ក្រុមមន្ត្រីចិន នាំគ្នាឆ្លងកាត់ព្រៃ និងជ្រោះ នៅក្នុងបេសកកម្មជួយសង្គ្រោះ បន្ទាប់ពីហេតុការណ៍រញ្ជួយដីកម្លាំង ៦.៦ រិចទ័រ បានកើតឡើងនៅក្នុងខេត្ត Sichuan បណ្ដាលឱ្យមនុស្សយ៉ាងតិច ៤៦ នាក់បាត់បង់ជីវិត។
ខេត្ត Sichuan កាលពីថ្ងៃទី ០៥ កញ្ញា ទទួលរងគ្រោះរញ្ជួយដីដ៏ធំមួយ នាំឱ្យកក្រើកទីក្រុង Kangding ដែលមានប្រជាជនប្រហែល ១ សែននាក់កំពុងរស់នៅ រួមនឹងទីប្រជុំជនជាច្រើនផ្សេងទៀត។ ទូរទស្សន៍ចិន CCTV ឱ្យដឹងថា យ៉ាងហោចណាស់មានមនុស្ស ៤៦ នាក់បានស្លាប់ និងរាប់សិបនាក់រងរបួស និងបាត់ខ្លួន។
កងកម្លាំងជួយសង្គ្រោះរាប់ពាន់នាក់ កំពុងញាប់ដៃញាប់ជើងចូលរួមស្វែងរក និងជួយសង្គ្រោះជនរងគ្រោះនៅក្រោយហេតុការណ៍រញ្ជួយដីនេះ។
