នៅថ្ងៃទី21 ខែធ្នូ ឆ្នាំ2018 ក្រុមហ៊ុន Pernod Ricard (Cambodge) Co, Ltd. បានរៀបចំកម្មវិធីសម្ពោធស្រា MARTELL VSOP AGED IN RED BARRELS នៅ សណ្ឋាគារសូហ្វីតែល ភ្នំពេញ ភូគីត្រា ក្រោមការចូលរួមពីដៃគូពាណិជ្ជកម្មរបស់ក្រុមហ៊ុន ព្រមទាំងអ្នកសារពត៌មានជាច្រើននៅក្នុងស្រុក។
នៅក្នុងឱកាសនោះផងដែរ លោក Jean Baptiste Gourvil ដែលជាអគ្គរាជទូតរបស់ស្រា MARTELL របស់ក្រុមហ៊ុន Pernod Ricard បានបង្ហាញនូវលក្ខណៈពិសេសរបស់ស្រា MARTELL VSOP AGED IN RED BARRELS ថា “ស្រា MARTELL VSOP AGED IN RED BARRELS នេះត្រូវបានបន្ទំក្នុងបារែលឈើ ដែលមានប្រភពមកពីព្រៃនៅតំបន់ TRONCAIS ប្រទេសបារាំង ដែលជាប្រភេទឈើដ៏កម្រ ហើយត្រូវបានគេយកមករក្សាទុកអស់រយៈពេលពី180ឆ្នាំ ទៅ200ឆ្នំា ដើម្បីផលិតជាបារែលសម្រាប់បន្ទំស្រា MARTELL VSOP AGED IN RED BARRELS។ ជាលទ្ធផល ក្លិនដែលចេញពីបារែលនេះបានបង្កើតនូវរសជាតិ និងក្លិនស្រាដ៏ប្រណីតរបស់ MARTELL VSOP AGED IN RED BARRELS។ ជាមួយគ្នានេះដែរ ក្លិន និងរសជាតិរបស់ស្រា MARTELL VSOP AGED IN RED BARREL នេះក៏បានមកពីការបន្សុទ្ធចេញពីផ្លែឈើធម្មជាតិមួយចំនួនដូចជា ផ្លែ Mirabelle Plum ទុំ គ្រាប់ Apricot និង ផ្លែ Vine Peach ផងដែរ”។
នៅក្នុងឱកាសនោះដែរ លោក Marc Rosales នាយកគ្រប់គ្រងទូទៅរបស់ក្រុមហ៊ុន Pernod Ricard (Cambodge) បានមានប្រសាសន៍ថា “យើងសម្រេចនំាចូលនូវប្រភេទស្រា MARTELL VSOP AGED IN RED BARRELS ប្រភេទថ្មីនេះ ដោយយើងសង្កេតឃើញថា ស្រាប្រភេទនេះកំពុងមានទីផ្សារនៅក្នុងប្រទេស ក៏ដូចជាក្នុងគោលបំណង ដើម្បីធ្វើយ៉ាងណាផ្តល់ជូនអតិថិជនរបស់យើងនូវផលិតផលដែលល្អប្រណីតបំផុត”។
អំពីស្រា MARTELL VSOP AGED IN RED BARRELS
ស្រាដែលបង្កើតឡើង ដើម្បីស្របទៅតាមយុគសម័យ
ទីតាំងផលិតស្រា Martell ត្រូវបានគេបង្កើតឡើងអស់រយៈពេលជាងបីសតវត្ស ដើម្បីបង្កើត និងចម្រាញ់នូវស្រាដែលមានឱជារសឆ្ងាញ់ពិសា និងមានភាពពេញនិយម ដោយផ្អែកលើគោលការណ៍ពីរយ៉ាងគឺ៖
- ការបង្ហួតស្រាជាពីរដំណាក់កាល ដើម្បីកាត់បន្ថយនូវភាពឈួលរបស់ស្រា
- បន្ទំនៅក្នុងបារែលឈើ ដើម្បីចម្រាញ់ចេញនូវក្លិនឈើធម្មជាតិ
អំពីវត្ថុធាតុដើមក្នុងការផលិតស្រា MARTELL VSOP AGED IN RED BARRELS
ដើម្បីបង្កើតនូវផលិតផលថ្មី និងមានឱជារសកាន់តែប្រសើរឡើង ក្រុមអ្នកផលិតស្រា Martell នៅតែបន្តស្វែងរកនូវវិធីបន្ទំស្រា ដើម្បីបង្កើតឡើងនូវស្រាដែលប្រណីតសម្រាប់ផ្គត់ផ្គង់នៅក្នុងទីផ្សារនោះគឺ ស្រា MARTELL VSOP AGED IN RED BARRELS។ មិនខុសពីប្រភេទស្រា Martell ផ្សេងៗទៀតនោះទេ ស្រា MARTELL VSOP AGED IN RED BARRELS ត្រូវបានគេបន្ទំនៅក្នុងបារែលឈើដែលកម្រ និងមានប្រភពមកពីព្រៃនៅតំបន់ TRONCAIS នៅក្នុងប្រទេសបារំាង ដែលជាប្រភេទឈើកម្រ ហើយត្រូវបានគេយកមករក្សាទុកអស់រយៈពេលពី180ឆ្នាំ ទៅ200ឆ្នំា ដើម្បីផលិតជាបារែលសម្រាប់បន្ទំស្រានេះ។ ជាលទ្ធផល ក្លិនដែលបានមកពីការបន្ទំនៅក្នុងបារែលនេះកាន់តែមានក្លិនក្រអូបឈ្ងុយ និងប្រណីតជាងមុន។
ក្រៅពីការបន្ទំនៅក្នុងបារែលឈើដើម្បីបង្កើនក្លិនរបស់ស្រា វត្ថុធាតុដើមដែលចាំបាច់ក្នុងការចម្រាញ់ចេញជាស្រានេះក៏បានជ្រើសចេញពីផ្លែឈើធម្មជាតិដែលមានដូចជា ផ្លែ Mirabelle Plum ទុំ គ្រាប់ Apricot និង ផ្លែ Vine Peach ដែលវត្ថុធាតុដើមទាំងនេះសុទ្ធសឹងជាគ្រឿងផ្សំដែលបង្កើតបាននូវក្លិន និងរសជាតិស្រាដែលល្អឥតខ្ចោះផងដែរ។
អំពីក្រុមហ៊ុន Pernod Ricard (Cambodge) Co,. Ltd.
ក្រុមហ៊ុន Pernod Ricard (Cambodge) Co., Ltd គឺជាក្រុមហ៊ុនសាខារបស់ក្រុមហ៊ុន Pernod Ricard ដែលបានសម្ពោធជាផ្លូវការនៅក្នុងប្រទេសកម្ពុជានៅក្នុងឆ្នាំ2017។ ក្រុមហ៊ុន Pernod Ricard (Cambodge) គឺជាក្រុមហ៊ុនចែកចាយផ្តាច់មុខនូវប្រភេទស្រាជាច្រើនប្រភេទដែលរួមមាន Chivas Ballantine’s Royal Salute Martell ស្រាក្រហម Jacob Creek ស្រាក្រហម George Windham ស្រា Champaign Mumm Absolute Vodka Tequila Olmeca Havana Club Kahlúa Malibu Ricard ព្រមទាំងប្រភេទស្រាផ្សេងៗជាច្រើនទៀត៕
