វិទ្យុ Polskie ផ្សាយថា ទីក្រុងវ៉ាសូវី (Warsaw) បានផ្ដល់ជំនួយយោធាដល់ អ៊ុយក្រែន សរុបតម្លៃ ៧ ពាន់លានដុល្លារអាម៉េរិក រាប់ចាប់តាំងពី រុស្ស៊ី បានបើកការឈ្លានពានលើ អ៊ុយក្រែន។
ប្រភពព័ត៌មានឱ្យដឹងថា សព្វាវុធដែល ប៉ូឡូញ បានផ្ដល់ឱ្យ អ៊ុយក្រែន រួមមាន រថក្រោះ T-៧២ ផលិតដោយ សូវៀត ចំនួន ២០០ គ្រឿង, រថក្រោះ Gvozdika របស់សិបគ្រឿង, ប្រព័ន្ធទម្របាញ់គ្រាប់មីស៊ីល Grad ច្រើនឈុត, មីស៊ីលសម្រាប់យន្តហោះចម្បាំង MIG-២៩ និង Su-២៧ រួមនឹងគ្រាប់រំសេវ និងយន្តហោះគ្មានមនុស្សបើកជាច្រើនគ្រឿងដែលប្រទេសនេះអភិវឌ្ឍ និងផលិតដោយខ្លួន។
ក្រុមអ្នកតាមដានស្ថានការណ៍ឱ្យដឹងថា នៅមុនការកើតសង្គ្រាមនៅ អ៊ុយក្រែន ប្រទេសប៉ូឡូញ មានរថក្រោះក្នុងដៃប្រហែល ៤០០ គ្រឿង។ ប្រការនេះមានន័យថា ទីក្រុងវ៉ាសូវី បានផ្ដល់រថយន្តប្រហែលពាក់កណ្ដាលរបស់ខ្លួន ឱ្យ អ៊ុយក្រែន ដើម្បីទប់ទល់នឹង រុស្ស៊ី។
លោក Wojciech Skurkiewicz អនុរដ្ឋមន្ត្រីក្រសួងការពារជាតិប៉ូឡូញ បញ្ជាក់ថា ទីក្រុងវ៉ាសូវី បានផ្ដល់ជំនួយផ្នែកយោធាដល់ ទីក្រុងកៀវ រាប់ចាប់តាំងពីសង្គ្រមរវាង រុស្ស៊ី និង អ៊ុយក្រែន បានផ្ទុះឡើង។