កូន

គន្លឹះល្អៗក្នុងការអភិវឌ្ឍសតិបញ្ញាកូនឱ្យធំធាត់សមនឹងវ័យ

by

ចាប់ផ្ដើមពីវ័យកើតដំបូង រហូតចូលដល់បឋមវ័យ(6 ឆ្នាំដំបូង) កូនរបស់យើងនឹងមានវិវឌ្ឍនាការទាំងផ្នែករាងកាយ និងចិត្តគំនិតឆាប់រហ័សខ្លាំងណាស់ បើយើងអាចជួយបន្ថែមឱ្យកូនមានវិវឌ្ឍនាការដែលត្រឹមត្រូវ ស័ក្តិសមតាមវ័យរបស់គេបានទៀតផងនោះ នឹងរឹតតែធ្វើឱ្យកូនរបស់យើងក្លាយជាក្មេងដែលមានអាកប្បកិរិយា និងទង្វើដែលល្អ មានភាពឆ្លាតវៃខាងផ្នែកអារម្មណ៍ខ្ពស់ជាមិនខាន។ យើងអាចជួយបន្ថែមវិវឌ្ឍនាការផ្សេងៗរបស់កូនបានតាមវិធី 4 យ៉ាងតទៅនេះ ៈ 1 . ឱ្យកូនបានឃើញនូវអ្វីដែលល្អ កូនរបស់យើង(ទោះជាទើបនឹងកើតក្ដី)អាចរៀនយល់ដឹងនូវអ្វីដែលខ្លួនឯងមើលឃើញបាន។ ការមើលឃើញនេះ មានន័យរួមទាំងទង្វើមួយចំនួនរបស់ឪពុកម្ដាយ ឬអ្នកចិញ្ចឹមដែលធ្វើចំពោះកូនរបស់យើងផងដែរ ដោយទង្វើផ្សេងៗដែលក្មេងមើលឃើញនោះ គេនៅមិនទាន់អាចញែកបំបែកបានថា រឿងនោះជារឿងត្រឹមត្រូវ ឬស័ក្តិសមនោះទេ តែក្មេងនឹងជ្រួតជ្រាបនូវអ្វីដែលបានឃើញទាំងអស់ ហើយចុងក្រោយក៏នឹងក្លាយជាទង្វើរបស់កូនខ្លួនឯងតែម្ដង ដូចជា ក្មេងដែលមើលឃើញឪពុកម្ដាយចូលចិត្តច្រៀង មានអារម្មណ៍ល្អ ឬលេងតន្រ្តី នៅពេលកូនធំឡើង កូនក៏នឹងមានសេចក្ដីស្រឡាញ់ក្នុងផ្នែកតន្រ្តី មានផ្លូវចិត្តទន់ភ្លន់ ឬករណីដែលឪពុកម្ដាយ ឬអ្នកចិញ្ចឹមមិនចូលចិត្តញ៉ាំបន្លែ នៅពេលកូនធំឡើងក៏ច្រើនតែមិនញ៉ាំបន្លែដែរ។ 2 . ឱ្យកូនបានឮនូវអ្វីដែលល្អ ពាក្យសម្ដីល្អៗ សំឡេងពីរោះៗទន់ភ្លន់ ទារកទើបនឹងកើតក៏អាចដឹងបានដែរ ជាពិសេសក្មេងក្នុងអំឡុងបឋមវ័យ(កើតដំបូង-6ឆ្នាំ) ក្មេងនឹងតាំងចិត្តស្ដាប់ និងមានអារម្មណ៍ឆាប់ចាំបានចំពោះសំឡេងផ្សេងៗ។ បើអ្នកណាដែលធ្លាប់ចិញ្ចឹមកូន នៅពេលកូនតូចអាយុបានប្រមាណ 3 – 4 ខែនឹងបានឃើញថា ពេលដែលយើងពកូនហើយនិយាយជាមួយកូន កូននឹងធ្វើមាត់ជីបអូចៗ កែវភ្នែកនឹងសម្លឹងចំមុខឪពុក … Read more

ចំណុចល្អ 4 យ៉ាងរបស់ការឧស្សាហ៍ឱបកូន

by

គ្រួសារជាច្រើន(ជាពិសេសគ្រួសារខ្មែរកាត់ចិន)ច្រើនតែមិនសូវបង្ហាញចេញនូវសេចក្ដីស្រឡាញ់ដែលឪពុកម្ដាយមានចំពោះកូនដោយការឱបរឹតប៉ុន្មានឡើយ តែបច្ចុប្បន្ន ឪពុកម្ដាយជំនាន់ថ្មីចាប់ផ្ដើមបង្ហាញពីសេចក្ដីស្រឡាញ់ដែលមានចំពោះកូនដោយការឱបរឹតច្រើនឡើងហើយ។ តើការឧស្សាហ៍ឱបរឹតកូនយ៉ាងជាប់លាប់តាំងពីកូនស្ថិតក្នុងវ័យទើបនឹងកើត រហូតដល់ពេលគេធំ នឹងហុចផលល្អឱ្យគេធំធាត់ឡើងក្លាយជាមនុស្សបែបណានោះ យើងនាំគ្នាមកមើលពីចម្លើយដូចតទៅ។ 1 . ឱបកូនតាំងពីវិនាទីដំបូងដែលគេបើកភ្នែកមើលពិភពលោក ចាប់តាំងពីកូនតូចប្រសូតចេញមកបើកភ្នែកមើលពិភពលោក គេត្រូវជួបនឹងការផ្លាស់ប្ដូរយ៉ាងធំធេងរវាងពិភពដែលគេរស់នៅមក 9 ខែ(នៅក្នុងផ្ទៃម្ដាយ)ជាមួយនឹងពិភពខាងក្រៅដែលទាំងភ្លឺ ទាំងសីតុណ្ហភាពដែលមិនស្ថិតស្ថេរ ឬត្រជាក់ខ្លាំង និងធ្វើឱ្យទារកភ័យខ្លាច ដែលរឿងទាំងអស់នេះហើយជាហេតុផលថា ហេតុអីបានជាទារកដែលកើតមកភ្លាម ស្រែកយំខ្លាំងៗ និងស្ងាត់ទៅវិញនៅពេលបានទទួលភាពកក់ក្ដៅ និងការឱបបីពអំពីអ្នកម្ដាយនោះ។ ការឱបកូន និងប៉ះពាល់កូនតាំងពីពេលកើតមកភ្លាម ទោះជាកូននៅមិនទាន់ដឹងថា នរណាជាអ្នកឱបរូបគេក៏ដោយ តែការឱបកូនគឺជាការជួយឱ្យទារកមានអារម្មណ៍កក់ក្ដៅសប្បាយ និងមានសុវត្ថិភាព មានភាពនឹងនរក្នុងចិត្តកាន់តែខ្លាំងឡើងបន្ទាប់ពីបានជួបនឹងការផ្លាស់ប្ដូរយ៉ាងឆាប់រហ័សខណៈពេលប្រសូតរួច។ 2 . ការឱបកូនក្នុងអំឡុង 6 ខែដំបូង ក្នុងអំឡុងខែដំបូងៗ ខ្សែសម្ព័នភាពរវាងកូនជាមួយឪពុកម្ដាយនឹងចាប់ផ្ដើមវេញត្បាញចូលគ្នាច្រើនឡើង រឹតតែជាកូនដំបូងផងនោះ លោកឪពុកអ្នកម្ដាយថ្មោងថ្មីជឿចុះថា លោកអ្នកប្រហែលជាត្រេកអរ និងស្រឡាញ់កូនខ្លាំងណាស់ រឿងនេះគឺជារឿងដែលកើតឡើងតាមធម្មជាតិ ជារូបបែបសម្ព័ន្ធភាពខាងអារម្មណ៍រវាងម្ដាយ និងកូន ដែលបើក្មេងបានទទួលសម្ព័ន្ធភាពខាងអារម្មណ៍យ៉ាងល្អតាំងពីពេលកើតមកដំបូង នឹងហុចផលដល់ការអភិវឌ្ឍខាងអារម្មណ៍របស់កូននៅពេលដែលគេធំឡើង។ ក្មេងដែលមានសម្ព័ន្ធភាពខាងអារម្មណ៍ដែលល្អជាមួយអ្នកម្ដាយតាំងពីពេលកើតដំបូង នៅពេលគេធំឡើង វិវឌ្ឍនាការខាងផ្នែកអារម្មណ៍របស់គេនឹងល្អប្រសើរ គេនឹងក្លាយជាក្មេងរួសរាយសប្បាយ និងមានសភាវខាងអារម្មណ៍ដែលកាន់តែល្អឡើង។ ការឱបរឹតកូនក្នុងអំឡុងពេលកើតមកភ្លាមរហូតដល់ 6 ខែដំបូងនេះ អ្នកម្ដាយនឹងឱបកូនរៀងរាល់ថ្ងៃ មួយថ្ងៃច្រើនៗដងតាមរយៈការបំបៅដោះកូន។ … Read more

នៅពេលកូនតូចឈានចូលខែទី 9

by

ខែទី 9 លក្ខណៈរបស់កូនតូច កូនច្រើនតែគេងនៅពេលព្រឹក និងអំឡុងពេលរសៀល ក្នុងមួយពេលៗប្រមាណជា 1 – 2.5 ម៉ោង តែក្មេងខ្លះអាចមិនគេងនៅពេលព្រឹកក៏មាន។ ក្មេងដែលភ្ញាក់នៅពេលកណ្ដាលយប់ហើយ នឹងពិបាកគេងលក់ទៅវិញ ហើយក្មេងដែលកំពុងបៅទឹកដោះគោស្រាប់ហើយ លុះដល់វ័យនេះ មានតិចនាក់ណាស់ដែលនៅតែមឹមទឹកដោះគោនៅពេលយប់នោះ តែបើសិនជាភ្ញាក់យំរំខាននៅពេលកណ្ដាលយប់ ពេលឱ្យបៅទឹកដោះគោហើយ ក៏នឹងគេងលក់ទៅវិញយ៉ាងងាយស្រួល ដូច្នេះអ្នកម្ដាយអាចឱ្យមឹមទឹកដោះគោពេលយប់តទៅទៀតខ្លះៗក៏បាន។ ចំណែករឿងការបន្ទោបង់របស់កូនវិញនោះ នៅពេលកូនបានទទួលអាហារបន្ថែមច្រើនឡើង លាមកនឹងមានក្លិនកាន់តែស្អុយឡើង ឯពណ៌ក៏ប្រែប្រួលដែរ។ កូននឹងជុះមួយថ្ងៃ 1 – 2ដង ឬ2ថ្ងៃមួយដង សម្រាប់នោមវិញ នៅតែនោមប្រមាណមួយថ្ងៃ 10 ដងដដែល។ ចំនួនដងដែលនោមនៅពេលកណ្ដាលយប់នឹងខុសប្លែកពីគ្នា ក្មេងដែលញ៉ាំតិច នឹងនោមតិចដែរ ក្មេងខ្លះថែមទាំងមិននោមផងរហូតដល់ព្រឹក។ ក្មេងដែលញ៉ាំទឹកដោះគោ 1ដបមុនគេង ច្រើនតែនោមនៅពេលកណ្ដាលយប់ប្រហែល 1 – 2ដង និងក្មេងណាដែលគេងសើមខ្លួន នឹងភ្ញាក់ឡើងយំរំខាន តែពេលផ្លាស់ខោអាវ ឬកន្ទបឱ្យហើយ ក៏នៅតែមិនព្រមគេងលក់ទៅវិញនោះ អ្នកម្ដាយអាចបង្ខិតពេលឱ្យបៅទឹកដោះគោឱ្យឆាប់ជាងមុនបន្តិចក៏បាន និងមុនពេលដែលអ្នកម្ដាយចូលគេង គួរចាប់លើកកូនមកឱ្យនោមចេញបានម្ដង ក៏ជួយកាត់បន្ថយការភ្ញាក់យំរំខាននៅពេលកណ្ដាលយប់បានដែរ។ ល្មមឱ្យឈប់បៀបបាយបានហើយ កាលពីអាយុមិនលើស 8ខែ … Read more

កូនញៀនជាមួយនឹងឧបករណ៍អេឡិចត្រូនិក គួរដោះស្រាយយ៉ាងណា?

by

នា​ពេល​បច្ចុប្បន្ន​នេះ​ កុមារ​ជាច្រើន​បាន​ញៀន​ជាមួយនឹង​ឧបករណ៍​អេឡិចត្រូនិក​ ដែល​ធ្វើ​ឱ្យ​អាណាព្យាបាល​មានការ​ព្រួយបារម្ភ​ពីអ​នាគ​តកូន​ៗរបស់​ពួកគាត់​ ដែល​មិន​អាច​ដកខ្លួន​រួចពី​ឧបករណ៍​ទាំងអស់​នោះ​ ធ្វើ​ឱ្យ​ភាព​ស្និទ្ធស្នាល​រវាង​ឪពុក​ម្តាយ​ និង​កូន​ៗកាន់តែ​ថយ​ចុះ​ទៀតផង​។ ដំណោះស្រាយ​ទាំងអស់​នេះ​ត្រូវ​បាន​គេហទំព័រ​ Telegraph​ ដកស្រង់​សម្តី​អ្នកស្រាវជ្រាវ​ឈ្មោះ​ Catherine​ Steiner​ Adair​ នៃ​មហាវិទ្យាល័យ​សុខាភិបាល​នៃ​សាកល​វិទ្យាល័យ​ Harvard​ ថា​ ក្មេង​ជា​វ័យ​ដែល​ចូលចិត្ត​ និង​ស្វែងយល់​គ្រប់យ៉ាង​តាមរយៈ​ការ​លេង​ ហេតុនេះ​នៅពេល​ដែល​អាណាព្យាបាល​មិន​មាន​ពេល​គ្រប់គ្រាន់​ក្នុង​ការ​លេង​ជាមួយ​កូន​ ស្រប​ពេល​ដែល​បច្ចេកវិទ្យា​កំពុង​សម្បូរ​បែប​អាច​ធ្វើ​ឱ្យ​ក្មេង​ងាក​ទៅ​ប្រើប្រាស់​បច្ចេកវិទ្យា​ច្រើនជាង​នៅជា​មួយ​គ្រួសារ​។ ជា​ដំណោះស្រាយ​សម្រាប់​បញ្ហា​នេះ​ អាណាព្យាបាល​គួរ​ចំណាយពេល​វេលា​ឱ្យ​បាន​ច្រើន​ដើម្បី​នៅជា​មួ​យកូនៗ​ ហើយ​ចំណាយពេល​ឱ្យ​បាន​ច្រើន​ដើម្បី​នាំ​កូន​ទៅ​កម្សាន្ត​នៅកន្លែង​ទាំងឡាយ​ណា​ដែល​មិនមែន​ជា​ការ​លេង​ឧបករណ៍​អេឡិចត្រូនិក​ ដូចជា​ការ​លេង​កីឡា​ ការ​គូរគំនូរ​ ដើរ​ទិញ​សៀវភៅ​ ឬការកម្សាន្ត​ជា​លក្ខណៈ​គ្រួសារ​ជាដើម​។ ចំណុច​សំខាន់​មួយទៀត​ផង​ដែរ​ អាណាព្យាបាល​គួរ​សាកល្បង​ឧស្សាហ៍​ផ្តល់​រង្វាន់​ឱ្យ​កូន​នៅពេល​ដែ​លកូនៗ​បាន​ចំណាយពេល​វេលា​ច្រើន​បំផុត​ដើម្បី​អាន​សៀវភៅ​ ឬបង្កើត​អ្វី​ដែល​ថ្មី​ដោយខ្លួនឯង​ដើម្បី​ឱ្យ​គេ​សប្បាយរីករាយ​ជាមួយនឹង​ការ​ច្នៃប្រឌិត​។ ទន្ទឹម​នឹង​នេះ​អាណាព្យាបាល​អាច​ស្វែងរក​ពេល​យ៉ាងហោចណាស់​មួយ​ម៉ោង​ដើម្បី​សាកសួរ​ពី​អ្វី​ដែ​លកូនៗ​បាន​ធ្វើ​ ឬចំណុច​ល្អ​ដែលគេ​ចង់​អួត​ប្រាប់​មនុស្ស​ធំ​ ហើយ​ចេះ​សរសើរ​ និង​បញ្ចូល​នូវ​រឿង​កំប្លែង​សប្បាយ​តែ​បង្កប់​ដោយ​ន័យ​អប់រំ​ដល់​ពូក​គេ​។ នៅពេល​ដែល​ក្មេង​សប្បាយ​ច្រើន​ជាមួយនឹង​ក្រុម​គ្រួសារ​ ការ​ញៀន​ល្បែង​អ៊ី​នធើ​ណេត​ និង​ឧបករណ៍​អេឡិចត្រូនិក​ក៏អាច​កាត់បន្ថយ​បាន​ដូចគ្នា​។ សម្រាប់​អ្នក​ដែល​មានកូន​ញៀន​ជាមួយនឹង​ឧបករណ៍​អេឡិចត្រូនិក​រួច​ទៅ​ហើយ​ សូម​អាណាព្យាបាល​ទាំងអស់​កុំ​បង្អាក់​កូន​ដោយ​ការ​ដាក់​ពិន័យ​ ឬគំរាម​កូន​កុំឱ្យ​លេង​ ព្រោះ​ការ​ធ្វើបែប​នេះ​អាច​ប៉ះពាល់​ដល់​ផ្លូវចិត្ត​ក្មេង​រហូតដល់​ធ្វើ​ឱ្យ​ពួកគេ​ស្អប់​ឪពុក​ម្តាយ​ ឬក្លាយជា​មនុស្ស​ហិង្សា​បាន​។ ដំណោះស្រាយ​ដែល​ល្អ​ អ្នក​អាច​សាក​ល្បង​បង្វែ​នូវ​ល្បែង​ដែលគេ​ធ្លាប់​លេង​ដោយ​គ្មាន​ប្រយោជន៍​ ហើយ​ណែនាំ​នូវ​ល្បែង​ជក់​ចិ​ត្ត​ផ្សេង​ៗទៀត​ដែល​មានប្រយោជន៍​សម្រាប់​ការអប់រំ​។ ដំណាក់កាល​នេះ​ ជា​ស្ថានភាព​ពិបាក​បន្តិច​ ព្រោះ​ក្មេង​អាច​នឹង​ងាក​មកលេង​ល្បែង​ដែលគេ​ពេញចិត្ត​ ហើយក៏​អាច​មិន​ងាយ​បញ្ឈប់​សកម្មភាព​បាន​នោះ​ទេ​ តែ​ទោះជាយ៉ាងណា​ក៏​វា​អាច​ជួយ​ជំរុញ​ក្មេង​ឱ្យ​ដើរ​ផ្លូវត្រូវ​មួយ​ដំណាក់កាល​ផង​ដែរ​មុននឹង​ពត់​ពួកគេ​ឱ្យ​នៅ​កាន់តែ​ឆ្ងាយ​ពី​ឧបករណ៍​អេឡិចត្រូនិក​។ បន្ទាប់ពី​អាច​ណែនាំ​ក្មេង​ឱ្យ​ងាក​មកលេង​ល្បែង​ដែល​មានប្រយោជន៍​ហើយ​ អាណាព្យាបាល​គួរ​ព្យាយាម​សង្កេត​ពី​ម៉ោង​ពេល​ដែ​លកូនៗ​ចូលចិត្ត​លេង​ឧបករណ៍​អេឡិចត្រូនិក​ជាងគេ​ ដែល​ភាគច្រើន​ជា​ពេលល្ងាច​ (ចន្លោះ​ពី​ម៉ោង​ ៤ល្ងាច​-ម៉ោង៦ល្ងាច​) ក្រោយពេល​បាយ​ថ្ងៃហើយ​ … Read more

អាការ12 យ៉ាងរបស់កូន ដែលឪពុកម្តាយមិនគួរព្រងើយកន្តើយ​

by

ក្មេងៗទោះជា​អាយុ​ប៉ុន្មាន​ក៏ដោយ ចេះ​និយាយ​ហើយ ឬ​មិនទាន់​ចេះ​និយាយ​ក៏ដោយ លោកឪពុក​អ្នក​ម្តាយ​គួរតែ​ចេះ​សង្កេតមើល​អា​ការកូន​ឱ្យបាន​ថា តើ​មាន​អ្វី​ខុស​ប្រក្រតី​ឬទេ? កុំ​ចាំ​រហូតដល់​កូន​ហារ​មាត់​ប្រាប់​នោះ ព្រោះ​រឿង​ខ្លះ​ត្រូវតែ​សង្កេតមើល និង​ប្រញាប់​កែ​បញ្ហា​ភ្លាម​មុននឹងអ្វីៗហួសពេល​កែ។ ខាងក្រោម​នេះ​គឺជា​អាការ12យ៉ាង​របស់​កូន ដែល​លោកឪពុក​អ្នក​ម្តាយ​មិនគួរ​ព្រងើយកន្តើយ។ 1. កូន​មើលទៅ​រាង​មាន​អារម្មណ៍​ធុញថប់​តានតឹង សោកសៅ អាច​នឹង​គ្មាន​អាការ​គ្រុនក្តៅ ឬ​មិន​ស្រួលខ្លួន​ឱ្យឃើញ​ក៏ដោយ តែ​កូន​អាច​នឹង​បង្ហាញ​អាការ​តាមរយៈ​ទឹកមុខ ឬ​មើលទៅ​ឃើញ​ហាក់ដូចជា​កំពុង​គិតពី​អ្វី​ម្យ៉ាង​គ្រប់ពេលវេលា បើសិនជា​ឃើញបែបនេះ​ហើយ ឪពុកម្តាយ​មិនគួរ​មើលរំលង ឬ​ព្រងើយកន្តើយ​ឡើយ ត្រូវ​ប្រញាប់​នាំទៅ​ប្រឹក្សា​ជាមួយ​គ្រូពេទ្យភ្លាមៗល្អ​ជាង។ 2. ឡើងក​ម្តៅ​ខ្ពស់ សីតុណ្ហភាព​ប្រក្រតី​រប​ស់​ក្មេង​នឹង​ស្ថិតនៅក្នុង​កម្រិត 36-37.5អង្សា​សេល​សៀ​ស សម្រាប់​ក្មេង​ដែលមាន​អាយុ​ទាប​ជាង 6ខែ បើ​មាន​សីតុណ្ហភាព​ក្នុង​កម្រិត 37.6-38.4អង្សា​សេល​សៀ​ស​នោះ គឺ​មានន័យថា ឡើងក​ម្តៅ​ខ្ពស់​ហើយ ចំណែក​ក្មេង​អាយុ​ច្រើនជាង6ខែ​ឡើង បើសិន​លើស 38.5អង្សា​សេល​សៀ​ស មានន័យថា កម្តៅ​ខ្លួន​ឡើង​ខ្ពស់​ហើយ ត្រូវ​រក​វិធី​បញ្ចុះ​កម្តៅ និង​ប្រញាប់​នាំទៅ​មន្ទីរពេទ្យ​ភ្លាម។ 3. ក្តៅខ្លួនជាប់ៗគ្នា​អត់​បាត់​រយៈពេល 3ថ្ងៃ​ឡើងទៅ ដោយ​ញ៉ាំ​ថ្នាំ និង​ជូត​ខ្លួន​ហើយ តែ​អាការ​នៅតែ​មិនល្អ​ប្រសើរឡើង​នោះ ត្រូវ​ប្រញាប់​នាំទៅ​ជួប​គ្រូពេទ្យ​ជាបន្ទាន់។ 4. គ្រុន​ក្តៅខ្លួន និង​មាន​អាការ​ផ្សេងទៀត​រួមជាមួយ​ផង ដូចជា ឈឺក្បាល មាន​ឡើង​កន្ទួល​រមាស់​នៅលើ​រាងកាយ ឈឺ-ក អាការ​បែបនេះ​ត្រូវតែ​ប្រញាប់​ទៅ​ជួប​លោកគ្រូ​ពេទ្យ​ជាបន្ទាន់។ 5. មាន​ឡើង​កន្ទួល​ក្រហម​តាម​ខ្លួនប្រាណ … Read more

ឪពុកម្ដាយ​ 4ប្រភេទ​ ដែល​ធ្វើអោយ​កូន​មាន​ទង្វើ​ល្អ​ ឬច្រងេងច្រងាង​

by

ទង្វើ​នៃ​ការ​ចិញ្ចឹម​មើលថែ​កូន​របស់​ឪពុកម្ដាយ​អាច​ហុច​ផល​ឱ្យ​កូន​ក្លាយជា​ក្មេង​ល្អ​ ឬក្មេង​ច្រងេងច្រងាង​បាន​ ព្រោះ​ចរិត​និស្ស័យ​របស់​កូន​អាច​សាង​បាន​ដោយសារ​ឪពុកម្ដាយ​។ តើ​លោកអ្នក​ជា​ឪពុកម្ដាយ​បែប​ណា​ដែរ​ នៅក្នុង​ឪពុកម្ដាយ​ទាំង4ប្រភេទ​ខាងក្រោម​? ឪពុកម្ដាយ​ 4ប្រភេទ​ដែល​ហុច​ផល​ដល់​ទង្វើ​ អាកប្ប​កិរិយា​ និង​ចរិត​និស្ស័យ​របស់​កូន​តាំងពី​អំឡុង​វ័យ​នៅ​តូច​រហូតដល់​ធំ​។ តើ​ឪពុកម្ដាយ​បែប​ណា​ដែល​ធ្វើ​ឱ្យ​កូន​បាន​ល្អ​ ឬធ្វើ​ឱ្យ​កូន​ក្លាយ​ជា​ក្មេង​ច្រងេងច្រងាង​ អាត្មានិយម​ រឹងរូស​ មិន​ស្ដាប់បង្គាប់​? រឿង​ទាំងអស់​នេះ​កើត​ចេញពី​ការ​ចិញ្ចឹម​មើលថែ​ទាំ​របស់​ឪពុកម្ដាយ​ ឬអ្នក​នៅ​ជិតដិត​ ដូច្នេះតើ​ឪពុកម្ដាយ​គួរ​ចិញ្ចឹម​មើលថែ​កូន​បែប​ណា​ទើប​កូន​បាន​ល្អ​? 1. ឪពុកម្ដាយចិញ្ចឹមកូនយ៉ាងផ្ដាច់ការ ជាវិធីការអប់រំចិញ្ចឹមមើលថែដែលឪពុកម្ដាយមានភាពហ្មត់ចត់តឹងរ៉ឹងខ្ពស់ និងមិនឱ្យឥស្សរភាពដល់កូនឡើយ មិនថាតែ៖ . ការគ្រប់គ្រង និងដាក់ច្បាប់វិន័យឱ្យកូនប្រតិបត្តិតាមយ៉ាងតឹងរ៉ឹង . មិនបណ្ដោយឱ្យកូនបានអធិប្បាយពីហេតុផល . កូនត្រូវតែទទួលយកនូវពាក្យសម្ដីរបស់ឪពុកម្ដាយថា ជារឿងត្រឹមត្រូវ និងសមរម្យជានិច្ច . ឪពុកម្ដាយប្រើអំណាចគ្រប់គ្រងដោយវិធីបញ្ជា និងដាក់ទោសនៅពេលកូនមិនធ្វើតាមដូចដែលខ្លួនឯងរំពឹងទុក . ឪពុកម្ដាយតែងតែនៅឆ្ងាយ និងបដិសេធក្នុងការស្ដាប់កូន . ឪពុកម្ដាយមិនដែលនឹកដល់អារម្មណ៍របស់កូន តើកូននឹងក្លាយជាមនុស្សយ៉ាងណា? 1. គ្រប់គ្រងខ្លួនឯងបានខ្លាំង មានរបៀប ស្មោះត្រង់ តែនៅពេលដល់ចំណុចមួយ អាចនឹងផ្ទុះអារម្មណ៍ចេញមកបែបមិននឹកស្មានដល់ និងមិនអាចគ្រប់គ្រងខ្លួនឯងបាន។ 2. បង្កប់ភាពច្រងេងច្រងាង នៅផ្ទះមើលទៅសុភាពរៀបរយ តែអាចច្រងេងច្រងាងខ្លាំងក្លាពេលនៅខាងក្រៅ។ 3. ប៉ិនខ្លាច និងអៀនច្រើន គ្មានភាពនឹងនរខាងអារម្មណ៍ … Read more

ដឹង​ទេ​…ម្តាយ​ដែល​បំបៅ​ដោះ​កូន​ ហាម​ញ៉ាំ​អ្វីខ្លះ​?

by

ក្នុងអំឡុងពេល​ដែល​អ្នកម្ដាយ​បំបៅ​ដោះ​កូន​ ការ​ទទួលទាន​អាហារ​របស់​អ្នកម្ដាយ​ជា​រឿង​មួយ​ដែល​ត្រូវ​ប្រយ័ត្ន​ប្រយែង​ខ្លាំង​ជាង​ពេល​ប្រក្រតី​ ព្រោះ​សារធាតុ​អាហារ​ប្រភេទ​ខ្លះ​អាច​បញ្ជូន​បន្ត​ទៅ​ក្នុងទឹក​ដោះ​ម្ដាយ​ដែល​អាច​ធ្វើ​ឱ្យ​ទឹកដោះ​របស់​អ្នកម្ដាយ​មាន​រសជាតិ​ប្រែប្រួល​ ឬអាច​មាន​សារ​ធាតុគីមី​ប្រមូល​សន្សំ​នៅក្នុង​រាងកាយ​របស់​កូន​តូច​បាន​ ដូច្នេះ​យើង​នាំគ្នា​មក​មើល​ថា​ តើ​ម្ដាយ​ដែល​បំបៅ​ដោះ​កូន​ គេ​ហាម​ញ៉ាំ​អ្វីខ្លះ​? 1. ថ្នាំ​ឱសថ​បុរាណ​មួយចំនួន​ ឬថ្នាំចិនសែ​ប្រភេទ​ខ្លះ​ និង​ស្រាថ្នាំ​… មិន​គួរ​ទទួលទាន​ទេ​ ព្រោះ​អាច​ធ្វើ​ឱ្យ​កូនតូច​ឆ្អល់​ពោះ​ រាក​ យំ​រករឿង​ ឬបន្ទោបង់​ខុសប្រក្រតី​។ 2. ហាម​ទទួលទាន​អាហារ​ជ្រក់​ត្រាំ​ ឬគ្រឿង​ភេសជ្ជៈ​ដែល​មាន​ជាតិ​អាល់កុល​… តែបើ​ចាំបាច់​ត្រូវតែ​ទទួលទាន​មិន​អាច​ខាន​បាន​ ដូចជា​ទៅ​ចូលរួម​កម្មវិធី​ក្នុង​សង្គម​ជាដើម​នោះ​ ចូរ​ទទួលទាន​ក្រោយពេល​បំបៅ​កូន​រួចហើយ​ និង​បញ្ឈប់​បំបៅ​ដោះ​កូន​មួយ​ពេល​ដើម្បី​ច្របាច់​ ឬបឺត​បញ្ចេញចោល​មុននឹង​ឱ្យ​កូន​បៅ​លើក​បន្តបន្ទាប់​ទៅទៀត​ ព្រោះ​ជាតិ​អាល់កុល​ហុច​ផល​ប៉ះពាល់​ដល់​ខួរក្បាល​របស់​កូន​។ 3. អាហារ​ដែល​មាន​រស​ជា​តិ​ហិ​រខ្លាំង​ គួរ​តម​សិន​… ព្រោះ​នឹង​ហុច​ផល​ឱ្យ​កូនតូច​បាន​ទទួល​រសជាតិ​ហិ​រពី​ទឹកដោះ​ម្ដាយ​ដែរ​ និង​អាច​ធ្វើ​ឱ្យ​ឈឺពោះ​បាន​ដូចគ្នា​ តែបើ​សិន​ជា​អាហារ​ដែល​ប្រកប​ដោយ​ឱសថ​បុរាណ​ ដូចជា​ ស្លឹក​ម្រះព្រៅ​ ខ្ញី​ ម្រេច​ ជាដើម​ ម្ដាយ​បំបៅ​ដោះ​កូន​អាច​ទទួលទាន​បាន​ ព្រោះ​ជា​អាហារ​ដែល​មាន​រសជាតិ​ក្ដៅ​ ដែល​ខុស​ពី​រស​ជា​តិ​ហិរ​ ហើយ​អាហារ​ឱសថ​បុរាណ​ដែល​មាន​រសជាតិ​ក្ដៅ​ទាំងនោះ​ថែមទាំង​ជួយ​បំប៉ន​ទឹកដោះ​ម្ដាយ​ទៀតផង​។ 4. បន្លែ​ដែល​មាន​ជា​តិ​ហ្គាស​ច្រើន​… ដូចជា​ស្ពៃក្ដោប​ ផ្កា​ខាត់ណា​ ឬបន្លែស្រស់​ប្រភេទ​ខ្លះ​ គួរ​តម​ទទួលទាន​សិន​ ព្រោះ​អាច​ធ្វើ​ឱ្យ​កូនតូច​កើត​អាការ​ឆ្អល់​ និង​ហើមពោះ​បាន​ ឬបើ​ត្រូវការ​ទទួលទាន​បន្លែ​ទាំងនោះ​ដោយ​ខាន​មិនបាន​ ក៏​គួរ​ទទួលទាន​បន្លែ​ដែល​ចម្អិន​ឆ្អិន​ហើយ​ប្រសើរ​ជាង​។ 5. ថ្នាំ​ប្រភេទ​ខ្លះ​មានផល​ប៉ះពាល់​ដល់​កូន​តាមរយៈ​ទឹកដោះ​… ដូច្នេះ​បើ​អ្នកម្ដាយ​កើត​អាការ​ឈឺថ្កាត់​ និង​ត្រូវការ​ប្រើ​ថ្នាំ​ ចូរ​ប្រឹក្សា​ជាមួយ​ឱសថការី​ … Read more

គ្រាន់តែ​និយាយ​ជាមួយ​កូនតូច​ ក៏អាច​ជួយ​ឱ្យ​គេ​ក្លាយជា​មនុស្ស​ពូកែ​បាន​ដែរ​

by

វេទិកា​សេដ្ឋកិច្ច​ពិភពលោក​ បាន​បង្ហាញ​ការស្រាវជ្រាវ​មួយ​ស្តី​ពី​ការអប់រំ​កុមារ​តូច​ថា​ គ្រាន់តែ​អាណាព្យាបាល​ឧស្សាហ៍​និយាយ​ ឬសន្ទនា​ជាមួយ​កូនតូច​ឱ្យ​បាន​ច្រើន​ក៏អាច​ជំរុញ​ការ​អភិវឌ្ឍ​ខួរក្បាល​របស់​ក្មេង​បាន​យ៉ាង​លឿន​ផង​ដែរ​។ អ្នក​វិទ្យាសាស្ត្រ​នៃ​ស្ថាប័ន​ចិត្តសាស្ត្រ​ MIT​, Psychological​ Science​ បាន​បង្ហាញថា​ការ​និយាយ​ជាមួយ​ក្មេង​ជា​រឿយ​ៗនឹង​ធ្វើ​ឱ្យ​ក្មេង​ក្លាយជា​មនុស្ស​ពូកែ​សន្ទនា​ ហើយក៏​ជួយ​អភិវឌ្ឍ​សមត្ថភាព​ជាច្រើន​ផ្សេងទៀត​ផង​ដែរ​ ជាពិសេស​ផ្នែក​ភាសា​។ កុមារ​ដែល​ឧស្សាហ៍​សន្ទនា​ជាមួយនឹង​មនុស្ស​ធំ​មាន​សមត្ថភាព​ចងចាំ​ និង​យល់​ពី​ការប្រើ​ប្រាស់​ពាក្យ​សំ​ខាន់​ៗបាន​ល្អ​ជាង​កុមារ​ដែល​មិនសូវ​និយាយ​ស្តី​ព្រោះ​តាមរយៈ​ការស្រាវជ្រាវ​បាន​បង្ហាញថា​ កុមារ​ចន្លោះ​ពី​ 4ឆ្នាំ​ ដល់6ឆ្នាំ​ដែល​បាន​និយាយ​ និង​ស្និទ្ធស្នាល​ជាមួយ​គ្រួសារ​ច្រើន​មាន​សមត្ថភាព​យល់​ពី​ពាក្យ​ វេយ្យាករណ៍​ និង​ផ្នែក​ផ្សេង​ៗនៃ​ភាសា​។ ការ​បកស្រាយ​របស់​អ្នក​ចិត្តសាស្ត្រ​កុមារ​បាន​បង្ហាញ​ផង​ដែរ​ថា​ អាណាព្យាបាល​ក៏អាច​បង្រៀន​កូន​ប្រកបដោយ​ប្រសិទ្ធភាព​ផង​ដែរ​បើ​ទោះបីជា​កូន​នោះ​មិនទាន់​ដល់​វ័យ​អាច​និយាយ​បាន​ក៏ដោយ​ ព្រោះ​ក្មេង​អាច​ព្យាយាម​ស្វែងយល់​បាន​តាមរយៈ​សំ​ឡេង​ដដែល​ៗ និង​ការ​ធ្វើមុខធ្វើមាត់​របស់​មនុស្ស​ធំ​ជាដើម​។ ផ្ទុយ​មកវិញ​ អាណាព្យាបាល​នា​ពេល​បច្ចុប្បន្ន​នេះ​បែរជា​មិនសូវ​មាន​ពេល​គ្រប់គ្រាន់​ក្នុង​ការសន្ទនា​ជាមួយ​កូន​ទៅវិញ​ ព្រោះ​មនុស្ស​ម្នា​ក់ៗ​មានការ​ងារ​ច្រើន​ត្រូវ​ធ្វើ​ប្រចាំថ្ងៃ​ ហើយ​មាន​អ្នកខ្លះ​ទៀត​បណ្តែតបណ្តោយ​ឱ្យ​កូន​រស់នៅ​ជាមួយ​បច្ចេកវិទ្យា​ច្រើនជ្រុល​ រហូត​ធ្វើ​ឱ្យ​ពួកគេ​ឃ្លាតឆ្ងាយ​ពីគ្នា​។ បញ្ហា​នេះ​ធ្វើ​ឱ្យ​កុមារ​អាច​ក្លាយជា​មនុស្ស​ធំ​ដែល​មាន​សមត្ថភាព​ភាសា​មិនល្អ​ សរសេរខុស​ច្រើន​ មានការ​លំបាក​ក្នុង​ការ​អាន​ និង​ស្តាប់​ចំណុច​សំ​ខាន់​ៗនានា​។ កត្តា​នេះ​អាច​ជា​គ្រោះថ្នាក់​មួយ​ដែល​ធ្វើ​ឱ្យ​កើតមាន​ជា​ក្តី​បារម្ភ​សម្រាប់​អនាគត​ធនធានមនុស្ស​ដែល​កំពុង​ត្រូវការ​ភាព​ប៉ិនប្រសប់​កាន់តែ​ខ្លាំង​។ ឪពុក​ម្តាយ​គួរ​នៅ​ក្បែរ​កូន​ឱ្យ​បាន​ច្រើន​បន្ទាប់ពី​ការងារ​ ឬយ៉ាង​ហោច​មាន​ពេលវេលា​ជជែក​ជាមួយ​កូន​ឱ្យ​បាន​ទៀងទាត់​រាល់ពេល​ល្ងាច​ដើម្បី​បង្កើន​ភាព​ស្និទ្ធស្នាល​ បង្រៀន​កូន​ឱ្យ​ស្វែងយល់​ពី​ការរស់នៅ​តាមរយៈ​សកម្ម​ភា​ពស​ប្បា​យៗ​ និង​និយាយ​ជាមួយ​ពួកគេ​ឱ្យ​បាន​ច្រើន​ ប្រសិនបើ​ចង់​ឱ្យ​កូន​ៗក្លាយជា​មនុស្ស​ខ្លាំង​ម្នាក់​នៅ​ថ្ងៃ​អនាគត​។ សកម្មភាព​ទាំងអស់​នេះ​មិនមែន​ជា​រឿង​លំបាក​នោះ​ទេ​ តែ​វា​ជា​រឿង​សំខាន់​ដែល​មិន​គួរ​មើល​រំលង​៕

កូនសម្លាញ់ម្ដាយ ថីបានកូនយំ?

by

“ការស្រែកយំ” គឺជារឿងធម្មតារបស់ទារកទើបនឹងកើត ដោយសារតែសភាពជុំវិញខ្លួនដែលមកប៉ះពាល់ប្រព័ន្ធប្រសាទការដឹងតូចៗទាំង5 របស់កូនដែលមានដូចជា ត្រចៀក ភ្នែកច្រមុះ អណ្ដាត និងរាងកាយ។ អ្វីដែលប៉ះពាល់ទាំងនេះ មានផលចំពោះអារម្មណ៍របស់កូន ធ្វើឱ្យគេកើតមានអារម្មណ៍មិនសប្បាយកាយ ឬមានអារម្មណ៍មិនសប្បាយចិត្ត ហើយព្រោះកូនតូចមិនទាន់អាចប្រាប់ពីអារម្មណ៍របស់ខ្លួនឱ្យឪពុកម្ដាយដឹងតាមរយៈពាក្យសំដីបាន ដូច្នេះទើបវិធីតែមួយគត់ដែលគេអាចទំនាក់ទំនងជាមួយឪពុកម្ដាយបានក៏គឺ “ការស្រែកយំ” ហ្នឹងឯង។ ការយល់ដឹងពីមូលហេតុដែលធ្វើឱ្យកូនតូចស្រែកយំ នឹងធ្វើឱ្យឪពុកម្ដាយថ្មោងថ្មីយល់ដឹងអំពីកូនតូច និងអាចតបស្នងតម្រូវការរបស់កូនបានយ៉ាងមានសេចក្ដីសុខ។ កូនឃ្លាន បើកូនតូចរបស់អ្នកម្ដាយបៅទឹកដោះបានតិច និងច្រើនតែភ្ញាក់ឡើងយំក្រោយពីបៅទឹកដោះបានត្រឹមតែមួយម៉ោងរួចមកនោះ អាចមានមូលហេតុមកពីការដែលកូនតូចបៅទឹកដោះខុសវិធី ដែលការបៅទឹកដោះខុសវិធីនេះអាចកើតឡើងបានទាំងលើក្មេងដែលបៅទឹកដោះពីដប និងក្មេងដែលបៅទឹកដោះម្ដាយ ធ្វើឱ្យកូនបឺតយកខ្យល់ចូលទៅច្រើន និងមានអារម្មណ៍តឹងណែន។ បើអ្នកម្ដាយសង្កេតឃើញថា កូនតូចច្រើនតែស្រែកយំរករឿងគ្រប់ពេលដែលដាក់ឱ្យគេងផ្ងារ និងយំមិនព្រមគេង អាចបណ្ដាលមកពីអាការតឹងណែនក្នុងពោះ អ្នកម្ដាយគួរលើកកូនមកពឱ្យទ្រោបលើស្មា ព្រមទាំងអង្អែលខ្នងថ្នមៗ កូនអាចនឹងភើចេញមក ហើយនឹងមានអារម្មណ៍ស្រួលខ្លួនឡើងវិញ។ កូនឯកា ទារកត្រូវការសេចក្ដីស្រឡាញ់ ភាពកក់ក្ដៅតាមរយៈការប៉ះពាល់ដ៏ទន់ភ្លន់របស់ឪពុក និងម្ដាយជាប់ជានិច្ច។ មិនថាកូនតូចរបស់លោកអ្នកមានអាយុប៉ុន្មាន ក៏គេនៅតែត្រូវការសេចក្ដីស្រឡាញ់ ភាពកក់ក្ដៅតាមរយៈការឱបថើបរបស់ឪពុកម្ដាយជានិច្ច។ ការបីព ឬឱបថើប ជាការប៉ះពាល់ខាងរាងកាយដែលធ្វើឱ្យកូនមានអារម្មណ៍កក់ក្ដៅក្នុងចិត្ត និងមានសេចក្ដីសុខ។​ ពេលខ្លះត្រឹមតែលោកអ្នកលើកកូនតូចបី ព ឱបនៅក្នុងរង្វង់ដៃ ក៏គេអាចបាត់យំភ្លាម សឹងតែលោកអ្នកមិនចាំបាច់ត្រូវលួងលោមដោយពាក្យសំដីផង។ កូនមិនស្រួលខ្លួន នៅពេលកូនឈឺថ្កាត់ កូនច្រើនតែយំរករឿងបើអ្នកម្ដាយសាកល្បងប៉ះខ្លួនកូន ក៏អាចនឹងមានអារម្មណ៍ដឹងបានថា … Read more

ពេលមានគភ៌ តើត្រូវញ៉ាំអីដើម្បីឱ្យកូនសាច់សស្អាត?

by

មានបញ្ហាជាច្រើនរបស់អ្នកម្តាយមានគភ៌ដែលបារម្ភកង្វល់អំពីកូនតូចនៅក្នុងផ្ទៃ ទើបខំព្យាយាមស្វែងរកព័ត៌មានផ្សេងៗដែលណែនាំថាតើអ្វីទៅដែលញ៉ាំទៅហើយ កូនតូចនឹងមានសុខភាពល្អ សាច់ស្អាតនោះ ក៏ខំស្វះស្វែងទៅរកយកមកទទួលទានដើម្បីថែបំប៉នខ្លួនឯង និងកូនក្នុងផ្ទៃ ព្រោះចង់ឱ្យកូនចេញមកល្អស្អាតឥតខ្ចោះ និងរឹងប៉ឹងមាំមួនបំផុត។ តើបញ្ហាការហូបចុករបស់អ្នកម្តាយទាំងឡាយដើម្បីឱ្យកូនតូចមានសុខភាពល្អ និងស្អាតបាតមានអ្វីខ្លះនោះ មែន ឬមិនមែនយ៉ាងណា សូមអានអត្ថបទខាងក្រោមនេះជាបន្ត។ ពេលមានគភ៌ តើញ៉ាំអ្វីទៅដើម្បីឱ្យកូនសាច់សស្អាត ឬក៏ញ៉ាំហឹរខ្លាំងពេកកូនតូចនឹងដុះសក់មកតិចស្តើងមែនឬ? ចំពោះបញ្ហានេះ អាហារការហូបចុកគ្មានផលប៉ះពាល់ទេ ការដែលទារកនឹងស ឬខ្មៅ សក់ស្តើង ឬសក់តិច គឺបណ្តាលមកពីពូជអម្បូរទាំងស្រុង តែអេះ!? ហេតុអីលោកប៉ាខ្មៅ អ្នកម៉ាក់ក៏ខ្មៅ តែកូនកើតចេញមកស្រាប់តែសស្គុសទៅវិញ? ពាក់ព័ន្ធនឹងរឿងនេះ តាមគោលការណ៍ខាងពូជអម្បូរអាចអធិប្បាយបានថា ដែលកូនតូចប្រសូតចេញមកសាច់សនោះ គឺដោយសារតែកូនបានទទួលហ្ស៊ែនអន់ពីឪពុក និងម្តាយហ្នឹងឯង នោះគឺមានន័យថា ទាំងឪពុក និងម្តាយមានបង្កប់នូវហ្ស៊ែនអន់ ដូច្នេះរឿងញ៉ាំអីដើម្បីឱ្យកូនស្បែកស ឬញ៉ាំអីហើយធ្វើឱ្យសក់ដុះក្រាស់ ឬស្តើងនោះ មិនមានលទ្ធផលពិសោធន៍ខាងវិទ្យាសាស្រ្តទេ តែអាចមានផលខាងផ្លូវចិត្ត ចំណែកឯការទទួលទានអាហារដែលមានរស់ជាតិហឹរពេក អាចបណ្តាលឱ្យអ្នកម្តាយមានគភ៌ឈឺពោះបាន។ ពេលមានគភ៌ត្រូវញ៉ាំអីដើម្បីឱ្យកូនឆ្លាត និងមាំមួនបញ្ហានេះគឺជាបញ្ហាដំបូងគេរបស់អ្នកម្តាយមានគភ៌ក៏អាចថាបានដែរ អាហារការហូបចុករបស់អ្នកម្តាយមានគភ៌មានចំណែកខ្លាំងណាស់ គឺអ្នកម្តាយមានគភ៌ត្រូវតែបានទទួលសារធាតុអាហារឱ្យគ្រប់ 5 ប្រភេទក្រុម និងញ៉ាំថ្នាំថែបំប៉នគភ៌ដែលលោកគ្រូពេទ្យរៀបចំឱ្យ ត្រឹមតែប៉ុណ្ណឹង កូនតូចនៅក្នុងផ្ទៃក៏នឹងរឹងប៉ឹងមាំមួន និងមានវិវឌ្ឍនាការសមទៅតាមវ័យទៅហើយ។ ពេលមានគភ៌ ញ៉ាំទឹកដូងនឹងជួយឱ្យខ្លួនប្រាណកូនគ្មានខ្លាញ់រំអិល តើមែន … Read more

កូនមិនព្រមគេងថ្ងៃ ធ្វើយ៉ាងណាស្រួលទៅ?

by

បញ្ហាកូនមិនព្រមគេងថ្ងៃអាចប្រទះឃើញទាំងនៅលើក្មេងតូច និងក្មេងក្នុងវ័យរៀន ការគេងគឺជារឿងសំខាន់សម្រាប់កុមារ ព្រោះការគេងលក់ស្រួលពេញលេញជួយបង្កើនវិវឌ្ឍនាការផ្នែកផ្សេងៗរបស់រាងកាយ និងវិវឌ្ឍនាការផ្នែកខួរក្បាល។ ក្មេងក្នុងវ័យនីមួយៗមានរយៈពេលគេងនិងអំឡុងពេលគេងខុសប្លែកពីគ្នា ឥឡូវសូមអ្នកម្តាយនាំគ្នាមកមើលថា តើការគេងលក់ក្នុងវ័យនីមួយៗរបស់កូនយ៉ាងណាខ្លះ? ដូចតទៅ ៖ អាថ៌កំបាំងនៃការគេងរបស់ក្មេងដែលមនុស្សធំគួរដឹង ជាទូទៅយើងនឹងឃើញថា ទារកទើបនឹងកើតនេះគេងលក់ស្ទើរតែគ្រប់ពេលវេលា តែជឿទេថា ដែលយើងឃើញថា ទារក កំពុងគេងលក់នោះ ការពិតទៅកូនតូចមិនបានគេងលក់ពេញលេញមែនទែននោះទេ ព្រោះមិនថាពេលគេងលក់ ឬពេលភ្ញាក់នោះទេ ខួរក្បាលតូចៗរបស់ទារកបែរជាស្វាហាប់ក្លៀវក្លាគ្រប់ពេលវេលា ដោយអ្នកស្រាវជ្រាវ និងអ្នកជំនាញការបានណែនាំលោកឪពុកអ្នកម្តាយថ្មោងថ្មីថា មិនចាំបាច់ធ្វើឱ្យបន្ទប់គេងស្ងប់ស្ងាត់ជ្រុលពេកទេ អាចបើកបទភ្លេងកំដរស្រាលៗ បើកភ្លើងភ្លឺព្រាលៗ ឬមានសំឡេងជជែកគ្នារវាងឪពុកម្តាយស្ងាត់ៗ វានឹងហុចផលល្អ ព្រោះកូនតូចអាចនឹងកំពុងផ្អៀងត្រចៀកចាំស្តាប់សំឡេងរបស់លោកអ្នកក៏អាចថាបានដែរ រឹតតែសំឡេងរបស់លោកឪពុកអ្នកម្តាយផងនោះ រឹតតែធ្វើឱ្យគេមានអារម្មណ៍កក់ក្តៅក្នុងចិត្តខ្លាំងឡើងទៀតផង។ បន្ទាប់មកលោកឪពុកអ្នកម្តាយគួរយល់ដឹងអំពីរយៈពេលដែលក្មេងត្រូវការគេងសម្រាកក្នុងអំឡុងវ័យរបស់គេ អ្នកជំនាញការខាងពេទ្យកុមារ បានអធិប្បាយអំពីអំឡុងពេលនៃការគេងសម្រាករបស់កុមារដូចតទៅ៖ – កុមារវ័យ1-2ឆ្នាំ៖ នឹងគេងក្នុងមួយថ្ងៃប្រមាណជា12ម៉ោង ដោយគេងនៅពេលថ្ងៃប្រមាណជា1ម៉ោង។ – កុមារវ័យមត្តេយ្យ វ័យ3-5ឆ្នាំ៖ នឹងគេងប្រមាណជា8-12ម៉ោង ឯការគេងលក់នៅពេលថ្ងៃវិញ អាស្រ័យលើកុមារម្នាក់ៗ និងកិច្ចការងារដែលបានធ្វើក្នុងមួយថ្ងៃៗថា តើវាសាងនូវភាពនឿយហត់អស់កម្លាំងខ្លាំងប៉ុនណា? – កុមារវ័យ5-6ឆ្នាំ៖ កុមារក្នុងវ័យនេះមានចំនួនច្រើនណាស់ដែលមិនព្រមគេងថ្ងៃ ដូច្នេះមិនចាំបាច់កង្វល់ទេ បើនៅពេលយប់ក្មេងបានគេងលក់គ្រប់គ្រាន់ តែកិច្ចការងារនៅពេលរសៀលវាគួរតែជាកិច្ចការងារស្រាលៗ ដើម្បីឱ្យកុមារមានអារម្មណ៍ធូរស្រាល។ ពាក្យណែនាំសម្រាប់លោកឪពុកអ្នកម្តាយ ដំបូងគេ … Read more

10 វិធី​ចិញ្ចឹម​មើលថែ​កូន​ដ៏​គួរឱ្យ​ចាប់អារម្មណ៍​ពី​អ្នក​ម្តាយ​នៃ​ប្រទេសនីមួយៗទូទាំង​ពិភពលោក

by

ឪពុកម្តាយម្នាក់ៗសុទ្ធ​តែមាន​ជំនឿ​ក្នុងការ​ចិញ្ចឹម​មើលថែ​កូន​ខុសប្លែក​ពីគ្នា អាស្រ័យ​លើ​វប្បធម៌​ប្រពៃណី បទពិសោធ​ដែល​ពួកគេ​បាន​ជួបប្រទះ​មក និង​ឪពុកម្តាយ​ជាតិ​សាសន៍​ផ្សេងគ្នា ភាសា​ផ្សេងគ្នា ក៏​រឹត​តែមាន​ភាពខុសប្លែក​ពីគ្នា​ខ្លាំង​ទៅទៀត រហូត​យើង​គិតថា ការចិញ្ចឹម​កូន​របស់​មនុស្ស​ក្នុងប្រទេសផ្សេងៗវា​ហាក់ដូចជា​មើលទៅ​ប្លែក​ចម្លែក​ក្នុង​ខ្សែ​ភ្នែក​របស់​យើង​ខ្លាំងណាស់។ ថ្ងៃនេះ ឡា រ៉ែ​ន នឹង​នាំ​លោកឪពុក​អ្នក​ម្តាយ​ទាំងអស់​មក​មើល​ពី​ភាព​ប្លែក​ចម្លែក​ទាំងនោះ…។ 1 . ឪពុកម្តាយ​ជនជាតិ ម៉ូ​រីតា​នី ស្តោះ​ទឹកមាត់​ដាក់​លើ​មុខ​កូន ជន​កុលសម្ព័ន្ធ  Wolof ក្នុងប្រទេស​ម៉ូ​រី​តានី​ជឿថា ទឹកមាត់​របស់​ពួកគេ​អាចធ្វើឱ្យ​ពាក្យសម្តី​នៅ​ដិតដាម​នឹង​ខ្លួន​ក្មេង​បាន ដូច្នេះ​ពួកគេ​នឹង​ស្តោះ​ទឹកមាត់​ដាក់​មុខ​ទារក​ទើបនឹង​កើត ដើម្បីឱ្យ​ពរ​ទាំង​ប៉ុន្មាន​របស់​ពួកគេ​នៅជាប់​ដិតដាម​ជាមួយ​ក្មេង​រហូត​ទៅ ដោយ​ស្ត្រី​ជា​ម្តាយ​នឹង​ស្តោះ​ទឹកមាត់​ចំ​ពីលើ​មុខ និង​ឪពុក​នឹង​ស្តោះ​ទឹកមាត់​នៅលើ​ត្រចៀក រួច​លាប​ទឹកមាត់​រប​ស់​ពួកគេ​ឱ្យ​សព្វ​នៅលើ​ក្បាល​របស់​កូន។ 2 . ជនជាតិ​ន័​រវេ​យ៍ ឱ្យកូនៗគេង​លក់​នៅក្រៅ​ផ្ទះ​កណ្តាល​ធាតុអាកាស​ត្រជាក់​ក្រោម​សូន្យ​អង្សា វា​ជា​រឿង​ប្រក្រតី​ដែល​ប្រទេស​ក្នុង​តំបន់​ន័​រ​ឌិ​ក​តែង​ទុកឱ្យកូនតូចៗរបស់​ពួកគេ​ស្ថិតនៅក្នុង​រទេះរុញ​នៅ​ខាងក្រៅ​ភោជនីយដ្ឋាន​ទោះជា​ក្នុងអំឡុង​រដូវរងា​ក៏ដោយ ខណៈដែល​ពួកគេ​អង្គុយ​ញ៉ាំ​អាហារ និង​ភេសជ្ជៈក្តៅៗនៅក្នុង​ហាង។ នោះ​ព្រោះតែ​ពួកគេ​ជឿថាការទុកឱ្យក្មេងៗបាន​ប្រឈម​នឹង​ភាព​រងា​ញ័រញាក់​នឹង​ជួយ​ឱ្យ​រាងកាយ​របស់ក្មេងៗរឹងមាំ គ្មាន​រោគ​ភ័យ​មក​បៀតបៀន។ 3 . ម្តាយ​ជនជាតិ​គែន​យ៉ា​មិន​សម្លឹង​ភ្នែកកូនៗរបស់​ពួកគេ​ទេ អ្នក​ម្តាយ​ជនជាតិ Kisii ក្នុងប្រទេស​គែន​យ៉ា​មាន​ជំនឿ​មួយ​ដែល​ហាក់ដូចជា​ប្លែក​ចម្លែក​ណាស់ ព្រោះ​ទោះជា​ពួកគេ​ចង់​មាន​ចំណែក​រួមគ្នា(ប្រឡែង​លេង)ជាមួយ​កូន​ខ្លាំង​ប៉ុនណា​ក៏ដោយ តែ​ក៏​ពួកគេ​មិន​សម្លឹងមើល​ភ្នែកកូនៗដែរ វា​ជា​វិធី​មួយ​ដែល​អ្នក​ម្តាយ​ទាំងនោះ​បង្ហាត់​ក្មេង​មិនឱ្យ​ចេះ​ទាមទារ​ចំណាប់អារម្មណ៍​ពី​ម្តាយ​ខ្លាំង​ជ្រុល​ពេក​ហ្នឹងឯង។ 4 . ឪពុកម្តាយ​ជនជាតិ​វៀតណាម​នឹង​បង្ហាត់​កូន​ឱ្យ​នោម​ដោយ​សំឡេង… គ្រប់​ពេលដែលក្មេងៗជាតិ​វៀតណាម​បញ្ចេញ​អាកា​រថា ចង់​នោម ម្តាយ​របស់​ក្មេង​ទាំងនោះ​នឹង​ជួយ​ធ្វើជា​សំឡេង​ឱ្យក្មេងៗឆាប់​នោម​ចេញមក មាន​អារម្មណ៍​ថា ស្រដៀងៗនឹង​ឪពុកម្តាយ​ជាតិខ្មែរ​យើង​ដែរ ដោយ​បញ្ចេញ​សំឡេង “ស៊ូ…” បង្អូសវែងៗ … Read more