អង្គការសុខភាពពិភពលោក (WHO) ប្រកាសថា តួលេខនៃករណីវិជ្ជមាននឹង កូវីដ-១៩ កំពុងកើនឡើង បើទោះជាប្រទេសមួយចំនួនបានរាយការណ៍ថា អត្រាវិជ្ជមានកំពុងថយចុះ។
WHO កាលពីថ្ងៃទី ១៦ មីនា បានឱ្យដឹងថា ក្រោយរយៈពេលជាង ១ ខែ ដែលបានថយចុះ តួលេខវិជ្ជមាននឹង កូវីដ-១៩ នៅទូទាំងពិភពលោក បានចាប់ផ្ដើមកើនឡើងតាំងពីសប្ដាហ៍កន្លង។
តំបន់មួយចំនួននៅ ទ្វីបអាស៊ី ត្រូវដាក់បម្រាមគោចរ ដោយសារករណីវិជ្ជមាននឹង កូវីដ-១៩ កើនឡើងឆាប់រហ័ស ក្នុងនោះមាន ហុងកុង និងខេត្តមួយចំនួនទៀតរបស់ ប្រទេសចិន។
យោងតាម WHO ការកើនឡើងនៃតួលេខអ្នកវិជ្ជមាននឹង កូវីដ-១៩ នេះ បណ្ដាលមកពីកត្តាជាច្រើន ក្នុងនោះមានដូចជា វ៉ារ្យ៉ង់ អូមីក្រុង ដែលមានសមត្ថភាពឆ្លងរាលដាលខ្ពស់ និងវត្តមានរបស់ វ៉ារ្យ៉ង់បន្ទាប់ BA.២ របស់ អូមីក្រុង ក៏ដូចជាការដកវិធានការរក្សាគម្លាតសង្គម និងសុខាភិបាលសាធារណៈ។
