ប្រភពព័ត៌មានពីអាហ្វ្រិក បានឱ្យដឹងថា នាថ្ងៃទី 18 មីនា 2021 នេះ អនុប្រធានាធិបតីនៃប្រទេស តង់សានី (Tanzania) លោក Samia Suluhu Hassan បានប្រកាសថា ប្រធានាធិបតី John Pombe Magufuli នៃប្រទេសនេះ បានទទួលមរណភាពទៅហើយ។
អនុប្រធានាធិបតីបានបញ្ជាក់ថា លោក John Pombe Magufuli បានទទួលមរណភាពនៅវេលាម៉ោង 18 នៃថ្ងៃទី 17 មីនា 2021 (ម៉ោង 21 ថ្ងៃទី 17 មីនា នៅកម្ពុជា) នៅមន្ទីរពេទ្យមួយក្នុងទីក្រុង Dar es Salaam នៃប្រទេសតង់សានី ដោយសារជំងឺបេះដូង។
លោក Samia Suluhu Hassan បានឱ្យដឹងថា ប្រទេសនេះនឹងបង្ហូតទង់ជាតិពាក់កណ្ដាលដងក្នុងរយៈពេល 14 ថ្ងៃ ដើម្បីគោរពដល់វិញ្ញាណក្ខន្ធរបស់សពលោកប្រធានាធិបតី John Pombe Magufuli។
លោក John Pombe Magufuli អាយុ 61 ឆ្នាំ គឺជាប្រធានាធិបតីទី 5 របស់សហសាធារណរដ្ឋតង់សានី (United Republic of Tanzania) ចាប់ពីឆ្នាំ 2015 ដល់បច្ចុប្បន្ន៕
ប្រភព៖ AP
ប្រែសម្រួល៖ បុត្រា