បណ្ដាញសារព័ត៌មានជាតិ ERT របស់ ក្រិក បានរាយការណ៍ថា មនុស្ស ២ នាក់បានស្លាប់ និង ២ នាក់ផ្សេងទៀតត្រូវបានជួយសង្គ្រោះ នៅពេលឧទ្ធម្ភាគចក្រមួយគ្រឿងបានធ្លាក់លើសមុទ្រ Aegean ក្បែរកោះ Samos របស់ប្រទេសនេះ កាលពីថ្ងៃទី ១៣ កក្កដា ក្នុងគ្រាកំពុងពន្លត់ភ្លើងព្រៃ។
ប្រកាសរបស់ អង្គភាពពន្លត់អគ្គិភ័យក្រិក បានបញ្ជាក់ថា មនុស្ស ៤ នាក់នៅលើឧទ្ធម្ភាគចក្រ ER-MHY (Mi-MTV-1) ដែលជួបគ្រោះថ្នាក់ រួមមាន ពលរដ្ឋបរទេស ៣ នាក់ និងពលរដ្ឋក្រិកម្នាក់។
យោងតាមទីភ្នាក់ងារសារព័ត៌មានជាតិ AMNA របស់ ក្រិក បុគ្គលិកពន្លត់អគ្គិភ័យចំនួន ៣៨ នាក់ និងរថយន្តពន្លត់អគ្គិភ័យ ១៥ គ្រឿង កំពុង «ប្រយុទ្ធ» នឹងភ្លើងព្រៃនៅលើកោះ Samos នៅឡើយ។ ប៉ុន្តែ ការប្រឹងប្រែងរបស់ពួកគេ បច្ចុប្បន្នជួបការលំបាកដោយសារតែមានខ្យល់ខ្លាំង។
មុននោះ ERT និង ការិយាល័យពន្លត់អគ្គិភ័យក្រិក បានប្រកាសថា ឧទ្ធម្ភាគចក្រមួយគ្រឿងដែលដឹកមនុស្ស ៤ នាក់ បានធ្លាក់លើសមុទ្រនៅពេលកំពុងបំពេញបេសកកម្មពន្លត់ភ្លើងឆេះព្រៃនៅលើកោះ Samos។
យោងតាម ERT មនុស្ស ២ នាក់នៅលើឧទ្ធម្ភាគចក្រដែលបានជួបគ្រោះថ្នាក់នោះ ត្រូវបានក្រុមល្បាតមួយក្រុមជួយសង្គ្រោះទាន់ពេល៕
