Anton Herashchenko ជាទីប្រឹក្សារបស់ក្រសួងមហាផ្ទៃអ៊ុយក្រែន បានព្រមានថា កងរថក្រោះរបស់ រុស្ស៊ី អាចបើកការវាយលុកចូល រដ្ឋធានីកៀវ នៅថ្ងៃនេះ ធ្វើឱ្យ ២៥ កុម្ភៈ ក្លាយជា «ថ្ងៃដ៏លំបាកបំផុតក្នុងសង្គ្រាមនេះ»។
លោក Anton Herashchenko ឱ្យដឹងថា កម្លាំងការពាររបស់ រដ្ឋធានីកៀវ កំពុងត្រៀមខ្លួនជាស្រេច ជាមួយនឹងក្រុមរ៉ុក្កែតប្រឆាំងរថក្រោះ ដែលជាជំនួយពីបរទេស។
អនុរដ្ឋមន្ត្រីការពារជាតិអ៊ុយក្រែន Hanna Malyar ព្រមានដែរថា កងទ័ពរុស្ស៊ី អាចសម្រុកចូលតំបន់ក្បែររដ្ឋធានីនៅព្រលប់ថ្ងៃនេះ និងបន្ថែមថា អង្គភាពការពារនៅ ៤ សមរភូមិ កំពុងត្រូវរងសម្ពាធដោយសារតែទាហានរបស់ រុស្ស៊ី មានចំនួនច្រើន។
