ភ្នំពេញ៖ នៅថ្ងៃទី 29 ខែសីហា ឆ្នាំ 2018 កន្លងទៅនេះ ក្រុមហ៊ុន ខ្មែរ ហៅហូល & ហ៊ែលឃែរ ហៅកាត់ថា KHH បានផ្តល់ឱកាសដល់សិស្សនិស្សិតចំនួន 110នាក់ ដែលមកពីសាកលវិទ្សាល័យធនធានមនុស្ស ចុះទស្សនៈកិច្ចសិក្សានៅរោងចក្រផលិតរបស់ក្រុមហ៊ុនផ្ទាល់ ដើម្បីទស្សនាខ្សែចង្វាក់ផលិតកម្ម ស្វែងយល់ពីរបៀបក្នុងការធ្វើអាជីវកម្ម ហើយក្រុមហ៊ុន KHH ក៏មានផ្តល់នូវឱកាសការងារដល់សិស្សនិស្សិតដែលមានទេពកោសល្យផងដែរ។
គោលបំណងនៃទស្សនៈកិច្ចនេះ ក្រុមហ៊ុន KHH មានបំណងបំផុសគំនិតដល់សិស្សនិស្សិតជំនាន់ក្រោយឱ្យពួកគាត់មានទំនុកចិត្ត និងភាពជឿជាក់លើសមត្ថភាពខ្លួនឯងក្នុងការបង្កើតផលិតផលថ្មី ដែលជារបស់ខ្លួននាពេលអនាគត ក្នុងការប្រកួតប្រជែង ជាមួយផលិតផលដែលនាំចូលពីបរទេស និស្សិតនឹងទទួលបានបទពិសោធន៍នៃភាពជាសហគ្រិន ទស្សនាខ្សែចង្វាក់ផលិតកម្ម របៀបក្នុងការរៀបចំអាជីវកម្ម និងក្រុមហ៊ុនយើងមានផ្តល់ឱកាសការងារដល់និស្សិតដែលមានទេពកោសល្យផងដែរ។
គ្រប់ផលិតផលរបស់ក្រុមហ៊ុន KHH ទាំងអស់បានផលិតដោយប្រើរូបមន្ត និងបច្ចេកវិទ្យាមកពីប្រទេសកូរ៉េ ជាមួយនឹងក្រុមអ្នកជំនាញក្នុងឧស្សាហកម្មនេះ គឺលោក Lee Sukho និងលោក Lee Hoon ដែលពួកគាត់មានបទពិសោធន៍នៅប្រទេសកូរ៉េ អស់រយៈពេលជាង 30ឆ្នាំមកហើយ។ ក្រុមហ៊ុន KHH មានអាជ្ញាប័ណ្ណត្រឹមត្រូវ និងបាននាំចូលវត្ថុធាតុដើមពីប្រទេសកូរ៉េ ដែលមានលិខិតបញ្ជាក់ និងបានធ្វើការសាកល្បងយ៉ាងម៉ត់ចត់ពីក្រសួងឧស្សាហកម្ម និងសិប្បកម្ម ដើម្បីឱ្យប្រាកដថា អតិថិជននឹងទទួលបាននូវភាពរីករាយជាមួយបទពិសោធន៍ល្អឥតខ្ចោះ នៅពេលបានប្រើប្រាស់ផលិតផលរបស់ខ្លួន។ ក្រុមហ៊ុនបានប្រតិបត្តិការយ៉ាងតឹងរឹងអនុវត្តតាមស្ដង់ដារអន្ដរជាតិដើម្បីបង្កើតផលិតផលដែលមានគុណភាពគួរជាទីទុកចិត្តជូនដល់ប្រជាពលរដ្ឋខ្មែរគ្រប់រូប។
គួរបញ្ជាក់ផងដែរថា ក្រុមហ៊ុន KHH គឺជាក្រុមហ៊ុនផលិតក្នុងស្រុកមួយនាំមុខគេនៅក្នុងប្រទេសកម្ពុជា ដែលថ្មីៗនេះក្រុមហ៊ុន បានទទួលនូវទទួលវិញ្ញាបនបត្រ ISO 9001: 2015 សម្រាប់គ្រប់ផលិតផលរបស់ខ្លួន ដែលបានផលិត និងកំពុងដំណើរការនៅលើទីផ្សារសព្វថ្ងៃ ដូចជា ផលិតផលប្រើប្រាស់ផ្ទាល់ខ្លួន និងផលិតផលប្រើប្រាស់នៅក្នុងផ្ទះផលិតផលទាំងនោះមានដូចជា សាប៊ូកក់សក់ម៉ាកក្លិន សាប៊ូលាងខ្លួនម៉ាកក្លិន សាប៊ូលាងដៃម៉ាកក្លិន សាប៊ូលាងចានម៉ាកស្អាត និងសាប៊ូលាងចានម៉ាកល្អ ព្រមទាំងផលិតផលលាងសម្អាតទូទៅដូចជា សាប៊ូសម្អាតការ៉ូ សាប៊ូបោកសំលៀកបំពាក់ ទឹកក្រអូប និងសាប៊ូសម្អាតទូទៅ សម្រាប់ប្រើប្រាស់ក្នុងសណ្ឋាគារ ភោជ្ជនីយដ្ឋាន ហាងកាហ្វេនានា និងកន្លែងផ្សេងៗផងដែរដែលបានទទួលស្គាល់គុណភាពស្តង់ដារអន្តរជាតិ៕
