ថ្ងៃទី ១៥ កញ្ញានេះ ព្យុះ Muifa បក់បោកចូលដល់ខណ្ឌ Fengxian នៃទីក្រុងសៀងហៃ ភាគខាងកើតប្រទេសចិន បណ្ដាលឱ្យកើតមានភ្លៀងធំ ទឹកជំនន់ និងបាក់ដី នាំឱ្យមនុស្សប្រមាណ ១.៦ លាននាក់ត្រូវភៀសខ្លួនទៅកាន់ទីសុវត្ថិភាព។
ទូរទស្សន៍ជាតិចិន (CCTV) បានរាយការណ៍ថា ដោយមានកម្លាំងឡើងដល់ ១២៥ គីឡូម៉ែត្រ/ម៉ោង Muifa គឺជាព្យុះកំណាចបំផុតដែលបានបក់បោកមកលើទីក្រុងសៀងហៃ ដែលមានប្រជាជន ២៥ លាននាក់ រាប់ចាប់ពីឆ្នាំ ១៩៤។ បច្ចុប្បន្ន មិនទាន់មានរបាយការណ៍អំពីតួលេខនៃការស្លាប់ ឬរបួសដោយសារព្យុះនេះនៅឡើយ។
ក៏ប៉ុន្តែ ប្រភពព័ត៌មានបានឱ្យដឹងថា យ៉ាងហោចណាស់មានមនុស្សចំនួន ៤២៦,០០០ នាក់ ត្រូវបានឈ្លៀសទៅរកកន្លែងសុវត្ថិភាព និង ១.២ លាននាក់ផ្សេងទៀតត្រូវបាននាំទៅកាន់ជម្រកបណ្ដោះអាសន្ននៅក្នុងខេត្ត Zhejiang ដែលនៅក្បែរនោះ។
ភ្លៀងធំក៏បានបង្កឱ្យមានការកកស្ទះចរាចរណ៍ និងជំនន់ទឹកភ្លៀងក្នុងស្រុកមួយចំនួននៅតំបន់វាលរាបទន្លេYangtze ដែលជាមជ្ឈមណ្ឌលផលិតដ៏ធំមួយរបស់ពិភពលោក។ ចំណែកជើងហោះហើរជាច្រើននៅក្នុងតំបន់នេះ ក៏ត្រូវបានលុបចោល ឬពន្យារពេល។
មួយថ្ងៃមុនការវាយប្រហារចូលដល់ ទីក្រុងសៀងហៃ ព្យុះ Muifa បានបក់បោកលើ ទីក្រុងសហ្សូសាន នៃខេត្ត ហ្សឺជាំង ផងដែរ៕