អគ្គិភ័យកំពុងឆាបឆេះផ្ទះមួយកន្លែង​ នៅ ខណ្ឌ​ព្រែកព្នៅ រាជធានីភ្នំពេញ​

នាវេលា​ម៉ោង​ ១០ និង ៣៥ នាទីព្រឹក​ ថ្ងៃទី ២១​ ខែមិថុនា​ ឆ្នាំ ២០២២ នេះ មាន​ករណីអគ្គិភ័យ​មួយ​កំពុងឆាបឆេះផ្ទះរបស់​ប្រជាពលរដ្ឋ​​ នៅក្នុង​ ខណ្ឌ​ព្រែកព្នៅ រាជធានីភ្នំពេញ​។

កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ​ បានចេញរថយន្តពន្លត់អគ្គិភ័យទៅជួយអន្តរាគមន៍​ ក្រោយពីទទួលបានដំណឹងខាងលើ​។

ករណី​អគ្គិភ័យ​ដែល​​​កើត​ឡើង​នៅ​ក្នុង​​​ភូមិស្វាយប៉ាក​ សង្កាត់​ស្វាយប៉ាក ខណ្ឌ​ឬស្សីកែវ រាជធានី​ភ្នំពេញ នេះ បាន​បណ្ដាល​ឱ្យ​​ផ្ទះឈើប្រហែល ៤ ខ្នង​ដែល​សង់​នៅ​លើ​បឹង​កំប្លោក​ ត្រូវ​បាន​អគ្គិភ័យ​ឆាប​ឆេះ​អស់គ្មាន​សល់​ ប៉ុន្តែ​ កងកម្លាំង​ពន្លត់​អគ្គិភ័យ​​បាន​គ្រប់​គ្រង​ទាំង​ស្រុង​ហើយ​។

នេះ​គឺជា​ករណី​គ្រោះ​អគ្គិភ័យ​ទីមួយ​ហើយ​នៅ​ រាជធានី​ភ្នំ​ពេញ សម្រាប់​ថ្ងៃទី ២១ មិថុនា​ ២០២២​។

….