កាបូបដៃ​រាង​បេះដូង​កំពុង «Hot» ជាងគេ​ក្នុង​ព្រឹត្តិការណ៍​បង្ហាញ​ម៉ូដ​សម្លៀកបំពាក់

កាបូបដៃ​រាង​បេះដូង Le Coeur របស់ Alaïa កំពុង​ត្រូវ​អ្នក​សម័យនិយម​ជ្រើសរើស​ប្រើប្រាស់​នៅក្នុង​បណ្ដា​ព្រឹត្តិការណ៍​បង្ហាញ​ម៉ូដ​សម្លៀកបំពាក់​លើ​ពិភពលោក។

Le Coeur កំពុង​ក្លាយជា​គំរូ​ម៉ូដ​កាបូបដៃ «Hot» បំផុត​ក្នុង​រដូវ​ម៉ូ​ដ​សម្លៀកបំពាក់​រងា-ស្លឹកឈើ​ជ្រុះ (ខែកុម្ភៈ-មីនា) ឆ្នាំ 2023។ ម៉ូដ​កាបូប​របស់ Alaïa ត្រូវបាន​ច្នៃ​ពី​ស្បែ​កនៅ​អ៊ីតាលី និង​មាន​ច្រើន​ពណ៌​សម្រាប់​ជ្រើសរើស តាំងពី​ក្រហម ខ្មៅ ស និង​ខៀវ​ជាដើម។ ទំហំ 18×23 សង់ទីម៉ែត្រ​របស់​កាបូ​ប​នេះ​គឺ​តូច​ល្មម ​អាចដាក់​បាន​របស់របរ​​ចាំបាច់​សម្រាប់​ស្ត្រី។

កាបូបដៃ Le Coeur ដែលមាន​តម្លៃ​ចាប់ពី 790 ដល់ 1,320 ផោន (950 ដល់ 1,586 ដុល្លារ​អាម៉េរិក) នេះ ស័ក្ដិសម​សម្រាប់​ប្រើប្រាស់​នៅពេល​ទៅធ្វើ​ការ ចូលរួម​ព្រឹត្តិការណ៍​សប្បាយ​​រីករាយ និង​អាច​ប្រើប្រាស់​បាន​អម​ជាមួយនឹង​សម្លៀកបំពាក់​កំសាន្ត​តាម​ក្រុង ការិយាល័យ និង​រ៉ូ​ប​ចូលរួម​ពិធីជប់លៀង។

ប្រធាន​ផ្នែក​ពាណិជ្ជកម្ម​របស់​ទស្សនា​វ​ដ្ដី​អង់គ្លេស British Vogue របស់​អង់គ្លេស អ្នកស្រី Naomi Smart និយាយថា « Alaïa Coeur គឺជា​ម៉ូដ​កាបូបដៃ​ដ៏​លេចធ្លោ​ក្នុងសម័យ​ទំនើប។ រចនាបថ​បែប​រីករាយ ថ្លៃថ្នូរ និង​ប្រកបដោយ​ភាព​ប្រណិត​របស់​វា​កើតឡើង​ដោយ​ភាពសាមញ្ញ។

Advertisement