កម្មការិនីរោងចក្រចំនួន2នាក់ មានសំណាងបានឈ្នះរង្វាន់ធំពីភេសជ្ជៈខារ៉ាបាវនូវចំនួនទឹកប្រាក់70លានរៀលបន្ទាប់ពីចូលលុយគ្នាទិញទទួលទានកាលពីដើមសប្ដាហ៍កន្លងទៅនេះ ។
សម្រាបអ្នក់ដែលមានសំណាងទី1 មានឈ្មោះ អូន សំអន អាយុ22ឆ្នាំ ហើយអ្នកទី2 មានឈ្មោះ ជា ចាន់ភា អាយុ22ឆ្នាំ និងមានស្រុកកំណើតនៅខេត្តកំពង់ធំដូចគ្នា ខណៈដែលបច្ចុប្បន្ននេះកំពុងបម្រើការងាររោងចក្រ និងស្នាក់នៅបន្ទប់ជួលក្នុងភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ថ្លែងប្រាប់ក្រុមការងារ និងអ្នកសារព័ត៌មានដែលចុះប្រគល់រង្វាន់ដល់់បន្ទប់ស្នាក់នៅផ្ទាល់តែម្ដងនោះ កញ្ញា ជា ចាន់ភា បានរៀបរាប់ឱ្យដឹងថា ដោយសារតែគ្រួសារមានជីវភាពខ្វះខាត ដូចគ្នា អ្នកទាំងពីរបានចេញពីភូមិស្រុកមកធ្វើការងារជាកម្មការិនីរោងចក្រ ហើយឆ្លៀតរៀនជំនាញជាងអ៊ុតសក់ជាមួយគ្នា។ ដោយឡែកកាលពីសប្ដាហ៍កន្លងទៅនេះ បន្ទាប់ពីសម្រាកពីការងារ អ្នកទាំងពីរបានចូលលុយគ្នាទិញភេសជ្ជៈប៉ូវកម្លាំង ខារ៉ាបាវមួយកំប៉ុងទទួល ក៏ស្រាប់តែឃើញមានរង្វាន់70លានរៀលនៅនឹងក្រវិលកំប៉ុងតែម្ដង។
ភ្លាមនោះអ្នកទាំងពិតជារីករាយ និងរំភើប ព្រោះធ្លាប់តែឃើញគេឡើងទទួលរង្វាន់នៅលើកញ្ចក់ទូរទស្សន៍ ប៉ុន្តែពេលនេះរង្វាន់ធំរបស់ភេសជ្ជៈប៉ូវកម្លាំង ខារ៉ាបាវ បានធ្លាក់មកលើខ្លួនដូចគេដែរ។ កញ្ញាបានបញ្ជាក់ថា បន្ទាប់ពីទទួលបានលុយរង្វាន់យ៉ាងសន្ធឹកសន្ធាប់នេះ កញ្ញានឹងយកទៅផ្គត់ផ្គង់ជីវភាពគ្រួសារនៅឯស្រុកកំណើត និងបង្កើតហាងអ៊ុតសក់សម្រាប់ជាមុខរបរទៅថ្ងៃអនាគត់ ។ ជាមួយគ្នានេះ កញ្ញាក៏បានថ្លែងអំណរគុណចំពោះក្រុមហ៊ុនភេសជ្ជៈ ខារ៉ាបាវ ដែលបានបង្កើតកម្មវិធីផ្តល់រង្វាន់យ៉ាងសន្ធឹកសន្ធាប់ ហើយក៏សូមអំពាវនាវដល់មហាជនទូទៅ សូមគាំទ្រភេសជ្ជៈប៉ូវកម្លាំង ខារ៉ាបាវ ទាំងអស់គ្នា ដើម្បីមានឱកាសទទួលសំណាងដូចជាកញ្ញាផងដែរ ។
សូមបញ្ជាក់ផងដែរថា ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបន្ថែមរង្វាន់យ៉ាងសន្ធឹកសន្ធាប់នូវចំនួនទឹកប្រាក់រហូតដល់ 70លានរៀល ចំនួន50រង្វាន់ ម៉ូតូ HONDA Dream 125 ចំនួន50 រង្វាន់ , ទូរស័ព្ទដៃ iPhone ចំនួន50រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង និងគ្មានការកំណត់កាលបរិច្ឆេទនោះទេ ។ អ្នកទទួលទានអាចមានសំណាងបានឈ្នះរង្វាន់ធំ70លានរៀល , អ្នកលក់ឱ្យគេត្រូវរង្វាន់ធំនឹងមានសំណាងបានទទួលរង្វាន់7លានរៀល ដោយឡែកសម្រាប់អ្នកតាំងលក់ស្អាតជាងគេនៅពេលក្រុមការងារចុះទៅឃើញ នឹងទទួលបានប្រាក់រង្វាន់ចំនួន70ម៉ឺនរៀល ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕
