កីឡាករឆ្នើម 2រូប វិលមកកាន់ជម្រើសជាតិកម្ពុជាវិញ

កាលពីពេលថ្មីៗនេះ សហព័ន្ធកីឡាបាល់ទាត់ជាតិកម្ពុជាបានបញ្ចេញបញ្ជីឈ្មោះកីឡាករដែលត្រូវកោះហៅមកហ្វឹកហាត់ក្នុងក្រុមជម្រើសជាតិកម្ពុជា ដោយក្នុងនោះមានកីឡាករចំនួន 26រូបមកពីក្លិបចំនួន8 នៅក្នុងលីកកំពូលកម្ពុជា និងមានម្នាក់មកពីក្លិបនៃលីកកំពូលរបស់ម៉ាឡេស៊ី។

ហើយអ្វីដែលគូរឱ្យចាប់អារម្មណ៍នោះគឺ កីឡាករឆ្នើមរបស់កម្ពុជាចំនួន 2រូបគឺ ប្រាក់ មុន្នីឧត្តម និងធារី ចន្ថាប៊ីន បានជាប់ឈ្មោះសាជាថ្មី ក្រោយពេលជាពីរបួសកាលពីការប្រមូលផ្តុំលើកមុន។ ចំណែកកីឡាករ ចាន់ វឌ្ឍនាកា នៅតែមិនមានឈ្មោះក្នុងបញ្ជីឈ្មោះខាងលើដដែល ទោះបីជាសាមីខ្លួនរកគ្រាប់បាល់បានច្រើនគ្រាប់ក្នុងការប្រកួតដណ្ដើមពានរង្វាន់សម្តេច ហ៊ុន សែន ក៏ដោយ។

គួរបញ្ជាក់ផងដែរថា កីឡាករ ប្រាក់ មុន្នីឧត្តម បានអវត្តមានពីក្រុមជម្រើសជាតិកាលពីដើមខែកញ្ញាកន្លងទៅ ដោយសារមានបញ្ហារបួសជង្គង់ ចំណែកឯកីឡាករ ប្រាក់ មុន្នីឧត្តម បានរងរបួសក្នុងការប្រកួតលីកកំពូលកម្ពុជា៕

Advertisement