ប្អូនប្រុស Mbappe ដើរ​តាម​ជំហាន​របស់​បងប្រុស ក្រោយ​ជាប់​ជា​តារា​ឆ្នើម​ក្នុង​ក្រុម PSG

ប្អូនប្រុស​បង្កើត​របស់​ខ្សែប្រយុទ្ធ Kylian Mbappe កំពុងតែ​ស្ថិតនៅ​លើផ្លូវ​ដើម្បី​ដើរ​តាម​ជំហាន​របស់​បងប្រុសរ​បស់​ខ្លួន។

EthanMbappe កំពុងតែ​ដណ្តើមបាន​នូវ​ការចាប់អារម្មណ៍ផ្សេងៗ ក្រោយពី​បាន​ស៊ុត​បាល់​បញ្ចូល​ទី 1គ្រាប់​ក្នុងការ​បង្ហាញខ្លួន​ជា​លើក​ទី1 របស់គេ​សម្រាប់​ក្រុម Paris Saint-Germain។ តារា​ឆ្នើម​វ័យក្មេង​រូបនេះ បាន​ចូលរួម​ប្រកួត​ក្នុង​ព្រឹត្តិការណ៍ Mediterranean International Cup ក្នុងប្រទេស​អេ​ស្ប៉ា​ញ ដែល​ត្រូវបាន​ទស្សនា​ដោយ​កីឡាករឆ្នើមៗជាច្រើន​ដូចជា Lionel Messi, Cesc Fabregas និង Marcelo ជាដើម។

ជាមួយគ្នានេះ​វា​ហាក់​បង្ហាញថា ពួកគេ​អាច​នឹង​បន្ថែម​ឈ្មោះ​ថ្មី​មួយ​ទៅក្នុង​បញ្ជី​កីឡាករឆ្នើមៗ ក្នុង​រយៈពេល​ប៉ុន្មាន​ឆ្នាំ​ខាងមុខនេះ។ ជាមួយនឹង​ការ​មាន​ស្ទីល​សក់វែង​ដ៏​គួរឱ្យ​ទាក់ទាញ Ethan ហាក់​ស្ថិតក្នុង​កម្រិត​ខុស​បែ្ល​ក​ពី​គេ​ក្នុងពេល​លេង​នៅលើ​ទីលាន​ប្រកួត ដោយ​ពាក់អាវ​លេខ10។

ក្នុងពេល​លេង​ក្នុង​កម្រិត​អាយុ​ក្រោម 12ឆ្នាំ ក្រុម​របស់គេ​បាន​ស៊ុត​បាល់​បញ្ចូល​ទី​ដល់​ទៅ 9គ្រាប់ ដើម្បី​ផ្តួល​ក្រុម Ys Gem។ Ethan បា​នរក​គ្រាប់​បាល់​ទី7 ក្នុងការ​ប្រកួត​នោះ ហើយ​ក្រុម​របស់គេ​កំពុងតែ​ស្ថិត​ក្នុងចំណោម​ក្រុម​ដែលមាន​ក្តីសង្ឃឹម​ច្រើនជាងគេ​ក្នុង​ការលើក​ពាន​ក្នុង​យុទ្ធនាការ​នោះ។ បើ​រូបគេ​ឈានដល់​កម្រិត​លេង​ត្រឹមតែ​ពាក់កណ្តាល​នៃ​បងប្រុស​របស់គេ នោះ​រូបគេ​នឹងត្រូវ​ឈ្នះ​ពាន​ជាច្រើន​ក្នុង​រយៈពេល​ប៉ុន្មាន​ឆ្នាំ​ខាងមុខ​ទៀត​មិន​ខាន៕

ប្រភពពី៖ The Sun

Advertisement