ត្បូងឃ្មុំ ៖ បុរសម្នាក់ជាកសិករ រស់នៅខេត្តត្បូងឃ្មុំ មានសំណាងបានឈ្នះរង្វាន់ធំពីភេសជ្ជៈប៉ូវកម្លាំង ខារ៉ាបាវ នូវទឹកប្រាក់សុទ្ធចំនួន១០០លានរៀល កាលពីចុងសប្ដាហ៍កន្លងទៅនេះ។ បុរសដែលមានមហាសំណាងរូបនេះមានឈ្មោះ ហេង ចិត្ត អាយុ៣០ឆ្នាំ បច្ចុប្បន្នមានមុខរបរជាកសិរ មានអាសយដ្ឋាននៅភូមិម៉ាស៊ីន ឃុំរូង ស្រុកមេមត់ ខេត្តត្បូងឃ្មុំ។
ថ្លែងប្រាប់ក្រុមការងារជាអ្នកតំណាងក្រុមហ៊ុនចុះទៅប្រគល់ទឹកប្រាក់ចំនួន ១០០លានរៀល ដល់លំនៅឋានផ្ទាល់ដែលស្ថិតនៅទីតាំងភូមិសាស្ត្រខាងលើនេះ លោក ហេង ចិត្ត បានរៀបរាប់ប្រាប់ឱ្យដឹងថា សព្វថ្ងៃនេះសម្រាប់កម្រិតជីវភាពគ្រួសារគឺមានភាពលំបាកគួរសម ព្រោះគ្មានមុខរបរអ្វីក្រៅពីធ្វើស្រែចំការបន្តិចបន្តួចដើម្បីចិញ្ចឹមគ្រួសារដែលមានកូនតូចៗចំនួន២នាក់នៅក្នុងបន្ទុក។ លោកបានបន្តឱ្យដឹងទៀតថា៖ ស្ទើរតែរាល់ថ្ងៃ លោកតែងស្រមៃថាខ្លួននឹងមានសំណាងបានឈ្នះរង្វាន់ ១០០លានរៀលពីភេសជ្ជៈប៉ូវកម្លាំង ខារ៉ាបាវ ដូចគេដែរ ទើបអាចកែប្រែជីវភាពគ្រួសាររបស់លោកឱ្យបានល្អប្រសើរ ហើយក៏ព្យាយាមទទួលទានស្ទើររាល់ថ្ងៃ។
លោកបន្តឱ្យដឹងទៀតថា ដោយឡែកកាលពីចុងសប្ដាហ៍កន្លងទៅនេះ បន្ទាប់មកពីស្រែ និងអង្គុយសម្រាក់ឱ្យបាត់ហត់បន្តិច លោកបានប្រើកូនឱ្យទៅទិញភេសជ្ជៈប៉ូវកម្លាំងខារ៉ាបាវចំនួន១កំប៉ុងមកទទួលទាន លុះនៅពេលយកមកគាស់ក៏ស្រាប់តែឃើញមានរង្វាន់១០០លានរៀលនៅនឹងក្រវិលកំប៉ុងតែម្ដង។ ភ្លាមនោះ លោកពិតជាមានអារម្មណ៍រំភើបរីករាយជាខ្លាំង ហើយបានហៅអ្នកភូមិដែលស្ថិតនៅជិតគ្នាឱ្យជួយមើល រួមជាមួយនឹងទូរស័ព្ទជូនដំណឹងដល់ក្រុមហ៊ុនតែម្ដង ។ លោកបានបញ្ជាក់ថា ទឹកប្រាក់រង្វាន់ដ៏សន្ធឹកសន្ធាប់នេះ គឺពិតជាមានសារសំខាន់ចំពោះជីវភាពគ្រួសាររបស់លោកខ្លាំងណាស់ ហើយក្រោយពីទទួលបាន លោកនឹងយកមួយចំនួនទៅសង់បំណុលគេ និងទិញដីស្រែសម្រាប់បង្កបង្កើនផល ហើយទុកមួយចំនួនទៀតសម្រាប់បង្កើតមុខរបរដើម្បីទ្រទ្រង់ជីវភាពគ្រួសារទៅថ្ងៃអនាគត។ ភេសជ្ជៈប៉ូវកម្លាំង ពិតជាមានរង្វាន់ប្រាក់លានពិតៗ ។
សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធ ១០០លានរៀល កើនឡើងដល់ ១០០ រង្វាន់ , បន្ថែមទឹកប្រាក់ចំនួន ១០ លានរៀល ចំនួន១០០ រង្វាន់, ម៉ូតូ HONDA Dream កើនឡើងដល់ ១០០ រង្វាន់ , ទូរស័ព្ទដៃ iPhone កើនឡើងដល់ ១០០ រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕
