អគារខ្ពស់កប់ពពកមួយនៅក្នុងទីក្រុង Changsha ភាគកណ្ដាលនៃ ប្រទេសចិន ឆាបឆេះយ៉ាងសន្ធោសន្ធៅ ប៉ុន្តែ មិនទាន់មានព័ត៌មានស្ដីពីករណីស្លាប់ និងរងរបួស។
ផ្សែងខ្មៅយ៉ាងក្រាស់បាញ់ចេញពីអគារ China Telecom0728.HK កម្ពស់ ២០០ ម៉ែត្រ និងរាប់សិបជាន់កំពុងឆេះយ៉ាងសន្ធោសន្ធៅ» ទូរទស្សន៍រដ្ឋចិន CCTV រាយការណ៍នាថ្ងៃនេះអំពីករណីអគ្គិភ័យឆេះអគារកប់ពពកមួយនៅក្នុងទីក្រុង Changsha នៃខេត្ត Hunan ភាគកណ្ដាល ប្រទេសចិន។
China Telecom0728.HK គឺជាអគារខ្ពស់ដែលមានការិយាល័យរបស់ក្រុមហ៊ុនទូរគមនាគមន៍រដ្ឋចិន China Telecom។
CCTV រាយការណ៍ថា កម្លាំងពន្លត់អគ្គិភ័យត្រូវបានបញ្ជូនទៅកាន់កន្លែងកើតហេតុ ប៉ុន្តែ តួលេខស្ដីពីអ្នកស្លាប់ និងរងរបួសមិនទាន់ត្រូវបានឱ្យដឹងនៅឡើយ។
រថយន្តពន្លត់អគ្គិភ័យ ៣៦ គ្រឿង និងបុគ្គលិក ២៨០ នាក់ មកពី ១៧ ស្ថាប័នត្រូវបានបញ្ជូនទៅកាន់អគារ China Telecom។ ការប្រឹងប្រែងរបស់ក្រុមសង្គ្រោះនេះនៅតែបន្តធ្វើឡើង។
…