ឃ្លាំងអាវុធមួយកន្លែងរបស់ រុស្ស៊ី ដែលបានឆេះកាលពីយប់មិញ ស្ថិតនៅក្នុងភូមិ Timonovo ក្បែរព្រំដែនអ៊ុយក្រែន នេះបើតាមអភិបាលតំបន់ Belgorod (រុស្ស៊ី) លោក Vyacheslav Gladkov។
លើបណ្ដាញសង្គម Telegram លោក Gladkov បានឱ្យដឹងថា ប្រជាពលរដ្ឋក្នុងកំពុងត្រូវបានឈ្លៀសពីភូមិ Timonovo និង Soloti ទៅកាន់ទីសុវត្ថិភាព។
កងកម្លាំងជួយសង្គ្រោះបានទៅដល់កន្លែងកើតហេតុ ហើយមូលហេតុនៃករណីអគ្គិភ័យនេះក៏កំពុងត្រូវបានស្រាវជ្រាវ។
ចាប់តាំងពី រុស្ស៊ី បានបើកយុទ្ធនាការយោធាពិសេសនៅ អ៊ុយក្រែន ទីតាំងសំខាន់ៗជាច្រើនរបស់ រុស្ស៊ី ដែលស្ថិតនៅក្បែរព្រំដែនអ៊ុយក្រែន ត្រូវរងការវាយប្រហារពីយន្តហោះគ្មានមនុស្សបើក (UAV) ជាដើម ក្នុងនោះមានតំបន់ Belgorod, Bryansk និង Kursk។
