យាន SpaceX ដឹកអ្នកអវកាសរបស់ ណាសា និង ទីភ្នាក់ងារអវកាសអឺរ៉ុប បានត្រលប់មកដល់ផែនដីដោយសុវត្ថិភាព បន្ទាប់ពីបានហោះហើរ ២៣.៥ ម៉ោង។
នៅវេលាម៉ោង ០០ និង ៤៣ នាទី ព្រឹកថ្ងៃទី ៦ ឧសភា (ម៉ោង ១១ និង ៤៣ នាទី នៅ ភ្នំពេញ) យានអវកាស Dragon Endurance ដឹកអ្នកអវកាស Kayla Barron, Raja Chari, Tom Marshburn របស់ ណាសា និង Matthias Maurer របស់ ទីភ្នាក់ងារអវកាសអឺរ៉ុប (ESA) បានចុះចតលើផ្ទៃសមុទ្រ Tampa នៅ Florida សហរដ្ឋអាម៉េរិក ដោយឆត្រយោង ហើយនេះគឺជាការបញ្ចប់បេសកកម្ម Crew-៣ បន្ទាប់ពីពួកគេបានធ្វើការនៅលើស្ថានីយអវកាសអន្តរជាំតិ (ISS) អស់រយៈពេល ៦ ខែ។
ក្នុងបេសកកម្មរបស់ខ្លួន អ្នកអវកាស ៤ រូបនេះ បានធ្វើការពិសោធផ្នែកវិទ្យាសាស្ត្ររាប់រយលើក រួមមានទាំងការដាំដើមម្ទេស ច្នៃបង់រុំរបួសអភិវឌ្ឍពីកោសិកាស្បែក ការស្រាវជ្រាវបេតុងបង្កករឹង និងតាមដានផែនដី។ល។
