កាលពីថ្ងៃទី ១៥ មីនា រដ្ឋាភិបាលវៀតណាម បានសម្រេចចិត្តលើកលែងទិដ្ឋាការចំពោះពលរដ្ឋនៃប្រទេសចំនួន ១៣ ជាឯកតោភាគី។
ការលើកលែងទិដ្ឋាការជាឯកតោភាគីនេះត្រូវបានអនុវត្តចាប់ពីថ្ងៃទី ១៥ មីនា ២០២២ ដល់ថ្ងៃទី ១៤ មីនា ២០២៥ ហើយនឹងត្រូវពិនិត្យលើការពន្យារពេលនាបន្តទៀតនៅពេលវាអស់សុពលភាព។
បណ្ដាប្រទេសដែលត្រូវបាន វៀតណាម លើកលែងទិដ្ឋាការជាឯកតោភាគី រួមមាន អាល្លឺម៉ង់, អ៊ីតាលី, បារាំង, អេស្ប៉ាញ, អង់គ្លេស, រុស្ស៊ី, ជប៉ុន, កូរ៉េខាងត្បូង, ដាណឺម៉ាក, ស៊ុយអែត, ន័រវែស, ហ្វាំងឡង់ និង បេឡារូស។ ការស្នាក់នៅដែលអនុវត្តតាមការលើកលែងទិដ្ឋាការនេះ គឺមានរយៈពេល ១៥ ថ្ងៃ។
