រដ្ឋាភិបាលកូវ៉ែត (Kuwait) កាលពីថ្ងៃទី ២៧ មេសា ប្រកាសថា សម្រេចចិត្តដកហូតវិធានការទប់ស្កាត់ការឆ្លងជំងឺ កូវីដ-១៩ ទាំងអស់ ចាប់ពីដើមខែឧសភាខាងមុខ។
យោងតាមការសម្រេចខាងលើនេះ ការពាក់ម៉ាសលែងជាវិធានការតម្រូវទៀតហើយ មិនថានៅក្នុងផ្ទះ ឬនៅខាងក្រៅផ្ទះ។ អ្នកដំណើរដែលចូលមកប្រទេសនេះ មិនត្រូវបានបែងចែកស្ថានភាពចាក់វ៉ាក់សាំងកូវីដ-១៩ ហើយក៏មិនបង្ខំឱ្យធ្វើតេស្ត PCR នោះដែរ។
មនុស្សគ្រប់រូបដែលបានចាក់វ៉ាក់សាំងរួចរាល់ មិនត្រូវបង្ខំឱ្យពាក់ម៉ាស នៅពេលចូលទៅទីកន្លែងសាធារណៈបិទជិត។ ចំណែកអ្នកដែលប៉ះពាល់ផ្ទាល់ជាមួយនឹងករណីវិជ្ជមាននឹង កូវីដ-១៩ ក៏មិនត្រូវតម្រូវឱ្យធ្វើចត្តាឡីស័ក ហើយការធ្វើតេស្ត PCR ត្រូវធ្វើឡើងនៅក្នុងតែករណីមានរោគសញ្ញាធ្ងន់ធ្ងររយៈពេល ១៤ ថ្ងៃ រាប់ចាប់ពីថ្ងៃប៉ះពាល់ចុងក្រោយ។
សម្រាប់អ្នកទាំងឡាយដែលត្រូវបានបញ្ជាក់ថា ឆ្លងកូវីដ-១៩ នឹងត្រូវធ្វើចត្តាឡីស័កក្នុងផ្ទះ ៥ ថ្ងៃ រាប់ចាប់ពីថ្ងៃទទួលបានលទ្ធផលវិជ្ជមាន ព្រមទាំងតម្រូវឱ្យពាក់ម៉ាសផងដែរ។
