រាជធានីភ្នំពេញ ថ្ងៃទី27 ខែកញ្ញា ឆ្នាំ2017៖ ក្រុមហ៊ុន Grab ដែលជាក្រុមហ៊ុនដែលផ្ដល់នូវ កម្មវិធីសេវាដឹកជញ្ជូនតាមតម្រូវការឈានមុខគេមួយដែលដឹកនាំដោយលោក Yee Wee Tang ប្រធានប្រចាំប្រទេសថៃ និងប្រតិភូរបស់លោក មានកិត្តិយសបានចូលជួបពិភាក្សាជាមួយឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសារធាណការ និងដឹកជញ្ជូននៃព្រះរាជាណាចក្រកម្ពុជា ថាតើក្រុមហ៊ុន Grab អាចដើរតួនាទីអ្វីខ្លះក្នុងការគាំទ្រគោលដៅរបស់ក្រសួងសារធារណការ និងដឹកជញ្ជូនក្នុងការកែលម្អសុវត្ថិភាពចរាចរណ៍ផ្លូវគោកក្នុងព្រះរាជាណាចក្រកម្ពុជា។
នៅក្នុងជំនួបប្រជុំនោះ លោក Yee បានសម្ដែងនូវអំណរគុណយ៉ាងជ្រាលជ្រៅចំពោះឯកឧត្តម ស៊ុន ចាន់ថុល ដែលបានគាំទ្រ ហើយបានបញ្ជាក់ពីឆន្ទៈរបស់ក្រុមហ៊ុន Grab ក្នុងការសហការជាមួយអ្នកជំនាញមកពីក្រសួងទៅលើនីតិវិធីផ្ដល់អាជ្ញាបណ្ណ ព្រមទាំងការអនុវត្តយ៉ាងម៉ឺងម៉ាត់ទៅតាមច្បាប់នៃព្រះរាជាណាចក្រកម្ពុជាផងដែរ។ លោកក៏បានលើកឡើងផងដែរថា ក្រុមហ៊ុន Grab មានចំណាប់អារម្មណ៍យ៉ាងខ្លាំងទៅលើការអភិវឌ្ឍនៃសេវាដឹកជញ្ជូនតាមប្រព័ន្ធអ៊ីនធឺណិតនៅក្នុងប្រទេសកម្ពុជា និងមានបំណងស្នើសុំការគាំទ្រពីក្រសួងដើម្បីចាប់ផ្ដើមដំណើរការក្រុមហ៊ុនរបស់ខ្លួនក្នុងនៅប្រទេសកម្ពុជា។ ក្រុមហ៊ុន Grab មានបំណងនាំយកមកនូវកម្មវិធីបច្ចេកវិទ្យារបស់ខ្លួនដើម្បីគាំទ្រដល់ការអភិវឌ្ឍក្នុងប្រទេសកម្ពុជា និងជួយលើកកម្ពស់ជីវភាពរស់នៅរបស់ប្រជាជនកម្ពុជាផងដែរ។ ក្រុមហ៊ុន Grab នឹងបើកសំភោធជាផ្លូវការនៅប្រទេសកម្ពុជា នៅពេលដែលទទួលបានអញ្ញាប័ត្រពីក្រសួង។
Grab គឺជាក្រុមហ៊ុនដែលផ្ដល់កម្មវិធីសេវាដឹកជញ្ជូន និងទូទាត់ប្រាក់ចល័តឈានមុខគេដ៏ល្បីមួយនៅអាស៊ីអាគ្នេយ៍។ ក្រុមហ៊ុនមានផ្ដល់នូវកម្មវិធីផលិតផលស្នូលដូចជាដំណោះស្រាយសេវាដឹកជញ្ជូនសម្រាប់អ្នកបើកបរ និងអ្នកដំណើរ ដោយផ្ដោតលើភាពងាយស្រួល សុវត្ថិភាព និងភាពជឿទុកចិត្ត។
ចាប់តាំងពីបានបើកដំណើរការនៅឆ្នាំ2012 មក ក្រុមហ៊ុនបានជួយលើកកម្ពស់ជីវិតប្រជាជនរាប់លាននាក់នៅទូទាំងអាស៊ីអាគ្នេយ៍នេះ។ ជាមធ្យម អ្នកដំណើររបស់ក្រុមហ៊ុន Grab បានទៅដល់គោលដៅរបស់ខ្លួនលឿនជាងពេលវេលាធ្វើដំណើរទាំងមូលរហូតដល់ពាក់កណ្ដាល (កាត់បន្ថយ ជាមធ្យម 52% នៃម៉ោងធ្វើដំណើរ) បើធៀបជាមួយជម្រើសដឹកជញ្ជូនសាធារណក្នុងទីក្រុងរបស់ពួកគេ។ ក្រុមហ៊ុន Grab ក៏បានធ្វើឲ្យការធ្វើដំណើរកាន់តែមានសុវត្ថិភាពសម្រាប់អ្នកដំណើររាប់លាននាក់របស់ខ្លួនដោយបានលើករបារសុវត្ថិភាពនៅកន្លែងសំចតឡើងជិះ។ អត្រាគ្រោះថ្នាក់ចរាចរណ៍នៅលើកម្មវិធីរបស់ Grab គិតជាមធ្យមគឺទាបជាងអត្រាគ្រោះថ្នាក់ចរាចរណ៍ថ្នាក់ជាតិក្នុងប្រទេសដែលខ្លួនកំពុងប្រតិបត្តិការនោះដល់ទៅ ៥ដង ។ លើសពីនេះ ដៃគូអ្នកបើកបររបស់ក្រុមហ៊ុន Grab អាចរកប្រាក់បន្ថែមបានជាមធ្យម មួយភាគបី (32%) ក្នុងមួយម៉ោង បើធៀបជាមួយប្រាក់ឈ្នួលកម្មករជាមធ្យមនៅគ្រប់ទីផ្សារទាំងអស់របស់ក្រុមហ៊ុន Grab។
បច្ចុប្បន្ននេះ កម្មវិធី (app) របស់ក្រុមហ៊ុន Grab ត្រូវបានប្រជាជនទាញយកទៅប្រើប្រាស់ (download) នៅក្នុងឧបករណ៍ជាង 60 លានគ្រឿង និងមានអ្នកដំណើរប្រចាំថ្ងៃ ជាង 3 លាននាក់ ដែលធ្វើឲ្យ Grab ក្លាយជាកម្មវិធីផ្ដល់សេវាដឹកជញ្ជូនដ៏ធំបំផុត និងជាកម្មវិធី (app) ពេញនិយមមួយដែលអ្នកបើកបរ និងអ្នកដំណើរភាគច្រើនចូលចិត្តប្រើបំផុតនៅក្នុងតំបន់។
នៅឆ្នាំកន្លងទៅ ក្រុមហ៊ុន Grab ក៏បានក្លាយជាក្រុមហ៊ុនផ្ដល់កម្មវិធីសេវាដឹកជញ្ជូនទីមួយដែល
សហការជាមួយធនាគារពិភពលោកក្នុងការបង្កើតកម្មវិធី OpenTraffic ដែលជាកម្មវិធីទិន្នន័យឆ្លាត
វ័យ (smart data platform) ដែលរដ្ឋាភិបាលក្រុងអាចប្រើប្រាស់បានដោយឥតគិតថ្លៃ ដើម្បីតាមដានស្ថានភាពចរាចរណ៍នៅម៉ោងជាក់ស្ដែង និងដើម្បីរៀបចំផែនការសម្រាប់ការអភិវឌ្ឍហេដ្ឋារចនា
សម្ព័ន្ធផ្លូវថ្នល់ និងដឹកជញ្ជូននៅថ្ងៃអនាគត ព្រមទាំងលើកកម្ពស់សុវត្ថិភាពចរាចរណ៍ផងដែរ។
បច្ចុប្បន្ន ក្រុមហ៊ុន Grab បាននឹងកំពុងផ្ដល់សេវានៅក្នុងទីក្រុងចំនួន 114 នៅក្នុងប្រទេសចំនួន 7 ក្នុងតំបន់អាស៊ីអាគ្នេយ៍ ដែលមានដូចជា៖ សិង្ហបុរី ឥណ្ឌូនេស៊ី ហ្វីលីពីន ម៉ាឡេស៊ី ថៃ វៀតណាម និងមីយ៉ាន់ម៉ា។
អំពីក្រុមហ៊ុន Grab
ក្រុមហ៊ុន Grab គឺជាក្រុមហ៊ុនផ្ដល់កម្មវិធីសេវាដឹកជញ្ជូន និងទូទាត់ប្រាក់ចល័តឈានមុខគេដ៏ល្បី មួយនៅអាស៊ីអាគ្នេយ៍។ ក្រុមហ៊ុន Grab បានជួយដោះស្រាយនូវបញ្ហាប្រឈមលើការធ្វើដំណើរសំខាន់ៗ និងបានធ្វើឲ្យសេរីភាពក្នុងការធ្វើដំណើររបស់ប្រជាជនប្រមាណ 620 លាននាក់ក្នុងតំបន់អាស៊ីអាគ្នេយ៍ក្លាយជាការពិត។ ក្រុមហ៊ុន Grab មានផ្ដល់នូវកម្មវិធីផលិតផលស្នូលដូចជា ដំណោះស្រាយដឹកជញ្ជូនសម្រាប់អ្នកបើកបរ និងអ្នកដំណើរ ដោយផ្ដោតលើភាពងាយស្រួល សុវត្ថិភាព និងភាពជឿទុកចិត្ត ព្រមទាំងកម្មវិធីទូទាត់ប្រាក់ចល័តផ្ទាល់ខ្លួនដែលមានឈ្មោះថា GrabPay ដែលកំពុងបង្កើនការប្រើប្រាស់នូវដំណោះស្រាយទូទាត់ប្រាក់ចល័តសម្រាប់អ្នកដំណើរ និងអ្នកបើកបររបស់ក្រុមហ៊ុន Grab រាប់លាននាក់នៅទូទាំងអាស៊ីអាគ្នេយ៍ និងជាការដាក់បញ្ចូលផ្នែកហិរញ្ញវត្ថុក្នុងតំបន់ផងដែរឲ្យកាន់តែស៊ីជម្រៅផងដែរ។ បច្ចុប្បន្ន ក្រុមហ៊ុន Grab បាននឹងកំពុងផ្ដល់សេវានៅក្នុងប្រទេសមួយចំនួនដូចជា៖ សិង្ហបុរី ឥណ្ឌូនេស៊ី ហ្វីលីពីន ម៉ាឡេស៊ី ថៃ វៀតណាម និងមីយ៉ាន់ម៉ា។ សម្រាប់ព័ត៌មានបន្ថែម សូមចូលទៅកាន់វេបសាយត៍ https://www.grab.com .។
សម្រាប់ព័ត៌មានទាក់ទងនឹងការផ្សព្វផ្សាយសូមទំនាក់ទំនង៖
Nattianan Vanichchanant (Apple) អ៊ីមែល៖ [email protected]
