ប្រទេសអាល្លឺម៉ង់ នឹងជញ្ជូនរថក្រោះ IFV ឱ្យ ក្រិក ដើម្បី ទីក្រុងអាថែន (Athens) អាចប្រគល់អាវុធជំនាន់ សូវៀត ឱ្យ អ៊ុយក្រែន។
ទំព័រ EURACTIV.fr កាលពីថ្ងៃទី ០១ មិថុនា ឱ្យដឹងថា នាយករដ្ឋមន្ត្រីអាល្លឺម៉ង់ Ola Scholz ប្រកាសថា បានសម្រេចកិច្ចព្រមព្រៀងមួយជាមួយ ក្រិក ដែលអនុញ្ញាតឱ្យផ្ទេរអាវុធឱ្យ អ៊ុយក្រែន។
លោក Scholz បកស្រាយថា ការផ្ដល់ជំនួយជាអាវុធឱ្យ អ៊ុយក្រែន ដោយវិធី «បណ្ដាប្រទេសដែលមានអាវុធពីជំនាន់ សូវៀត» អាចប្រគល់អាវុធរបស់ពួកគេឱ្យ អ៊ុយក្រែន គឺដូចទៅនឹងកិច្ចព្រមព្រៀងដោះដូរចង្វាក់ផលិតកម្មជាមួយ ឆែក។
នាយករដ្ឋមន្ត្រី Scholz មិនបានលើកឡើងច្បាស់អំពីរថក្រោះដែល ទីក្រុងបែរឡាំង នឹងប្រគល់ឱ្យ ក្រិក ឬអាវុធប្រភេទណាដែល ទីក្រុងអាថែន នឹងផ្ទេរទៅឱ្យ ទីក្រុងកៀវ ប៉ុន្តែ ឱ្យដឹងថា «ក្រសួងការពារជាតិរបស់ប្រទេសទាំងពីរនេះ នឹងធ្វើការលម្អិត ហើយអនុវត្តកិច្ចព្រមព្រៀងនេះឱ្យបានឆាប់រហ័ស»។
យោងតាមប្រភពព័ត៌មានការពារជាតិមួយ ទីក្រុងបែរឡាំង មានគោលដៅផ្ដល់រថក្រោះ IFV Marder ចាស់ៗប្រហែល ១០០ គ្រឿង ទៅឱ្យ ក្រិក។ ជំនួសមកវិញ ទីក្រុងអាថែន នឹងផ្ដល់រថក្រោះ IFV BMP ប្រភេទសូវៀត ទៅឱ្យ អ៊ុយក្រែន។