នេះជាមហាសន្និបាតមួយដែលមានការរុះរើក្បាលម៉ាស៊ីដឹកនាំដ៏ធំតែម្ដង បន្ទាប់ពីការដឹកនាំអស់រយៈពេល ១អាណត្តិរបស់ លោកអ៊ុក រី ដែលជា អតីតប្រធានសហព័ន្ធ កីឡាតេក្វាន់ដូស្ទីលI.T.F(International Taekwondo Federatuon)ចាស់ មិនទទួលបានជោកជ័យទាំងនៅក្នុងឆាកអន្តរជាតិ និង ជាតិ។
លោកកែវ រ៉េមីដែលមុននេះជា ប្រធានកិត្តយសរបស់សហព័ន្ធនោះបន្ទាប់ពីបានជាប់ឆ្នោតជាប្រធានសហព័ន្ធតេក្វាន់ដូ អាយ ធី អេហ្វអាស៊ីអាគ្នេយ៍ កាលពីប៉ុន្មានតែមុននោះបានជាប់ឆ្នោតជាប្រធានសហព័ន្ធតេក្វាន់ដូអា ធី អេហ្វ កម្ពុជាជំនួសលោកអ៊ុក រី ដែលបាន ប្រកាសលាលែងពីប្រធានសហព័ន្ធ ។
តែទោះបីយ៉ាងណា លោកអ៊ុក រីដែលជាប្រធានសហព័ន្ធចាស់ត្រូវបាន គណៈកម្មការប្រតិបត្តិ តែងតាំងជាទីប្រឹក្សាជាន់ខ្ពស់ទទួលបន្ទុកកិច្ចការច្បាប់ ។ចំពោះប្រធានកិត្តិយសគឺលោកបួន លឹមហេង ។
លោកកែវ រ៉េមីដែលជាប្រធានសហព័ន្ធទើបឡើងថ្មីនោះ បានដាក់ទិសដៅពង្រឹង ប្រភេទកីឡាតេក្វាន់ដូ ITF ដល់តំណាងក្លឹប និង សមាគមនត្រូវបំផុសចលនាកីឡាតេក្វាន់-ដូ ITFនៅទូទៅប្រទេស ហើយពង្រឹង និងពង្រីងសកម្មកីឡាតេក្វាន់-ដូ ITF ឲ្យដល់បណ្តាលសមាគម ក្លិបដែលជាសមាជិក និងការពារផលប្រយោជន៍សមាគម ក្លិប ថែមទាំងបង្កើនសមត្ថភាព បច្ចេកទេស និងគុណភាពកីឡាករ-កីឡាការិនី មន្ត្រី គ្រូបង្វឹក។ ត្រូវលើកទឹកចិត្តដល់គ្រប់ អ្នកហ្វឹកហាត់កីឡាតេក្វាន់-ដូ ITF ទាំងអស់ដែលបាន សហការជាមួយសហព័ន្ធ ដើម្បីជំរុញការទំនាក់ទំនង និងឈរលើស្មារតីយោគយល់ គ្នាក្នុងគោលបំណងពង្រឹងមិត្តភាព សាមគ្គីភាព គោរពគ្នាទៅវិញទៅមក និងមិនអនុញ្ញាតិឲ្យមាន ការរើសអើងណាមួយឡើយ។
ចំពោះអនុប្រធានសហព័ន្ធវិញនោះមានចំនួន៦រូគឺលោកអៀង អូននី លោកជេត ជាលី លោកលឹម រតនៈ លោកឈួន ចាន់ថន លោកផាន់ វណ្ណារ័ត្ន និង លោកវេជ្ជបណ្ឌិតសុខ ប៊ុនថា ។លោកប៊ួន ហ៊ីងសុធីយ៉ានៅបន្តរក្សាតំ ណែងជាអគ្គលេខាធិការសហព័ន្ធដដែល ។
ចំពោះអគ្គលេខាធិការរងដែលមានចំនួន៤រូបនោះមានលោកវេជ្ជបណ្ឌិតហ៊ឹម រីដា លោកអ៊ូ រតនា លោកសឹម សានត្រាន និង លោកកៅ មករា ។ លោកប៉ាល់ ជីវ័ន្ឌនៅរក្សាតំនែងជាអគ្គហិរញ្ញិកដដែល ៕
