ភព TOI-1266 c ធំជាង1.5ដង បើធៀបនឹងពិភពផែនដីរបស់មនុស្ស និងចំណាយពេលតែ11ថ្ងៃប៉ុណ្ណោះដើម្បីវិលបាន1ជុំផ្កាយមេរបស់វា។
ដើមឆ្នាំនេះ កែវយឹត SAINT-EX នៅប្រទេសម៉ិចស៊ិក ដែលគ្រប់គ្រងដោយមជ្ឈមណ្ឌល NCCR PhanetS នៃសាកលវិទ្យាល័យ Bern ប្រទេសស្វីស បានប្រទះឃើញភពក្រៅប្រព័ន្ធព្រះអាទិត្យចំនួន2ដែលកំពុងគោចរជុំវិញផ្កាយមេ TOI-1266 ដែលមានចម្ងាយ120ឆ្នាំពន្លឺពីភពផែនដី។ ព័ត៌មាននេះត្រូវបានចុះផ្សាយនៅលើទស្សនាវដ្ដី Astronomy and Astrophysics កាលពីថ្ងៃទី2តុលាកន្លងទៅ។
ភព TOI-1266 b និង c ស្ថិតនៅក្បែរផ្កាយមេជាងបើធៀបនឹងបណ្ដាភពក្នុងប្រព័ន្ធព្រះអាទិត្យរបស់មនុស្សលោក។ TOI-1266 b ចំណាលពេល11ថ្ងៃ និង TOI-1266 c ចំណាយពេល19ថ្ងៃ ដើម្បីគោចរបាន1ជុំផ្កាយមេរបស់វា។ ប៉ុន្តែ ដោយសារផ្កាយ TOI-1266 ត្រជាក់ជាងព្រះអាទិត្យ ទើបធ្វើឱ្យសីតុណ្ហភាពនៅលើភពទាំង2របស់វា មិនក្ដៅខ្លាំង។
ធាតុផ្សំរបស់ភពទាំង2នេះ អាចរួមមាន ពាក់កណ្ដាលជាថ្មនិងលោហធាតុ និងពាក់កណ្ដាលទៀតជាទឹក។ ប្រការនេះ ធ្វើឱ្យពួកវាមានសភាពប្រហាក់ប្រហែលនឹងផែនដី ឬភពសុក្រ (Venus)។ ភព TOI-1266 b ដែលនៅខាងក្នុង មានអង្កត់ផ្ចិតធំជាង2.5ដងធៀបនឹងផែនដី ចំណែកឯភព TOI-1266 c ដែលនៅខាងក្រៅ មានទំហំធំជាងផែនដី1.5ដង៕
ប្រភព៖ Sci Tech Daily
