ្មីៗនេះ តារាប្រុសភេទទី3 ល្បីល្បាញទូទាំងពិភពលោកមួយនេះ បានទាក់យកចិត្តប្រិយមិត្តអ្នកគាំទ្រវៀតណាមឱ្យជក់ចិត្តដិតអារម្មណ៍ជាមួយស្នាដៃច្នៃម៉ូដសហសម័យ និងទំនើបកម្ម ដែលមានការរចនាយ៉ាងប្រណីតបង្ហាញជូននៅលើផ្លូវសាធារណៈទទួលបានការគាំទ្រយ៉ាងភ្លូកទឹកភ្លូកដី៕

នៅល្ងាចថ្ងៃម្សិលមិញនេះ គណនីយូធូបផ្លូវការរបស់ផលិតកម្មរស្មីហង្សមាស បានបញ្ចេញវីដេអូចម្រៀងថ្មីមួយដែលបង្កភាពភ្ញាក់ផ្អើលដល់អស់មជ្ឈដ្ឋានមហាជន ដែលបទនោះមានចំណងជើងថា « រាំវង់អង្គរ » ជាការបកស្រាយដោយកំពូលតារាចម្រៀង ខេមរៈ សិរីមន្ដ និងកញ្ញា ឱក សុគន្ធកញ្ញា ដើម្បីជាការអបអរ និងរាំលេងកម្សាន្ដនាឱកាស ចូលឆ្នាំថ្មីប្រពៃណីខ្មែរ ឆ្នាំ ច សំរិទ្ធិស័ក ព.ស 2562 គ.ស 2018 ។

ទន្ទឹមនឹងការបញ្ចេញវិដេអូមិនទាន់បានក្ដៅៗហុយៗផង ស្រាប់តែមានអ្នកលេងបណ្ដាញសង្គមម្នាក់បានពោលឡើងថា « ខ្ញុំពិតជារំភើបណាស់ ព្រោះខ្ញុំបានចាំពួកគាត់ទាំងពីរមកជួបគ្នា និងបកស្រាយចម្រៀងជាមួយគ្នាវិញអស់រយៈពេលជាង 10 ឆ្នាំមកហើយ ចាប់តាំងពីពួកគាត់បានបែកគ្នានៅ U2 ។ គាត់​បានជួប​គ្នា​ហើយ​ដៃ​គូចាស់​ ច្រៀង​បានពីរោះ​ណាស់ ​ហើយសម្លៀកបំពាក់​វិញក៏​ស្រស់​ស្អាតទៀត ពេញចិត្ត​ណាស់​បាទ»។

ក្ដីរំភើបឥតឧប្បមារបស់អ្នកគាំទ្របានឡើងដូចពោលខាងលើ ចុះអ្នកទាំងអស់គ្នាវិញគិតយ៉ាងណាដែរ។ ដើម្បីកុំខាតពេល តោះមកស្ដាប់ និងទស្សនាវីដេអូខាងក្រោមនេះ៖

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី17 ខែមីនា ឆ្នាំ2018 នេះបានឱ្យដឹងថា លោក ម៉ៃ សុគន្ធ ដែលត្រូវបានប្រិយមិត្តអ្នកគាំទ្រដាក់រហស្សនាមឱ្យថា តារាកំពូលទើស បានបង្ហោះសារអមដោយរូបភាពជាច្រើនសន្លឹក ស្ដែងពីការិះគន់បទចម្រៀងរបស់កំពូលតារាចម្រៀង ខេមរៈ សិរីមន្ដ ដែលមានចំណងជើងថា « រាំក្បាច់ក្ងោក» បានបង្ហាញការសម្ដែងបែបបែកស្លុយ ខោអាវរហែកៗ ទៅប្រៀបផ្ទឹមជាមួយកំពូលតារាចម្រៀងស្រីឡាវ ដែលបានបង្ហាញពីសម្លៀកបំពាក់ប្រពៃណីបុរាណជនជាតិឡាវ។

អមដោយវីដេអូលោក ខេមរៈ សិរីមន្ដ និងរូបភាពបែបស្លុយៗ លោក ម៉ៃ​ សុគន្ធ បានពន្លះដោយសារនៅលើហ្វេសប៊ុកថា « មើលកំពូលកំពូលតារាចំរៀងឡាវនិងខ្មែរទៅ សមណាស់ដែលគេ ស៊ីដាច់យកបទរាំវង់មួយទៅ ដាក់ចូលអង្គការយូណែស្កូ ជាបេតិកភ័ណ្ឌពិភពលោក ឯអែងវិញមួយឆ្នាំនាំគ្នាចេញតែបែកស្លុយ ស្លៀកខោអាយះខោអាហែក តិចទៀតយកអាម៉ូតនឹងទៅដាក់ចូល យូណែស្កូដែរហើយ។ នេះហើយជាគំរូដ៏មហាសែនល្អដល់យុវវ័យ ហើយកុំខឹងវាថាមេចបានវាចឹង គឺមកពីកំពូលតារា…….នេះហើយអ្នកនាំ (ឡាវរាំទន់ភ្លន់ណាស់ តែមិនមែនល្ងង់ទេណា) ហាហាហា ក្បាច់ក្ងោក ស្លុយ »៕