ប្រធានអង្គការសុខភាពពិភពលោក (WHO) កាលពីម្សិលមិញ បានអះអាងថា ពិភពលោកកំពុងតែស្ថិតក្នុងដំណាក់កាលមានអំណោយផលល្អបំផុតដើម្បីបញ្ចប់ជំងឺរាតត្បាតសកលកូវីដ-១៩។
លោក Tedros ប្រធាន WHO បានឱ្យដឹងថា តួលេខនៃករណីឆ្លងថ្មី និងស្លាប់ដោយសារកូវីដ-១៩ ប្រចាំសប្ដាហ៍ បានថយចុះមកទាបបំផុតរាប់ចាប់តាំងពីជំងឺរាតត្បាតនេះបានផ្ទុះឡើងកាលពីខែមីនា ២០២០។ លោក Tedros បានអំពាវនាវដល់ពិភពលោក ឱ្យក្ដាប់យកឱកាសនេះដើម្បីបញ្ចប់ការរាតត្បាតរបស់កូវីដ-១។
បើទោះជាយល់ថា នឹងអាចមានការផ្ទុះឆ្លងនាពេលអនាគត ប៉ុន្តែ WHO បញ្ជាក់ថា ពិភពលោកមានឧបករណ៍ជាច្រើនដូចជា វ៉ាក់សាំង និងថ្នាំព្យាបាលជាដើម ដែលអាចការពារអ្នកជំងឺមិនឱ្យធ្លាក់ខ្លួនឈឺធ្ងន់ ឬស្លាប់។
