អនុរដ្ឋមន្ត្រីរបស់ ប្រទេសប៉ូឡូញ Mateusz Morawiecki កាលពីថ្ងៃទី ២៧ មេសា បានថ្លែងថា រុស្ស៊ី បានទទួលជោគជ័យក្នុងការទប់ទល់នឹងទណ្ឌកម្មរបស់ បស្ចិមលោក ហើយលោកស្រីក៏បានសម្ដែងការសោកស្ដាយចំពោះការពិតនេះ។
យោងតាមដំណឹងពី RT លោក Morawiecki បានប្រាប់ក្រុមអ្នកយកព័ត៌មានថា «មកដល់ពេលនេះ យើងឃើញថា រុស្ស៊ី កំពុងតែទប់ទល់នឹងទណ្ឌកម្មបានយ៉ាងល្អ ដូច្នេះ ដើម្បីដោះស្ដារស្ថានកាណ៍នេះ ប៉ូឡូញ នឹងស្រាវជ្រាវ កសាងទណ្ឌកម្មថ្មី»។
រុស្ស៊ី បានបង្ហាញឱ្យឃើញថា បណ្ដាប្រទេសដែលមិនជិតស្និទ្ធ បានទទួលបរាជ័យក្នុងផែនការ «ច្របាច់ក រុស្ស៊ី» នៅក្នុងវិស័យសេដ្ឋកិច្ច។ ប្រធានាធិបតីរុស្ស៊ី លោក ពូទីន កាលពីថ្ងៃទី ២៧ មេសា បានថ្លែងថា រុស្ស៊ី បានទប់ស្កាត់ទណ្ឌកម្មបានដោយជោគជ័យ ដោយមិនដួលរលំ។
យោងតាមលោក ពូទីន រុស្ស៊ី នឹងឆ្លើយតបទៅនឹងទណ្ឌកម្មទាំងនោះ ដោយស្មារតីបើកទូលាយជាងមុន ចំពោះសកម្មភាពជំនួញ ទំនាក់ទំនងសហប្រតិបត្តិការស្មោះត្រង់ គោរព និងការពារដល់ម្ចាស់អាជីវកម្ម និងក្រុមអ្នកជំនួញល្អ។
ចំណែក ប្រធានគណៈកម្មការអឺរ៉ុប Ursula von der Leyen បានប្រកាសថា សហភាពអឺរ៉ុប (EU) កំពុងពិចារណាលើគម្រោងដាក់ទណ្ឌកម្មថ្មី ដើម្បីប្រឆាំងនឹង រុស្ស៊ី ទាក់ទងនឹងសង្គ្រាមនៅ អ៊ុយក្រែន។ លោកស្រី Ursula បញ្ជាក់ថា «កញ្ចប់ទណ្ឌកម្មទី ៦ នឹងមានប្រសិទ្ធភាព»។
