ភ្នំពេញ៖ អង្គការមជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ មានកិត្តិយសធ្វើជាម្ចាស់ផ្ទះទទួលរៀបចំកម្មវិធីវិធីពិព័រណ៍អន្តរជាតិមានឈ្មោះថា «ពិព័រណ៍បណ្ដាញបេះដូងតែមួយនៃជនពិការអាស៊ីឆ្នាំ 2018 នៅកម្ពុជា» នៅក្នុងព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់របស់ ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីចូលរួមលើកកម្ពស់សិទ្ធិ និងការចូលរួមដោយស្មើភាពរបស់ជនពិការគ្រប់សកម្មភាពសង្គម ជាមួយរាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ពិព័រណ៍នេះ មានកិច្ចសហការរៀបចំ និងអញ្ជើញចូលរួមពីមិត្តភក្តិមានពិការភាព និងគ្មានពិការភាព មកពី6 ប្រទេស ដូចជា៖ ជប៉ុន សាធារណៈរដ្ឋកូរ៉េ ម៉ុងហ្គោលី ណេប៉ាល់ ប៉ាគីស្ថាន និងតៃវ៉ាន់។
