កិច្ចព្រមព្រៀង - La Reine Media

ហេតុអ្វីបានជាចិនទិញទុរេនពីវៀតណាមច្រើនជាងមុន 30 ដង?

December 15, 2023 by សឿន សំណាង

ក្នុង 10 ខែដំបូងនៃឆ្នាំ 2023 ទុរេនរបស់វៀតណាម ដែលនាំចេញទៅកាន់ទីផ្សារចិន សម្រេចបានជាង 451,000 តោន កើនជាង 30 ដង បើធៀបនឹងដំណាក់កាលដូចគ្នានៅក្នុងឆ្នាំ 2022។ ទុរេនគឺជាប្រភេទផ្លែឈើដែលមានតម្លៃបំផុតសម្រាប់ការនាំចេញរបស់វិស័យបន្លែផ្លែឈើវៀតណាម នៅក្នុង 11 ខែដំបូងនៃឆ្នាំ 2023 ដោយមានតម្លៃជាង 2.1 ពាន់លានដុល្លារអាម៉េរិក។ ទុរេនភាគច្រើនរបស់វៀតណាម ត្រូវបាននាំចេញទៅកាន់ប្រទេសចិន។ នេះបើតាមសមាគមបន្លែផ្លែឈើវៀតណាម ដែលបានឱ្យដឹងកាលពីពេលថ្មីៗនេះ។ ក្នុង 10 ខែដំបូងនៃឆ្នាំ 2023 ប្រទេសចិនបាននាំចូលទុរេនជាង 1.3 លានតោន ដែលមានតម្លៃជិតស្មើនឹង 6.4 ពាន់លានដុល្លារ ក្នុងនោះ បរិមាណសរុបបានកើន 88% និងតម្លៃសរុបបានកើន 81% បើធៀបនឹង 10 ខែដំបូងនៃឆ្នាំ 2022។ ប្រទេសថៃ គឺជាប្រភពផ្គត់ផ្គង់ទុរេនធំបំផុតរបស់ប្រទេសចិន ដោយបាននាំចេញទៅកាន់ទីផ្សារនេះជិត 904,000 តោន ដែលមានតម្លៃសរុបជាង 4.4 ពាន់លានដុល្លារអាម៉េរិក ដោយកើន 28%។ … Read more

កម្ពុជាកំពុងក្លាយជាគោលដៅនៃការជ្រើសរើសអ្នកផ្គត់ផ្គង់អង្កររបស់ឥណ្ឌូណេស៊ី

November 4, 2023November 4, 2023 by សឿន សំណាង

កាលពីថ្ងៃទី 03 វិច្ឆិកា 2023 ទីភ្នាក់ងារភស្តុភារជាតិឥណ្ឌូនេស៊ី (Bulog) បានចុះកិច្ចព្រមព្រៀងនាំចូលអង្ករមួយលានតោនពីប្រទេសមួយចំនួននៅអាស៊ី នៅក្នុងគម្រោងនាំចូលអង្ករបន្ថែម 1.5 លានតោនរបស់ប្រទេសនេះ។ លោក Mokhamad Suyamto ប្រធានបណ្ដាញផ្គត់ផ្គង់ និងសេវាសាធារណៈរបស់ Bulog ឱ្យដឹងថា ការនាំចូលបន្ថែមនេះធ្វើឡើងក្នុងបំណងបង្កើនបរិមាណអង្ករក្នុងឃ្លាំងរបស់រដ្ឋាភិបាលឥណ្ឌូណេស៊ី រហូតដល់ឆ្នាំ 2024។ «បច្ចុប្បន្ន យើងមានកិច្ចព្រមព្រៀងជាមួយនឹងបណ្ដាប្រទេសនាំចេញអង្ករធំៗ រួមមាន ថៃ វៀតណាម ប៉ាគីស្ថាន និងមីយ៉ាន់ម៉ា» លោក Suyamto ឱ្យដឹងដូច្នេះ និងបញ្ជាក់ថា «យើងក៏នឹងពិចារណាក្នុងការនាំចូលអង្ករពី ឥណ្ឌា កម្ពុជា និងបណ្ដាប្រទេសដទៃ បើសិនពួកគេអាចឆ្លើយតបនឹងលក្ខខណ្ឌតម្រូវការ»។ យោងតាមលោក Suyamto បើទោះរដ្ឋាភិបាលបានអនុញ្ញាតឱ្យនាំចូលអង្ករបន្ថែម 1.5 លានតោនក៏ដោយ ប៉ុន្តែបរិមាណអង្ករនាំចូលនេះនឹងអាចត្រូវបានកែប្រែទៅតាមតម្រូវការជាក់ស្ដែងរបស់ទីផ្សារក្នុងប្រទេស។ ក្នុង 7 ខែដើមឆ្នាំ 2023 អង្ករសរុបដែលត្រូវបានឥណ្ឌូណេស៊ីនាំចូលគឺមាន 50% មកពីប្រទេសថៃ និង 47% មកពីប្រទេសវៀតណាម។ នេះបើតាមអាជ្ញាធរឥណ្ឌូណេស៊ី៕

ក្រុមហ៊ុន Changan សាងសង់រោងចក្រផលិតរថយន្តអគ្គិសនីនៅប្រទេសថៃ

October 23, 2023 by សឿន សំណាង

ក្រុមហ៊ុនផលិតរថយន្តចិន Changan Automobile បានចុះកិច្ចព្រមព្រៀងជាមួយអាជ្ញាធរថៃ ដើម្បីជំរុញផែនការសាងសង់រោងចក្រមួយនៅក្នុងប្រទេសអាស៊ីអាគ្នេយ៍មួយនេះ។ Changan សម្រេចបានកិច្ចព្រមព្រៀងជាមួយគណៈកម្មការវិនិយោគថៃ (BOI) នៅក្នុងវេទិកាសហប្រតិបត្តិការអន្តរជាតិខ្សែក្រវាត់ និងផ្លូវលើកទីបី នៅទីក្រុងប៉េកាំង កាលពីថ្ងៃទី 17 តុលា 2023។ នេះបើតាមប្រកាសមួយកាលពីថ្ងៃទី 19 តុលា របស់ Changan។ ក្រុមហ៊ុនចិនខាងលើមានផែនការវិនិយោគ 240 លានដុល្លារអាម៉េរិកនៅប្រទេសថៃ ដើម្បីសាងសង់រោងចក្រផលិតរថយន្តអគ្គិសនីមួយដែលអាចផលិតបាន 100,000 គ្រឿងក្នុងដំណាក់កាលដំបូង។ អគ្គលេខាធិការរបស់ BOI ថៃ Narit Therdsteerasukdi ក៏បានប្រគល់វិញ្ញាបនបត្រចុះបញ្ជីវិនិយោគសម្រាប់គម្រោងទីតាំងផលិតរថយន្តនៅប្រទេសថៃ ជូនដល់ប្រធានក្រុមហ៊ុន Changan លោក Zhu Huarong។ Changan បានបង្កើតក្រុមហ៊ុនតំណាងរបស់ខ្លួននៅប្រទេសថៃកាលពីថ្ងៃទី 23 សីហា 2023។ ថ្ងៃទី 24 សីហា ក្រុមហ៊ុននេះក៏បានប្រកាសគម្រោងវិនិយោគ 8.8 ពាន់លានបាត ដើម្បីសាងសង់រោងចក្រផលិតរថយន្តអគ្គិសនីនៅប្រទេសនេះ។ កាលពីខែសីហា Changan ឱ្យដឹងថា ដំណាក់កាលដំបូងរបស់រោងចក្រនេះនឹងអាចផលិតរថយន្តបាន 100,000 គ្រឿងជារៀងរាល់ឆ្នាំ … Read more

កាតាផ្គត់ផ្គង់ឧស្ម័នធម្មជាតិរយៈពេល 27 ឆ្នាំដល់ប្រទេសបារាំង

October 11, 2023 by សឿន សំណាង

ក្រុមហ៊ុនជាតិថាមពល QatarEnergy របស់ប្រទេសកាតា បានឱ្យដឹងថា នឹងផ្គត់ផ្គង់ឧស្ម័នធម្មជាតិរាប់លានតោន/ឆ្នាំ ដល់ក្រុមហ៊ុនថាមពល TotalEnergies របស់ប្រទេសបារាំង។ កាលពីថ្ងៃទី 11 តុលា ក្រុមហ៊ុន QatarEnergy របស់ប្រទេសកាតាប្រកាសថា បានយល់ព្រមផ្គត់ផ្គង់ឧស្ម័នធម្មជាតិទៅឱ្យក្រុមហ៊ុនថាមពល TotalEnergies របស់ប្រទេសបារាំង នៅក្នុងរយៈពេល 27 ឆ្នាំ។ ក្នុងកិច្ចព្រមព្រៀងនេះ QatarEnergy នឹងផ្គត់ផ្គង់ឧស្ម័ន 3.5 លានតោន/ឆ្នាំ ដោយផ្ដើមការដឹកជញ្ជូនទៅកាន់ភាគខាងត្បូងប្រទេសបារាំង ចាប់ពីដើមឆ្នាំ 2026។ រដ្ឋមន្ត្រីក្រសួងថាមពលកាតា និងជាប្រធានក្រុមហ៊ុន QatarEnergy លោក Saad al-Kaabi ឱ្យដឹងថា «ការសន្យារបស់យើងគឺដើម្បីធានាប្រភពផ្គត់ផ្គង់ថាមពលជាបន្តបន្ទាប់ និងគួរជាទីទុកចិត្តសម្រាប់អឺរ៉ុប និងតំបន់ដទៃទៀតរបស់ពិភពលោក»៕

ឥណ្ឌូណេស៊ីសម្ពោធដាក់ឱ្យប្រើប្រាស់ផ្លូវដែកល្បឿនលឿនដំបូងអាស៊ីអាគ្នេយ៍

October 2, 2023 by សឿន សំណាង

ផ្លូវដែកល្បឿនលឿនដំបូងរបស់ប្រទេសឥណ្ឌូណេស៊ី ជិតបើកទ្វារទទួលអ្នកដំណើរ ដែលនេះនឹងជួយកាត់បន្ថយពេលវេលានៃការធ្វើដំណើររវាងទីក្រុងពីរធំជាងគេបង្អស់របស់ប្រទេសនេះ។ គម្រោងផ្លូវដែកដែលមានតម្លៃ 7.3 ពាន់លានដុល្លារអាម៉េរិកនេះនឹងត្រូវបានសម្ពោធដាក់ឱ្យដំណើរការក្នុងថ្ងៃទី 02 តុលា 2023 ក្រោយពីបានពន្យារពេលច្រើនលើក។ នេះគឺជាមួយផ្នែកនៃគំនិតផ្ដួចផ្ដើមហេដ្ឋារចនាសម្ព័ន្ធខ្សែក្រវាត់ និងផ្លូវ ដែលទទួលបានជំនួយភាគច្រើនពីបណ្ដាក្រុមហ៊ុនរដ្ឋចិន។ «យើងនឹងសម្ពោធនៅថ្ងៃទី 02 តុលា ដោយសារប្រធានាធិបតីជាប់រវល់នៅក្នុងថ្ងៃទី 01 តុលា» រដ្ឋមន្ត្រីក្រសួងគមនាគមន៍ឥណ្ឌូណេស៊ី Budi Karya Sumadi កាលពីថ្ងៃទី 29 កញ្ញា ថ្លែងដូច្នេះ។ ផ្លូវដែកសម្រាប់រថភ្លើងល្បឿនលឿនប្រវែង 138 គីឡូម៉ែត្រ និងមានឈ្មោះថា WHOOSH នេះ តភ្ជាប់រវាងរដ្ឋធានីហ្សាការតា និង Bandung នៅខេត្តជ្វាខាងលិច ដែលជាទីក្រុងធំជាងគេលំដាប់ទីពីររបស់ឥណ្ឌូណេស៊ី និងជាមជ្ឈមណ្ឌលសិល្បៈ វប្បធម៌ដ៏ធំរបស់ឥណ្ឌូណេស៊ី។ រថភ្លើងដែលរត់លើផ្លូវដែក WHOOSH ដំណើរការដោយអគ្គិសនី និងមានល្បឿនប្រហែល 350 គីឡូម៉ែត្រ/ម៉ោង នឹងជួយកាត់បន្ថយពេលវេលាក្នុងការធ្វើដំណើររវាង ហ្សាការតា និង Bandung ពីបីម៉ោងមកនៅក្រោមមួយម៉ោង។ WHOOSH ក៏ជាផ្លូវដែកល្បឿនលឿនដំបូងនៅតំបន់អាស៊ីអាគ្នេយ៍ផងដែរ។ គម្រោងខាងលើនេះត្រូវបានគ្រប់គ្រងដោយក្រុមហ៊ុនបណ្ដាក់ទុនរួម PT … Read more

VinFast ប្រគល់រថយន្តអគ្គិសនី 9,500 គ្រឿងជូនអតិថិជនក្នុងត្រីមាសទីពីរ

September 25, 2023 by សឿន សំណាង

ការលក់មានការកើនឡើងខ្ពស់ក្នុងត្រីមាសទីពីរដោយសារតែការប្រគល់រថយន្តទៅឱ្យក្រុមហ៊ុនរថយន្តអគ្គិសនីឈ្នួល GSM។ VinFast Auto (VFS) ដែលជាសមាជិកមួយរបស់សាជីវកម្ម Vingroup (VIC) ទើបតែផ្ញើរបាយការណ៍ស្ដីពីស្ថានភាពរបស់ក្រុមហ៊ុនក្នុងត្រីមាសទីពីរ ជូនគណៈកម្មការមូលបត្រអាម៉េរិក (SEC)។ របាយការណ៍ខាងលើឱ្យដឹងថា ក្រុមហ៊ុនផលិតរថយន្តអគ្គិសនីវៀតណាម VinFast រកបានចំណូល 334.1 លានដុល្លារអាម៉េរិក ខ្ពស់ជាងបួនដងធៀបនឹងត្រីមាសដំបូងរបស់ឆ្នាំនេះ។ លទ្ធផលនេះកើតឡើងដោយសារការប្រគល់រថយន្តអគ្គិសនីជូនអតិថិជនបានជាង 9,500 គ្រឿង ច្រើនជាងប្រាំដងធៀបនឹងត្រីមាសទីមួយ។ របាយការណ៍ផ្ញើទៅកាន់ SEC ក៏ឱ្យដឹងថា អតិថិជនធំជាងគេបំផុតរបស់ VinFast គឺក្រុមហ៊ុន GSM។ GSM គឺជាក្រុមហ៊ុនរថយន្តអគ្គិសនី និងម៉ូតូអគ្គិសនីឈ្នួលរបស់ VinGroup ដែលទើបត្រូវបានមហាសេដ្ឋីវៀតណាម លោក ហ្វាម ញ៉ឹតវ៉ឿង (ស្ថាបនិករបស់ VinGroup) បង្កើតឡើងកាលពីដើមឆ្នាំ។ GSM បានទទួលរថយន្តអគ្គិសនីប្រហែល 7,100 គ្រឿងពី VinFast គិតត្រឹមចុងត្រីមាសទីពីរ។ មុននោះ GSM បានចុះកិច្ចព្រមព្រៀងទិញម៉ូតូអគ្គិសនី 200,000 គ្រឿង និងរថយន្តអគ្គិសនី 30,000 គ្រឿងពី VinFast៕

ចិន-វៀតណាមចាប់ផ្ដើមអនុវត្តគម្រោង «ច្រកព្រំដែនឆ្លាតវៃ» គ្មានមនុស្សប្រចាំការ

September 16, 2023 by សឿន សំណាង

គម្រោងច្រកព្រំដែនឆ្លាតវៃ Youyi Guan (ប្រទេសចិន) – Huu Nghi (វៀតណាម) ដែលប្រើប្រាស់ប្រព័ន្ធកំណត់ទិសពីផ្កាយរណប និងបច្ចេកវិទ្យា 5G អនុញ្ញាតឱ្យទំនិញឆ្លងកាត់ដោយស្វ័យប្រវត្ត មិនមានមនុស្សប្រចាំការ 24 ម៉ោងក្នុងមួយថ្ងៃ ត្រូវបានសម្ពោធបើកការដ្ឋានសាងសង់កាលពីថ្ងៃទី 15 កញ្ញា។ ដើម្បីអនុវត្តកិច្ចព្រមព្រៀងជំរុញការស្ថាបនាច្រកព្រំដែនឆ្លាតវៃសាកល្បងចិន – វៀតណាម ភាគីរដ្ឋបាលតំបន់ស្វយ័តជនជាតិ Zhuang Guangxi នៅប្រទេសចិន និងភាគីខេត្ត Lang Son ប្រទេសវៀតណាម បានឯកភាពគ្នាលើការជំរុញគម្រោងសាកល្បងច្រកព្រំដែនឆ្លាតវៃនៅលើកំណាត់ផ្លូវសម្រាប់ដឹកជញ្ជូនទំនិញនៃច្រកព្រំដែន Youyi Guan (ប្រទេសចិន) – Huu Nghi (វៀតណាម)។ គម្រោងច្រកព្រំដែនឆ្លាតវៃ Youyi Guan (ប្រទេសចិន) – Huu Nghi (វៀតណាម) ដែលអនុវត្តដោយរដ្ឋបាលតំបន់ស្វយ័តជនជាតិ Zhuang Guangxi និងយោងទៅលើប្រព័ន្ធកំណត់ទិសពីផ្កាយរណប និងបច្ចេកវិទ្យា 5G ត្រូវបានសម្ពោធបើកការដ្ឋានសាងសង់កាលពីថ្ងៃទី 15 កញ្ញា 2023 … Read more

ខុនដូសម្រាប់ជួលមួយកន្លែងនៅអាម៉េរិក មានតម្លៃខ្ពស់ជាងគេបង្អស់នៅនីវយ៉ក

August 9, 2023 by សឿន សំណាង

(សហរដ្ឋអាម៉េរិក) – ខុនដូមួយស្ថិតនៅក្នុងមជ្ឈមណ្ឌល Manhattan ទើបតែបានបំបែកកំណត់ត្រាស្ដីពីថ្លៃជួលដែលខ្ពស់បំផុតនៅទីក្រុងនីវយ៉ក ដោយមានតម្លៃ 125,000 ដុល្លារ/ខែ។ អត្តសញ្ញាណរបស់អ្នកជួលខុនដូនេះ មិនត្រូវបានបង្ហើបឱ្យដឹងនោះទេ។ Jessica C. Campbell របស់ Nest Seekers International ដែលជាឈ្មួញជើងសារផ្នែកអចលនទ្រព្យឱ្យដឹងថា អ្នកជួលបានយល់ព្រមភ្លាមនៅក្នុងថ្ងៃមកមើលខុនដូ។ «តម្លៃជួលបានបំបែកកំណត់ត្រានៅកណ្ដាលទីក្រុង ប៉ុន្តែក៏ស័ក្ដិសមដែរ ព្រោះវាជាកន្លែងដ៏ថ្លៃថ្នូរ» Jessica C. បញ្ជាក់ដូច្នេះ។ ជាមួយនឹងតម្លៃត្រូវបង់ 125,000 ដុល្លារក្នុងមួយខែ អតិថិជនអាចរស់នៅក្នុងខុនដូទំហំជាង 600 ម៉ែត្រការ៉េនៅជាន់ទី 20 និង 21 របស់អគារ 100 Vandam។ យោងតាម Jessica C. នេះគឺជាកន្លែងស្នាក់នៅមួយដ៏អស្ចារ្យបំផុតដែលធ្លាប់ឃើញនៅនីវយ៉ក។ ខុនដូខាងលើមានបន្ទប់ដេកចំនួន 6 បន្ទប់ទឹកចំនួន 7 និងអាចមើលទៅកាន់ទន្លេ Hudson កំពង់ផែ New York និងរូបសំណាក Statue of Liberty យ៉ាងពេញភ្នែក។ … Read more

ស្ថានីយអវកាសពាណិជ្ជកម្ម ជិតបានឡើងទៅជំនួស ISS

August 3, 2023 by សឿន សំណាង

Airbus និងក្រុមហ៊ុនអាម៉េរិក Voyager Space កាលពីថ្ងៃទី 02 សីហា បានប្រកាសបង្កើតក្រុមហ៊ុនបណ្ដាក់ទុនរួមដើម្បីអភិវឌ្ឍ Starlab ដែលជាកំណែស្ថានីយអវកាសពាណិជ្ជកម្ម ដែលអាចជំនួសស្ថានីយអវកាសអន្តរជាតិ (ISS)។ ក្រុមហ៊ុនបណ្ដាក់ទុនរួមដែលមានទីស្នាក់ការកណ្ដាលនៅប្រទេសអាល្លឺម៉ង់នេះ គ្រោងនឹងអាចឆ្លើយតបនឹងតម្រូវការពីបណ្ដាទីភ្នាក់ងារអវកាសនៅលើពិភពលោក ទន្ទឹមនឹងការបើកផ្លូវឱ្យមានឱកាសថ្មីសម្រាប់វិស័យពាណិជ្ជកម្ម។ នេះបើតាម Matthew Kuta ប្រធានក្រុមហ៊ុន Voyager Space។ ដើម្បីជំនួស ISS ណាសាមានគម្រោងទិញសេវាកម្មពីដៃគូសហការជំនួសឱ្យការចាត់ចែងកម្មវិធីដោយផ្ទាល់ ដូចទៅនឹងអ្វីដែលបានអនុវត្តនៅក្នុងការនាំអវកាសចរឡើងទៅកាន់ទីអវកាស។ Voyager Space ទទួលបានកិច្ចព្រមព្រៀងតម្លៃ 160 លានដុល្លារពីណាសាកាលពីចុងឆ្នាំ 2021 ដើម្បីអភិវឌ្ឍ Starlab។ ទន្ទឹមនឹង Voyager Space ណាសាក៏បានប្រគល់ប្រាក់ 130 លានដុល្លារឱ្យ Blue Origin និង 126 លានដុល្លារឱ្យ Northrop Grumman ដើម្បីអភិវឌ្ឍបណ្ដាគម្រោងអវកាសដោយឡែក។ ក្រុមហ៊ុនអាម៉េរិក Axiom Space ក៏កំពុងអភិវឌ្ឍស្ថានីយអវកាសមួយក្រោមការជួយគាំទ្រពីណាសា និងក្រុមហ៊ុន Thales Alenia Space … Read more

អាម៉េរិកជិតបាញ់បង្ហោះយានអវកាសដែលមានបច្ចេកវិទ្យាទំនើបបំផុតលើពិភពលោក

August 2, 2023 by សឿន សំណាង

យានអវកាសទំនើបបំផុតរបស់សហរដ្ឋអាម៉េរិកនេះ អាចត្រូវបានប្រើប្រាស់ក្នុងរយៈពេលប្រហែល 300 ឆ្នាំ នៅលើគន្លងតារាវិថីផែនដី។ បច្ចុប្បន្ន នៅចំពោះមុខការប្រកួតប្រជែងគ្នាក្នុងការគ្រប់គ្រងទីអវកាស គ្រាដែលបច្ចេកវិទ្យាទំនើបៗកំពុងត្រូវបានបង្កើតឡើងជាបន្តបន្ទាប់ បណ្ដាប្រទេសរីកចម្រើនក៏ចាប់ផ្ដើមអភិវឌ្ឍយានអវកាសដែលអាចប្រើប្រាស់ម៉ាស៊ីនដំណើរការដោយថាមពលនុយក្លេអែរ។ កាលពីថ្ងៃទី 26 កក្កដា 2023 សហរដ្ឋអាម៉េរិកបានប្រកាសថា កំពុងរៀបគម្រោងបាញ់បង្ហោះយានអវកាសដែលប្រើប្រាស់ម៉ាស៊ីននុយក្លេអែរដំបូងលើពិភពលោក ឡើងទៅកាន់គន្លងតារាវិថីផែនដី នៅឆ្នាំ 2027។ យោងតាមកិច្ចព្រមព្រៀង ណាសា និងទីភ្នាក់ងារគម្រោងស្រាវជ្រាវទំនើបសម្រាប់ការពារជាតិ (DARPA) ដែលជាស្ថាប័នរបស់ក្រសួងការពារជាតិអាម៉េរិក កំពុងតែរកវិធីអភិវឌ្ឍម៉ាស៊ីនរ៉ុក្កែតដែលប្រើថាមពលនុយក្លេអែរ ដែលអាចបង្កើនលឿននៃដំណើរផ្សងព្រេងក្នុងទីអវកាស និងជួយឱ្យមនុស្សឡើងទៅកាន់ភពអង្គារបានឆាប់រហ័ស។ នេះបើតាមការចុះផ្សាយរបស់ Washington Post។ ក្នុងសន្និសីទសារព័ត៌មានកាលពីថ្ងៃទី 26 កក្កដា ណាសា និង DARPA ក៏បានប្រកាសថា ពួកគេសម្រេចបានកិច្ចព្រមព្រៀងជាមួយនឹង Lockheed Martin ក្នុងការអភិវឌ្ឍ ផលិត និងសាកល្បងដំណើរការរ៉ុក្កែតប្រើថាមពលនុយក្លេអែរនេះហើយ។ បើសិនគ្រប់យ៉ាងដំណើរការល្អ Lockheed Martin នឹងទទួលបានប្រាក់ជិត 500 លានដុល្លារ ក្នុងនោះមានពាក់កណ្ដាលបានពីណាសា និងពាក់កណ្ដាលទៀតបានពី DARPA។ បន្ទាប់ពីយានអវកាសត្រូវបានដំឡើងម៉ាស៊ីនរ៉ុក្កែតនុយក្លេអែររបស់ Lockheed Martin វានឹងត្រូវបាននាំឡើងទៅកាន់កម្ពស់ពី … Read more

PSG ត្រូវផ្ដល់ប្រាក់រង្វាន់នៃភាពស្មោះត្រង់ជាង 40 លានដុល្លារដល់ Mbappe

August 1, 2023 by សឿន សំណាង

(បារាំង) – កិច្ចសន្យាបច្ចុប្បន្នរវាងក្លឹបបាល់ទាត់ PSG និង Kylian Mbappe មានលក្ខខណ្ឌមួយចែងថា PSG ត្រូវផ្ដល់ប្រាក់រង្វាន់ពាក់កណ្ដាលក្នុងចំណោម 88 លានដុល្លារអាម៉េរិកសម្រាប់ភាពស្មោះត្រង់របស់ Mbappe បន្ទាប់ពីថ្ងៃទី 31 កក្កដា 2023។ លក្ខខណ្ឌនេះស្ថិតក្នុងកិច្ចព្រមព្រៀងដែលត្រូវបានចុះហត្ថលេខាកាលពីខែឧសភាឆ្នាំ 2022។ កិច្ចព្រមព្រៀងរវាងក្លឹង PSG និង Kylian Mbappe មានសុពលភាពរហូតដល់ខែមិថុនាឆ្នាំ 2024 ហើយប្រាក់ចំណូលសរុបរបស់ Mbappe ឡើងដល់ 220 លានដុល្លារអាម៉េរិក ក្នុងនោះមានជិត 90 លានដុល្លារជាប្រាក់រង្វាន់សម្រាប់ភាពស្មោះត្រង់ និងប្រាក់រង្វាន់ដទៃទៀត។ ប៉ុន្តែ ដើមខែមិថុនា Mbappe បានផ្ញើលិខិតបញ្ជាក់ថា មិនពន្យារសុពលភាពនៃកិច្ចសន្យាឱ្យដល់ខែមិថុនាឆ្នាំ 2024 ដូចគម្រោងដំបូង។ ប្រការនេះធ្វើឱ្យប្រធានក្លឹប លោក Al Khelaifi ខឹង និងសម្រេចចិត្តលក់ Mbappe ក្នុងរដូវក្ដៅនេះ មិនដូច្នោះទេនឹងត្រូវបាត់បង់កីឡាកររូបនេះទទេនៅឆ្នាំក្រោយ។ PSG ក៏បានចាប់ផ្ដើមដាក់សម្ពាធលើ Mbappe ដើម្បីឱ្យកីឡាករបារាំងរូបនេះប្រកាសចាកចេញដោយខ្លួនឯង … Read more

Mbappe មិនសូវអើពើដល់សំណើផ្ដល់បៀវត្សរ៍ជិត 800 លានដុល្លារពីក្លឹបនៅអារ៉ាប់

July 25, 2023 by សឿន សំណាង

ខ្សែប្រយុទ្ធជនជាតិបារាំង Mbappe ទំនងជានឹងបដិសេធសំណើបង្កើតកិច្ចព្រមព្រៀងមួយឆ្នាំ និងប្រាក់បៀវត្សរ៍ 775 លានដុល្លារអាម៉េរិក ពីក្លឹប Al Hilal របស់ប្រទេសអារ៉ាប៊ីសាអូឌីត។ យោងតាមទំព័រ Relevo នៅប្រទេសអេស្ប៉ាញ Mbappe មិនមានចេតនាទាត់ឱ្យក្លឹប Al Hilal។ ខ្សែប្រយុទ្ធវ័យ 24 ឆ្នាំរូបនេះ ប្ដេជ្ញាចិត្តទាត់ឱ្យ PSG ក្នុងឆ្នាំចុងក្រោយនៃកិច្ចព្រមព្រៀង មុននឹងទៅចូលរួមជាមួយនឹងក្លឹប Real Madrid ទៅតាមទម្រង់សេរី។ មុននោះ កាលពីថ្ងៃទី 24 កក្កដា ក្លឹប Al Hilal បានស្នើទិញ Mbappe ក្នុងតម្លៃ 330 លានដុល្លារអាម៉េរិក។ Al Hilal ក៏បានត្រៀមខ្លួនរួចហើយសម្រាប់ការផ្ដល់ប្រាក់បៀវត្សរ៍ 775 លានដុល្លារអាម៉េរិក និងសិទ្ធិទៅចូលរួមជាមួយក្លឹប Real Madrid នៅឆ្នាំ 2024 ដល់ Mbappe។ បន្ទាប់ពីព័ត៌មានស្ដីពីសំណើរបស់ Al Hilal កំពូលតារាបាល់បោះនៅពានរង្វាន់ … Read more