រាល់សកម្មភាពនៃការរស់នៅ តាំងពីការហូបចុក ដេកពួន និងការព្យាបាលជំងឺរបស់ ប្រជាជនអ៊ុយក្រែន ត្រូវបានធ្វើឡើងនៅក្នុងបន្ទប់លាក់ខ្លួនក្រោមដី ក្នុងគ្រាដែលមានសំឡេងស៊ីរ៉ែនប្រកាសអាសន្នអំពីការវាយប្រហារតាមអាកាស។
ប្រជាការពារស្ម័គ្រចិត្តរបស់ អ៊ុយក្រែន កំពុងឈានជើងចុះមកកាន់បន្ទប់លាក់ខ្លួនក្រោមដីកាលពីថ្ងៃទី ២៨ កុម្ភៈ នៅពេលសំឡេងស៊ីរ៉ែនប្រកាសអាសន្នអំពីលទ្ធភាពនៃការកើតមានការប្រយុទ្ធគ្នាក្នុងតំបន់មួយរបស់ រដ្ឋធានីកៀវ ជាទីដែលក្រុមស្ម័គ្រចិត្ត និងទាហានអ៊ុយក្រែន កំពុងត្រៀមរួចរាល់ដើម្បីប្រយុទ្ធ។
Nastya អាយុ ២៤ ឆ្នាំ ជាអ្នកស្ម័គ្រចិត្តម្នាក់ កំពុងជក់បារីនៅខាងក្រោមច្រកចូលរបស់បន្ទប់លាក់ខ្លួនក្រោមដី នៅក្នុងមូលដ្ឋានមួយ នា រដ្ឋធានីកៀវ កាលពីថ្ងៃទី ២៨ កុម្ភៈ។ ក្រុមអ្នកស្ម័គ្រចិត្តនេះត្រូវបានបណ្ដុះបណ្ដាលផ្នែកយោធានៅមូលដ្ឋានទ័ព និងត្រៀមខ្លួនរួចរាល់ដើម្បីចូលសមរភូមិ។
ស្ត្រីជនជាតិអ៊ុយក្រែន កំពុងរៀបចំអាហារសម្រាប់កងកម្លាំងប្រជាជនស្ម័គ្រចិត្ត នៅក្នុងបន្ទប់លាក់ខ្លួនក្រោមដី។
ប្រជាជននៅ Sievierodonetsk ខេត្ត Luhansk ភាគខាងកើតអ៊ុយក្រែន នាំគ្នាចុះលាក់ខ្លួនក្នុងបន្ទប់ក្រោមដី ក្នុងគ្រា កងទ័ពរុស្ស៊ី និងទាហានរបស់ក្រុមផ្ដាច់ខ្លួនដែលគាំទ្រដោយ រុស្ស៊ី កំពុងផ្លោងគ្រាប់យ៉ាងខ្លាំងក្លាមកលើតំបន់នេះ កាលពីថ្ងៃទី ២៨ កុម្ភៈ។
ខាងក្នុងបន្ទប់លាក់ខ្លួនក្រោមដីរបស់ប្រជាជននៅ Sievierodonetsk ក្នុងខេត្ត Luhansk ភាគខាងកើតអ៊ុយក្រែន។
ក្មេងៗ ត្រូវបានព្យាបាលជំងឺ និងរបួស នៅបន្ទប់ក្រោមដីរបស់មន្ទីរពេទ្យមួយ ជាទីដែលត្រូវបានប្រើប្រាប់សម្រាប់លាក់ខ្លួន និងគេចពីគ្រាប់បែក នៅ រដ្ឋធានីកៀវ។
កុមារមានជំងឺមហារីក កំពុងអង្គុយនិយាយគ្នាលេងនៅក្នុងបន្ទប់ក្រោមដីមួយរបស់មជ្ឈមណ្ឌលព្យាបាលជំងឺមហារីក នៅ រដ្ឋធានីកៀវ។
នៅឯ Ternopil ទីក្រុងភាគខាងលិចអ៊ុយក្រែន បន្ទប់ដាក់ផ្នូរខ្មោចក្រោមដីរបស់វិហារសាសនាមួយ ដែលជាស្ថាបត្យកម្មពីសតវត្សរ៍ទី ១៨ បច្ចុប្បន្នបានក្លាយជាជម្រកលាក់ខ្លួនសម្រាប់ប្រជាជន នៅពេលមានការបាញ់គ្នារវាង ទាហានរុស្ស៊ី និង ទាហានអ៊ុយក្រែន។
Ternopil ស្ថិតនៅចម្ងាយពី Lviv ប្រហែល ១២៨ គីឡូម៉ែត្រ ទៅទិសខាងកើត និងក្បែរព្រំដែនអ៊ុយក្រែន-ប៉ូឡូញ ដែលមានចម្ងាយពីសមរភូមិក្ដៅរាប់រយគីឡូម៉ែត្រ ប៉ុន្តែ ក៏នៅតែស្ថិតក្នុងរង្វង់ប្រតិបត្តិការនៃ មីស៊ីល របស់ រុស្ស៊ី។
ស្ត្រីម្នាក់កំពុងសូត្រធម៌នៅក្នុងបន្ទប់លាក់ខ្លួនក្រោមដី នៅ Ternopil ដែលជាទីក្រុងមួយនៅភាគខាងលិចរបស់ អ៊ុយក្រែន។
ក្នុងពេលលាក់ខ្លួនក្នុងបន្ទប់ក្រោមដី ប្រជាជនភាគច្រើនផ្ញើសារជជែកជាមួយមិត្តភក្ដិ និងញាតិរបស់ពួកគេ ឬអានសៀវភៅ និងសូត្រធម៌ជាដើម៕