ភ្នំពេញ៖ នៅថ្ងៃទី១៥ ខែធ្នូ ឆ្នាំ2018 ARMANI EXCHANGE ដែលមានទីតាំងនៅក្នុងផ្សារទំនើបអ៊ីអនភ្នំពេញ បានប្រារព្ធពិធីខួបគម្រប់មួយឆ្នាំនៃការបើកដំណើរការហាងរបស់ខ្លួននៅជាន់ផ្ទាល់ដីក្នុងផ្សារទំនើបនេះជាមួយការអញ្ចើញចូលរួមពីភ្ញៀវជាច្រើនដែលជាអ្នកនិយមចូលចិត្តម៉ាកសម្លៀកបំពាក់លំដាប់ថ្នាក់អន្តរជាតិមួយនេះ។
នៅក្នុងល្ងាចកម្មវិធីនោះក៏មានវត្តមានពីតារាល្បីៗ ក្នុងស្រទាប់យុវវ័យដូចជា លោក ខាត់ វៃហាំង កញ្ញា ជេ ឡេង លោក វី យ៉ារ៉ូ និង កញ្ញា ដាដាវ ជាពិសេសគឺមាន ការគូគំនូរផ្ទាល់ភ្លាមៗ នៅលើកាសស្ដាប់ត្រចៀកម៉ាក A | X ដោយផ្ទាល់ដៃពីវិចិត្រករវ័យក្មេង វិច្ឆិកា ដែលមកពីក្លឹបគំនូរ Doodle កម្ពុជា និង មានការសម្តែងសិល្បៈចម្រៀងផ្ទាល់ពីក្រុមក្មេងខ្មែរ និង លោកអូន ជាមួយនឹងការពិសារអាហារឆ្ងាញ់ៗ និងលេងតន្រ្តីទាន់សម័យចុងក្រោយបង្អស់របស់ DJ Maily។
គួរបញ្ជាក់ផងដែរថានៅក្នុងហាង ARMANI EXCHANGE មានទំហំ 229 ម៉ែត្រការ៉េ ដែលមានលក្ខណៈពិសេសសម្រាប់ការបើកដំណើរការម៉ាកដ៏ល្បីនេះ បានតុបតែងឡើងដោយសោភ័ណ្ឌភាពល្អឥតខ្ចោះនៃគំរូម៉ូដទាន់ម័យ ពេញនិយមបំផុត និងជាពិសេសការរចនាតុបតែងលាយឡំបង្កប់ជាមួយសំភារៈដ៏រឹងមាំ ក្នុងនោះមានដូចជា ដែកថែប ឈើចំណាស់ និងបេតុង ដែលបានជំរុញឱ្យផ្នែកខាងក្នុងហាងមានលក្ខណៈ ឡូយឆាយ និងពេញនិយមតាមបែបទីក្រុងញូវយ៉ក។
នៅល្ងាចនោះ ARMANI EXCHANGE បានដាក់បញ្ចេញផលិតផលថ្មីៗ ដែលជា Collection មានភាពទាក់ទាញយ៉ាងខ្លាំង និងសុទ្ធសឹងតែជាម៉ូតងាយស្រួលស្លៀកពាក់ និងងាយស្រួលក្នុងការធ្វើដំណើរកំសាន្ដនៅថ្ងៃឈប់សំរាក។ អ្វីដែលពិសេសជាងនេះទៀតគឺម៉ូតសម្រាប់ចូលរួមក្នុងកម្មវិធីជប់លៀងផ្សេងៗ នៅក្នងរដូវកាលស្លឹកឈើជ្រុះ និងរដូវរងាក្នុងឆ្នាំ2018នេះតែម្តង ដែលភាគច្រើននៅក្នុងវិស័យម៉ូតសម្លៀកបំពាក់គេនិយមហៅថា Fall/Winter Collection។
