មនុស្សរាប់ពាន់នាក់ នៅក្នុងទីក្រុងជាច្រើន របស់ សហរដ្ឋអាម៉េរិក នាំគ្នាចេញធ្វើបាតុកម្ម និងអំពាវនាវឱ្យឈប់ធ្វើសង្គ្រាមនៅ អ៊ុយក្រែន ក្នុងគ្រាដែលពលរដ្ឋនៅ អ៊ុយក្រែន ស្ទើរតែទាំងអស់ គាំទ្រចំណាត់ការរបស់ ប្រធានាធិបតី ហ្សេឡែនស្គី។
បាតុកម្មទាំងឡាយនៅ សហរដ្ឋអាម៉េរិក ត្រូវបានធ្វើឡើងក្នុងទីក្រុងសំខាន់ៗកាលពីថ្ងៃទី ២៧ កុម្ភៈ ក្នុងនោះ មានទាំងរដ្ឋធានីវ៉ាស៊ីងតោន និង ឈីកាហ្គោ ផងដែរ។
ក្នុងគ្រាដែលមានបាតុកម្មនៅ សហរដ្ឋអាម៉េរិក ពលរដ្ឋនៅ ប្រទេសអ៊ុយក្រែន ឯណោះវិញ ត្រូវបានគេស្ទង់មតិឃើញថា ៩១% គាំទ្រប្រធានាធិបតីបច្ចុប្បន្ន គឺលោក វ៉ូឡូឌីមៀ ហ្សេឡែនស្គី។ នេះបើតាមទិន្នន័យរបស់ក្រុមសង្គមវិទូដែលត្រូវបានប្រកាសកាលពីចុងសប្ដាហ៍មុន។ តួលេខនេះកើនឡើង ៣ ដង ធៀបនឹងខែធ្នូ ២០២។ ៦% នៃចំនួនអ្នកដែលត្រូវបានស្ទង់មតិសរុប មិនគាំទ្រ ចំណែក ៣% ទៀត មិនទាន់សម្រេចចិត្ត។
នៅពេលសួរអំពីលទ្ធភាពដែល អ៊ុយក្រែន អាចរុញច្រានកងទ័ពឈ្លានពានចេញពីប្រទេស ពលរដ្ឋចំនួន ៧០% នៃក្រុមអ្នកមនុស្សដែលត្រូវបានស្ទង់មតិខាងលើ ឆ្លើយថា «អាច»។
