មាន​ឆ្ងល់​អត់! ហេតុអ្វី​បានជា​យើង​ស្ងាប?​

មនុស្ស​យើងម្នាក់ៗ ចេះ​ស្ងាប​តាំងពី​មិនទាន់​កើត ចេញពី​ផ្ទៃ​ម្តាយ រហូត​ទៅដល់​វ័យ ធ្វើជា​ជីដូន ជីតា ទួត​គេ។ មិនតែប៉ុណ្ណោះ សត្វ​ក៏​ចេះ​ស្ងាប​ដែរ។ ក៏ប៉ុន្តែ ហេតុអ្វី​បានជា​អ្នក​ទាំងអស់ នោះ​ចាំបាច់​ស្ងាប? គ្មាន​អ្នកណា​ដឹង​ច្បាស់​អំពី​មូលហេតុ​របស់​វា​ឡើយ ទោះជា​យ៉ាងណាក្តី​ក៏​នៅមាន​ទ្រឹស្តី​ជាច្រើន​ដែល​និយាយ​អំពី​មូល​ហេតុដែល​ធ្វើ​ឲ្យ​មនុស្ស​ត្រូវ​ស្ងាប។

មូលហេតុ​ទីមួយ​នោះ​គឺ​នៅពេលដែល​យើង​មាន​ភាព​នឿយហត់ និង​មាន​អារម្មណ៍​ធុញថប់​ពីព្រោះ​នៅពេលដែល​យើង​មាន​អារម្មណ៍​បែបនេះ យើង​មិនអាច​ដកដង្ហើម​បាន​វែង​ដូចជា​ពេល​ធម្មតា​នោះទេ។

យោងទៅតាម​ទ្រឹស្តី​មួយ​នេះ​បាន​ឲ្យ​ដឹងថា ខ្លួនប្រាណ​របស់​យើង​ស្រូបយក​អុកស៊ីសែន​បាន​តិច​ពីព្រោះ​ការដកដង្ហើម​របស់​យើង​មានការ​ថយចុះ។ដូច្នេះ​ការ​ស្ងាប​អាចជួយ​ឲ្យ​យើង​ស្រូបយក​អុកស៊ីសែន​ចូលទៅក្នុង​ឈាម និង​បញ្ជូន​ឧស្ម័ន​កាបូ​និ​ច​ចេញពី​ក្នុង​ឈាម។មួយវិញទៀត​ការ​ស្ងាប​អាចជួយ​ឲ្យ​យើង​គ្រប់គ្រង​កម្រិត​អុកស៊ីសែន និង​ឧស្ម័ន​ការ​បូ​និ​ច​នៅក្នុង​សារពាង្គកាយ​របស់​យើង។

ការអះអាង​មួយ​នេះ​ស្តាប់ទៅ​ពិតជា​ល្អ​ខ្លាំងណាស់​ដោយឡែក​ការសិក្សា​ដទៃទៀត​បាន​បង្ហាញថា​ការ​ស្រូបយក​ឧស្ម័ន​អុកស៊ីសែន​ច្រើន​មិនអាច​កាត់បន្ថយ​ការ​ស្ងាប​បាន​នោះទេ។ ដូចគ្នានេះដែរ​ការទទួល​យក​នូវ​ឧស្ម័ន​កាបូ​និ​ច​ច្រើន​ក៏​មិនមែន​ធ្វើ​ឲ្យ​យើង​ស្ងាប​ច្រើន​ដែរ។

អ្នក​ផ្សេងទៀត​ជឿជាក់ថា​ការ​ស្ងាប​អាចជួយ​ឲ្យ​សួត​របស់​យើង​មាន​ដំណើរការ​បានល្អ​ព្រមទាំង​មាន​សុខភាព​ល្អ។ទោះជា​យ៉ាងណាក្តី​ក៏​នៅមាន​ទ្រឺ​ស្តី​មួយទៀត​ដែល​និយាយ​អំពី រឿងនេះ​ដោយ​ពូកគេ​បាន​លើកឡើងថា​ស្ងាប​គឺ​ហាក់បីដូចជា​ជំងឺឆ្លង​មួយ​ប្រភេទ​ដែរ។

ប្រសិនបើ​អ្នក​ស្ងាប​នៅក្នុង​ថ្នាក់​អ្នកដទៃ​ដែល​នៅក្នុង​ថ្នាក់​នោះ​ក៏​ចាប់ផ្តើម​ស្ងាប​តាម​អ្នក​ដែរ។ ជាពិសេស​ទៀត​នោះ​សូម្បីតែ​អ្នក​គិត​អំពី​រឿង​ស្ងាប​ក៏​អាចធ្វើ​ឲ្យ​អ្នក​ស្ងាប​បានដែរ៕

Advertisement