Skip to content

ថត​បាន​សកម្ម​ភាពយ​ន្ត​ហោះ​ធ្លាក់ និង​ផ្ទុះ​ឆេះ ពេល​កំពុង​ព្យាយាម​ចុះចត​លើផ្លូវ​រថយន្ត

(សហរដ្ឋ​អាម៉េរិក)-យន្តហោះ​ធុន​តូច ១ គ្រឿង កាលពី​រសៀល​ថ្ងៃទី ០៩ សីហា បាន​ហោះ​ធ្លាក់​មកលើ​ផ្លូវ​ល្បឿន​លឿន​នៅ​ភាគខាងត្បូង​នៃ​រដ្ឋ California និង​បាន​ផ្ទុះ​ឆេះ ​គួរឱ្យ​រន្ធត់។

យោងតាម នាយកដ្ឋាន​ជាតិ​គ្រប់គ្រង​អាកាសចរណ៍​របស់ សហរដ្ឋ​អាម៉េរិក យន្តហោះ​ដែល​ដឹក​មនុស្ស ២ នាក់​នេះ បាន​ធ្លាក់​នៅលើ​ផ្លូវ​ល្បឿន​លឿន ៩១ នៅក្នុង​ទីក្រុង Corona ដែល​ស្ថិតក្នុង​ខណ្ឌ Riverside មាន​ចម្ងាយ​ប្រហែល ៨០ គីឡូម៉ែត្រ​ទៅ​ទិសខាងកើត​របស់ Los Angeles។

វីដេអូ​ដែល​បាន​បង្ហោះ​លើ​បណ្ដាញ​សង្គម ​បង្ហាញថា យន្តហោះ​នេះ​ធ្លាក់​នៅ​កណ្ដាលផ្លូវ​ដែលមាន​រថយន្ត​ជាច្រើន​កំពុង​បរ​​ពេញ​ផ្លូវ និង​បាន​ផ្ទុះ​ឆេះ​នៅពេល​វា​រុល​ក្បាល​ទៅខាង​ស្ដាំដៃ​របស់​វា​ និង​បុក​ទៅនឹង​ជញ្ជាំង​ផ្លូវ។

អង្គភាព​ពន្លត់​អគ្គិភ័យ Corona បានឱ្យដឹងថា មនុស្ស ២ នាក់​នៅលើ​យន្តហោះ​បាន​រួច​ផុតពី​ការគ្រោះ​ថ្នាក់​នេះ​ ហើយក៏​មិនបាន​រងរបួស​ធ្ងន់ធ្ង​រ​អ្វីដែល បើ​ទោះ​វា​បាន​ប៉ះទង្គិច​នឹង​រថយន្ត​ទ្រុង ១ គ្រឿង។ ក្នុង​ហេតុ​ការណ៍​នេះ​ក៏​មិនបាន​បង្ក​គ្រោះថ្នាក់​ដល់​អ្នកដទៃនោះ​ដែរ។ អគ្គិភ័យ​នៅ​កន្លែងកើតហេតុ​ត្រូវបាន​គ្រប់គ្រង​ទាន់ពេល​វេលា​ក្រោយពី​ក្រុម​ពន្លត់​អគ្គិភ័យ​បាន​ទៅដល់ ប៉ុន្តែ យន្តហោះ​ត្រូវ​ខូច​ខាត​ទាំង​ស្រុង។

Leave a Reply

Your email address will not be published. Required fields are marked *