ប្រភពព័ត៌មានពី ទីក្រុងរ៉ូម ឱ្យដឹងថា ចាប់ពីថ្ងៃទី ១ ឧសភា ២០២២ រដ្ឋាភិបាលអ៊ីតាលី ដកហូតវិធានការទប់ស្កាត់កូវីដ-១៩ ស្ទើរតែទាំងអស់ដែលនៅសល់របស់ប្រទេសនេះ។
យោងតាមការកំណត់ថ្មី ប្រជាជននឹងមិនចាំបាច់បង្ហាញ «ប័ណ្ណបៃតង» ដែលជាលិខិតបញ្ជាក់ថា បានចាក់វ៉ាក់សាំងកូវីដ-១៩ ឬបានជាពីជំងឺកូវីដ-១៩ ឬមួយបានទទួលលទ្ធផលតេស្តអវិជ្ជមានក្នុងរយៈពេលពី ៤៨ ទៅ ៧២ ម៉ោង នៅពេលចូលក្នុងភោជនីយដ្ឋាន បណ្ឌលសុខភាព បន្ទប់ហាត់ប្រាណ ទីតាំងប្រារព្ធព្រឹត្តិការណ៍កីឡា ក្លឹបរាត្រី និងកិច្ចប្រជុំទៀតឡើយ។
ប្រជាជនអ៊ីតាលី ក៏លែងត្រូវបានបង្ខំឱ្យពាក់ម៉ាសនៅពេលចូលទៅក្នុងការិយាល័យនានារបស់រដ្ឋាភិបាល ហាងទំនិញ ធនាគារ ប្រៃសណីយ៍ ភោជនីយដ្ឋាន និងការិយាល័យស្ទើរតែទាំងអស់ បើទោះជាម៉ាសនៅតែត្រូវបានលើកទឹកចិត្តឱ្យប្រើប្រាស់។
ប៉ុន្តែ ប្រជាជនត្រូវស្នើឱ្យពាក់ម៉ាសនៅក្នុងទីតាំងបិទជិតមួយចំនួន ដូចជានៅក្នុងមធោយបាយធ្វើដំណើរសាធារណៈ សាលមហោស្រព និងរោងភាពយន្ត រហូតដល់ថ្ងៃទី ១៥ មិថុនា និងនៅក្នុងសាលារៀនរហូតដល់ចប់ឆ្នាំសិក្សា។ ប្រជាជននៅតែតម្រូវឱ្យបង្ហាញប័ណ្ណបៃតងដែលបញ្ជាក់ថា បានចាក់វ៉ាក់សាំង ឬបានជាពីជំងឺកូវីដ-១៩ នៅពេលចូលក្នុងមន្ទីរពេទ្យ និងសាលថែទាំចាស់ជរា រហូតដល់ចុងឆ្នាំ ២០២២។
យោងតាមទិន្នន័យផ្លូវការ ប្រជាជនអ៊ីតាលី ប្រហែល ៨៤% បានចាក់វ៉ាក់សាំងកូវីដ-១៩ ពេញលេញ ខណៈដែលជាង ៦៥% បានចាក់ដូសទី ។ ចំណែកក្មេងដែលមានអាយុចាប់ពី ៥ ដល់ ១១ ឆ្នាំ ក៏បានចាក់វ៉ាក់សាំងពេញលេញរួចហើយ។