បច្ចុប្បន្ន រដ្ឋាភិបាលថៃ កំពុងបើកមជ្ឈមណ្ឌលប្រឹក្សាយោបល់នៅពាសពេញផ្ទៃប្រទេសដើម្បីជួយឱ្យ ពលករឡាវ អាចសុំបណ្ណពណ៌ស្វាយ (បណ្ណការងារ) ដើម្បីអាចបន្តធ្វើការដោយស្របច្បាប់នៅប្រទេសថៃ។
បណ្ណពណ៌ស្វាយ គឺជាយន្តការសម្រួលសម្រាប់ពលករឡាវដែលធ្វើការក្នុងវិស័យនេសាទ និងការងារដទៃទៀតនៅ ប្រទេសថៃ ដែលមានសុពលភាព ២ ឆ្នាំ និងអាចសុំពន្យារពេលបន្តបាន។
យោងតាមប្រកាសថ្មី ពលករឡាវដែលមានលិខិតឆ្លងដែនអស់សុពលភាព នៅតែអាចចុះឈ្មោះសុំបណ្ណការងារ ដើម្បីក្លាយជាពលករស្របច្បាប់បន្តទៀត បើសិនបង្ហាញលិខិតស្នាមគ្រប់គ្រាន់តាមការកំណត់របស់ អាជ្ញាធរថៃ។
ពលករឡាវ ដែលមិនមានលិខិតឆ្លងដែន ត្រូវបានអនុញ្ញាតឱ្យចុះឈ្មោះស្នើសុំលិខិតអនុញ្ញាតធ្វើដំណើរបណ្តោះអាសន្ន (បណ្ណពណ៌លឿង) ដើម្បីត្រលប់ទៅ ប្រទេសឡាវ យកលិខិតឆ្លងដែនថ្មី មុនពេលចូលមក ប្រទេសថៃ ជាថ្មី ដើម្បីដាក់ពាក្យសុំបណ្ណការងារ។
បណ្ណការងារសុពលភាព ២ ឆ្នាំមានតម្លៃ ៣,៥០០ បាត (ប្រហែល ១០០ ដុល្លារអាម៉េរិក) និងមិនទាន់គិតដល់ថ្លៃប្រថាប់ត្រាលើលិខិតស្នាមដទៃដែលទាក់ទង។
យោងតាមស្ថិតិរបស់អាជ្ញាធរថៃ ក្នុងចំណោមពលករបរទេសចំនួនប្រមាណ ១.៥ លាននាក់នៅ ប្រទេសថៃ គឺមាន ១០% ជាពលករមកពី កម្ពុជា ឡាវ និង មីយ៉ានម៉ា៕
