ក្រសួងដឹកជញ្ជូនវៀតណាម ថ្មីៗនេះទើបតែបានផ្ញើសំណើទៅកាន់អាជ្ញាធរខេត្ត Tien Giang ស្ដីពីការដំណើរការសាកល្បងរថយន្តអគ្គិសនីដឹកអ្នកទេសចរណ៍ដើរទស្សនាក្នុងតំបន់នានារបស់ខេត្តនេះ។
យោងតាមក្រសួងខាងលើ បច្ចុប្បន្នមាន ៣៥ តំបន់ ក្នុងនោះមានខេត្ត Tien Giang ជាដើម ត្រូវបានរដ្ឋាភិបាលវៀតណាម យល់ព្រមលើការដាក់ឱ្យដំណើរការសាកល្បងរថយន្តអគ្គិសនី ឬរថយន្តម៉ាស៊ីនសាំង ដើម្បីដឹកអ្នកទេសចរណ៍ដើរទស្សនាតាមតំបន់គោលដៅ។
ដើម្បីអនុវត្តកម្មវិធីស្ដីពីការប្ដូរទៅប្រើប្រាស់ថាមពលបៃតង កាត់បន្ថយឧស្ម័នកាបូន និងឧស្ម័នមេតាននៅក្នុងវិស័យដឹកជញ្ជូន ក្រសួងដឹកជញ្ជូនរបស់ វៀតណាម បានស្នើឱ្យខេត្ត Tien Giang បើកដំណើរការសាកល្បងរថយន្តអគ្គិសនី និងមិនប្រើប្រាស់រថយន្តប្រើប្រេងសាំង ក្នុងការដឹកជញ្ជូនអ្នកទេសចរណ៍។
យោងតាមក្រសួងដឹកជញ្ជូនវៀតណាម គិតមកដល់បច្ចុប្បន្ន មានតំបន់ជាច្រើនបាន និងកំពុងដំណើរការរថយន្តអគ្គិសនីនៅក្នុងការដឹកជញ្ជូនភ្ញៀវទេសចរណ៍ទៅតាមតម្រូវការជាក់ស្ដែងនៃតំបន់នីមួយៗរបស់ប្រទេសនេះ៕
