កូរ៉េខាងត្បូង បានអនុម័តកញ្ចប់ថវិកា ៣,៩៤០ ពាន់លានវ៉ុន ដើម្បីទិញយន្តហោះចម្បាំងបំបាំងកាយ F-35A ប្រហែល ២០ គ្រឿងទៀត ពី សហរដ្ឋអាម៉េរិក ដើម្បីបង្កើនសមត្ថភាពកំញើញចំពោះ កូរ៉េខាងជើង។
តាមគម្រោ កូរ៉េខាងត្បូង នឹងចំណាយ ៣,៩៤០ ពាន់លានវ៉ុន (២.៩៧ ពាន់លានដុល្លារអាម៉េរិក) ដើម្បីទិញយន្តហោះចម្បាំងបំបាំងកាយ F-35A ពីក្រុមហ៊ុនការពារជាតិរបស់ សហរដ្ឋអាម៉េរិក Lockheed Martin។
កម្មវិធីទិញយន្តហោះប្រហែល ២០ គ្រឿងនេះនឹងត្រូវបានអនុវត្តរហូតដល់តរហូតដល់ឆ្នាំ ២០២៨ ប៉ុន្តែគម្រោងនេះអាចនឹងត្រូវបានកែសម្រួល បន្ទាប់ពីការស្រាវជ្រាវលម្អិត នេះបើតាមការឱ្យដឹងកាលពីថ្ងៃទី ១៥ កក្កដា របស់ស្ថាប័នគ្រប់គ្រងកម្មវិធីទិញអាវុធ (DAPA) នៃ ប្រទេសកូរ៉េខាងត្បូង។
ក្រៅពីនេះ កូរ៉េខាងត្បូង ថែមទាំងបានអនុម័តគម្រោងចំណាយ ១,៤០០ ពាន់លានវ៉ុនទៀត ដើម្បីទិញឧទ្ធម្ភាគ ចក្រ CH-47F Chinook ចំនួន ១៨ គ្រឿងដែលផលិតដោយក្រុមហ៊ុន Boeing ដើម្បីជំនួសឧទ្ធម្ភាគចក្រ CH-47D។
កូរ៉េខាងត្បូង កាលពីពីខែមករា បានបង្ហើយការទិញយន្តហោះចម្បាំង F-35A ពីនួន ៤០ គ្រឿង ពី សហរដ្ឋអាម៉េរិក។
គម្រោងខាងលើរបស់ កូរ៉េខាងត្បូង ត្រូវបានធ្វើឡើងក្នុងបំណងទប់ទល់នឹងការគំរាមកំហែងនៃអាវុធនុយក្លេអែរ របស់ កូរ៉េខាងជើង ដែលបាន និងកំពុងសាកល្បងអាវុធថ្មីជាបន្តបន្ទាប់៕
