កងទ័ពចិន បញ្ជូនយន្តហោះចម្បាំងជាច្រើនគ្រឿង ឱ្យទៅហោះឆ្លងកាត់បន្ទាត់កណ្ដាលនៅលើច្រកសមុទ្រតៃវ៉ាន់ នាំឱ្យ ទីក្រុងតៃប៉ិ បញ្ចេញកម្លាំងតាមដាន។
«នាវា ៦ គ្រឿង និងយន្តហោះយោធា ២២ គ្រឿងរបស់ ប្រទេសចិន បង្ហាញវត្តមាននៅជុំវិញ កោះតៃវ៉ាន់ ក្នុងថ្ងៃទី ១៤ សីហា។ ក្នុងចំណោមនោះ មានយន្តហោះ ១១ គ្រឿង ធ្វើសកម្មភាពនៅភាគខាងកើតនៃបន្ទាត់កណ្ដាល និងតំបន់កំណត់អត្តសញ្ញាណការពារដែនអាកាស (ADIZ) នៅភាគនិរតីនៃកោះ» ស្ថាប័នការពារជាតិរបស់ តៃវ៉ាន់ ប្រកាសឱ្យដឹងដូច្នេះ។
យន្តហោះ ១០ គ្រឿងរបស់ ចិនដីគោក ហោះឆ្លងបន្ទាត់កណ្ដាល (median line) ដែលត្រូវបានគេយល់ថាជាបន្ទាត់ខណ្ឌចែកច្រក សមុទ្រតៃវ៉ាន់។ ក្នុងចំណោមយន្តហោះទាំងនោះ មាន Su-30 ៤ គ្រឿង, J-10 ចំនួន ២ គ្រឿង, J-11 ២ គ្រឿង និង J-16 ២ គ្រឿង។ យន្តហោះព្រមានរហ័ស KJ-500 ធ្វើសកម្មភាពនៅក្នុងតំបន់ ADIZ របស់ តៃវ៉ាន់ ប៉ុន្តែ មិនបានចូលមកក្បែរច្រកសមុទ្រ។
ប្រកាសរបស់ អាជ្ញាធរតៃវ៉ាន់ បានបញ្ជាក់ថា «កងកម្លាំងការពារតៃវ៉ាន់ បានតាមដានយ៉ាងម៉ត់ចត់ចំពោះស្ថានការណ៍ និងបានបញ្ជូនយន្តហោះចម្បាំង នាវាចម្បាំង និងប្រព័ន្ធមីស៊ីលនៅលើដី ដើម្បីប្រតិកម្ម»។
