បណ្ដាញបំពង់បង្ហូរឧស្ម័ន Power of Siberia ដែលតភ្ជាប់ជាមួយនឹងបណ្ដាញបំពង់បង្ហូរឧស្ម័នក្នុងខេត្ត Hebei និងខេត្ត Shandong នៅភាគខាងកើតប្រទេសចិន បានដំណើរការជាផ្លូវការចាប់ពីថ្ងៃទី ១៦ កញ្ញា។
យោងតាមសារព័ត៌មាន Sputnik របស់ រុស្ស៊ី កាលពីថ្ងៃទី ១៦ កញ្ញា ក្រុមហ៊ុនដែលទទួលខុសត្រូវក្នុងការអនុវត្តគម្រោងបណ្ដាញបំពង់បង្ហូរឧស្ម័ន Power of Siberia រត់កាត់ប្រទេសចិន PipeChina ប្រកាសថា ទីក្រុងប៉េកាំង បានបើកដំណើរការបណ្ដាញបំពង់បង្ហូរឧស្ម័នមួយកំណាត់ដែលនាំចូលឧស្ម័នពី រុស្ស៊ី នៅក្នុងក្របខណ្ឌនៃគម្រោងផ្គត់ផ្គង់ឧស្ម័នរបស់ រុស្ស៊ី សម្រាប់ប្រទេសចិន។
ប្រកាសខាងលើបានបញ្ជាក់ថា បណ្ដាញបំពង់បង្ហូរឧស្ម័ន Power of Siberia តភ្ជាប់ជាមួយនឹងបណ្ដាញបំពង់បង្ហូរឧស្ម័នក្នុងខេត្ត Hebei និងខេត្ត Shandong នៅភាគខាងកើតប្រទេសចិន បានដំណើរការជាផ្លូវការចាប់ពីថ្ងៃទី ១៦ កញ្ញា។
មានព័ត៌មានថា បណ្ដាញបំពង់បង្ហូរឧស្ម័នពីខេត្ត Hebei ទៅខេត្ត Shandong គឺជាផ្នែកដ៏សំខាន់នៃបណ្ដាញបំពង់បង្ហូរឧស្ម័នរបស់ ប្រទេសចិន ដែលត្រូវបានតភ្ជាប់ជាមួយនឹងបណ្ដាញបំពង់បង្ហូរឧស្ម័ន Power of Siberia របស់ រុស្ស៊ី។
មុននោះ ឧបនាយករដ្ឋមន្ត្រីរុស្ស៊ី Alexandr Novak បានឱ្យដឹងថា បណ្ដាញបំពង់បង្ហូរឧស្ម័ន Power of Siberia 2 របស់ រុស្ស៊ី ដែលត្រូវបានបង្កើតឡើងដើម្បីផ្គត់ផ្គង់ឧស្ម័នឱ្យ ប្រទេសចិន ពិតជាអាចជំនួស Nord Stream pipeline 2។
យោងតាមលោក Alexandr Novak ប្រទេសរុស្ស៊ី និង ចិន នឹងចុះហត្ថលេខាលើកិច្ចព្រមព្រៀងផ្គត់ផ្គង់ឧស្ម័ន ៥០ ពាន់លានម៉ែត្រគុប/ឆ្នាំ នាពេលដ៏ខ្លីខាងមុខ។ បរិមាណនេះជិតស្មើនឹងបរិមាណឧស្ម័នដែលបង្ហូរតាមបណ្ដាញ Nord Stream pipeline 1 (៥៥ ពាន់លានម៉ែត្រគុប) ដែលបានឈប់ដំណើរការតាំងពីថ្ងៃទី ០២ កញ្ញា។
បណ្ដាញបំពង់បង្ហូរឧស្ម័ន Power of Siberia ដែលភ្ជាប់ពី រុស្ស៊ី មក ចិន កំពុងត្រូវបានប្រើប្រាស់នាបច្ចុប្បន្ន ត្រូវបានដាក់ឱ្យដំណើរការកាលពីចុងឆ្នាំ ២០១៩។ បណ្ដាញបំពង់បង្ហូរឧស្ម័នមានកម្លាំងបង្ហូរប្រចាំឆ្នាំឡើងដល់ ៦១ ពាន់លានម៉ែត្រគុប។
បណ្ដាញបំពង់បង្ហូរឧស្ម័ននេះថ្មីរបស់ ចិន និង រុស្ស៊ី នេះ ត្រូវបានគេកំណត់ថាជាប្រភពចំណូលសំខាន់របស់ រុស្ស៊ី នៅពេលខាងមុខ ព្រោះថា អឺរ៉ុប កំពុងតែប្រឹងប្រែងដើម្បីបញ្ចប់ការពឹងផ្អែកជាប្រវត្តិសាស្ត្រទៅលើឧស្ម័នរបស់ ប្រទេសរុស្ស៊ី៕