ស្របពេលដែលកំណើននៃសេដ្ឋកិច្ចសង្គមកាន់តែប្រសើរឡើងនៅកម្ពុជា កម្រិតជីវភាពប្រជាជនក៏កាន់តែប្រសើរឡើង ដែលស្ថានភាពអំណោយផលកាន់តែខ្លាំងសម្រាប់ម្ចាស់អាជីវកម្មនានានៅក្នុងប្រទេស ជាពិសេសម្ចាស់អាជីវកម្មផ្នែកសម្ផស្សដែលជាវិស័យប្រកបដោយសក្តានុពលខ្ពស់។
ថ្មីៗនេះ ដោយមើលឃើញពីឱកាសប្រកបដោយភាពវិជ្ជមាននៃការអភិវឌ្ឍផ្នែកផលិតផលថែរក្សាសម្ផស្សនៅកម្ពុជា ក្រុមហ៊ុន Luxury Smile Beauty Group Co., LTD ដែលជាក្រុមហ៊ុនផលិត និងនាំចូលគ្រឿងសម្អាងធំជាងគេតែមួយគត់នៅកម្ពុជា បានព្យាយាមគ្រប់លទ្ធភាពក្នុងការផ្សព្វផ្សាយ បណ្តុះបណ្តាល ផ្តល់ការប្រឹក្សាយោបល់ និងចែករំលែកពីវិធីសាស្រ្តគ្រប់គ្រងអាជីវកម្មដល់ម្ចាស់អាជីវកម្មផ្នែកសម្ផស្សកាន់តែច្រើនឡើងដើម្បីចូលរួមចំណែកក្នុងការអភិវឌ្ឍសេដ្ឋកិច្ច។
លោកឧកញ៉ា ចិត្រ សេរីសុភ័ក្ត្រ អគ្គនាយកក្រុមហ៊ុន Luxury Smile Beauty Group Co., LTD បានលើកឡើងថា យើងមានគោលដៅសំខាន់ក្នុងការជំរុញឱ្យម្ចាស់អាជីវកម្មផ្នែកសម្ផស្សនៅកម្ពុជាមានកម្រិតនៃការយល់ដឹងកាន់តែច្បាស់លាស់ពីការគ្រប់គ្រងអាជីវម្ម និងសេវាផ្លូវច្បាប់ឱ្យស្របនឹងគោលការណ៍របស់រដ្ឋ ឬទទួលបានការទទួលស្គាល់ពីក្រសួងសុខាភិបាល។ ហេតុនេះហើយទើបក្រុមហ៊ុន Luxury Smile Beauty Group Co., LTD បានបើកវគ្គបណ្តុះបណ្តាលជាបន្តបន្ទាប់ ដើម្បីផ្តល់ជូនអ្នកដែលមានបំណងចង់ក្លាយជាម្ចាស់អាជីវកម្មផ្នែកសម្ផស្ស ឬចង់បង្កើតម៉ាកសញ្ញាដោយខ្លួនឯង ទទួលបានព័ត៌មានលម្អិតពីបញ្ហាផ្លូវច្បាប់ វិធីសាស្រ្តក្នុងការគ្រប់គ្រងអាជីវកម្ម វិធីសាស្រ្តពង្រីក និងអភិវឌ្ឍន៍ការលក់ ក៏ដូចជាវិធីសាស្រ្តសំខាន់ៗជាច្រើនទៀតដើម្បីទទួលបានជោគជ័យក្នុងអាជីវកម្មផ្នែកសម្ឆស្ស។
លោកឧកញ៉ា ចិត្រ សេរីសុភ័ក្ត្រ បានមានប្រសាសន៍ថា៖ «ជាលទ្ធផលឆ្លើយតបយ៉ាងវិជ្ជមានដែលកើតចេញពីការខិតខំប្រឹងប្រែងរបស់យើង មានម្ចាស់អាជីវកម្មកាន់តែច្រើនឡើងដែលបានទំនាក់ទំនងមកក្រុមហ៊ុន Luxury Smile Beauty Group Co., LTD ដើម្បីទទួលបានព័ត៌មានលម្អិត និងវិធីសាស្រ្តល្អៗដើម្បីរកស៊ីផ្នែកសម្ផស្សឱ្យជោគជ័យ»។
លោកឧកញ៉ា បានបន្ថែមទៀតថា សម្ទុះនៃការទំនាក់ទំនងមកកាន់ក្រុមហ៊ុនដ៏វិជ្ជមាននេះ កើតឡើងដោយសារតែមួយរយៈពេលនេះ ក្រុមហ៊ុនជាច្រើនដែលទទួលបានសិទ្ធិចែកចាយផ្តាច់មុខផលិតផលសម្ផស្សប្រកបដោយគុណភាពខ្ពស់ទាំងអស់ពីក្រុមហ៊ុន Luxury Smile Beauty Group Co., LTD ទទួលបានជោគជ័យគួរឱ្យកត់សម្គាល់។ ម្ចាស់អាជីវកម្មដែលជាដៃគូរបស់យើងទាំងអស់សុទ្ធតែទទួលបានសេវាផ្លូវច្បាប់ច្បាស់លាស់ ដែលមានការទទួលស្គាល់ ធ្វើឱ្យការប្រកបអាជីវកម្មរបស់គាត់ទទួលបានការទុកចិត្តខ្ពស់ពីអតិថិជន។ ក្រៅពីនេះ ពី 1ថ្ងៃទៅ 1ថ្ងៃ ក្រុមហ៊ុនរបស់គាត់ក៏មានការអភិវឌ្ឍបានលឿនផងដែរ ដោយសារតែអតិថិជនបានមើលឃើញពីភាពល្អប្រសើរពិតប្រាកដនៃផលិតផលដែលយើងផ្តល់ជូន ស្របពេលដែលគាត់ទទួលបានចំណេះដឹងច្បាស់លាស់ពីការគ្រប់គ្រងអាជីវកម្ម និងអតិថិជន។ យើងរំពឹងទុកថា ម្ចាស់អាជីវកម្មផ្នែកសម្ផស្សនៅកម្ពុជាជាច្រើននាក់ទៀតនឹងចាប់ផ្តើមអភិវឌ្ឍខ្លួនពីតូចទៅធំ ដើម្បីចូលរួមប្រកួតប្រជែងក្នុងទីផ្សារក្នុងប្រទេសក៏ដូចជាទីផ្សារតំបន់ផងដែរ។
សូមបញ្ជាក់ផងដែរថា ក្រុមហ៊ុន Luxury Smile Beauty Group Co., LTD ជាក្រុមហ៊ុនផ្តល់សិទ្ធិអាជីវកម្មដ៏ធំមួយ និងជាក្រុមហ៊ុននាំចូលផលិតផលល្បីៗប្រកបដោយគុណភាពខ្ពស់នៅក្នុងទីផ្សារកម្ពុជា ហើយក៏ជាក្រុមហ៊ុនដ៏ធំមួយនៅក្នុងប្រទេសថៃ ដែលទទួលផលិតរាល់ផលិតផលថែរក្សាសម្រស់គ្រប់ប្រភេទ និងផលិតផលប្រើប្រាស់ទូទៅជាច្រើនប្រភេទទៀត ដែលមានបទពិសោធខ្ពស់ និងមានការទទួលស្គាល់យ៉ាងទូលំទូលាយពីអាជីវករ និងពាណិជ្ជករកម្ពុជា និងថៃជាច្រើនស្ថាប័ន៕
