កាលពីថ្ងៃ សៅរ៍ ទី 20 ខែ តុលា ឆ្នាំ 2018 កីឡាការិនីកូនខ្មែរ កាត់បារាំង Andrea Ka ម្ចាស់ជ័យលាភីមេដៃសំរិទ្ធ ផ្នែកកីឡាវាយកូនបាល់ (Tennis) ក្នុងការប្រកួតកីឡា SEA GAME ថ្នាក់អន្តរជាតិ នៅក្នុងប្រទេស ម៉ាឡេស៊ី កាលពីឆ្នាំ 2017 បានរួមកម្មវិធី #UACELEBRATEWOMEN (Under Armour Celebrate Women) នៅហាង Under Armour ក្នុងផ្សារទំនើប Aeon Mall សែន សុខ។ កម្មវិធី #UACELEBRATEWOMEN (Under Armour Celebrate Women) ធ្វើឡើងដើម្បីជំរុញអោយស្ត្រីនៅក្នុងប្រទេសកម្ពុជាក៏ដូចជាទូទាំងពិភពលោកចូលរួមលេងកីឡា និង ឈានទៅសម្រេចបាននូវសក្តានុពលខ្ពស់បំផុតរបស់ពួកគាត់។
Andrea Ka គឺជាកីឡាការិនីកូនខ្មែរ កាត់បារាំង កើតនៅក្នុងថ្ងៃទី 25 ខែ មេសា ឆ្នាំ 1992 ហើយកីឡាការិនីរូបនេះបានចាប់ផ្តើមលេងកីឡាវាយកូនបាល់ (Tennis) ក្នុងវ័យនាងអាយុ ៨ ឆ្នាំ។ នាងគឺជាកីឡាការិនីវាយកូនបាល់ (Tennis) អាជីពមុនដំបូងគេបង្អស់របស់ប្រទេសកម្ពុជាដែលបានគ្រោងជាម្ចាស់ជ័យលាភីមេដៃសំរិទ្ធ ផ្នែកកីឡាវាយកូនបាល់ (Tennis) ក្នុងការប្រកួតកីឡា SEA GAME ថ្នាក់អន្តរជាតិ នៅក្នុងប្រទេស ម៉ាឡេស៊ី កាលពីឆ្នាំ 2017 ហើយនាងបានបញ្ចប់ការសិក្សានៅសកលវិទ្យាល័យ San Francisco ក្នុងខែឧសភាឆ្នាំ 2016 ជំនាញផ្នែក ទីផ្សារផងដែរ។
Andrea Ka បញ្ចាក់ថាកត្តាដែលជំរុញអោយ នាងចូលរួមក្នុងកម្មវិធី #UACELEBRATEWOMEN (Under Armour Celebrate Women) ពីព្រោះនាង ចង់ផ្តល់ជូនជាសារលើទឹកចិត្តដ៏ស្ត្រីនៅក្នុងប្រទេសកម្ពុជា ក៏ដូជាស្ត្រីទូទាំង ពិភពលោកចូលរួមលេងកីឡាទាំងអស់គ្នា ពីព្រោះកីឡានាំមកនូវសុខភាពល្អ និង រាងកាយរឹងមាំ ហើយជាពិសេសកីឡាគឺបង្រៀនយើងអោយចេះបង្កើតនូវគោលដៅ ហើយប្រឹងប្រែងតស៊ូ ពុះពាររាល់ឧបសគ្គ ជំនះភាពទន់ខ្សោយ និងរៀនក្រោកឈរឡើងពីភាពបរាជ័យរបស់ខ្លួនដោយមិនត្រូវបោះបង់គោលដៅរបស់ខ្លួន បើទោះជាជួបការបរាជ័យច្រើនលើកច្រើនសារយ៉ាងណាក៏ដោយ។
“Andrea Ka បានបន្ថែមទៀតថាបានជានាងខ្ញុំជ្រើសរើសយកសំលៀកបំពាក់ ម៉ាក Under Armour ក៏ព្រោះតែអជីពជាកីឡាការិនីដូចខ្ញុំ ត្រូវចំណាយពេលក្នុងការហ្វឹកហាត់ច្រើន ដូចច្នេះការដោះស្រាយលើបញ្ហាបែកញើសក្រោមកំដៅថ្ងៃគឺជាកត្តាសំខាន់បំផុត សំរាប់ខ្ញុំ, Under Armour គឺជា ម៉ាកសំលៀកបំពាក់ មានគុណភាពខ្ពស់ និង ស្រាលងាយស្រួលពាក់ហើយពេលបែកញើសជួយធ្វើអោយស្ងួតយ៉ាងឆាប់រហ័ស ហើយជាពិសេសមានបច្ចេកវិទ្យាការពារកាំរស្មីព្រះអាទិត្យ (UV Protection) ដែលចាំបាច់សំរាប់ខ្ញុំក្នុងការការហ្វឹកហាត់ក្រោមកំដៅថ្ងៃ”។
លោក សុខ វឌ្ឍនា អ្នកគ្រប់គ្រងហាង Under Armour Aeon Mall សែន សុខ បានលើកឡើងថា Under Armour គឺជាប្រភេទសំលៀកបំពាក់ និងស្បែកជើងកីឡាលំដាប់ពិភពលោក ដែលមានដើមកំណើតនៅសហរដ្ឋអាមេរិក ក្រោមទស្សនៈវិស័យរបស់ខ្លួនគឺ “ជម្រុញនូវសក្តានុពលដល់គ្រប់អត្តពលិកគ្រប់ទីកន្លែង” និងតាមរយៈបេសកកម្មចម្បងរបស់ខ្លួនគឺ “ដើម្បីជួយជំរុញអោយអត្តពលិកមានភាពប្រសើរឡើងតាមរយៈមហិច្ឆតានៃការរចនាម៉ូត និងការច្នៃប្រឌិតនៃបច្ចេកវិទ្យាឥតឈប់ឈររបស់ខ្លួន” ហើយដែលផលិតឡើងប្រកបដោយបច្ចេកវិទ្យាពិសេសរួមបញ្ចូលនៅក្នុងគ្រប់ផលិតផល ដែលជាជម្រើសដ៏ស័កសមជាពិសេសសម្រាប់ការហ្វឹកហាត់កីឡា។ លោកបាន បន្ថែមទៀតថា ហាង Under Amour បាននិងកំពុងបើកដំណើរការនៅក្នុងផ្សារទំនើប Aeon Mall សែន សុខជាន់ផ្ទាល់ដី ហើយអាចស្វែងរកពត៌មានបន្ថែមនៅក្នុងបណ្តាចសង្គម Facebook: @walmaxsports និងទំនាក់ទំនងតាមទូរស័ព្ទលេខ៖ 023 900 309៕
